سوري يخترع تقنية لحماية الطائرات

حصل المخترع السوري جلال تكتوك على حماية المنظمة العالمية للملكية الفكرية (WIPO) لاختراعه لتقنية توفر حماية كاملة للطائرات وركابها من العمليات الإرهابية.

ووفقاً لصحيفة "الخليج" اليوم الخميس، تساعد التقنية في الوقت ذاته على العثور بسرعات قياسية على المفقودين في حالات سقوط الطائرات حتى في البحار.

وتسهل هذه التقنية من إمكانية متابعة شبكات الإرهاب المسؤولة عن خطف الطائرات أو محاولة تفجيرها، لأنها تسمح للسلطات المختصة القبض على الإرهابي أو المجموعة المنفذة للعملية داخل الطائرة دون الحاجة إلى قتلهم.

ووفقاً للصحيفة الإماراتية اليومية، تحدد التقنية أماكن هؤلاء داخل الطائرة وتمكن من تقييدهم من دون اللجوء إلى إحداث فوضى أو التسبب بأدنى أذى لأي شخص من الركاب الأبرياء أو أي من أفراد طاقم الطائرة.

ويعتبر أن هذا الاختراع يتميز بكونه يؤمن حماية الركاب من التفجيرات وأعمال العنف والإرهاب داخل الطائرة، وبالتالي، فإنه إلى جانب قدرته على الحفاظ على حياة الأبرياء، يتمتع بجدوى اقتصادية عالية لأنه يوفر الكثير من الأموال التي تدفعها شركات الطيران تعويضات عن الضحايا وللمصابين من الركاب أو طاقم الطائرة.
-----------------------------------------------
شي بيرفع الراااس و الله يكتر من امثالو داخل البلد مو خارجها

والله خبر حلو , والله يبيض وجهه متل ما بيض وجوهنا ورفع راسنا
فعلاً بقول يا ريت عمل هالاختراع عنا , بس برجع وبقول لو كان هون يمكن بحياتو ما كان اخترع شي لأنو يا دوب يلحق يفكر بالخبز و فاتورة التلفون والكهرباء و وو .........
:?: :?: :?: :?: :?: :?:

مشكور نضالو عالخبر المفرح

الله يديم عبقريتو...و الله العظيم نحن عنا عقول فذة و عبقرية .. بس ما بعرف ليش ما بتتفجر هالطاقات عنا ..ليش صحي ؟؟

مشكور نضالو عالخبر

قلتلك ليش ؟؟؟؟؟
يعني ع شو بدو يلحق لحتى يلحق ؟؟؟ معلش برا راتبه خيالي وعندو سيارة وطيارة يمكن بخدمته
لأنو برا العلم الو تقدير ؟؟؟ بس هون يا دوب يلحق يدبر معيشته ؟؟؟؟
وللأسف هون ما حدا بشجعه والشاطر بدو يكسرو ويحبطه
وانو هلق انت بدك تخترع هيك شي ما معقوله ؟؟؟؟؟؟؟؟؟

هلق معقول اسماعيل عم تجاوبني من كل عقلك ؟؟

بس انا كنت عم امزح ..و كل اللي قلتوا معك حق فيه 100/100 ..و نحن بحياتنا ما شجعنا حدا ..بالعكس على قد ما فينا منكسر بنفسيتو و بطموحو و بمواهبو للزلمة ..بس ليش صدقني ما بعرف؟؟

لك ما عم جاوبك بس عم فش خلقي ؟؟؟؟؟؟؟؟؟؟؟

ولك يا جماعة في دكتور من اللاذقية نسيت من اي قرية اسمو فواز الازكي و هادا موقعو www.fawazazki.com

هالانسان حسب ما شفت عمل متحف بمجهودو الشخصي و بدون اي دعم من الحكومة

يعني في ناس بتقدر تمشي عكس السير و بتنجح


احمد ورورو و اسماعيل مشكورييين عالمرووور الجميل

شكراً نضالو عالرابط وانشالله بس ارجع رح شوفو
لأنو عندي شوية شغل...

خود راحتك اسماعيلو الموقع موقعك ولو

حلو كتير هالموضوع عنجد في كتير مخترعين عنا لازم يساعدوهن
بس انا حشري كيف بتشتغل هالتقنية يعني على اي أساس بدن يقيدون و ما بعرف شو بدون وشوشة

حلو الخبر ومحفز للإبداع وبأي مجال ماضروري يكون اختراع....مشكور نضالو الغالي

ابو السوس

صحي انا نظرتي ثاقبة بس والله متلك مفهمت عشو بتعتمد بس شكلها مجسات و حساسات و كمبيوتر و هيك شغلات يعني

دوفان

فعلا هالشي بيشجع كتييير ناس عالابداع و عالمحاولة بشكل عام و نشالله الامور للأفضل و مشكووور مرورك احلى دوفان

يعطيك العافية نضالو
كونه عربي شي بيرفع الراس سواء داخل البلد او خارجها
بيضل حامل هويته العربيه
اللي كلنا بنفتخر فيو وفيها
كل الشكر