الدماغ "يشوه" اليدين و الأصابع

كشفت دراسة جديدة ان الدماغ يخزن معلومات خاطئة عن قياسات الأصابع واليدين فيراها أقصر وأكثر سمنة ما هي في الواقع.

وذكر موقع "لايف ساينس" الأميركي ان علماء أعصاب أجروا دراسة على مجموعة من المشاركين ليحددوا كيفية تشكيل الدماع لليد، فاستنتجوا ان الدماغ يشوه شكلها فتبدو الأصابع أقصر واليدان أسمن من الحقيقة.

وطلب من المشاركين وضع يدهم اليسرى تحت لوح خشبي وتحديد قياساتها من دون رؤيتها، فتبين ان خياراتهم كانت لأصابع أقصر بحوالي الثلث مما هي قي الواقع، واليد أسمن بحوالي الثلثين من الحقيقة.

وأعرب الباحثون عن أملهم في اكتشاف كيفية نظرة الدماغ إلى كل أجزاء الجسم فيما الأعين مغمضة، وهي قدرة تعرف باسم "حاسة الموضع".

وقال الباحث ماثيو لونغو من جامعة "لندن كولدج" ان "عبارة "أعرف البلدة مثلما أعرف ظهر يدي" تشير إلى اننا نعرف الحجم الحقيقي والموضع الواقعي لأعضاء جسمنا لكن هذه النتائج تظهر ان هذا أبعد من الواقع".

وأضاف لونغو "نحن بالطبع نعرف شكل يدنا، فالمشاركون تمكنوا من التعرف على صورة يدهم بين مجموعة من الصور لذا فهذا يعني اننا نعي الصورة البصرية للجسم بشكل جيد لكن هذه الصورة لا تستخدم في حاسة الموضع".

وأعرب الباحثون عن اعتقادهم ان سبب تشويه الدماغ لشكل الجسم ناجم إلى طريقة إحساس الدماع لمختلف أجزاء الجسم".

يذكر ان الدراسة نشرت في مجلة "بروسيدنغز أوف ذي ناشونال أكاديمي أوف ساينسز" الأميركية.

شكراً عالمعلومة القيّمة

مشكور مرورك الكريم احلى اسماعيلو

موضوع حلو و مشوق

شكراً نضال

بس خطر ببالي سؤال :


إي و شو يعني ؟



:suspect:

احمد الغالي بهادا السؤال حطيت ايدك عالوجع


لانو بحياتنا ما رح نتحرك خطوة لقدام طول ما عم نحكي هيك

ليش عم تضل تفهم عليي غلط

ما قصدي عليك ...

قصدي ع اللي عملوا هالأبحاث

شو وجه الإفادة من هالبحث

لا تواخذنا مرة تانية

غالي

هالمرة ما فهمتك غلط


يعني وجه الافادة من هيك ابحاث اكيد لتطوير انفسهم ودولهم و مدى فهمهم لتفاصيل الجسد الانساني و هلق نحنا ما كنا منعرف بهيك شي و هلق صرنا منعرف فشو برأيك فادونا هالباحثين و لا ما فادونا :?:

واو شيء مذهل ..اول مرة بعرف انو العين ما بتعطي الصورة الحقيقية ..بس يالله منيح ..انا كتير بشوف اصابعي قصار و مفلشين ..معناها هنن اطول و انحف .. يالله منيح ..

شكرا نضالو عالمعلومة

لكن رورو لكن شايفة قديش نحنا منفكر انو منعرف الامور على حقيقتها بس صورة اللي بيعكسها العقل غير و عفكرة احيانا بحس ايديي كبار و احيانا العكس مدري ليش


مشكورة

انا مع نضال

أنا حاسس فيك بس بدي منك تطول بالك قد ما فينك

و الله يسماعيلو بدي ارجع اقرا موضوعك تبع شروط المناظرة بشرفي اجا بوقتو

ما المهم انت تقراه يا نضال ؟؟؟؟ المهم انو كلنا نقراه

يا اخي الفهمان بيريح و الله


احلى اسماعيلو

لا أحمد نحنا أكيد ما حابين نتمسخر لأنو هيدي مانا من أخلاقنا و بعدين عنا بالمنتدى ما في

هيك شي

بس ليك نحنا هون أخوة انشالله وانا بحكي بصراحة وبقول رأيي وما بتفرق معي

وصراحة بحس أحياناً ردودك عالمواضيع فيها شوية قسوة أو كأنك عم تقلل من قيمة الموضوع

اللي عم تعلق عليه وهادا شي ما كتير ظريف ...

هلق بعرف انو يمكن ما قصدك متل ما أنا ونضال أكيد ما قصدنا

وانا بحترم رأيك و أكيد ما بقبل حدا بالمنتدى يكون زعلان مني أو من نضال . وفيك تعتبر

الموضوع سوء تفاهم من الطرفين و شكراً

ابو حميد الغالي

متل ما قللك اسماعيل تماما

احيانا بتكون ردودك قاسية شوي و هيك شي احيانا بينفهم استهزاء

بس كمان نحنا هون كلنا اخوة و منقبل اراء الجميع مع اختلافهاو الموضوع من الاساس سوء تفاهم و زال


و هي احلى كاسة عصير لعيونك ابوحميد


و هي كاسة لسماعيل

احلى شباب

حصل خير

يمكن أنا عم زودها شوي

بس من هلا و طالع خلوا التفسير الأول لردودي مزح مو جد

تحياتي

لعيونك احلى ابو حميد

ماشي أبو حميد الغالي

رح نحسن الظن من هلق ورايح انشالله

الله لا يعطيه العافية لهل دماغ شو أنو حقير