صداقة الواقع وصداقة النت ((للنقاش))

صداقة الواقع وصداقة النت

يمكن كل شخص عنده أصدقاء على النت بيحكي معن وبدردش وبيتسلى وبيفضفض

وبيحكو بأمور كتيرة وهدول الأصدقاء من أماكن بعيدة وثقافات مختلفة

وبالمقابل في عنا أصدقائنا بالحياة العملية (الواقع) أصدقاء مو زملاء

يلي منشوفن ومنلمسن ومنسمع صوتن وبينصحونا ومننصحن ............إلخ......

ما هو الفرق بين الصداقتيتن؟؟

إلى أي نوع من الصداقات تميل؟؟

كيف بتختار أصدقائك بالحالتين؟؟

رأيك بشكل عام؟؟

وشكراً للجميع

موضوع كتيييييييييير حلو بس الجواب لبعد الفطور باذن الله لانو وانا صايمة ماخرج جاوبك

تمام ...ناطر إجابتك

حلو هالموضوع للنقاش

أنا أحيانا مابحس فرق بين الصداقتين



بالنسبة الي ماكتير بحب تعدد الصداقات لا ع النت ولا بالحياة العادية
ع النت أكتر من ثلاث أرباع أصدقائي عرب غير سوريين
لأني بحب اتعرف عالشعوب التانية على ناس غير عادات غير بلدان غير حياة

مافي طريقة معينة لاختيار الأصدقاء
والشخص اللي برتاح بالحكي معو بضل أحكي معو
حتى اللي ما كتير برتحلو ما بقطع صداقتي معو بس بتبقى محدودة

يمكن أنا بميل لصداقة النت أكتر
يمكن هالشي بسبب تجربة شخصية

وبشكل عام الصداقة سواء عالنت أو بالواقع شي مهم بالحياة بس الواحد يعرف يحافظ عليها
ويمشي فيها بالطريق الصحيح


وشو كمان ؟؟؟ هاد كل شي عندي




موضوع حلو
يعطيك العافية علاء

مشكورة جوى على رأيك الحلو

بس أنا عندي أنطباع تاني بشوف الصديق يلي بعرفه بشكل شخصي أفضل والسبب:

يعني ما بكون في مكان للخداع وفيني أفتحله قلبي بمواضيع إلها خصوصية كبيرة

بس صديقي يلي بعرفه عالنت أنا كمان ما بنكر في ناس متعلق فين بس بضل في حذر على أعتبار ما منعرف مين عم يحاكينا بشكل فعلي وآحيانا في ناس بتدخل على آساس بنات وبكون شباب وبالعكس لهيك صديقي الواقعي برأي الشخصي أفضل

أكيد لكل واحد فينا وجهة نظر

وقلت أنا هالشي عن تجربة شخصية



وشغلة الخداع
بحس أنو اللي بدو يخدع رح يخدع عالنت أو بالواقع

وأنا بحترم وجهة نظرك أم الجوج وبحترم تجربتك الخاصة وأكيد كل شخص بشوف الموضوع
بطريقته الخاصة وهاد النوع من الأختلاف أجمل شي بالبشر

أنا قصدت أن الأنسان لازم يكون حذر مو أكتر وفي كتير أعتبارات للحذر

مية هلا أم الجوووج نورتي

انا بصراحة موكتير مع العلاقات الافتراضية بس من جهتي تعرفت ع اشخاص ع النت وصرنا اعز ناس وفي ناس عابرين انا بشوف الموضوع نسبي واغلب الاحيان بتكون علاقات فاشلة والغرض منا بس التسلاية وشكرا عالموضوع

مشكورين جميعاً

حمشو ... آيـــــة ... ريم

والله أرأئكن كتير حلوة وبتنم عن وعي مطلق وثقافة عالية

الصداقة معكن إلها نكهة مختلفة

الله يديم المحبة

أهلين فيك دائماً خي علاء .. دائما مرحب بك هنا

نورت ياصديقي

بس رح وضح فكرة هي وجهة نظر عندي... الصداقة عندي هي عبارة عن مواقف تراكمية يعني مجموعة أختبارات بيدخل فيها الأصدقاء ليقدورا يحددو إذا كانت الصداقة فعلا ناجحة أو لاء بس ع النت ما ممكن تختبر الشخص لأنك ما بتعرف مدى صدقيته ومتل ما قالت ريم أحيانا تعابير الوجه بتخليك تقرأ الشخص أنا أتعلافت على شخصين عن طريق النت وهلا هن أصدقائي بالواقع وثقتي فيهن كبيرة وهي مختلفة عن لما كنت بعرفن عالنت

النت عالم حلو بس ما لازم نسيء أستخدامه

موضوع روعة وردود ونقاشات جميلة ومتنوعة
ما هو الفرق بين الصداقتيتن؟؟ إلى أي نوع من الصداقات تميل؟؟
الافتراضية مش اقل اهمية من الواقع وانا بلاقي الافتراضية بكون فيها مجال النقاش اوسع
بحكم انهاذات طابع كتومي
كيف بتختار أصدقائك بالحالتين؟؟
بالحالتين لازم يتميز الصيدق بالصدق + اخلاص+محبة يعني الصديق صديق بالحالتين
رأيك بشكل عام؟؟
كلنافي عنا تجارب ناس كانت عابرة وناس بقت وبض العلاقات تحولة للواقع وانا عشت تجربة حب وكانت هل علاقة عم تنتقل للواقع تبادل صور مكالمات هاتفية ولاكن شاء القدر ان نفترق قبل ان نقف امام بعضنا........
بس رح ترجع لاني اسا بحبها.....نحن ماختافنا بس كانت ظروف......

لا أبدا ما أدخلتو بالموضوع لأن الموضوع مو لنحكي مرة وبس والباب مفتوح للنقاش الطويل
وأهلا وسهلا بكل أخ وأخت بحب يحكي بأي موضوع وبأي فكرة هادفة

أنا بتوافق معكن بجزء من الفكرة بس كمان باب الأحتمالات بضل موجود يعني:
الواقع أفضل ولأسباب عديدة بس صداقة النت ممكن تتحول لواقع لو تمكنا نقابل الشخص يلي تعرفنا عليه
وبتوقع ممكن يصير صداقات وممكن يصر حب أو أعجاب لو لأشخاص تقابله
بس لازم يضل الحذر موجود بعالم النت لأنه عالم أفتراضي ... وحتى بعالم النت لو حبيت شخص ما ممكن توثق فيه بشكل كامل لأنك ما فيك تتأكد من صدقه وأنتي ما بتعرفه بشكل فعلي ولا فيك تعطيه سر لأنك مهما حاولت ما بتوصل لمرحلة الثقة معه

كلمة صداقة بتختلف عن كل العلاقات يلي بتمر بحياتنا ولحتى نحس بحالة الصداقة لازم نمر بتجارب مع الصديق وتترك عنا شعور تراكمي ويولد ثقة وراحة لما منقابل الصديق ... بس ... بالنت ما ممكن نختبر العلاقة لأن معظم يلي منتعرف علين بتكون مرحلة التعارف مؤقته

في فكرة بتقول:
الصادق بكون صادق بأي مكان والكاذب كاذب بأي مكان
وهي العبارة كتير واقعية وبتفتح باب أحتمالات لهل سبب لازم نكون حذرين وواعين بعلاقتنا الواقعية والأفتراضية

علاء كأنك عم تحكي عني
شكرا الك أكدتلي أفكاري