جاوب عن السؤال المطروح ثم إطرح سؤال للنقاش

مرحبا يا شباب ويا صبايا
الموضوع هو عبارة عن سؤال مطرح بجاوب عنو الواحد
وبيطرح سؤال جديد للنقاش
أنشاء الله يعجبكم الموضوع

الخيانة ما رأيك فيها وهل تسامح من خانك؟

بالنسبة الي جريمة

ولا لا اسامح

هل تقع في الحب من اول نظرة ؟؟؟؟ وهل تؤمن بحدسك ؟

الحب من اول نظرة اي بس مو بكل الحالات
وشغلة الثقة بالحدس اي والله كتير ، ياما و ياما شفت ناس هيك سبحان الله يا أخي ما طقتن من اول قعدة و طلعت نظرتي بمكانا و ياما شفت ناس من اول قعدة ايضا يا أخي بيأسروك بطيبتن و عفويتن و احترامن

خلينا عنفس السؤال نشان نتيح مجال للرأي الآخر يعبر عن مشاعيرو

يسلمو علي موضوعك فخامة

هلى بالنسبة للخيانة عالشكل التالي ...

قال تعالى" (إن الله لا يحب الخائنين) "

رأي فيها أنو بشعة جدا ً وما بحب الخيانة لأنو سيئة وبتفقد الثقة بالشخص يلي خان ...

وبالنسبة للمسامحة .... أي بسامح ليش؟؟

لأنو ربنا سبحانه وتعالى بعظمتوا وجلالة قدروا بسامح وبتوب على الناس وبيغفرلون وبيرحمون ..... فهل من المعقول أنو شئفت عبد متلي ما سامح يلي خان ... فأكيد رح سامحوا لأنو المعاملة مع الله مو مع عبدالله

بس أني أرجع أمنلو ما بظن ... لأنو بخاف يخوني مرة تانية وأنا ما بعرف بشو عم يفكر ما حدا بيعرف غير الله فلذلك ايا شي بيتعلق بالأمانة ما عاد سلموا يا حتى ما أوع بنفس المشكلة

وشكرا ً على الموضوع علوش كتير كتير حلو ...

وأنا ما رح حط سؤال هلى لأنو في زملائي لسا ما جاوبوا مارح أنهي السؤال بسؤالي لحتى نشوف شو أجوبتون ساعتا بحط إنشالله

التالي يجاوب عالسؤالين نشان ما تفوت الأمور ببعضا مو هيك غيتاريست

الخيانة بالتأكيد شي بيقهر الشخص وخاصة اذا كان مقرب
بس بالأخر بدك تتجاهل الخيانة سواء سامحتو أو ما سامحتو
ـــــــــــــــــــــــــــــــــــــــــ
أما الحب من أول نظرة فبعتقد أنو إعجاب من اول نظرة
لأنو الفترة أنا بعتقد رح تكون إعجاب متل ما بقولو من اول ماشفتو
ارتحلو قلبي متل ما تفضل الحبيبnedalo

مشكور أخي علي على الموضوع أول شي بالنسبة للخيانة...أصعب موقف ممكن يمر الانسان فيه بالحياة وطبعا راح تساوي جرح بالانسان وجرح عميق بس التحدي الاهم بعد التعرض للخياة هو الخروج من الحالة بأقل خسائر ممكنة وذلك يا بأعطاء انفسنا فرصة أنو نتجازها عن طريق حب جديد صادق وقائم علإخلاص والصدق لأنو الاستسلام ما بفيد بس بضيع العمر وفينا نعتبرها خبرة مرت بحياتنا وبالنسبة للحب من النظرة الاولى ....انا بلنسبة ألي كنت امن فيه وكنت صدق بأنو ممكن الشخص يحب من النظر بس طبعا متل ما قلت أخي علي انو مجرد حالة اسمها إعجاب وبيتبعها يا أمابوادر تقبل من الطرف الاخر ووقتها ممكن نسميها حب من أول نظرة ويا أما رفض وبالأخر الانسان ما لازم يعتمد على النظر والابتسامات لأنو التقرب والكلام مع الطرف يلي معجبين فيه ضروري ليتم التأكد من انه حب وشكرا ومشان الاصدقاء ما راح حط سؤال للمناقشة كرمال الكل يشاركوا بلسؤالين

شكراً علوش موضوعك حلو متل كل مرة ......

بالنسبة للخيانة أنا بعتبرا أذى نفسي كبير ........ وبشع انو الواحد يتعرضلا .....
والشخص يلي بيخوني ...مابعرف يمكن بعطيه فرصة تانية مشان يصلح الغلط ....بس اكيد ثقتي فيه تكون مو متل الأول

اما بالنسبة للحب من النظرة الأولى .... أي أنا كتير حبيت ناس من النظرة الأولى ورتحتلن .....أقرب مثال رفيقتي
بالجامعة ... شفتا من بعيد ... فحبيتا قام رحت تعرفت عليها ...وهلئ انا وهي اكتر من إخوات والله .....

أما بالنسبة للحدس .... ما بآمن بحدسي كتير .... لأنو مرات كتيرة خيبلي ضني ....!!!

وبالنسبة للسؤال ........ ما عندي ..!!!

شكرا يا شباب ويا صبايا
اما بالنسبة للسؤال أنا رح أطرح السؤال
بجوز يكون غريب أو مضحك وهو:

لماذا عند ضرب بيضتان ببعضهما تنكسر احداهما بينما تبقى الاخرى سليمة دون أن يصيبها خدش ؟؟؟؟؟؟؟؟؟؟؟؟؟؟؟؟؟
يالله بدي شطاركتم

علي كأنك صعبتو للسؤال بس بظن أنو الشغلة ألها علاقة بردة الفعل يعني لو أنو منضرب البيضيتين بشكل مباشر ببعض ممكن ينكسروا سوا بس لأنو عم نضرب بيضة بالأخرى ردة الفعل راح يكون علبيضة المضروبة فراح تنكسر وتبقى البيضة يلي ضربنا فيهاما بعرف بس بظن هاد التفسير المنطقي الوحيد يلي ببالي

بما أنو السؤال ما كتير حلو بعترف يعني رح أطرح سؤال جديد
هل تعتقد ان هناك عالم اخر غير عالم البشر

» فكر بعدين جاوب
» جاوب بكلمة واحدة و بصراحة
» أختر رقم....وجاوب على السؤال
» السؤال يطرح من جديد.. هل يوجد حياة خارج الكرة الارضية؟
» البرودة ((للنقاش))