حابة آخد رأيكم...

تذكير بمساهمة فاتح الموضوع :

مرحبا أصدقائي كيفكم؟؟
لاحظت بالفترة الأخيرة أنو في موضوع عم ينطرح بشكل كبير بالجرايد وكمان بالمسلسلات وعم يلقى رفض من أغلب فئات المجتمع
هو موضوع (المساكنة)
يعني رجل وامرأة أو شب وبنت ساكنين مع بعض بنفس البيت دون أي علاقة زواج
ممكن يضلوا كذا سنة عايشين هيك مع بعض لبين ما يجي عبالهون يتزوجوا رسميا
تماما متل المجتمع الأوربي
وأنتو كشباب وصبايا هاد المجتمع -المجتمع السوري الشرقي- شو هي نظرتكم لموضوع المساكنة؟؟
ممكن أعرف آراءكم؟؟؟

طولوا بالكم يا جماعة كبروها بتكبر صغروها بتصغر

كل واحد عندو رأيو وطبعا نحن منحترم كل الآراء
بس في شغلة هو أنو ظاهرة المساكنة عم تكتر وتتزايد بشكل تدريجي سواء هون أو بغير محافظات
هاد دليل على أنو شبابنا عم ياخد من المجتمعات الغربية عادات وتقاليد كتير منها هي العادة
يمكن نحن ماعم نسمع بقصصهون بس هنن موجودين
برأيكم إذا انتشرت هي الظاهرة بمجتمعنا شو ممكن يكون إلها آثار؟؟؟

هلق بغض النظر عن كل شي حكيتو اذا انتشرت هالظاهرة بمجتمعنا تحديدا على الدنيا السلام

ولا يهمك قمر ما صار شي عم نتناقش مجرد نقاش
وأكيد كل الآراء عالعين والراس


يا عيني عليك أبو النضل اي هيك بكل بساطة ع الدنيا السلام


ما تواخذينا قمر كترنا حكي

اي ام الجوج بس انا مع هااااا

تحياتي لكم

:*740*: :*740*: :*740*: :*740*: :*740*:
أبو النضل لك رأي ولي آخر


(أنا لا أقول رأيي صح وآراء غيري خطأ بل أقول ان رأيي وآراء الناس تحتمل الصح والخطأ)

قمر دخيل الله ما تنزعجي خلض هي آخر رد

و انا احترم ذلك احلى جوجو

قمر تشكرات

مـسا الخيرات




اختي


انا ما بأيد هالشي بس بتمنى كمان توضحي مساكنتهم ك أخوه او شي تاني ..



وانا بالحالتين بصراحة ما بأيد هههههه


بتشكرك على اهتمامك

جوجو لاتزعلي انا كتير مبسوطة بمداخلاتك وآراءك وانا معك
نضالو مية أهلا وسهلا جنرال نحن نحترم كل الآراء مين بيعرف؟ يمكن تصير المساكنة شي عادي بعد عشرين أو تلاتين سنة
صديقي mysterious33 والله يا صديقي نوع المساكنة إلها علاقة بنوع العلاقة اللي بين الشب والبنت
بس برأيي أنو ما في شب بيعامل البنت اللي بيعرفها أو بيحبها متل أخته وإنما هي حبيبته وبس
وهاد الكلام بينطبق عالبنت كمان
هيك عم نسمع يا صديقي بس انا كرأي شخصي أنا ضد طبعا ورأيي من رأي آية يعني إذا بدهون يعرفوا بعض ما في مانع انهون يقعدوا بشي كافي ويحكوا لحتى يملوا
مشكورة آراءكم أحلى أصدقاء

أنا بصراحة.............؟؟؟؟؟؟؟؟؟ !!!!!!!!!!
إذا الشب والبنت تزوجوا بعدين فمافي مانع برأيي.. بس مين بيضمن انهم يتزوجو؟؟؟؟؟؟
شكرا نور

اهلين صديقي منور بوجودك
هي المشكلة أنو شو الضمان أنهون يتزوجوا؟؟؟

اولا شكرا ع موضوعك برأيي انا مافي شب وبنت اجتمعو والا الشيطان كان تالتهم وقصدي انو نحنا ك بشر بتخطر براسنا افكار غير جميلة ولكن ازا كانت عنا قوة ضبط هالنفس ف أنا اول الموافقين عهالشي
بس بحب ضيف الك شغلة ياصديقتي عندما نقول مجتمع شرقي فالمقصود التزمت للدين وهاد اكيد شي حلو حاصلو هالفكرة بمجتمعنا مقبولة-9%
بتمنا تقبلي مروري

اشكرا على طرح الموضوع
منا ما ننسى انو نحنا عايشين بمجتمع شرقي في كتير تعقيدات...ومن المستحيل نصير مجتمع شرقي بأفكار أوروبية بفترة زمنية قصيرة لأنو المجتمعات ممكن تتطور خلال سنين بس ما بتتغير غير بمرور قرون.....انا ضد فكرة المساكنة لانو الشباب العربي(بنات وشباب)بعد ما وصلو لدرجة كافية من الوعي تخليهن يتخدو هيك قرار معارض للمجتمع والدين والأفكار السائدة......وانا مع انو نطلع عن العادات والتقاليد بس خطوة..خطوة حتى نقدر نعيش مستقبلنا باستقرار ونأمن لولادنا من بعدنا أيام أحسن من أيامنا ... وانشالله نتغير للاحسن ونصنع مستقبل احسن.....

يعني من أدهى الحيل اللي بتصير بمجتمعاتنا
أنو لما بدنا نعمل شي سيء بس بدنا العالم تشوفو منيح
منروح ومنسميه تسمية جديدة تحمل صفة ايجابية أو على الأقل تغطي صفته الأساسية السلبية
وبعطيكن أمثلة كتير ....
لما بتسحب قرض من المصرف والمصرف بيفرض عليك مبلغ زيادة وأكتر الأحيان بكون مبلغ جائر وكبير
جرت العادة على تسمية هادا المبلغ أنو "فائدة " ؟؟؟؟
يعني لاحظو الكلمة شو معناها إيجابي بينما هي عم توصف شي سلبي
وهالشي السلبي اسمو " الربا " وهو مال حرام

وكذلك الأمر بالنسبة لموضوع المساكنة اللي هي تسمية إيجابية لشيء سلبي
وهو ((( الزنا ))) ... وما حدا يتخبى ورا إصبعو ويقول غير هيك
وهون ملاحظة أنو أنا ماني ضد اللي بقول أنو مع المساكنة
بس بشرط أنو يقول صراحة أنو هو مع الزنى ومنصير نناقش بطريقة تانية
وبالتالي بحترم رأيو وبعتبر الموضوع رأي وحرية تفكير واعتقاد

وبعيداً عن الأديان برأيي أنو إذا كانت طريقة (الماما تروح تدور ع عروس ) فاشلة
اليوم للوصول لزواج سعيد ...
فالمساكنة هي طريقة فاشلة أكتر , ليس للوصول لزواج سعيد فحسب بل للوصول لمرحلة الزواج أصلاً
يعني ممكن تقلي للتسلاية وتقطيع الوقت بقلك إي طريقة ممتازة وبقتنع معك, بس زواج ؟؟؟؟ أكيد لأ
وأنا عن نفسي ما بتزوج وحدة نمت معها هيك من الباب للطاقة
وعذراً ع تعبير " نمت معها " بس أنا قصداً ذكرتو لأنو هيدا الوصف الحقيقي للحالة

مع احترامي وتقديري لكل آراءكم مهما اختلفت
أنا ضد ضد ضد

شكرا لطرح الموضوع noir lune

مشكورين للمرور جميعا
إسماعيل وأنا مع مع مع بس مع رأيك طبعا
المشكلة أنو في كتير شباب بيقولوا انو حقي اتعرف أكتر عالبنت اللي بحبها وبدي عيش معها ببيت واحد كأنو متزوجين لحتى شوفها على حقيقتها والله أعلم إذا بيكمل معها ولا لأ وغالبا ما رح يكمل
مكشورين جميعا على آرائكم منورين الموضوع

اقتباس :

وكذلك الأمر بالنسبة لموضوع المساكنة اللي هي تسمية إيجابية لشيء سلبي
وهو ((( الزنا ))) ... وما حدا يتخبى ورا إصبعو ويقول غير هيك
وهون ملاحظة أنو أنا ماني ضد اللي بقول أنو مع المساكنة
بس بشرط أنو يقول صراحة أنو هو مع الزنى ومنصير نناقش بطريقة تانية
وبالتالي بحترم رأيو وبعتبر الموضوع رأي وحرية تفكير واعتقاد

مع احترامي الشديد الك اسماعيل وبتمنى بداية تتقبل رأيي برحابة صدر
انا بشوف هالجملة فيها مغالطة شديدة لانو انت جزمت انو المساكنة هي زنى وانا واثق هاد الحكي موصحيح لان الزنى هو زنى وبس اما بالنسبة للمساكنة بأعتقادي هي مجرد اختلاط جنسين ووقت يصير في شي غلط بينهم ساعتها بنسميها زنى اما مجرد فكرة المساكنة هي عمليا مو مقبولة بمجتمعنا ولاواحد بالمية

اقتباس :

وأنا عن نفسي ما بتزوج وحدة نمت معها هيك من الباب للطاقة
وعذراً ع تعبير " نمت معها " بس أنا قصداً ذكرتو لأنو هيدا الوصف الحقيقي للحالة

اما بالنسبة لهاجملة هي انا بعتقد انت عم توصف رأي شخصي الك وانا بعتقد انو كتير شباب مابيرضو يعملو علاقات غير شرعية
نقطة نهائية للأنسةnoir lune
عندما تزكرين موضوع المساكنة انصحك بشرح ابعاد هذا الموضوع وما اقصده انت تريدين ايصال نقطة المساكنة المنزلية وفقط بغرض التعارف او المساكنة الجسدية واتمنى الا يكون كذلك لان جوابه لايحتاج لطرح او قيمة بالنسبة لتعاليمنا الدينية والاخلاقية والاجتماعية
شكرا واتمنا تقبل رأي برحابة صدر

انا كنت أقصد بموضوعي هو المساكنة اللي شرحها إسماعيل لأنها هيك فعلا
صحيح المساكنة بهذا الشكل مرفوضة اجتماعيا ودينيا بس يا صديقي سيناتور في شباب عم يعيشوها
الممنوع مرغوب بكثرة عند هدوك الشباب والظاهرة عم تنتشر
ومتل ما قال اسماعيل ما في شب وبنت قاعدين مع بعض بنفس البيت والعلاقة بريئة بيناتهون
مشكورين على أراءكم الحلوة أصدقاء

جزيل الشكر لك اخ سماعيل طبقا لشرحك انا بوافقك برأيك
بس يمكن تخبط الافكار هون وصلي فكرة مغالطة والتي هي انو تعارف مجرد
وانا من ناحية رأيك مشترك لرأيي الي انا علقتو بالاول بس انا بوافقك
جزيل الشكر

الله وئت اخترلنا اخترلنا لصحيح سدئنوني ويللي بينفعنا بدنيتنا وباخرتنا في فترة خطبة للتعارف ومو معناها اذا ئلدنا الغرب صرنا متلن اصلن هنن مانن مثال يحتذى ومجتمعاتن مانها المجتمعات المبنية عأسس متينة نحلم بمتلها أنا ضد مية بلمية