إقالة إدارية

تذكير بمساهمة فاتح الموضوع :

يسعد اوقاتكم جميعا

من سنتين دخلت عالمنتدى و كان لسا جديد ، و قيد الانشاء و ساهمت متل كتيرين مروا عالمنتدى و كان الهن بصمة بتطويرو ، منهم لسا موجود و منهم غاب عنا ، و كل واحد فينا اعطى و قدم اللي بيقدر عليه في سبيل انجاح المنتدى .

هلق حسب السلطة المخول فيها من قبل المدير :
اقيل نفسي من إدارة المنتدى لعدة اسباب :
1 - ترك المجال للأعضاء الجدد لإثبات انفسهم
2 - ضيق وقت الفراغ مما يؤثر على نوعية أدائي كعضو إدارة

بشكل عام ساعدت كتير ناس من سنتين لهلق بأمور النتائج و غيرا من الامور الادارية اللي بتخص الجامعة و صراحة كنت احيانا انزل عالجامعة بس منشان المساعدة و هلق حاليا ماني قادر قوم بأي نشاط عالأرض هادا احد الاسباب يلي بتخليني اترك الرتبة لحدا يكون قدها حاليا ، يعني الرتبة للأجدر القادر ينشط عالأرض .
يا ريت كل المسؤولين بالبلد متلي مهيك ؟ ههههه

عكل حال انا موجود بشكل دائم كعضو عادي يعني ما تغير شي الا اللون .

دمتم و دام المنتدى بخير

شكرا آية

ابو النضل لك شو هالخبرية شو اقالة مو اقالة لما سمعت ماصدقت
ابوالنضل هو صحيح شو ماكانت التسمية رح تكون منور بوجودك بس انو يعني تعودنا عالاحمر والله كان لابق كتير مع اسمك
عكلن الله يعطيك العافية والمهم وجودك بيناتنا[b]

فيوليت الغالية المنتدى منور فيكن تسلمي يا مذوقة