طرق تصحيح أوراق امتحانات اللغة الإنكليزية

شو مشان طرق تصحيح أوراق الإمتحان بكلية الآداب قسم لغة انكليزية
البعض يقول(على ذمتهم) أن هناك دكتور (م.س) يصحح الأوراق وهو مخمور كليا يعني بصحة الطلاب وحسب السكرة يا ناجحين ياإما راسبين
والبعض الآخر من الدكاترة يوكل الشغالة السيريلانكية بتصحيح الأوراق وهو يقوم بأعمال المنزل عنها (شطف & كناسة & جلي صحون ...).
وهناك دكتور آخر (ج.ر) يقوم بطريقة مضحكة جدا للتصحيح وهي أن يمسك دفاتر الطلاب ويقسمها بالتساوي (مثلا 300 ورقة يقسمها 150 بـ 150) ويحمل كدسة منها بيده اليمين والأخرى باليسار والتي على اليمين ناجح والتي على اليسار راسب
آخرون يصححون حسب المزاج يعني الدكتور (ج.ر) إذا كان علقان مع مرتو وكانت كابستو شي قتلة بروح بفش خلقو بدفاتر الطلاب وبيرسب عكيفو.
وفي نوعتاني إذا احتاج يشتري غسالة أو براد أو مكنسة كهربا بيرسب دفعة طلاب (لأنو لمعلوماتك الدكتور بياخد على تصليح الورقة 8 ليرات سورية)
وهناك البعض الآخر من الدكاترة الذي يستخدم دفاتر الطلاب الإمتحانية لأغراض شخصية مثلا لسند رجل الطاولة المائلة & للف سندويشات لأطفاله & لوضعها تحت قطرميزات المكدوس والشنكليش & مسح الزجاج .....
وفي النهاية أقول لاحول ولا قوة إلا بالله العلي العظيم والعوض بسلامة الطلاب

دعوة إلى أصحاب القرار للتدخل وتشكيل لجنة تحقيق لأنو اللي عم بيصير مهزلة وإذا كان الدكتور ماعليه رقيب إلا نفسه شو العمل لما بتكون نفسه خبيثة

لك حطيت ايدك عالجرح
شو بدو يحكي الواح ت يحكي الواح

مشكور RTB

نحنا طللاب الادب الانكليزي بتشرين اسمنا المعذبون في الأرض

ليش مابتعرفو انو اغلب دكاترتنا بحطو دفاتر الطلاب تحت المروحة! الدفاتر اللي طارت نجحت واللي بقيت رسبت بس انشالله ماتكون الكهربا مقطوعة

ههههه.. والله ضحكتني .. منسمع من هيك حكي كتير . يعني مثلا بيجيب الدكتور هالاوراق و بزتون من تحت الباب اللي بيدخلو بينجحوا .. واللي بضلو برا بيرسبوا..
مشكور دبدوب عنجد ضحكتني
بس عنجد شغلة الدكتور ( م . س ) معك حق 100 % و شوف العين كمان ..

شكرا كتير 3essam.s & siba & Ruru
رورو كيف يعني شوف العين
لايكون بيقربك ها

لا لا لا اعوذ بالله الله لا يقدر ..
بس وحدة بعرفها بتكون جارتو بالبناية اللي قبالو .. وشافتو عالبلكون حاطط قينة المشروب و كل ورقة بشفة .. هييييك لينطفي ..

شي خطير كتير يلي عم نسمعو وشو الحل برأيكون

الحل؟؟!!!!!!!!!!!!!!!
انا رايح بكرا عالجيش
اتجند بين رفاقي


و بلا ادب انكليزي بلا بطيخ
بسطة خضره احسن

طيب والي ماعندو جيش؟ نبقى ناطرين الدكاترة لنتخرج؟! او نشتغل ع شي عرباية فول احسن شي

اي و شبو الفول؟؟
و الله ظريف و طيب

اذا حدا من الزملا بيشاركني بشي عرباية فول انا جاهز
احلا مشروع و الله

ناطر اقتراحاتكو
منسميها
Shakespearian foooooooooooool

شو رأيك عصام انت بتفتح بسطة خضرة وانا عرباية فول وبدنا حدا لعرباية الدرة

اوكي
و الله فكره معقوله كتير يا صبا
و منشوف شي زميل مشان ترمس القهوه
و واحد عالميلو
هيك منكون قضينا عالبطاله

و لسا بيقولو ما فيه شغل!!!!!!!!!!!!!!!

يا شباب والله عيب عليكم

يعني فوق هالدكاترة ماضحوا ورفضوا عروض جامعات أوكسفورد و كامبريدج منشان يضلوا حدكم

وينوروا دربكم بتجوا بتحكوا هيك استحوا على دمكم

Yo RTB ya topic is makin me a lil stabby man, chill out dude you are bout igniting some riots dude LOOOOOOOOL. Thanks alot

متل ما اقترح سيرجيو ياجماعة الشغلة بدها عمليات شغب

اي بسيطة
منيح عندكن بيطلعو عالوراق كمان
مانحن لي بيدفع بينجح
وواصل معهن ل25000 و30000
ولما بنقول ليش رسبتونا بيقولو ماعجبنا الخط (تصور مدرس عربي وخطو مو حلو)
يعني تفاهة عالآخر
وغيرها شفط عالعلامات الترقيم
الله كبير
شكرا دبدوب بس مابأيدنا شي

اهااااااااا

واو...... يعني طلعوا هالدكاترة ال.... عم يحاولو

يصححوا الاوراق على الاقل ولو محاولات فاشلة لمهم محاولات لا تظلموهن

ههههههههه شي مسخرة يا


لا واحلى شي انا ما كنت صدق هالحكي وقصص الظلم والخ

بس هلا غيرت رأيي تماما

ههههههههههه موضوع رااااائع يسلمنننن

اي لأنه الطلاب ماعندهن شي
مستعدين يعدو بالجامعه لحتى يستنفذو
يعني هنن بدو يقولولنا انه بالعجله ندامه فلا تستعجلو يا طلاب لسه العمر بأوله
الله يورجينا فيهن يوم

شكرا على مواضيعك المميزة غالي
بتمنى منك من بعد أمرك
لما تنزل موضوع
تفوت على الرئيسية و تختار القسم المناسب لموضوعك
وتعمل موضوع جديد
لأنو كل موضوع الو قسم خاص فيه
شكرا لتفهمك

مين قلك اني فهمت :suspect:

انا قلتللو لانو مبين عنك فهمان غالي

ههههههههه انت التاني مو ل ع الدرجة

لا اله الا الله