قنوات الدم ((للنقاش))

أخواني الأعضاء الكرام
السلام عليكم ورحمة الله

بداية بتمنى المشاركة الفاعلة من كل الأخوة الأعضاء وإبداء الرأي

جميعنا بالوقت الحالي لاحظنا وجود مجمو عة من القنوات التحريضية والتكفرية تبث سمومها عبر الأعلان المرئي وتذهب بأتجاه واحد وهو:
التكفير والتحريض على القتل .... كل قناة تعرض مجموعة مما يسمون الشيوخ وكل قناة لها لونها ومذهبها وتتدعي الإسلام وهؤلاء الذين يدعون المشيخة يفتون ويحللون ويحرمون وحتى فينا نقول بعد شوي بصيروا بيدعوا الإلهية لهل السبب: وأنا أتسأل هنا من أين تأتي شرعية هؤلاء الناس ؟؟

أنتي يا مشاهد ويا متلقي ..... شو رأيك بالموضوع؟؟
هدف القنوات ... هل تشاهده ؟؟ هل أنت مع مشاهدتها؟؟
ما هي برأيك أسبابها؟؟ حلول مقترحة؟؟

أنا أتسأل هنا من أين تأتي شرعية هؤلاء الناس ؟؟
ليس لهم شرع ولا دين ... وليس لهم مطالب محقة و لا يحق لهم التدخل لأنهم ليسوا متضررين بل متسببين بالهلاك للشعوب و مفتنين في الأرض
أنت يا مشاهد ويا متلقي ..... شو رأيك بالموضوع؟؟
رأيي طبيعي هالناس وهالقنوات تكون موجودة لأن بالحياة دائما في صراع بين الخير والشر وفي رأي وفي رأي آخر و في أعداء للحق
هدف القنوات ... هل تشاهده ؟؟ هل أنت مع مشاهدتها؟؟
هدفها الفتنة ولا شي أكثر أهمية من الدين حتى يستخدموه غطاء لنواياهم الخسيسة و تجييش الناس على أساسه .... قنوات ممولة من اسرائيل ولأجلها
لا أشاهدها أبدا
ولست مع مشاهدتها لأنها أكاذيب وفبركات واضحة للكل بس في عالم الخيانة بدما
ما هي برأيك أسبابها؟؟ حلول مقترحة؟؟
اسباب وجودها استسلام وسلام العرب مع اسرائيل فأرست دعائمها و قنواتها على أرض العرب
في قنوات عربية بيعتبروا حالن هنن الصح وغيرن لازم يموت وبيتخذونا أعداء هدول شكلن مجرمين ويلي بيتبعهم غبي وماعندو ذرة انسانية او ايمان
وهدول يسطفلوا بعقائدن بس نحنا عنا بسوريا الاسلام الصحيح الدين الوسطي السلم والاستسلام لله عز وجل والجهاد المشروع دفاعا عن النفس والوطن لا قتل الأبرياء الآمنين
الحل 1 عدم مشاهدة هذه القنوات
2 الحوار والنقاش والاستفهام للوصول الى نتيجة وقناعة
3 بث التوعية عبر جميع وسائل الاعلام
4 الدفاع عن الدين الاسلامي ضد الشائعات و التشويه
5 الدعاء
6 التطور في كافة الميادين
7 الوحدة الوطنية من أجل الانسانية ومصير الشعب العربي المشترك
8 تأكيد روابط الاخوة والمحبة والعيش والتاريخ العربي المشترك من بدايات العرب وحتى الآن والعمل على استمرارها
كل الشكر للزميل علاء على الموضوع وعذرا على الاطالة .

مشكورة أخت ريم ... رأيك كتير حلو وبيظهر درجة وعي كبيرة
بتشكرك على مشاركتك

أنا بشوف أهم حل هو نشر الوعي .... أنا بشوف أن هدول القنوات من نتاج الماسونية العالمية والكل بيعرف أهدافها بس هدول القنوات وسائل لنشر الفرقة وأضعاف أي قوة ممكن تنشأ بالعالم لأن أكيد إذا أتحد المسلمين فرح يشكلوا أمبراطورية جديدة مهيمنة وهاد الشي ما بناسب الماسونية المهيمنة على العالم بالكامل
فهؤلاء المشايخ مجرد وسيلة بأيد أناس يتسمون بالخبث والدهاء
في عنا طاقات هائلة بس هاد الإعلام عم يحاول يوجهنا بأتجاه مرسوم لأضعافنا وتدميرنا
بدن نكون بقاع الزجاجة وما نقدر نطلع منها

شرعية هؤلاء تأتي من اصحاب العقول المغلقة والله يا صديقي , من اللي بيخالفو كل افكارهم و معتقداتهم لما بيطلع واحد متل العرعور و بيحكي

انا مستغرب هالطاعة العمياء من البعض , طيب كلنا شفنا العرعور و انا شخصيا تابعتو فترة لشوف عشو عم يدعي او لشوف مين هالمعارض المثقف يلي افهم من كل المسؤولين بسوريا , و لما شفتو و سمعت حكيو تفاجأت جدا يا زلمي و لك ما بيعرف يحكي كلمتين عبعض , و ما عندو حجة و برهان منطقي لاقناع الناس و هادا دليل انو كلشي عم يطلع تظاهر ما عم يطلع بناء على مطالب بل عم يطلع بناء على تحريض

اسباب وجودها , شي طبيعي تكون موجودة بس الغير طبيعي هو ضعف الادارات العربية بمجال الاعلام يعني المفروض يكون في اعلام مجابه لهالسفلة و يكون بنفس الحرفية و افضل حتى

حلول مقترحة
خليهن يشوشو عالتردد تبعها متل ما عمل القذافي و قامت خلصت لأن الصراحة و صراحتا للصراحة نحنا شعب غير مهيأ للحوار و تقبل الآخر

يسلمن علاء

أنا معك خي نضال بأن نحنا شعب غير مهيء للحوار
بس بخالفك بشغلة ما في شي أسمه إدارات عربية هدول حكومات وهمية الواجهة عربية والباطن صهيوني

مشكور علاء على طرح الموضوع

مع الأسف الشديد قة الوعي هي اللي عم تأدي للمظاهر اللي عم نشوفها أو عم نسمع عنها على قنوات الدم إذا صح التعبير
لما بتوصل قلة الوعي لمرحلة أنو سيدة بتحكي مع العرعور وتقله(بركاتك يا شيخنا) فهي مشكلة عويصة الحل
اذا هالأشخاص شايفين العرعور وأمثاله شيوخ حقيقيين وبيعطوا بركات للعالم فعنجد في نقص تروية
ثم من مصلحة الدول صاحبة هي القنوات أن المشاكل والأزمات تضل شغالة بسوريا(لاحظوا أنو هي القنوات ما عندها لا شغلة ولا عملة إلا سوريا واللي عم يصير بسوريا) لأنو هي الدول هي موظفة بالإدارة الامريكية والصهيونية العالمية تأخذ بأمرها وتنفذه على أكمل وجه، ومن أهداف الإدارة الأمريكية تشويه الإسلام بل وخلق إسلام جديد مليء بمفاهيم القتل والتمييز الطائفي

انا ما بتابع هيك قنوات وما بيشرفني تكون موجودة بتلفزيوننا بس عم أسمع فظائع ما يعرض على هكذا قنوات
اما بالنسبة للحلول فهو إغلاق هذه القنوات بأي طريقة كانت ولكن مع الأسف(القاضي راضي) أي قمرالنايل سات والعربسات على ما يبدو عاجبهون وضع هالقنوات مشان هيك لهلا ما تسكرت
وحتى لو تسكرت هالقنوات.. إذا ما في وعي عند بعض الناس أصحاب الأدمغة الصغيرة فهي مشكلة كتير كبيرة وما رح نستفيد شي فالمسألة مسألة وعي

وعذرا عالإطالة
وشكرا

يلي بقول انو هيدي القنوات عم تقاتل لمصلحة الشعب السوري بكون جاهل وستميت جاهل

واحد تافه متل العرعور بيدعو للقتل وللتخريب هاد واحد غبي واكيد ما شرب من مية سوريا ولا شم هواها

80%من المشكلة الرئيسية مانا بهيك قنوات ومانا بالاشخاص يلي عم تطلع على هيك قنوات

المشكلة بالاشخاص يلي عم تسمع وتتقبل لا وحتى عم تنجر ورا هيك عالم في تغييب خطير بعقول

العالم صدقني العالم يلي عم تسمع هيك واحد فاشل ما محبة فيه كشخص لا هني عم يتبعو لانو اجا

على هواهن ومافي اكتر من الناس يلي هواها وحبها القتل والتخريب يعني هلق اذا بيطلع العرعور بقلن

لا بقا تتفرجو على سبيل المثال عالجزيرة بيتركو وما بقا بيتفرجو عليه المشكلة الاخطر انو كيف تغيب

عقل الناس بهي الطريقة هيدي المشكلة راجعة لسنين كتير من قبل متل قلة العلم قلة الدين قلةالوعي

هيدول بيتحمل مسؤوليتها الشخص ذاتو لانو هو بالمرتبة الاولى المسؤول عن تطوير ذاتو المرتبة التانية الاعلام

نحنا هملنا اعلامنا كتيييييييير من قبل انا ما اتفرجت على الفضائية الا بعد هالمشكال هيدا بعود على

الاعلام السيء القديم يلي عنا بعدين قلة نشر الدين هي بيتحملها المشايخ يلي عنا وائمة الجوامع كان

المفروض يكون في نشر للدين ولأسس الدين اكتر بس الحمد الله صارت في صحوة عنا على كافة

المجالات وعم يصير في اصلاحات وهاد شي بطمن ومتل ما بقولو الضربة يلي ما بتكسرك بتقويك صحيح

كانت الهجمة شرسة على سوريا بس نحنا طلعنا اقوى وقربنا من بعض اكتر وتمسكنا بارضنا اكتر

أولا شكر اُ : أنجل ... قمر .....شام على أرائكن الحلوة
وشكرا لكل من شارك بهذا الحوار

حابب ضيف إن هي القنوات تحولت لنوع من الأرهاب الفكري
أستعمار عقلي بحت .......... عم يحاولو يوجهونا باتجاه معين ويقيدونا بقيود معينة
عم يحاولو يلغوا دور العقل على سبيل المثال العرعور عم يحاولو يصوره على أنه مثال يقتدى به
فهل هذه الثقافة هي ما ننشده وما نسعى إليه . القتل والتكفير وإلغاء دور العقل؟؟


شام أشرتي لنقطة مهمة وهي أن في ناس عندها أستعداد لتقبل هاد الفكر المطروح
ومن هون لازم نبلش ..... هي الشريحة المتأثرة وهي ومحور أزمتنا الحالية
فبأي بيئة نشأت ؟؟وأي ثقافة تلقت؟؟ وبأي وسط تتلقى ثقافتها؟؟
لازم نحاول نبني جيل جديد على دين صحيح غير متطرف لنبني دولة جديدة (علمانية حضارية ومتدينة بس بشكل صح)

مشكلتنا تتلخص في قلة الوعي والكل أجمع على هاد الشي بمدخالته
وضعف الأرضية الثقافية الفكرية والدينية
مشكلتنا خارجية بالشق المتعلق بما يصدروه لنا خلال وسائل إلامهم
وداخلية بقلة درجة الوعي من قبل فئة معينة

عنا مشكلة هون صديقي علاء
هناك شريحة كبرى من المجتمع السوري لا تتقبل الفكر العلماني ولا بأي شكل من الأشكال
هدول الناس كل شي مرتبط بالدين، السياسة، الثقافة، وحتى المسائل البيسطة متل الطلعة والفوتة والأكل والشرب!!!
وهدول الناس هنن اللي عم يتقبلوا أفكار العرعور وغيره من الدجالين
هناك شريحة كبيرة من الناس ليس لديها وعي أو ثقافة أو فكر أو اتجاه حضاري
ومستعدين يعملوا أي شي يخدم المفاهيم الدينية (الخاطئة قطعا) التي حشيت رؤوسهم بها
هنن نفسهم المخربين اللي قتلوا وذبحوا بجسر الشغور ودرعا ومسؤولين عما جرى في حمص!!!
أليسوا سوريين؟؟؟ سوريين ولكن بمجرد أن صاح بهم الشيخ الدجال تلك الصيحة المشؤومة(حي على الجهاد) تحولوا إلى مخربين منومين مغناطيسيا
كيف بدنا نقضي على هالسطحية بالفكر؟؟ ونجنب الناس والوطن هيك أخطاء سببها قلة الوعي؟؟؟
هون المشكلة وليست القنوات بحدّ ذاتها
شكرا على وعيكون يا شباب المنتدى عنجد هاد الوعي ووحدة الرأي جوهرة تفتقر لها باقي الدول

اقتباس :

لازم نحاول نبني جيل جديد على دين صحيح غير متطرف لنبني دولة جديدة (علمانية حضارية ومتدينة بس بشكل صح)

مشكلتنا تتلخص في قلة الوعي والكل أجمع على هاد الشي بمدخالته
وضعف الأرضية الثقافية الفكرية والدينية
مشكلتنا خارجية بالشق المتعلق بما يصدروه لنا خلال وسائل إلامهم
وداخلية بقلة درجة الوعي من قبل فئة معينة

مشكور جدا صديقي علاء على طرح الموضوع..
أنا بدي قول أهم شي: الوعي ثم الوعي ثم الوعي
وفعلا تسميتك بمحلها لهيك محطات وعنجد هي قنوات الدم
أنا أستغرب بصراحة من النايل سات كيف لهلئ بيسمحوا لهي المحطات تستمر ببثها
وخاصةقناة الوصال..قناة العرعور النجس
هدول اللي بيدعوا إنهن مشايخ والدين بيتبرى منهن
وأنا شخصيا حاولت احضرو وشوف شو عم يحكي
واتعرف على هالشخصية العظيمة اللي بتخلي شباب وناس كتير يعتبروه مثل اعلى وينقادوا ورا كلامو
وطلع واحد مابيفهم شي لابالدين ولا بالأخلاق
أنا استغربت كيف بسمي حالو رجل دين وبيتلفظ بهيك عبارات بذيئة
هاد واحد سافل وحقير ..واللي عم يصير حراااااااااام والله العظيم حرام
لسا في ناس لهلئ بلا وعي وبلاضمير ومايستوعبوا شو عم يصير فيهن وبشعبهن وبولادهن
وراكضين ورا كلام واحد متل هاد..عنجد عيب
نحنا شعب بعمرو مافكر بالطائفية ويجي هلئ شقفة واحد متل العرعور يفتن بيناتنا
واللي عم يصير عنا بحمص أكبر دليل انو ناس كتير عم تنجر ورا كلام هي القنوات
ونحنا بنعرف تأثير الاعلام الكبير عالمشاهد
طبعا أنا لست مع متابعة هي القنوات
لكني على قناعة بأمر بأننا يجب ان نعرف مالذي يخططه لنا عدونا
ومشان هيك بين كل فترة وفترة بيخطرلي حط عليهن بالرغم بما يسببوه لي من ارتفاع بالضغط
أحلى شي كل يوم أمي بتقول وبتردد هالعبارة كتير إنو معقول مافي ولاشب سوري بالسعودية قدر يوصل للعرعور ويغتالو
يعني لايمت بدنا نصبر عليه
ولايمت بدنا نصبر على اللي عم يصير بالشارع كل يوم من قتل وتخريب وبآخر فترة حرب بين الطوائف وخاصة عنا بحمص
الامور زادت عن حدها كتير
وبرجع بقول الوعي أهم شي
وبالنسبة لهي القنوات متل ماانفتحت لهي المؤامرة عسوريا ولهالغرض بالذات
جاييها يوم رح تتسكر بعد ماتنحل كل هالازمة وعن قريب انشالله
وعندي أمنية إني شوف حبل المشنقة حول رقبة العرعور وهاد تمن كتير قليل بالنسبة للدم الي سبب بسفكو

الله يحمي سوريــــا ويحمي السيد الرئيس بشار حافظ الأسد ياااااااااااااااااااارب
وعذرا عالاطالة..

مشكورة يارا على مشاركتك المميزة
منرجع ومنقول الوعي ثم الوعي ثم الوعي

عاشت سورية وقائدها
وعاش أحلى أبو الريم

صراااااااااااااحة ماعنا اعلام صريح بالمطلق
وكمان في قنوات تكفيرية غير مقبولة تتبع مذاهب واشباه شيوخ اعلام مرعب
يجب ان نكون على وعي ماذا نصدق وماذا لا نصدق

مشكورة حنين الروح على مرورك

ولكن

لا يوجد إعلام يجب تصديقه فالكل موجه لغايات معينة