نداء الى دكتور ... يعطيك العافية اما شو تعبت !!!!

تذكير بمساهمة فاتح الموضوع :

انا الي زاعجني اليوم ..

الظــــــــــــــــــلم .. تدايئت كتير على كتير اشخاص من رفئاتي انو كاتبين منيح بمادة العالمي ورسبو ؟؟؟

وبنت خالتي راحت عالمشفى من ورا الصدمة !!!

يعني والله احتارت كلماتي عند دموع 5 صبايا .. ماعم يعرفو شلون يتخرجوا .. وشو ماعملو ماعم يمشي الحال ..

كانت الاسئلة على حكيهون ماشي حالا وهن كاتبين منيح شلون يرسبوا ...

نداء الى دكتور :

أنت كنت طالب متلنا متلك .. تصرفك مع هالبشر وهالناس بهيك طريئة ليه ..

انت بني ادم ولح تتحاسب بالاخرة .. وكل مظلوم لح يتعلق ذنبوا برقبتك ..

بس مو ضروري احيانا انو ننطر لنموت لتتحاسب !!!

ومو ضروري تعمى عيون الطلاب ويصير عمرهون 30 سنة وتخرجهم موقف على مادة ..

اجاكون يا دكاترة تشرين تعميم انو سهلو الاسئلة وسلم التصحيح لانو وضع البلد كان بهوي ..

هاد الي طلع معكون !!!! مابستغرب لا والله ..

كل دمعة شب وصبية دائت الحياة فيون من ورى شلون اتخرج ؟؟؟

الطالب ما طلب انك تحطلو ال 50 بدون مايكتب ..

هو طلب حطلي حقي .. حطلي علامتي .. كما هي لازيادة ولا نقصان ..

اذا كانت نسبة النجاح بالمادة 30 بالمية بتقولو نسبة النجاح عالية عيدوا التصحيح !!!

نسبة النجاح بمادة اللغة فصل اول 15 بالمية !!! ليه يعني لهالدرجة الطالب عنا غبي مثلا ؟؟ شلون وصل على السنة الرابعة اذا كل الدفعة رسبانة ؟؟؟

في احتمالين اما كان في غش من الاول والنجاح كان بالمساعدة او كان غبي او انتو ماعم تحطو العلامات المزبوطة !!!!

بكلية الاقتصاد وسمعت من الطلاب في احد الكليات نسبة النجاح 85 بالمية في احد المواد عميدة الكلية الجديدة طلبت اعادة التصحيح ورفع النسبة ..

مو مهم يكون هالحكي صح ولا لا .. المهم في طلاب من السنة التالتة اقتصاد في احدى المواد الدكتورة حاطة 100 للطلاب ونسبة الرسوب ما بينحكى فيا .. و3 اشخاص من الكلية انا معهون على معرفة شخصية جابوا بالمادة 94 ؟؟؟؟؟

نحنا طلاب الانكليزي منحلم بال 50 !!!!!!!!!!!! حلم صعب المنال ...

والمية منعتبرها ما بتنحط حتى تنزل هالقدرة الالهية .. وهالشي صعب ليوم القيامة ..

لك يا عمي في طلاب عم يدرسو على حسابهون وعم يشتغلو ليجيبو حق محاضرات وكتب !!! شي بالنجارة وشي بالعمار وشي مابعرف وين!!..

وشي نازل طالع على محافظتو .. بالبرد والشتي والمطر والشمس !!!

والله حكيي لانو طاقق قلبي ..

يادكتور هدول شباااااااااااااااااااب حرام تحطم نفسيات ومعنويات فقط من اجل تحسسنا بمستوى شهادتك الرفيع ..

يا دكتور نحنا بدنا حقنا بالعلامة .. بس حقنا .. ولا تتخبى ورى جملة : اجابتك يا طالب مو اكاديمية ..

نحنا عم ندرس ادب .. وانت الاستاذ ونحنا عم نقتدي فيك .. وعم نحفظ متل ما انت بتعطينا ...

عجزت الكلمات يا جماعة والله عجزوناااااااااااااااااااااا ...

سهر وعذاب نفسي ودراسة ونضارات طبية وبالنهاية شو النتيجة راسب .. يا فرحة اهلينا فينا ..

البلد عم يتجه نحو التطوير والاصلاح ونحنا شي عم نرسب شي عم ناكل هوا ..

نحنا عنا حقوق ... ولازم نعترض على الشي الي عم يصير بكلية الاداب ..

شبكون ليش ساكتين !!! هاد حقنا يا جماعة حقنا ..

وين الرحمة يا عالم .. وين الرحمة ..


وبالنهاية هاد حكيي انا .. الي مقتنع فيه ياريت يكتبلي ردوا ...

والي مو مقتنع يكبوا ورا ضهروا ...

شـــــــــــــــــــــكرا دكتور .. والله تعبت وأنت ضيعت التعب بشحطة قلم !!!!!!!!!!!!!!

هههههههههههههههههههههههههههههههه mr onion هههههههههههههههههههههههههههههههههه

ضحكتني من ئلبي ..

وانااااااااا معك بكل كلمة ئلتها ..

والشعب يريد فرم البصل

هلا انطرلك كم يوم علي الا مايطلع معنا شي بس هلا راح رفيقنا لعند دكتورة العالمي لنشوف شو لح يصير معو ..

نورت

ما صار معي شي لان مانا موجودة مرحومة البي بمكتبا و بالاحرى ما حدى عم يجي حسب ما سمعت من رفقاتي
على العموم انا سمعت انو في طالبة عم تجمع تواقيع مشان موضوع العالمي و سلالم التصحيح و بدن يشتكوا بشكل رسمي يا بكرا يا بعدوا و كمان بجريدة الوحدة بكرا في مقال بخصوص جامعة تشرين الو علاقة غير مباشرة بهالشي يا ريت تشوفوه

هي الطالبةاللي عم تجمع تواقيع كيف ووين بدنا نلقطها لنوقع!!!!

سمعت انو صاحبنا عم يطقولو براغي

اي اي انشالله ابو الريم .. بس انشالله مايكون حاطط على كرستو صمغ مو براغي وئتا شو الحل ههههههههه

مابعرف بظن هي البنت نورنيتا هية هي البنت ..

ولح تساعدنا كتير ..

لك انا ئلتلا انو ماتغيبي مشان نتفق .. مدري وين غطت !!!!!!!!!!!!

هههههههههههههههههههههههههههه اي مبلا ئلتلي .

اي نحنا اعتراض ها .. ومظلومين ومنعرف حالنا ومعنا ادلة واثباتات هههههههههه الخ ... ماعم نسترجي نئول لحدا.

حتى نجي نزحلئوا عن الكرسي ..

ههههههههههههههههههههههههههه الله وأيدك منريدك .. الطلاب كلون معك ههههههههههههههههههههه

هئ مابدي غير هيك ... لانو افسد منو الله ماخلئ .,

بالنسبة الي مابحب المرتفعات هههههههههههههههههههه يوح يحالك

NO COMMENT I HAVE ONLY WORLD LITERATURE TO GRADUATE BUT ???????????????????????????????????????

و الله يا صديقي انا شايفلك هالادب العالمي السنة كتير صعب الله يسترنا من الدورة التالتة بس بلكي بتساعدنا شوي هالدكتورة العالمية

انا بدي مساعدة بالمقارن فصل اول ومقارن فصل تاني والكلاسيكي شو وضعهون ؟؟؟؟

ماعم اعرف شلون بدي رفعوون سااااااااااااااااااااااعدونيييييييييييييييييييييييييييي

المقارن فصل اول ما الك غير الله
بالنسبة للكلاسيكي و المقارن فصل تاني يعني في امل اذا بتدرسي بتركيز لان عاساس لينا ابراهيم ما بتظلم حدى

والله ظلمتني بالكلاسيكي الفصل الماضي ..

فوستس صعبيييييييييييييين كتير هالمواد ..

شو هو التركيز اني مثلا احفظ الكتب بصم لاعرف مين حكي هالجملة مثلا ؟؟؟

والله حراااااااااااااام اي تعبت تعبت تعبببببببببببببببببببت ..

ليكي صديقتي انا عندي هي المادة كمان ادب كلاسيكي و حاليا عم اقرا الملحمة بالانكليزي و ما رح قرب عالعربي بحياتي بس بشكل عام لازم تركزي كتير منيح بهي المادة لانو الدكتورة بتجيب ادق التفاصيل من الملحمة و اللي مو قريانا منيح ما رح ينجح بحياتو

اااااااااااااااخ ياربي ,,

ليك مابدي احبطك بس بصراحة .. حاسة مالح اتخرج ..

ولح يضل عندي لاتخرج هال 3 موااااااااااااااااد ..

لا لا ادرسي منيح و انشالله بتتخرجي عالتكميلية بس ادرسي بالانكليزي ما تقربي عالعربي

انا معك للعظم يا سنفورة والكل م\واحد موجود بالمنتدى بيعرف حسن المعرفة اللي صار معي العام الماضي وانا لحد هاللحظة حاقد ع دكاترة كلية الاداب بتشرين
وين الاصلاح والتساهل واللي عمموه عالجامعات ليش هالشذوذ بكليتنا والله يأستوني قبل ما اجي وسجل لهالدورة
يا جماعة أقسم بالله والرسول والعذراء وكل الأديان انو صار الوقت نجمع حالنا ونقدم شكوى نطرد فيها كل دكتور فاسد
اللي بدو اصلاح هو كلية الآداب بجامعتنا
انا عم اخدم عسكرية بالشام ومعي رفقاتي كمان بالآداب بجامعة دمشق وحلب حكولي شي متل الكذب والله تمنيت لو اني دارس هونيك لأنو الطالب بياخد حقو
يا أحبائي أنا واحد مقهور وبدال ماكون بالعسكرية عم تنمسح كرامتي بالأرض المفروض اني كون عم تابع دراستي لولا جلًاد الراعي وأحمد طه اللي تسبوا باستنفاذي من الجامعة وبعد ما نزلت آخر اجازة جبت اسئلة اللغة المصححة واكتشفت اني نجحان بالمادة مو راسب يا أمة محمد ولا اله الا الله أنا صار حلم عمري أكعر جلال الراعي وأحمد طه من الجامعة بدال ما يكون حلمي التخرج بتصدقوا؟؟؟؟
حان وقت الانتفاض وتغيير واقعنا يا طلاب
بيكفينا تلطيش حكي من أهلنا واللي أصغر مني بأربع وخمس سنين ليكو تخرج وعم يشتغل

لك وحياة الله .. يا صديقي ..

الحال من بعضه .. يعني شي ظلم .. شي مابدون يخرجو حدا اعداد هائلة .. شي والله مابعرف ..

الي عم يصير فينا مو ئليل .. واذا استنفذت بؤولولك هي شوي تانية بيجيك مرسوم ..

كانو العلة بالمرسوم ها ..

شكلا عوجا وبحياة عمرا هالجامعة مالح تزبط ..

يعني وعمين بدك تشتكي لتشتكي بالله عليك .. الوحيدة الاكابرية بيناتهون سوزي غريب .. ئد ماكتبت غير حئك مابتاخود ..

اما البقية ؟؟؟؟؟ كلو صاير ادفعلي بالمعية .. تخيل نسبة نجاح الادب العالمي 23 هههههههههههههههههه ئال ممنوع

تكتب اعتراض لانو نسبة النجاح فوق العشرين ... وين الحلاوة ..

الحلاوة انو : 1- نص او اكتر تلت ارباع العالم ماقدموا بسبب الاحداث ومنون انا ..

2- طلااااااااااااااااااااااب سنة رابعة تخرج ها تخرج .. ركزلي على تخرج .. نسبة نجاحون بمادة 23 بالمية ..

فيك تقول ..

هـــــــــــــــــــــــــــــــــــــــزلت ..