لعبة الصراحة ؟؟؟؟؟؟

بالنسبة لقطر :
قطر دولة صغيرة وما عندها الكادر والبعد السياسي ... والكل بيعرف أن الأنظمة العربية هي أنظمة رجعية وعميلة للصهيونية العالمية ... ويعني واضح أن القرار السياسي لا يتواجد بيد قطر على أعتبارها ورقة بأيد القواعد العسكرية الأمريكية

بالنسبة لأيران:
في شي أسمه مصالح دول ... وطبعاً من مصلحة أيران الأستراتجية أن تتلاقى وتوحد جهودها وتدعم حركات المقاومة لأن في تلاقي بالمصالح الأستراتجية .. وفينا نضيف موقف روسيا للأسئلة لأن كمان روسيا إلها مصالح بمقاومة المشروع الأمريكي للهيمنة على المنطقة ......

شو مشاريعك المستقبلية؟؟

ايييييه
مشاريع...... جميل هالسؤال

أولا : التخرج من الجامعة بمعدل ممتاز يسمح بمتابعة الدراسات العليا انشاء الله

ثانيا : الاتجاه للأدب يلي هو بالأصل عالمي ... وانشاء الله رح يكون إلي اسم فيه بعد ما انتهي من الدراسات

ثالثا : بناء أسرة متينة الأساس تكون سلاحي بوجه الزمن إذا حاول يميل علي


هل أنت\ي عم تدرس\ي الفرع يلي بتحبو ؟؟؟

لا

وانت\ي ؟؟

انا دخلت بدون رغبة
بس الحمد لله هلء ما ببدلو بأي فرع تاني ... الله حببو الي برفقاتي يلي معي
و بالشي يلي لاقيتو خلال عملي بالمشفى
لان جد بتحس حالك عم تعمل شي لهلناس الطيبة ويلي بتحتاج المساعدة


شو رأيك تحكي عن اتهماماتك يلي ما بتتعلق بفرعك ؟

قراءة الشعر والروايات

نفس السؤال؟؟

قراءة الأدب بكل فروعو
الشعر .. الروايات .. القصص القصيرة .. وخاصة كتابات المنفلوطي و أحلام مستغانمة

وكمان كتابة الشعر و الخواطر

شو بتقول لواحد بحب انسان بشع وما عاد يحسن بلاه؟؟؟؟

الجمال مو جمال الشكل والمظهر الجمال جمال الروح والقلب

والحب اعمى

ولما سألو جميل كيف بتحب بثينة وهي مو بهالجمال الخارق؟؟ قال طلعو فيها بعيوني رح تشوفوها اجمل العالم

طبعا مابعرف الكلام بالتفصيل بس هيك المعنى

ويا سيدي الله يهنيك فيها ويسعدك

الجمال شي مهم بنظرك ؟؟

أولا مشان بثينة...فالخليفة المأمون هو يلي سألها عن جميل كيف حبها وهي غير فاتنة كما وصفها جميل ...!!
فقالتلو لو كان لك عيون جميل لرأيتني أجمل امرءة في العالم

ثانيا موأنا حابب وحدة بشعة هههه بس رفيقي هههه

ثالثا الجمال شيء غير مهم عندي ...انا بحب اللطف و الاخلاق و حسن المعاملة
بس عند غيري ما بعرف

هل انت مع الحب من اجل الزواج ؟؟؟ام مع الزواج من اجل الحب؟؟؟

شكرا .. شكرا على تصحيح المعلومات " />

مع الزواج من اجل الحب
لانو الحب قبل الزواج فيها كتير تنازلات والحب اعمى يعني مابتلاقي تلات رباع عيوب الانسانيلي بتحبه
ولما بترتبط فيه غالبا عم ينصدمو بعد الزواج وبتبدا المشاكل ..

وانت\ي شو رأيك ؟؟

انا من نفس الرأي
بس .... لاتلمني فيما الله يملك ولستُ أملك..وهو قلبي

أنو نوع من الشعر بتحب أكتر القديم ولا الحديث ؟؟؟ وليش؟؟؟؟

والله بحب الشعر الراقي والحلو والقريب من القلب لو كان قديم ولا حديث

وانت\ي؟

انا مولع بشعر قيس بن الملوح من القديم
ومن الحديث بحبو كلوووووو
بس في بعضو بحسو علاك و صف حكي هههههههه


بتحب\ي الوجبات السريعة؟؟؟

بعض الوجبات ...

كيف الدرس معك\ي ؟؟

هههههههههههه سؤال محرج
الحمد لله عم ادرس بس حاسس حالي مارح لحق كل المواد قبل الامتحان

وانت\ي؟

لا الحمد لله عم اعمل الي علي والباقي ان شاء الله على الله

برأيك ما تأخر برنامج الامتحان ؟؟

مشروع برنامجنا نزل بس البرنامج لسا
والله اتاخر

شويلي بخليك تدرس؟؟

كل شي ..
الدراسة عبادة وبيرفع شأن الانسان بكل المجالات

وانت\ي شو لي بيخليكي تدرسي ؟؟

والله يلي بخليني ادرس هو الامل يلي عم ينطفى شوي شوي قدامي
الله يجبرنا ولا يضيعلنا تعب

شو بتقول للي بجاوب هيك جواب؟؟؟

بقول الله لايضيع تعب حدا ويفرجها عليك وييسرلك كل امورك يااااااارب
مافي اكرم وارحم من ربك بس انت قول ياااااااارب


شو لي خلاك تسجل بالمنتدى؟؟

ابن اخي هو طالب بتشرين بقسم علم الاجتماع

وانت؟

كنت عم دور على نتائج امتحاناتي ولما تعرفت على الاعضاء تعلقت فيهن كتير


المنتدى او النت بياخد ((بيضيع وقتك )) ؟؟

انا الحمد لله ما بدخل ع مواقع تاني بنوب
المنتدى + الفيس بوك يلي رح اتركو قريبا + موقع جامعتنا
والكل بحصل منهن الفائدة الحمد لله
بس بياخد وقت غير شغلات


وانت؟

بصراحة بيضيع وقتي ولو اني بستفيد كتير بس مجرد ما بمل من دراستي بدخل المنتدى وبنسى حالي

ماجاي على بالي ولا سؤال ؟؟اسأل\ي السؤال يلي ببالك ؟؟

شو بتحب تحكي عن دراستك و حياتك بالجامعة؟؟؟

كنت مفتكر الجامعة متل ما منشوفها بالتلفزيون كلاها احداث و ضجة وروحات وجيات

بس الصراحة ما شفت لهلء من هالحكي عنا
تجربتي بقسم الفيزياء بدير الزور علمتني كتير شغلات
بس بكلية التمريض بحماه عرفت شو يعني دكتور متواضع و وشفت المعيديلي بحب الطلاب وبساعدهن
الحمد لله حياتي الجامعي بسيطة وهادئة ومشحونة بالعواطف و العلاقات الناجحة

مبسوط بحياتك الجامعية؟؟؟