مشاكل في كلية الحقوق بجامعة تشرين يجب مناقشتها

أولا بالنسبة لمشكلة المياه يعني ما في براد ماء بكل كليتنا عفوا في براد بس من دون ماء وهالحالة الها شي سنة والسبب غير معروف والأسوء بكلية الاداب كلها ما في ماء شكلو صاير عنا جفاف
تانيا مشكلة قلة أعداد الطلاب يلي بداوموا لدرجة انو ببعض المحاضرات العدد لا يتجاوز 15 طالب
تالتا مشكلة الحصول على سلالم التصحيح بالصراحة هلكنا ونحنا نقول انو بدنا سلالم تصحيح الفصل الأول ببعض المواد وطبعا على الفاضي ما مشي الحال والله أخر شي مليت وما عاد سألت يعني خجلنا من كتر ما طلبناهم
رابعا مشكلة حضور الدكاترة بأيام الامتحانات يعني ببعض الأحيان نحتاج لبعض التوضيح من دكتور المادة لانو الأسئلة نظرية وعلى الأغلب ما عم نعرف بالضبط الدكتور أي فقرة بدو وخصوصا التعاليل
خامسا تذكرت برنامج الامتحان هلكنا لنزلوا وبالوقت يلي كان البرنامج نازل من أكتر من أسبوع بباقي كليات الحقوق
سادسا قاعات طلاب السنةالتالتة والرابعة بغببوا على القلب يعني بتقولوا منفى ما هيك
سابعا قليل ما تعلن كلية الحقوق عن رحلات تعليمية نستفيد منها شوي واذا كان في رحلة فبتكون رحلة ترفيهية
ثامنا مشكلة تقديم الاعتراضات لانو ما بعيدوا تصليح الورقة بل فقط اعادة جمع للعلامات وصار الاعتراض تكلفته 500 ليرة
تاسعا يعني ماعمن افهم شغلة ليش نحنا كل سنة لازم يكون عنا 14 مادة يعني وين المساواة مع بقية كليات الحقوق
عاشرا مشكلة الاتمتة يلي منطالب فيها كتير ومع هيك ماحدا عم يقبل والسبب المبرر انو طريقة الأسئلة النظرية أفضل وبالاضافة الى مشكلة صدور العلامات يعني الأتمتة أفضل لانو العلامات بتطلع بسرعة والطالب بيعرف اذا نجح ولا لأ ما بقضي شهرين وهو ما بيعرف اذا نجح ولا لأ
وأخيراً وليس آخراً لي بس قسم الدراسات القانونية ما بيطلعو نتائجو عنت متل باقي أقسام التعليم المفتوح .

هالموضوع المقصود منه المناقشة والحوار البناء لعل هذه المشاكل تصل للادارة وبالتالي منتأمل تنحل هالمشاكل ونرجو من الأعضاء المشاركة *12*

و الله كل كلامك مظبوط يا صديقي و نحنا كلنا عم نعاني من نفس المشاكل و أكتر بكتير وأنا بضيف مثلا
نفسيات الدكاترة و الموظفين طبعا مو الكل و مشكلة الحضور نحنا الفرنسي ما منلاقي محل نقعد بقوموا الدكاترة بقلعونا قال ما بيقبلوا يشرحوا بهالوضع هادا بدن عدد قليل

و انشالله بينظروا بكل مشاكل الطلاب وبلاقولا حلول
و نرتقي بالجامعة للأفضل
شكرا رفعت ع طرح الموضوع
مشاكل في كلية الحقوق بجامعة تشرين يجب مناقشتها 885329

مشاكل في كلية الحقوق بجامعة تشرين يجب مناقشتها 885329

مشاكل في كلية الحقوق بجامعة تشرين يجب مناقشتها 349427

شكراً عمرورك الحلو ريمو

» اعلان الى الطلاب الذين تقدموا بطلبات نقل إلى جامعة تشرين ( كلية الحقوق / التعليم المفتوح )
» قرار مجلس كلية الحقوق
» تعريف بكلية الحقوق في جامعة تشرين ( عربي + انكليزي )
» فضائح خطيرة في كلية الآداب جامعة تشرين
» قوانين منتدى كلية الآداب في جامعة تشرين