تحسين مستوى

:suspect: اجد ان الغاء كل من مادتي الثقافة و اللغة العربية من مقررات السنة الاولى لقسم اللغة الانكليزية و استبدالها على الشكل التالي في الفصل الاول يؤخد ست محاضرات كل محاضرة يتحدث فيها مدرس مقرر عن المقرر الذي سوف يعلمه و الكتب التي يجب على الطالب ان يستعين بها لدعم المعلوما ت اما تبقى من الوقت يكون مايشبه تحضير للامتحان لكل مقرر حتى لايذهب الطالب مثل الاحمق الى قاعة الامتحان اما الفصل الثاني بدل من اللغة العربية يكون مقرر المحادثة على الاقل لمل يطلع طالب حتى يسأل يعرف يحكي انكليزي

ملاحظة: ان عدم تدريس مقرري اللغة العربية والثقافة لن ينسينا لغتنا العربية العزيزة اللتي النا 12 سنة نتعلمها بالمدارس هي ما عدا سنوات الرسوب و الاعادة ولن ننسا اهدافنا اللتي درسناها كذلك 12 سنة لمجرد انها لن تعطى في الفصل الاول

عنجد ارجو الاهتمام ولا تفهمونا غلط

معك بس مو كتير

بداية اهلا فيك بالموقع صديق واخ


معلمي بالنسبة لمادة الثقافة انا بأيدك تمام التمام لانو نحنا بالفرنسي عنا نفس المشكلة

بس بالنسبة للعربي انا برأيي لازم تكون موجودة بكل فصل و بكل سنة و رح قللك ليش :

نحنا كطلاب عرب متعودين عاللغة العربية طول عمرنا و لما دخلنا الجامعة عاللغة الاجنبية صارت كل موادنا و اهتماماتنا

باللغة الاجنبية و كيف بدنا نترجم و كيف بدنا ندرس رواية او مسرحية و كيف وكيف و الخ-----

وهيك توجهت ميولنا و ادراكنا من اللغة العربية للغة الاجنبية طبعا اكيد نحنا ما رح ننسى اللغة العربية بس صار عنا نوع من الافتقاد

للتعابير المناسبة احيانا باللغة العربية ليش نتيجة عدم الممارسة و التدريب بشكل دائم و هالامر على الاقل بالنسبة لإلي

لاني شخصيا بحب اللغة العربية كتير و الشعر بس للأسف كتير من الاحيان بقعد اعصر مخي ليطلع معي كم كلمة

مو متل ايام البكالوريا مثلا , اي كان عندي كل تعبير بشق الصخر و ببكي الحجر

و اذا بدك تجي للصراحة مناهج اللغات كلها بدها تغيير و بعتقد بهالسنتين رح تتغير لانو في مخطط مدروس

بخص هالامر .

تقبل مروري حبيب وشكرا عالموضوع


nedalo

انا معك بموضوع الثقافة لأنو رأيي انو هالشغلات صارت جزء من وجداننا و شي هيك متل الحليب اللي رضعناه بالصغر وانا ما عم امزح يعني انا بحس انو المواطن السوري هو اكتر مواطن بالوطن العربي بيعرف شو يعني عروبة و وطنية لدرجة انو انا لما كنت صغير كنت فكر انو علم فلسطين هو علم تاني لسوريا , والله عم احكي جد يعني خلص هادا شي بدمنا وما رح ننساه ... لهيك انا مع استبدال المادة...
أما العربي لأ لسبب انو صحي ما رح ننسى لغتنا بس صدقني بكرا بتتذكرني بمادة الترجمة بالسنوات كلها انو العربي كتير مهم لأنو بعد فترة رح تنسى أبسط الأمور متل الهمزة عالسطر ولا على نبرة...
هادا رأيي وموفق...

ا انا بصراحة من راي Gitanes يعني اللي بيطلع من البكالوريا بينصدم دغري بطريقة الدرس المختلفة تماما ...فما في مشكلة يخلوا للطالب مادتين تلاتة يساعدوه وعلى الترفع و يعللوا المعدل ...ما هبك ؟؟

مجد انا بأيد كلامك
(somar) انا بأكدلك انو العربي والثقافة مانون مواد معدل
يعني انا بالبكلوريا اخدت 20 بالثقافة و54 بالعربي ولما وصلنا عالجامعة ياحبيب
انبسطنا انو في عنا هدول المواد اللي بدنا نجيب فيون معدل...............
بس للاسف بالثقافة طلعت كاتب 90 اخدت 50
وبالعربي (ملاحظة: انا كنت محتار شو بدي ادرس ادب عربي ولا ادب انكليزي؟؟؟؟!!!!!!)
يا شريك كتبتلو 200 بطلع اخر شي تيـــــــــــــــــــــت بالعربي وبيعطيني 63 ماتواخزوني
في عندي اقتراحين
1-متل ما قال الاخ مجد
2-يصيرو اتمتة والتصحيح عالكمبيوتر!!!!!!!!!!!!!!!!!!!
تقبلو مروري

انا ضليت 3 مرات عيد الثقافة وكنت ادرسها منيح و وقت بطلت ادرسها جبت علامة كبيرة مع انو كاتبة كلشي من عقلي انا رايي ه المادة يلغوها بس مشان العربي انا بوافق اسماعيل بهالنقطة

نقاش حلو ومحترم وراقي

وانتو ع اختلاف آراءكم ناس متحضرين و بصراحة بينرفع فيكن الراس ....

موفقين جميعا ...

اهلا سومر اسمي ماجد و شكرا الك و للجميع انا بتمنىى يلتغوا لانن بيرفعوا الضغط و ليس المعدل

تحية من الكابتن ماجد الى سامر
شكرا الك بس عدم المؤاخذة يعني اذا من صف الاول للبكلوريا ما
قدرنا فهمنا اللغة العربية و قواعدها
ف لم لن لا يمكن ان تفعل شيئ لغتنا بحضرتنا وساعتها على قولة المرحوم عبد الحليم حافظ طريقك مسدود ..... مسدود... يا طالب اما بالنسبة للمحادثة فهي فكرة جيدة ممكن ان تقترحها كموضوع للنقاش و انا رح صوت ب نعم سلام

الصراحة كتير عجبني الموضوع وحبيت أعطي رأيي
أولا : العربي هامة جدا مشان الترجمة ومشان ماتنسى أنو لغتك الأصلية هي العربية متل مانسي واحد لبناني إلو سكسوكة.
ثانيا:الثقافة مادة جدا سهلة ولازم ماتنحفظ بصم وتنتسى تاني يوم، أما أنو تنحذف فهي صعبة شوي.
وبالنسبة للمحادثة وهالشغلات فهي فكرة حلوة وبتمنى تطبق بالقرن الحالي عالأقل!.‏

عرفتوا لهادا اللبناني أبو سكسوكة

بس بتعرف دوفان ... يمكن هو ما نسي العربي , بس هو ما تعلم العربي من أصله.