استفتاء : هل تؤيد إلغاء صندوق أفضل 10 أعضاء ؟

شكرا احمد عالاقتراح
هو بصراحة انا شايفة حركة المنتدى قوية لانو الادارة والاعضاء ناجحين ومتفاهمين مع بعضون
والصندوق برأيي بيشجع الاعضاء اكتر
والمنتدى ناجح هيك وهيك

أنا مع باراك أوباما I wanna change
وأنا أؤمن أن أحمد هو التغيير المنتظر لذلك

أصوت بـ نعم

No, don't cancel it
I really like it

ابو حميد

حقك تعطي رأيك

و انا من جهتي بعتبر الصندوق محفز للمشاركة بشكل دائم و متل ما قلت قبل روح هالمنتدى هيي بتفاعل الاعضاء مع بعض بالشي يلي سميتو انت تشات و هالمحادثات هيي تعبير عن حميمية ما بتشوفها بغير مكان و ماني عم بالغ ابدا و انا مع بقاء الصندوق

مشكور غالي

اكيد بتعرفو رأيي بالموضوع
وانا حاطو لهل الصندوق لسبب
بالإضافة للي قالو نضالو عن التنافسية
بتمنى تشوفو هالرابط لتعرفو ليش حاطو
من هنااااااااااا

بس شو بينتهي التصويت اكيد رح غير
تحياتي

اكيد مع انو يبقى وما بدا ليش

انا عن نفسي
وجود الصندوق او عدمه ما بيأثر
لأن عدد المشاركات مو مقياس لتميز العضو ابدا
وانا حياديه بهالموضوع

و الله هالصندوق كتير حلو و ما في داعي ينشال
يعني شو زاعجكن في

لافض فوك ياسيرجيو
كفيت ووفيت متل العادة
:*740*:

بشكر كل اللي أبدا رأيه بالموضوع
خصوصاً اللي وقفوا جمبي :*332*:
Romantic Teddy Bear , Sergeio Ramos




تاني مشاركة هيي مشاركة سيرجيو الصريحة
أنا نفسي بعترف انو كنت لت زيادة حتى كون من أفضل الأعضاء
الحقيقة ما كنت مفكر فيه مدريدي بهالواقعية
:*749*:




تم التعديل بواسطة
SOMAR
في 18 أغسطس 2010

سيرجي

اقتباس :

وبصراحة أكبر وبتمنى ما حدا يزعل مني هيدا اسمو صندوق أكبر 10 لتاتين مو مشاركين

ما حدا رح يزعل من رأيك الشخصي لانو بالنهاية هادا رأيك

بس بدي قلك شغلة انو هدول اللتاتين يلي قلت عنهن تلت ارباع مواضيع و مشاركات موقعنا قائمة عليهم و انت بتعرف هالشي و العشرة اللتاتين هم من الانشط بالمنتدى و كمان بتعرف هالشي


بدي منك هلق تسمي اسم واحد من هالعشرة مانو عم يشارك وعم ينزل مواضيع و كلامو كلو لت عالفاضي ؟؟؟؟؟؟

عنجد شو ما عمل الواحد ما بيخلص
الغينا تصويت الزوار و ما خلصنا
هلق يعني انا ولا نضال بدنا نسجل بعضوية جديدة مشان نكسب صوت
بربكن حاج تلميحات مالها طعمة و تجريح بالناس
وشو هي لتاتين و ما بعرف شو
احترمناكم احترمونا

سومر بيبين معك رقم الأيبي لmaya؟؟؟؟؟؟؟؟؟

لا والله ما عم شوفها بالمنتدى

ما فيه داعي تكبروا المشكلة
بموضوعي اللي قبل هاد انو قلت انو شفت حالي مجبور اني شارك بسباق الردود
و ما انزعجت من تعبير سيرجي رغم انو بيشلمني

سومر أنا ما قصدي عليك و لا على نضال بموضوع المشاركة باسم مايا
بس من حقي اتساءل

من حقك تتساءل بس افترض انو هي عنجد شي عضو حب يشارك ما بتكون غلطت بحقها؟

وانا انزعجت من ردك وردو!!!!

SOMAR كتب:

من حقك تتساءل بس افترض انو هي عنجد شي عضو حب يشارك ما بتكون غلطت بحقها؟

وانا انزعجت من ردك وردو!!!!

قلت لحالي انو ممكن تكون عضوة عن جد
بس بعد فترة ما شفت أي رد جديد لهالعضوية وحسيت حالي المقصود

بموضوع (اللت)
سيرجي معو حق بالمبدأ بس بالغ بالتعبير
بهالوقت اللي قضاه بكتابة هالرد مثلاً بيكون غيره رد على 5 مواضيع
و من حقه يتضايق من هالموضوع ... ما هيك ؟

و كمان صندوق تدفق الـ RSS ما عاجبني هههههههههههههه

لا أحمد ما من حق حدا يتدايق اذا شخص جاي عبالو يلت عقولتكن

بعدين ردو قد ما بدكن حدا عم يقلن لا تردو

برجع بقللك الموجودين ضمن صندوق العشرة هم الانشط بالمنتدى و الاكثر تنزيل للمواضيييييييييع و اذا الصندوق موجود او لا بيضللو هم الافضل

والله مابدها كل هاشي
التمييز موجود لكل الاعضاء المميزين وكلنا بنعرفون
والتمييز مو بس بوجودك وكترة مواضيعك
التمييز بردك واسلوبك واحترامك لكل الاخوة الاعضاء
والعلبة ابدا مو مشكلة بس بيساوي حركة وحماس
وهالاقتراح موجود بكل المنتديات
منتدانا غير شكل والكل بيحترم الكل وبيحب الكل
فليش هالشوشرات لي مالها طعمة
موفقين جميعا

طيب انت فيك تنكر انو نص مشاركاتي أنا ومشاركاتك أنت يا نضال ومشاركات اسماعيل كلها جاية من ورا الشات والرد على تعليقات بعض.
أنا شفت مواضيع كلها حكي بينك وبينو

وأنا وأنت كمان دائما منحكي شغلات ما إلها علاقة بالموضوع الأساسي بربك هيك حكي خارج الخبر المذكور أو موضوع النقاش بيخلينا نكون من أفضل الأعضاء

بعدين حمشو بينزل كل خمس ست تيام موضوعين تلاتة
وتلات أرباع ردوده عبارة عن تلات أربع كلمات ومن لما اشتركت بالمنتدى يمكن أطول رد شفتوه ألو سطر ونص بقى علشو هل 700 مشاركة وأكبر دليل رده اللي فوق وشوف غير مواضيع

أنا بعرف أنو رح تقولولي وين كنت أنا لما كان حمشو و اسماعيل بالمنتدى وانو كانو معكم من لما كان المنتدى فاضي بس قللي بصراحة إذا أنا غلط ولا صح

شغلة تانية ليش تجاهلتو كلامي عن مشاركة maya‏ وأنا ما اتهمتك أنت يا سومر أو نضال بالاسم بس هي حتى عضوية دائمة ما عندها

وآخر شي الله يسامحك يا نضال لأنو خليتني اذكر اسماء وانا ما كان بدي هالشي وهلق رح تعملي مشاكل مع الأعضاء

انا ردي الأول ماذكرت فيه اسماء ومع هيك ما خلصت يعني تقبلو الرأي الآخر متل ما نحنا منتقبلكم وإذا كلامي تقيل عليكم فأنا أسف وأنا مستعد اترك المنتدى

وتحية لسوسن و ابو الريم وعصام و romantic ‎teddy ‎bear
على مواضيعهم الحلوة ومشاركتهم الحقيقية

وشكرا سلف على حذف هالرد

معظم المشاكل بتبدأ بسوء تفاهم
أنا ما شككت بسومر و لا بنضال
هيك شغلة ممكن أي حدا يعملا
و أنا بأكد على كلام سوسن و آية

şάώşαή كتب:

لأن عدد المشاركات مو مقياس لتميز العضو ابدا

و كل رأيي انو تصنيف الأعضاء أول تاني تالت حسب عدد الردود ظالم للكل حتى للموجودين فيه

أما رد سيرجي فهوي صريح زيادة عن اللزوم

بس المنتدى بحاجة لصراحة حتى نوصل لنتيجة

سيرجيو انت بتعرف اني بحترمك
بس ردك القديم بدو حذف

واحمد ما بعرف ليش مقضاها مسخرة
ولازم تكون لاحظت انو
هي تاني مشكلة بتعملها مشان هالصندوق
مع انو الموضوع سخيف جدا