البرودة ((للنقاش))

بظن البروده اللي بتقصد فيها الهدوء

وهالهدوء أو البروده بس تزيد عن حدها بتتحول الى(( بلاده))

معلومة عالطاير\ الانسان الهادئ هو بالداخل بركان مشتعل فاحذره حين يغضب\

هلق أنا ماعندي هالصفه

بس رح احكي بشكل عام أنا اذا عندي صفه وحسيت انو عم تزعج الناس مني أكيد بحاول غيرها وخفف منها

لأن أكيد مارح كون أنا لحالي صح وكل الناس غلط لازم أحيانا نتأقلم ونتكيف مع المجتمع لأنو نحنا بالنهاية جزء منه

بس المهم أني كون مقتنعه انو هالصفه فعلا مزعجه وأنا قرر غيرها مو انو تنفرض عليي فرض لأن وقتها بتنح وبزيدها

دائما مميز علاء

شكرا

البرودة ابشع صفة بالشخص بصراحة ومابقدر اتأقلم مع الشخص البارد
ومتل ما قالت وردة البرودة بتصير بلادة

شكرا علاء الغالي

فعلا.. أنا بحس أنو البرودة ببعض الأوقات كتير مزعجة.. لأن في مواقف بيمر فيها الواحد بتتطلب بعض الانفعالات والتأثر ولو شوي يعني..... والشخص البارد ممكن ببرودته هي يظهر للطرف التاني أنو أنا ماني مهتم فيك وما فارقة معي (مو أنا ها قصدي الشخص البارد )

حلو أنو الواحد يقدر يتحكم بطباعه وانفعالاته ويعرف أيمت لازم يكون هادئ وأيمت يكون منفعل بنوع من أنواع الانفعالات

شكرا علاء صديقي

انا مستحيل اتقبل البارد ..وكتير خسرت ناس بسبب هالنقطة

مابظن في حدا ممكن يتقبل البرودة.

بحسا ابشع صفة ممكن الانسان يتصف فيها وما بلوم الانسان الي بيبعد عن الانسان البارد ابدا

لانو مستحيل ينهضم

على سيرة البرودة بدي احكيلكن نكتة

قال في واحد بااااااااااارد عم يتسمع ع شريط فاضي وكان عنده صديقه بارد متله

قلو ممكن تعيرني هالشريط لانسخلي منها نسخة

تصور يارعاك الله

موضوع كتير حساس وواقعي ومهم ((بقعة ضوء ))

شكرا صديقي علاء م

افففففففف يا لطفطف قديش بنمقت من البارد

خاصة اذا ناطرو تحت البيت مثلا و يخليني انطر بسبب برودتو بجن يزلمي

بس احيانا البرود بيفيد بالمواقف الحامية اذا واحد معصب البرودة من الشخص الآخر ممتازة للسيطرة عالموقف او حتى اذا كان في نقاش نقوشة بين تنين واحد معصب و التاني بارد , بيكون كلام البارد اسخن من حرارة المعصب

يااااااااااااااااااااااااالطيف شوووو بكرهو للبارد .. اذا كان قدامي بيفور دمي وبيجي ع بالي الطشو شي كفين ع خلقتو








شكرا علاء

لحظة يا جماعه انتو بعدتوا بفكركم

الشخص اللي عم تحكوا عنو واللي أجمعتوا على كرهوا هو الشخص البليد

بس الانسان البارد هو الهادئ وما بظن كلكم بتكرهوا الهادي اللي بيتأنى بكلاموا وتصرفاته

أو انا فهمااااااااانه غلط

أسعى للتغير ليس فقط من أجل الآخرين بل من أجل نفسي وحياتي لأني حتما عندما أفقد الناس من حولي بسبب برودتي و عدم اكتراثي لن أكون راضية وسعيدة بهذا الشيء و سأكون أنا أول المتضررين وأكثرهم حزنا
صاحب هالصفة بيظلم حالو أكتر شي
كل الشكر للمواضيع الرائعة صديقنا علاء

ممكن بس أنا بكره بحالي التسرع

وبتمنى لو بقدر اضبط حالي أحيانا واتصف بالهدوء

بالنهاية الموضوع كان للنقاش وأنا كتير انبسطت بس لكل منا رأية ورأيكم عالعين ثم الراس ولووووو

أغلى ناس انتو

يا ألهي ما ابشع هالعادة انا من النوع يلي بحب السرعة فابجن لما بشوف حداا بارد يعني بكون في شي مستعجل وضروري وهو نايط وبزور حتى يتصرف ي الطيف بيقهرووووووني الباردين

أبو آدم يمكن هاد للي عم تحكي عنو انسان بليد بس الانسان البارد هو بيساعد اذا في شي ضروري و مهم ومستعجل ومتعلق بالحياة أو الموت وهي اسمها نخوة
بس ! ما بيساعد بسرعة إذا كانت الأشياء عادية كتير و بسيطة بيتأنى أو ما كتير بيعطيها أهمية لمجرد أنو عقلاني
و هالصفة ما ممكن تتغير بالإنسان لأن الطبع غلب التطبع بس مو غلط الإنسان يتعلم من تجربتو و يفكر أنو متل ما هوي بحاجة الآخرين الآخرين بحاجتو و ناطرين منو مبادرات واهتمام ع الأقل مشان ما يخسر أقرب الناس الو و يعيش بكآبة و حزن
و هيك بيبطل برودة
بس صدقوني يا جماعة أنا باردة كتير حتى لو عرفت أنو رح اخسر هالشخص بسبب برودتي بزعل بس ما بعمل شي
بس رح حاول اتغير بوعدكن لأنو الحياة أخد وعطا والاهتمام بالناس للي حوالينا بيخلي الصحراء جنة

هلق البرودة والبلادة أكيد بشعة كتييير

بس الهدوء غير
الانسان الهادئ أقدر عالتعامل مع الظرو ف بحكمة
النسان العصبي الحامي بيتسرع كتير وبيغلط كتير
بس بنفس الوقت في مواقف بتطلب سرعة وحركة

بالنسبة الي هادئة بشكل عام وأحيانا هادئة زيادة عن اللزوم
وأحيانا يا لطيف شو متسرعة ومابعرف شو الهدوء

يعني شوية هدوء مع شوية سرعة وحركة وحمية بيمشي الحال



يسلموووووووووووووو علاء