لعبة الصراحة

عندك صراع الجبابرة بحب اكتر شي حمزة

و عندك داي الشجاع

و عندك عدنان ولينا


اذا واحد ضربك كف شو بتعمل ؟؟؟؟؟

ع حسب مين اللي رح يعطيني ياه
وليش
بس بكل الاحوال متأكده رح تنزل دمعتي سواء
كنت بستاهله للكف او لا
امممممممممممم
اسئلتكم صعبه
من وين بدي جيب اسئله انا؟؟
بتعتقد انك تبكي عشان شخص بيعنيلك كتير ضعف؟

كمان حسب الشخص يعني اذا حبيبة اي اكيد بعتبرو ضعف

و اذا شخص قريب و صابو شي اكيد مو ضعف بالعكس هادا قوة و صدق


اذا حطوك مكان شخص نافذ و صاحب سلطة و كان بإمكانك توظف قرايبينك على الرغم من عدم كفاءتهم شو بتعمل ؟؟؟؟؟؟؟

اممممم
في شغله بشعه فيني
انو انا مافيني حط انسان ما عندو خبره بشغل
وكتير كنت انتقد من رفقاتي بكتير مشاريع بالمدرسه
بس ما قدرت غير من حالي وانا والطبع نفسه
بعتقد انو المشاعر والاسره مالازم نربطها بالشغل
وفينا نحاول نلاقي اي شي بسيط الشخص اللي بيقربلي بيبدع فيه
ولو ما لقينا
بندور ع شغل لالو بمطرح تاني


امممممممم
السؤال عبيط شوي
بس بدي اسأله
الشخص اللي رح يقرأ جوابي شاف فيه غرور او انانيه او لامبالاه بمشاعر الناس؟؟

لا بالعكس سوسن جوابك صريح و موضوعي
و هالشغلة بالمرة ما بشعة بل ايجابية و الفصل بين العلاقات الشخصية و العمل هو احد متطلبات النجاح برأيي

السؤال هو:
بتعتقد انو الغيرة بتأثر سلبا و لا ايجابا على علاقة ما ؟؟؟؟

الغيره حلوه بس بحدوود
لو زادت بتسير شي بشع وبيدايق
ولو انعدمت برضو شي بشع وبيدايق
بس لو كانت معتدله فهي كتير حلوه


اممم
اجيت للفقره اللي ما بعرف لها
شو بنظرك الشغله اللي بتموت الحب بقلبك؟

والله الحب مستحيل يموت بقلبي....... عبمزح طبعا بس بالاضافة للخيانة اللي بتقدر تدمر كل شي
بعتقد انو البرود و العجز عن اظهار الحب قد يؤدي الى قتله.......

من هو الممثل المفضل عالميا بالنسبة لك و لماذا؟؟؟؟؟؟؟؟؟

والله سؤالك أسهل شي يعني قصدي مانو محرج
الرجال: ال باتشينو , انطونيو بانديراس
النساء : جوليا روبرتس , انجلينا جولي , ساندرا بولوك
السبب اني بحس أداءهم رائع وحلو وبيقنعوني

سؤالي:
هل شخصيتك اللي بتبين بالمنتدى هي نفسها شخصيتك بالواقع ؟؟؟
ولا بتصطنع شوي ؟؟؟

لا ابدا ما بصطنع ..هي هي شخصيتي .. بالعكس يعني احيانا بحس اني بكون على طبيعتي اكتر من الحياة الواقعية ..


سؤالي : شو اكتر شي بتخاف منو بالحياة ؟

والله سؤال كتير حلو
اذا قلتلك انو شخصيتي هي هي فبكون عمبكذب
و برأيي ما في شخص ما بحاول يصطنع و لو شوي اقل شي
و المهم هالتصنع ما يكون لتحقيق مارب شخصية او لايذاء حدا

هل تعتقد ان الرغبة شي اساسي للنجاح بالدراسة؟؟؟؟؟

جواب سؤال رورو :الظلم لأنو هو أصعب شي عالانسان
جواب سؤال هكتور : أكيد الرغبة هي جزء أساسي وداعم للنجاح مع وجود حالات شاذة

اذا حدا ظلمك ودارت الأيام وصرت انت القوي بتنتقم ولا بتسامح؟

اكيد darkhector الرغبة شي اساسي للنجاح ..بس مو عنا بادب الانكليزي .. عنا رغبة الدكتور هي الاساس بالنجاح

و سؤال نفسو السابق : شو اكتر شي بتخاف منو بالحياة؟؟

والله صاير خربطة رح عيد الجواب رورو
أكتر شي بخاف منه هو الظلم لأنو هو أصعب شي عالانسان

وسؤالي هو:
اذا حدا ظلمك ودارت الأيام وصرت انت القوي بتنتقم ولا بتسامح؟

اكيد الرغبة هي الطموح وهي اساس النجاح
مو بس بدراسة بكتير اشيا
واكتر شي بخاف منو بالحياة هو الطيارة
والسؤال:
اصعب موقف صار معكن

و الله يا اسماعيل لا بنتقم و لا بسامح .. بترك كل شي على حالو .. يعني انا اللي ظلمني او اذاني بشيلو من حياتي نهائيا ..بنساه .. وبرايي هاد احسن حل...

السؤال : هل انت شكاك ..يعني هل تشك كثيرا بالاخرين او بما يقوله الاخرين ؟؟

و الله يا اية اصعب موقف صار معي التلاتا الماضي ... تمنيت لو اني ما عملت هالخطوة .. بس يلا كل شي الو حكمة من رب العالمين .. الله وكيلك رجعت من جنب الجامعة عالبيت مشي .. الساعة 3 الضهر و ما حسيت على حالي ..قد ما كنت معصبة و مصدومة ..يالله الله يسامح اللي كان السبب ..
السؤال هو نفسو : هل انت شكاك ؟؟؟

جواب سؤال آية :
اني كون عم احكي على شخص كلام ما منيح
ويكون هو سامعني وانا ما شايفو ؟؟؟؟ تخيلوا ما أصعبها ؟؟؟

جواب سؤال رورو:
لا ما عندي مرض الشك الزايد , يعني بشك وقت بكون فيه شي مثير للشكوك بس.

سؤالي :
هل شافك حدا من أهلك يعني أبوك أو أمك بموقف كتير محرج وصعب وحسيت حالك متل النملة المفروكة
جاوب ب نعم أو لا ؟؟؟؟؟؟؟؟؟ والتوضيح اختياري يعني انتو و صراحتكن

اكتر شي انو ما في قوانين لا أكيد عم امزح
بس الصراحة هالمنتدى بالنسبة الي شخصيا صار متل بيت تاني بلتقي فيه مع ناس برتاح معهم و بحترمهم و قد ما اختلفنا بيضل الاحترام و المحبة و الاخوة هو الجو السائد هون على الرغم انو ما حدا بيعرف حدا بشكل شخصي

طيب شو اكتر شي عملتو بحياتك او تعرضتللو رفع الادرينالين عندك لأعلى الدرجات ؟؟؟؟؟؟؟؟؟؟

وصحي نسيت رحب ب يارا

اهلا وسهلا فيكي يارا بمنتدانا و نشالله الفائدة و المتعة