ماذا يحصل بالشارع السوري ((للنقاش))

أخواني الأعضاء الكرام ... السلام عليكم وحمة الله
على ضوء الأحداث التي شهدها سورية مؤخراً .. شهدنا انتقالنا إلى مرحلة جديدة من
تاريخ سورية المعاصر ... سواء على المستوى الإصلاحي أو على سبيل الحريات العامة
وشهد الشارع السوري بمختلف شرائحه وعي واضح ورغبة حقيقية بتحدي المؤامرة
ما حصل ويحصل كان له عدة وجوه وعدة قرأت ومن هنا نطرح هذا السؤال ماذا يحصل الآن
بسورية هل حي حقا ثورة كما شخصتها القنوات العربية والقوى المعادية لسورية أو هل كانت هناك مطالب من قبل شريحة من الناس وتم استغلالها لضرب سورية داخليا أو....ألخ
لكل شخص وجهة نظر بهذا الموضوع لذلك دعونا نطرح هذا الوضع للمناقشة
ماذا يحصل بسورية؟؟ كيف السبيل للخروج من الأزمة؟؟
ما دور الأعلام والتكنولوجيا بما يحصل؟؟
وما دورنا كشريحة شابة لنواجه الوضع الحالي؟؟

كل شخص يوضع قرأته للوضع بشفافية .. لنفتح باب النقاش الهادئ مع بعض جميعاً

ماذا يحصل بسورية؟؟ كيف السبيل للخروج من الأزمة؟؟

هلا اول شغلة الي عم يحصل بسوريا هية حرب من نوع مختلف جدا .. تعتمد على التجييش الاعلامي ..
وعلى تجييش الاشخاص ضد النظام .. وهن اكيد مرتزقة وقابضين والكل بيعرف هالشي ..

السيد الرئيس قال بانو مو كل الاشخاص الي طلعو مظاهرات هم عملاء .. لانو كانت الهون مطالب محقة ..
والسيد الرئيس سمع لكافة هالاشخاص .. وحقق كثير مطالب هو قادر على تحقيقها بالوقت الحالي ..
وكل ماتبقى في نظره مطالب محقة يصعب تحقيقها عم يعمل عليا مشروع دراسة ...

ولكن السؤال : طل يوم بيجي مندوب من درعا وقابل السيد الرئيس واستمع لمطالبهون جميعا ..
فجاة تاني يوم مامنشوفهون غير طلعو مظاهرة اخرى .. وفي مظاهرات رفعت سقف المطالب لاسقاط النظام
طيب ليه ؟؟؟

مشان يجي سعد الحريري ولا خدام يحطولنا رئيس على كيفهون ؟؟؟
يا جماعة نحنا ببداية دولة علمانية والكل بيعرف هالشي .. يعني مامنقبل واحد من الاخوان المسلمين
يجي يستلم سلطة عنا ..

السيد الرئيس يكتر خيرو عم يعمل الي عليه واكتر .. بقولو ماعطونا حرية راي ؟؟ طيب المظاهرات يلي
عم تشقوا فيا صور الرئيس وتطالبو باسقاط نظام هاد مو حرية راي ؟؟؟؟
ومع ذلك سامحكون ..

رجعنا بدهون الغاء قانون الطوارئ : اصلا مين مستفيد منو للقانون غير المجرمين ؟؟؟
وطول حيات موجود قانون الطوارئ لهالكم يوم لسمعنا فيه بصراحة .. ومع ذلك بدنا قانون بديل
انو يضمنلنا حمايتنا ..

3 بدهون حرية اعلام ؟؟ مشان كل ظائفة فينا تحط قناة خاصة لحالها ويصير بيناتنا فتنة اضرب من الي
حاولو يساووها ئبل ومنصير اعلام عراقي اخر ؟؟؟؟
ليش هلا الاعلام موو موحد عنا ؟؟؟ وجامعنا تحت كلمة وحدة وخبر صادق وحيد ؟؟

دور الاعلام دور فعال جدا ومثال على ذلك التلفزيون العربي السوري وقناة الدنيا .. ببداية الازمة تعامل مع الوضع بخجل ..
وبصراحة اكتر نحنا ما منشوف التلفزيون السوري ابدا .. ولكن اثبت مصداقيتو وعمل توازن بالقوى .. بين الخبر الصحيح والكاذب وبين
كذب المحطات التانية العبرية والحظيرة وبيبسي وهدول المحطات ..

الشي الي عم يتخططلو اكبر من هيك .. بس الحمدلله نحنا شعب لا يغلب ..
حاولو يلعبو على اكتر من وتر .. بس مامشي حالهون ..

انا بنت من الشام ومسؤولة حكيي ... لا داعي ولا مبرر للخروج بالمظاهرات بعد الان ..
وكل شخص بيطلع مظاهرة هو شخص خااااااااين وعميل ..
عندكون مطالب محقة ابواب مؤسسات الدولة مفتوحة .. قدموها ..
واعطو فرصة للحكومة الجديدة انها تشتغل واذا ماشفتوها اشتغلت حقكون وئتا ..

نحنا شعب بدو يعيش .. بدو يشتغل .. دورنا هو بالوعي يا شباب ..
ومانخاف .. ونحب بعض وتحترم طوائف بعض .. سوريا بلد الامان
مابدنا يصير فينا لبنان .. ولا العراق .. ولا ليبيا ...

يا شعب سوريا نحنا المميزين بين كل شعوب الوطن العربي بوحدتنا .. بكرامتنا .. بدعمنا للمقاومة .. وهدف اسرائيل وامريكا هو يكسرو جناح
المقاومة والسيد حسن نصر الله ..

وباذن الله مامنخلي اي حدا يهين وطنا وحريتنا وكرامتنا ..

وكلنا فدى السيد الرئيس بشار حافظ الاسد..

اسفة على الاطالة .. وبالنهاية هاد رايي ..

والاختلاف في الراي لا يفسد للود قضية ..

انا مع رشروش 100%
الأمور صارت مكشوفة وكل العالم فهمت المؤامرة
يعني شباب الفيسبوك صاروا بيعرفوا الدعوات المشبوهة من قبل ناس مسماين حالهون حقوقيين
بدليل تجمع الشباب أمام مكتب الجزيرة بدمشق بينما لم يتجمعوا للتظاهر بعد صلاة الجمعة يوم الجمعة الفائت
إن كل من يتظاهر الآن هم ناس مغرر بهم ومدفوع لهم استغلوا قانون السماح بالتظاهر بالقيام بأعمال تخريب وضرب وحتى القتل!!!
علينا أن لا ننساق وراء هؤلاء المغرضين المندسين لأنهم في النهاية قلة قليلة من المجتمع السوري المحب لقائده بشار الأسد والمتفهم لقوانينه التي كانت بداية الإصلاح في سوريا ونهاية الفساد
وعلى رأي المثل الشعبي( مو كرمال برغوط بدنا نحرق اللحاف!!!)
وأحب أن أوجه كلمة لهؤلاء المخدوعين الذين يتظاهرون ( وما بعرف على شو عم يتظاهروا) :
إن كنتم تعتقدون أن التظاهر الذي تقومون به يصب لمصلحة الوطن فأنتم مخطئون فهناك من يريد استغلال هذه التظاهرات لكي يحول بلادنا إلى ساحة قتال واقتتال كما يحصل الآن في ليبيا
وأطالب الأمن والجيش بعدم التساهل مع أي مخرب أو مندس لأننا نحن كمواطنين نحب بلادنا وقائدنا نريد العيش بأمان بعيدا عن دسّهم وتخريبهم

سوريا الله حاميها

كتير أرآكن حلوة وبتظهر درجة الوعي كامل ... أنا بقرأ الموقف بهي الطريقة:

بداية ما حصل بالدول المجاورة لم يكن تحرك شعبي نابع من صميم الشعب بل تم أستغلال
مطالب الشعوب العربية المحقة لإعادة وضع خطة مرحلية تتناسب مع مطامع الدول الغربية
ما حدث عربيا هو حالة من الفوضى العارمة وليس ثورة .. والهدف هو نقل الفوضى لسورية
لضربها داخليا وتدميرها أو أضعافها على أقل تقدير

في سورية يوجد لدينا 4 أطراف :
1-الدولة السورية
2-والشعب السوري
3- جماعة من السلفين
4- والدول الغربية
بداية كان هناك مطالب شعبية محقة أقرتها الحكومة السورية وتم الأصلاح بشكل سريع جداَ
وهي هي العلاقة يلي بين الشعب والسلطة
في عنا طرف آخر وهو السلفين وهم مجموعات سلفية متشددين ومتزمتين وتكفرين
لهم شرائع شبيهة بشرائع الغاب وهؤلاء مجموعات مسلحة ومدربة ومنتشرة ليس فقط بسورية
بل بكل الوطن العربي وهؤلاء المجموعات هي التي تقوم بالقنص والقتل .. طبعا حسب تفكيرن
هاد جهاد وما هم إذا قتلوا لأن الجنة ناطرتن هيك بفكروا ولهيك سمعنا دعوات للجهاد من قبل هؤلاء
وهنا يجب أن نميز بين الشعب السوري بطوائفه المتعددة يلي بده يكون أيد وحدة تحت عنوان المواطنه
وهؤلاء السلفين المطترفين طبعا هؤلاء تم تمويلهم من قبل المجتمعات الغربية المعادية والهدف من هذا التمويل
إضعاف نظام الأسد وإشغال الجيش السوري في معارك داخلية مصطنعة وهيك بينضرب الأقتصاد وبيسهل
السيطرة عليه وبنفس الوقت يتم نسف المحور الممانع بين سورية إيران والمقاومات العربية لأن سورية
هي الحلقة المحورية بالمنطقة ... هاد هو مشروع الفوضى الخلاقة ... وهاد هو أسلوب الأستعمار الجديد
المؤامرة أكبر من النظام السوري والهدف منها إعادة رسم المنطقة من جديد أو عراق جديد وهيك بيسيطروا
على الأقتصاد وعلى الشعوب وبتصير المنطقة برمتها مركز أستهلاك للسلاح الغربي
بالوقت الحالي في عنا أرتباط مباشر بين الدولة السورية وشعبها من طرف ومن الطرف الآخر بين
السلفين والدول الغربية ... يعني فعلا في حرب عم تواجها سورية قيادة وشعباً ولهيك عم يستهدفوا الجيش حالياً
للزج به بمعارك داخلية ... المؤامرة مكشوفة وواضحة موضوع الأصلاح هو آخر شي ممكن يفكر فيه هؤلاء
في سورية لم يعد هناك شي أسمه تظاهر سلمي ... أهم شي بهل المرحلة هو الوعي ولا شيء غير الوعي
لازم نكون أقوياء ونفهم طبيعة المؤامرة ونترك الموضوع للقيادة الحكيمة لأن لما بكون لازم ينزل الجيش رح ينزل
بس لازم نكون نحنا خط خلفي لنحمي جيشنا السوري
أنا هيك بشوف الوضع وهيك بقراه وهي القرأة ما بتعبر غير عن رأي الشخصي

صراحة الموضوع مابدو شرح كتير بس بقول هي مو ثورة لان الثورة مفهومها تحريري تطويري ضد الظلم وضد النظام
بس نحنا عم نشوف العكس تماما عم نشوف اهلنا عم ينقتلو وبدون اي مبرر غير الحرية بس انا مافهمت شوقصدون بالحرية انك تقتل نفس محرم قتلها؟؟؟؟؟؟!!!!!!!!!!!
ماعلينا صدقني لو انن دخلو بغرض الاصلاح كان مشي حالون بس الي بفكر يعمل طائفية بكون عم يعمل فتنة والفتنة من صفات الشيطان والشيطان مابحب الخير..........
اما بالنسبة للعم يطلع برا وهتف مافينا نقول انو مندس بس احلا لقب الو انو حمار وكتير وخصوصا صار بيعرف كل سوري انهم عم يستغلو التظاهرات السلمية ويقلبوها مجازر
انا بشوف الي استحو ماتو وكل اهل بيعرفو انو ابنن مات بطريقة بيستحقا انا بقول الله لايرحمو وبيستحق وازا كانو الاهل عم يشجعو بقول عقبالون مشان نقول كلب وفطس

شكرا كتير علاء على الموضوع

اول ما طلعت الناس كان عندن مطالب ما اكتر. هيدي الناس يلي طلعت فيني قول 99%بدن اصلاح ،محاربة الفساد ،ومطالب ما اكتر مامتل ماقالت القنوات اسقاط نظام بالعكس الناس مابدا غير بشار الاسد يحكمها بس عندن مطالب بعد ما تحققت هيدي المطالب هيدول الناس رجعت عبيوتا

بس اكيد في غير ناس امثال الحريري وخدام وغيرن كتيرين اصرو على خراب سوريا هون بلشو يستغلو مطالب الناس وبلشو شياطين يدخلو بين عالم بسيطة عم تطالب بمطالب عادية وبلشت القتل والقنص وهون بلشت الفوضى


بعدين قانون الطوارئ ........بتحدى ناس كتار عم يطلعو ويتظاهرو بهي الفترة اذا فينن يفرقو بين قانون الطوارئ وحالة الطوارئ.....مارح يعرفو الفرق

وقت بيطلع واحد عم يتظاهر منشان قانون الطوارئ وبقول انو قانون الطوارئ ماخدم الموظفين هاد شو بفهمو بهيدا القانون!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

كل هيدول المتظاهرين الاسبوع الجاية ماعاد رح يكون عندن حجة قانون الطوارئ رح ينشال وحرية الاعلام رح تتطبق يعني هدفن يلي هو التخريب ونشر الفوصى رح ينكشف ووقتا مابقى رح يصير رحمة لهيدول المخربين

مابعرف هالناس شو بدا اكتر من هيك؟؟؟؟؟؟؟شو بدن احسن من هيك ؟؟؟؟؟
رئيسنا رافع راسنا بين العالم كلها هو الرئيس الوحيد بالاضافة لاوباما يلي بيطلع يلقي خطاب من دون مايقرا من ورقة ويفتح الضمة ويكسر الفتحة!!!!
رئيسنا عم يشتغل ويلي وعد ماضل بس مجرد وعد، الاصلاح بلش ورح يستمر
يعني مابقا في حجة لتصرفاتن نهائيا
هيدي الناس بدا الفتنة والتخريب والفوضى وبس

يا شباب هدول يلي عم ينزلوا على الشوارع بالوقت الحالي هم مجموعات سلفية
وهؤلاء مو متظاهرين بالعكس تماماً هؤلاء عناصر مسلحة ومدربة بشكل جيد

القصة مو قصة قانون طوارئ ولا مطالب إصلاحية القصة أن صار في تنظيم مسلح
وهدفه هو الجيش السوري رح يحاول يغتال ضباط وعناصر الجيش لأن الجيش هو حامي الدولة والشعب
صار واضح أن القصة هي حركة أخوان مسلمين عم يحاولوا يزرعوا الفتنة وعم يحاولو يجيشوا مشاعر الناس
بس رح نثبت للجميع أن نحنا السورين أهل الوعي ونحنا يلي منصدر الوعي لكل العالم
نحنا أصحاب فكر تقدمي وأصحاب فكر تطويري وما رح نسمح لحدا يلعب فينا
ويرجعنا لعصور التخلف ... هي الحركات السلفية أكيد رح يواجها الجيش بأيد من حديد
لا مكان للفتنة ولا مكان للمجرمين المخربين بينا
لن نسمح لمسلل القتل والأجرام بالأستمرار
ثقتنا كبيرة بجيشنا وبقائدنا
سورية الله حاميها

ما يحصل مؤامرة غربية داعمة لاسرائيل تنفذ بأدوات عربية من عملاء وخونة وجماعة ارهابية الاخوان المسلمين تم تسليحهم لاثارة الرعب والفوضى في سوريا على أنها ثورة تطالب بالحرية لكنها لم تكن بالحقيقة الا جريمة و تخريب و قتل الأمن والمدنيين الأبرياء . أثبتوا بعد ذلك فشلهم نتيجة وعي الشعب السوري وتضحيته بأبنائه في سبيل الوطن وأمنه واستقراره . وحبه ووفائه للرئيس المفدى بشار الأسد . في تلك الأثناء تظاهر بعض الشباب اعتقادا منهم على أنها حقا ثورة منطلقين من مطالبهم المعيشية و البطالة والأحزاب المعارضة لحزب البعث العربي الشتراكي لم يدركوا حقيقة المؤامرة حتى حصلت الاشتباكات بين المسلحين المندسين و قوات الأمن السورية الشريفة التي استشهد منها العشرات وجرح . و بدأ التحريض الطائفي وانساق اليهم من يحب الفتنة ويريدها من الشعب وهم قليلون وجاهلون ومرتزقة والجماعات المتطرفة الداعمة لهم في الوطن العربي تقنيا وعرقيا . متناسين وحدة الشعب السوري ولحمته الوطنية واحترامه لكافة الطوائف والأديان . يريدون اضعاف سورية واسقاط النظام المأمورين المأجورين بمبالغ من الأموال . لكن الشعب السوري واعي في ظل القيادة الحكيمة الدكتور بشار حافظ الأسد قائد مسيرة التطوير والتحديث الذي ارتقت سورية بعهده كثيرا رغم كل الضغوطات عليها . وقد لبى الرئيس كل مطالب الثورة المزعومة ولا زال التنفيذ قيد العمل يعني ما عاد الهن حجة واذا عادوا الكرة رح يبينوا للعالم بأسره انهم دعاة ارهاب وليس ثورة حرية وطبعا رح ينالوا عقابن لأنو سوريا مابتركع و أخيرا دور الأعلام كبير بس القنوات الكاذبة صارت معروفة الغربية والخنزيرة و... والتزوير والكذب ع الانترنت واضح متل عين الشمس . واجبنا كشباب سوري وأد الفتنة ومواجهة التزييف الاعلامي والعلم والعمل بثقة وخطوات جادة . والله سوريا بشار وبس

كل الشكر إلك ريم كل الصحة فيما ذكرتي

طمن بالك صديقي أكيد الجيش رح يتعامل صح مع الوضع الحالي والحسم بهيك أمور مو سهل لأن الجيش عم يخوض حرب عصابات ومتل ما منعرف هاد النوع من الحروب من أصعاب أنواع الحروب وجيشنا أثبت كفائته بهل المواجهات وأكيد هو عم يحاول يجنب المدنين لأن ما فينت نقول كل أهل درعا متآمرين في فئات منن
وإن شاء الله بتطلع سورية منتصرة .... والله يحمي الأسد

هلق صحيح اغلب المشاكل صارت بدرعا بس كمان مافينا نقول انو اهل درعا قاطبة متآمرين او مافين وطنية
للأسف اغلب الناس يلي متآمرين هني منن بس كمان نحنا مافينا نعمم حتى ولو كبار الناس بدرعا كانو متامرين بس بردو في ناس وطنيين متلنا او حتى اكتر ما بيرضو بهالشي

بدي قول شغلة بس وهاد رأي شخصي نحنا ما بقا لازم نقول جماعات سلفية لانو والله يا جماعة نحنا هيك عم نظلم السلفيين هدول العالم ما بيفهمو شي من الدين هيدول جماعات متطرفة جماعات ارهابية هيدول ناس مافيها دم ولا فيها احساس

انا مع لولو بالنسبة للنقطة الاخيرة هدول الاسلام متبرا منن..............الي عم يصير هوي سيناريو82

.الي عم يصير هوي سيناريو82.............

الله يخليلنا القيادة الحكيمة الدكتور بشار الأسد , حافظ الأمة وراعيها من كل الأعداء و المجرمين و رغم كل الضغوط العربية والعالمية
حماك الله يا قائدنا و يا جيشنا الغالي

أنا مابدي قول غير:اللـــــــــــــه..سوريــــــــــــا..بشــــــــــــــــــــــــــــــــــــــــــــــــــــــــار وبس
وسوريا الله حاميهـــــــــــــــــــــــــا