الدكتورة نور العربي الموقرة

يا جماعة قسما بالله اسئلة العالمي تبع اليوم مانا لطلاب سنة رابعة هي لطلاب ماجستير او تحضير سالة دكتوراه ما طبيعي شو كانت صعبة يعني انا دارس المادة منيح و مفصفصها فصفصة و ما عرفت حل كل الاسئلة ما بعرف شو رأيكون اللي قدمتوها ؟؟؟

قديش عم تفائلونا

انشاءالله موفق دكتور بدها طولة بال

بالتوفيق للجميع

الله يبشرك بالخير
أنا اليوم اجيت عالمادة الساعة 2 و نص و راحت عليني بس يالله اكيد نفس الشي
مع العلم اني ما درست غيرها هالفصل و تعبت كتير بس بعرف انو متل بعضها
انشالله موفق كل شي قدمها

صديقتي الاسئلة كتير صعبة و دقيقة يعني اللي مو مبصم المحاضرات و قريان كل الاعمال المطلوبة بالانكليزي مستحيل ينجح فيا يعني و الله هالمادة خرج تكون بفصل لحالا كتير ضخمة و طويلة و مالها اي معنى بالحياة العملية

والله معك حق صديقي أنا صار معي نفس الشي ومو بس معي تقريبا كتير طلاب صار فين متلنا

الأدب العالمي بتعادل 4 مواد وهي أصعب مادة قدمتها بعد نقد الرابعة

والله ما بعرف شو أحكي بس والله عالأغلب نرسب السنة من ورى العالمي وهاد الشي مو منطقي يعني عيب

إذا كان حبيبك عسلا لا تلحسو كلو وبصراحة ملين على التمام

لا حول ولا قوة الا بالله طيب شو بدنا نعمل و الله رح يصير عنا عقدة

انا قصيدة بودلير ما كتيت فيا منيح بس الباقي حسيت حالي انو كتبت كتير منيح يعني كلو جايبتو من الللي عاطيتو حتى النص تبعي فاوست هية معلقا عليه
انا القصيدة ما عرفت اشرحا لاني ما كان في وقت لكمل مراجعة كل المحاضرات
وع فكرة انا ما قارية كل النصوص يعني فاوست ما قاريتا وميديا قريتا بالعربي بس عرفت من وين النص جاية
والصح والخطأ كمان كلو من قلب المحاضرات اول تمانة كتبتن وبتوقع انو كلن صح
يعني ما ظالمينا شوي
هلأ المشكلة بالكمية انو كانت كتيرة مو الأسئلة في طلاب بيقولو انو كيف لو شفتو مالك سلمان ؟؟؟؟
المهم دعولي بالآخر ما انبرخ واني شيلا واتخررررررررررررررررررررررررررررج

أنا ماني بقسمكن بس سمعت انو الأسئلة كانت صعبة بس بلمناسبة مو بس فرعكن كان فيه أسئلة مواد صعبة

ولووووووووووووووووووو لك واخرتااااااااااااااااااااااااااااااااااااااااااااا ؟؟؟؟؟؟؟؟

ينتحر الطالب ؟؟؟

انو انااااااااااااا ماقدمت وشكلي السنة الجاية منتقلة على جامعة دمشق ..

الله يعين ئلبكون يارب .. اخي طلعوووووووووووو لعندااااااااااااا ...

بالنسبة الي انفخ ئلبي من الحكي .. كل مرة بلعي وبلعي وبلعي ومابيطلع معي شي ...

مشكورة الاخت اية فعلا يبدو ما معنا بهالجامعة غير رب العالمين

ليش مستغربين يعني ؟كلية الأداب بتشرين لازم تخرج فطاحل؟ يعني حتى تتخرج لازم تكون شكسبير؟بعدين مافي غير العالمي ونور العربي يعني؟من شو بيشكي ناصر عبد الحميد؟مثلا ولا هاد كتير فهمان

الله لا يوفئون بجاه النبي ..

ali14121985 كتب:

ليش مستغربين يعني ؟كلية الأداب بتشرين لازم تخرج فطاحل؟ يعني حتى تتخرج لازم تكون شكسبير؟بعدين مافي غير العالمي ونور العربي يعني؟من شو بيشكي ناصر عبد الحميد؟مثلا ولا هاد كتير فهمان

ناصر عبد الحميد صرت مقدم موادو كل وحدة 6 مرات و ما عم انجح هادا الزلمي اسا معقد اكتر من نور العربي و انا سمعت انو اذا الواحد مغلط بالسؤال الكتابي حتى لو كان فوق معو صح و بياخد علامة نجاح بيرسبوا و بيحطلوا العلامة الشهيرة 24

ناصر عبد الحميد عطاني 47 بالمادة بربكن هاد منطق طالب سنة رابعة وتخرج بياخد بمادة 47

يا أما حطلي صفر يا نجحني ومع أني كنت كاتب بالمادة تمام وهلا ما بقى بتوقع أنجح فيها

أنا واثق لو بيجي واحد بريطاني بقدم أمتحانات بالأدب الأنكليزي بتشرين ما بعطوه أكتر 50 هي إذا نجح

و الله الاخ علاء معك حق مية بالمية بس شو طالع بايدنا نعمل ؟؟؟
ولا شي
بدنا نستنى عطف الله و رحمته

اذا انتو السنة الرابعة عم تحكوا هيك شو بدنا نحكي نحنا السنة التالتة عن الموقرة نور العربي يلي طعمتنا هوا بالشعر بالفصل الاول والتاني لا وللاحلى من هيك جابتلنا سؤال صحح وخطا مو بس تصحح الخطا لا وبدك تشرح كمان يعني بدك تبينلها انك طالب فهمان !!!!! والله عنا بجامعة تشرين بالادب الانكليزي جيبوا شكسبير بذاتو بيرسب عند دكاترتنا الفهمانيين

الدكتورة نور العربي مع الاعتذار الشخصي منها يمكن ما درست ببريطانيا شي اسمو out line
أو الافكار الرئيسية يللي كل دكتور المفروض يعطيها للطلاب حتى يعرفو شو يكتبو بالامتحان أو انها مفكتنا بسويسرا حتى تطلب عدد مقررات قد سنة كاملة يعني القصة تعجيز لانها قالت شي بالمحاضرات و جابت شي بالمتحان ؟؟؟ يعني شو التفسير قصر نظر و لا فقر جيبة ؟

و الانكى من هيك انو قصائد بودلير شرحتهن هيك عالماشي لا و مو كلهن كمان شرحت يمكن نص القصائد
على العموم انشالله ننجح فيها كلياتنا و نرتاح منها تخيلوا تضل معنا هالمادة للسنة الجاية لعمى مصيبة

شكرا يا موقرة نور العربي ع الشعر ليش معزبة حالك بالتصحيح بالشعر والله ماكان فيي داعي يعني نسبة نجاح وعلامات بترفع الراس

الله يسترنا نحنا من العالمي و الله الواحد صار بيخاف يعلق تخرجو عمادة