وأخيراً التقينا ... وعلى بساط أحمدي

بعد المبادرة الحلوة من حسون واقتراحو أنو نلتقي ونتعرف على بعض على أرض الواقع
والأخد والرد والجدل ومع وضد وما بعرف شو ؟؟؟ تم وبحمد الله اللقاء
والحضور كان على الشكل التالي:
الصبايا

رورو & وردة تشرين & لوليتا
الشباب

نضال & مدين & حسون & سيرجيو & اسماعيل
أجواء اللقاء:
بعد الانتظار والتلاقي والتعارف الودي قعدنا بالكافيتريا وكان الجو كتير حلو وحسيت الكل مبسوطين ومرتاحين
في ناس حكيو كتير وما دخل لسانهم لحلقهم وفي ناس كانوا رايقين وخجلانين شوي بس بعدين مشي الحال.
وطبعاً كل واحد حكي عن حالو شوي وشو بحب وشو بيكره وتناقشنا كتير بأمور المنتدى وكيف لازم نطوره
ونرتقي بمستوى المواضيع لتكون مميزة ومفيدة دائماً.
باختصار كان في جو من الصراحة والشفافية بطرح كل الآراء على اختلافها وتنوعها وحسيت اللقاء عمل نوع من الارتياح
عند الكل وكسر بعض الحواجز بين الأعضاء وأنا حسيت الكل ع أرض الواقع أحلى وأظرف وأقرب بالشكل وبالمضمون.
ورح أوصفلكن الكل متل ما شفت وحسيت:
رورو :
صبية حلوة, رايقة وقريبة عالقلب و لما تعرفت عليها عرفت من وين النحل بياخد العسل.
وردة تشرين :
صبية حلوة ظريفة وصريحة , متصالحة مع حالها ومريحة بالتعامل وأبداً ما عصبية
لوليتا:
صبية حلوة مهضومة ودمها خفيف , واللي بقلبها ع لسانها وبتحس أنك بتعرفها من زمان
نضال:
شب حليوة , رايق كتير عالطبيعة , صريح ومهضوم متل المنتدى وأكتر شوي ...
مدين:
شب مرتب وأكابر , وهو عميد "الشلة" يعني أكبر واحد فينا, قريب عالقلب بس كل ما بحكي بدو يسكتني
حسون:
شب راكز كتير ومتواضع , صريح كتييييييير, بقول كلمته وما بيسأل ع حدا وهادا أحلى شي فيه.
سيرجيو:
هو اعترف أنو عصبي شوي بس أنا شفتو شب رايق وهادي عالطبيعة , وحكيو قليل (طبعاً بس أول مرة )

وأخيراً بدي سلم ع "SOMAR" اللي ما قدر يجي لظروف خاصة وبقلو "القعدة ما بيكمل حلاها بلاك"
وبدي أشكر حسون اللي اقترح الفكرة ونضال اللي نسق مع الأعضاء وكل اللي كانوا معنا اليوم.

وبدي أعتذر من كل شخص كان حابب يكون معنا اليوم وما كان والجايات أكتر من الرايحات انشالله.

وهلق بدي تعليقات اللي كانوا باللقاء وخليكن صريحين وقولوا اللي بقلبكن
وكمان بدنا نسمع رأي بقية الأعضاء بهالفكرة اللي تنفذت اليوم وصارت حقيقة و واقع
:?: :?: :?: :?: :?:

بصراااااحه انا كتير انبسطت انو التقيتووو
وهيك جو لقائكم وانت بتوصفو حسيت اديشو كتير حلو
أنا من البدايه كنت مع الفكره لانكم بنفس الجامعه
وقلتها لسومر مره ما كون انا بجامعتكم والله لضل نعبش ودور عليكم واحد واحد
اهم شي انبسطووو وتعرفتو ع بعض اكتر
ويعطيك العافيه
اسماعيل
ع الفكره اللي كتير حلوه

والله يا اسماعيل خرجك تكون مراسل للجزيرة يعني نقلت الأجواء بشفافية ومصداقية عالية

من جهتي انبسطت كتير والكل كانوا ظريفين وقراب للقلب
وأكيد اللقاء والحكي والنقاش وجها لوجه أفضل واحلى
بتمنى انو تكونوا ارتحتولي متل ما أنا ارتحتلكم

وانشالله منضل أصدقاء وأخوة طول العمر.
وشكرا للكل.

سوسن الغالية
اليوم انطرح سؤال أنو مين هو العضو اللي كنت حابب تشوفو وما موجود باللقاء؟
وكنت أنت على رأس القائمة وعن جد استفقدنالك والكل كان حابب يتعرف عليكي
شكراً ع محبتك ومشاعرك الصادقة وانت فعلاً صديقة بكل معنى الكلمة

سيرجيو
من اليوم صرت سيرجيو الغالي
وانشالله كون نقلت الصورة متل ما هي و وصلت صفاتكم الحلوة كما يجب
وأنا بأكدلك أني ارتحت بلقائك ومشان كلمتك رح صير مراسل للجزيرة الرياضية تحديداً

كنت بدي قللك يسماعيل قديش النتيجة بس سبقني سيرجي الغالي

اي و الله و التقينا و كانت القعدة ظريفة كتير و الاعضاء اظرف و الذ عأرض الواقع

و نبسطنا و ما حسينا بالوقت مو لأنو اسماعيل ما خلا حدا يحكي لا ابدا بس لانو بجد كتير كنا مرتاحين

و بالنسبة للأعضاء يلي ما اجو اكيد رح يكون في مرة تانية و تالتة و رابعة

حظي العاثر...كنت كتير حاب كون معكن بس للاسف .......

يالله عنجد نيالكن

كتير كتير كتيييييييير كان جاي ع بالي كون معكن .. وكنت عم حاول زبطها بس ولله مازبطتتياريتني كنت معكن عنجد ومن قلبي عم قولااااااااااااااا

بس متل ماقلتو الجايات اكتر من الرايحات وباذن الله الا مايجي يوم واجتمع فيكن
لأنو عندي فضول اني اتعرف عليكن اكتر واكتر بالواقع
ونعمل نفس هالجو الحلو هون هونيك بالجامعة الكئيبة

بس حكولي ع مين حكيتو ااااااااااااااه؟؟؟ يلا قرو واعترفو بسررررررررعة

ياويلكن لو جبتو سيرتي

عم بمزح طبعا والف مبروك عليكن هالجمعة الحلوة وانشالله بالمرات الجاية منكون معكن ياااااااااارب

نجوى

عيني محمرة منك كتير هااااا

اقتباس :

في ناس حكيو كتير وما دخل لسانهم لحلقهم وفي ناس كانوا رايقين وخجلانين شوي بس بعدين مشي الحال.

يا ترى مين
بس اسماعيل لا ترد على حدا حكيك بدل على انك شخص فهمان
وانا شفت انو اسلوبك بالحكي حلو كتير وبشد
بيني وبينك يمكن هنن غيرانين منك

هلق جد كان الجو رااااااااااااااااااااائع الشباب اكابر كتير ومحترمين والصبايا ارووووووق من هيك واطييييييييب من هيك ما في

انا كتيييييييير انبسطت وحسيت انو في شي قوي صار يربطني فيكن اكتر من قبل

صحيح نحنا انبسطنا كتييييير بس كمان كان بودنا يكونو في عالم تانيين متل سوسن اية نجوى حمشو سومر .....................ولسى كتيييييييييير بس الجايات اكتر من الرايحات
(طلعت بحكي اكتر من اسماعيل)

nedalo كتب:

نجوى

عيني محمرة منك كتير هااااا

دخيلك لاتعصب .. مو كرمال شي كرمال السكري والضغط


لالا لاابو النضل بتعرفني مابيهون عليي زعلك ولا احمرار عينك ولوووووووووووو

و ع قولة الملكة نجوى"هونها بتهون ..روقها بتروق" ولووووو

طيب قلي كيف بكفر عن ذنبي انااااااا؟؟؟

لوليتا كتب:

صحيح نحنا انبسطنا كتييييير بس كمان كان بودنا يكونو في عالم تانيين متل سوسن اية نجوى حمشو سومر .....................ولسى كتيييييييييير بس الجايات اكتر من الرايحات
(طلعت بحكي اكتر من اسماعيل)

انو يخليلي قلبك يالوليتا ولله القصة اكانت ب ايدي ... ولله ومن قلبي كنت متمنية كون بيناتكن ..ولك في احلى منا يعني كون بيني اغلى ناس ع قلبي؟؟؟؟!!!!!!!!!!!!

شكرا اسماعيل على الموضوع

وبقلك ما خليتلنا شي نحكيه حتى هوووون يعني قصدي انك وصفت الكل ووصفت الجو والقعدة وكفيت ووفيت .

متل ما قلت كانت الفكرة حلوة وكانوا الشباب والصبايا كمان غير شكل صحي الاغلبية تفاجئوا بس اكيد تفاجؤ ايجابي مو سلبي بس فعلا شعور حلوو كتير انو نكسر هالفضول اللي بيعيشو الواحد وهوي عم يتفاعل مع شخص تاني عالنت وبتقابلو وجها لوجه .

بس نسيت شغلة الحمد لله اسماعيل تركتلي شغلة - من غير قصد- لأحكي فيها انو :

انو قعدنا حوالي ال4 ساعات وما حسينا بالوقت بنووووووووب وكنا حابين نقعد اكتر لولا انشغال البعض .

على العموم شكرا اول الشي سومر للي جمع هالاعضاء الحلوين بهالمنتدى

وشكرا حسون صاحب الاقتراح

وشكرا نضال صاحب الجهد الجبار والهائل اللي خبر الكل الا انا طبعا نسيني .

وشكرا وردة ولوليتا و رورو على الروح المرحة والطلة الحلوة واكيد القلب الطيب والعفوية الواضحة وتلبية الدعوة .

وسيرجيو اللي تشرفت بمعرفتك طبعا ونحنا اخوة اكيد

واسماعيل صاحب الموضوع والقعدة صحيح انت قلت انو انا كنت العميد بس فخريا فقط اما حقيقة انت , وهاي اجاك اول تضامن من لوليتا ولا ترد عليي ها .


مشكورين جميعا وطبعا كلنا اخوة واكيد ازدادت علاقتنا متانة وقوة .

أول شي انا بدي أشكرا مراسل المنتدى اسماعيل على نقل الخبر بهالمصداقية و الشفافية ..

هلق انا حابة قول انو عنجد كتير كان الجو حلو وانبسطنا بالقعدة .. وفعلا ما حسينا عالوقت ..

الشباب والصبايا كانوا كتير لذيذين ومهضومين أكتر على أرض الواقع ..

و في أعضاء عنجد استفقدنالون بهالقعدة متل سوسن و آية و سومر وحمشو و غيروووون ..بس خلص انشالله الجايات أكتر من الرايحات ..

بالمختصر كان الجو لذيذ و الاعضاء كتيييير لذيذين حتى الغرارين ...
و انشالله كون تركت انطباع حلو عند الجميع .. وتشرفت بمعرفتكون جميعا ..

نضالو الغالي
بعدين بقلك النتيجة بيني وبينك
صديقي حمشو و صديقتي مدمنة نجوى
شكراً لمروركم وكان ناقصنا شوفتكم الحلوة

لوليتا الغالية
كلامك الحلو على راسي وبقلبي
وأكيد ما في غيرة والشباب عم يمزحو
مدين الغالي
معك كرت بلانش تحكي شو ما بدك لأني حبيتك
ولوليتا عم تمزح أكيد وكلكن بتجننو
وفعلاً مر الوقت وما حسينا لأنو كنا مرتاحين كتيييير
رورو الغالية
قلتيلي "الغرارين" يعني اللي بيحكو كتير بس ع مين قصدك قليلي ؟؟؟
وبالنسبة للانطباع مافي داعي أحكي !! انت بتعرفي

وانشالله اللقاء التاني قريب

نجوى

اقتباس :

طيب قلي كيف بكفر عن ذنبي انااااااا؟؟؟

بتجي اللقاء الجايي


مدين

اقتباس :

وشكرا نضال صاحب الجهد الجبار والهائل اللي خبر الكل الا انا طبعا نسيني

حبيتكن من اعماقي العميقة

شوووووووووووووووووووووووووووووو الله يسامحكن وحياة الله انا فكرت انو لغيتو الفكرة من اساسها.....والله زعلت كنت حابة كون معكون
طيب ايمتا اللقاء الجاية حدا يقلي

اي ديمة ابقي افتحي ايميلك كل فترة لحتى نقدر نعزمك

جهزي حالك انتي و حمشو و روميو و نجوى و ابعرف مين لسا الاسبوع الجايي

ياسلااام... شهيتوني كون معكن وشوف وجوهكن الحلوة
هلأ صح أنا مشاركاتي قليلة ومومتل قبل لظروف خاصة بس زياراتي دائمة ومافيني بلا المنتدى وبتمنى تعذروني شباب وصبايا ....
سلام للجميع والله يديم هاللمة الحلوة

و دوفان

ولا يهمك ديموووو الأسبوع الجاية انشالله بتكوني معنا
وكمان دوفانو الغالي بدنا نشوفك ونتعرف عليك
وخلوكن ع اطلاع ع رسائلكن الخاصة

الله يزيد المحبة والاخوة والصداقة يارب
والله لا يحرمنا من بعض ابدا
شكرا كتير اسماعيل لانك ماحرمتنا من اللقاء من خلال موضوعك الرائع
وشرحك المفصل عن الاعضاء بس في عضو انت ما حكيت عنو ليش!!!!
الي هو انت
اول شي بشكر سومر لي عطانا فرصة نلتقي باروع واحلا ناس
تاني شي بشكر الرائع والمتألق حسون عافكرتو
تالت شي بشكر اسماعيل لي تذكرنا ووصفلنا هاللقاء المميز والرائع بكل معن الكلمة
وبشكر كل الاعضاء عل روحون الحلو ونيتون الصادقة
بصراحة حسيت حالي بعرفكن فردا فردا لاني بجد هيك كنت متخيلتكن
بجد بهني حالي فيكن ويارب لا يحرمني منكن ونضل اخوة
ولا يفرقنا ولااااااااااااااااااااااااا شي
بتمنالكن التوفيق يااااااااااارب
وبحبكن جميعا يا اروع اخوة واصدقاء

كنت بتمنى كون معكون باللقاء بس بعتذر خاصة انكون عزمتوني

على الأقل كان اسماعيل بيكتب رأيو فيني
ممكن أجي اللقاء الجاية؟؟؟؟

noir lune

أكيد منتشرف

أول شي مرحبا بالكل لانو ماكتير عمفوت هون صراحة وانشغلت بشوية ظروف ..
كيفكم؟ ان شالله الكل يكون بأفضل حال وحلو هالخبر إنو صار في هيك لقاء :)