استفتاء : هل تؤيد إلغاء صندوق أفضل 10 أعضاء ؟

طيب شو لكن

الشغلة انو نحنا ما عم نتفق على المبدأ
قسم بيشوف الصندوق إيجابي و قسم سلبي كتير
بصراحة أنا عم فكر انو انتوا بدكم ردود كتيرة بغض النظر عن المضمون لهيك ما حابين تتفقوا معنا رغم انو حكينا مقنع جداً و منطقي جداً جداً حسب ما شايف
كتبت برد إلي شو قالت سوسن و آية انو عدد المشاركات ما بيهم و بعتقد هالحكي منطقي تماماً
و فيه صندوق بيصنف الأعضاء و بيقول انو هدول أفضل الأعضاء لأنو كاتبين أكتر ردود أكتر من غيرهم
قلتلك برسالتي انو ع القليلة يتسمى أكثر 10 مشاركين بس طلع ما ممكن حسب سومر
يعني رجعنا ع نقطة الصفر
لأنو ما رح كمل متل العادة إذا حاسس حالي مهمل و ما إلي رأي

و الله انا شايف هالصندوق صارت شغلتوا عويصة
اكتر من ازمة الشرق الاوسط
و على شو كل هالجدال ما بعرف
كلو صندوق يعني اذا كل عضو شاف شغلة ما عجبتو بالمنتدى بدو يغيرا
فالله يرحم المنتدى
انا ما عجبني قسم محبين الريال شو بساوي بطلب حذفو هههههههه
يعني عمتعملوا من الحبة قبة و عشي فاضي
و هالاعضاء العشرة هنن قلب المنتدى و بدونو بوقف
و هادا حقن و اقل شي ممكن يحصلوا عليه
و متل ما قالوا الزملاء شوية مشاركات مع شوية دردشة ما فيها شي

و الله يستر ما يصرلوا شي لهالصندوق من كتر ما انحكى علي

ابو حميد

المشاركات ليست بالكمية بل بالنوعية و انت علقت ععنوان الصندوق و لو بيطلع بايدي غير العنوان غيرتو و بلا كل هالجرصة

و سومر هو المفتاح

و متل ما قللك هكتور اذا كل شخص بدو يغير حسب هواه فعلى المنتدى السلاااام

صراحه انصدمت الموضوع انحط للتصويت
مو مشان نرجع نحكي فيه
وصل لاربع صفحات والهدف من الموضوع الحل
وما انحل شي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي كلنا بنعرفه من ونحنا صغار كل واحد يعمل اللي عليه ومجرد رضانا عن مجهودنا هاد المهم
وبعتقد الكل بدون استثناء راضي عن حالو وهالشي بكفي بنظري
وطول ما رح نقعد نطلع ونراقب الناس وشو حكو الناس مارح نرتاح
عمره الترتيب ما خلانا مميزين ولا مبدعين ولا الأفضل
لأن لو كان هالشي صح
كان ابسط شي بالمدرسه اخدو اللي قاعدين قدام وخلوهم الأوائل والمتفوقين
الموضوع نزل للحل متل ما بعتقد
مو مشان نرجع نحكي فيه
كلنا فاهمين وجهاات نظر بعض
وبدنا ننتظر ال3 ايام لتمضي ونشوف النتيجه النهائيه
لأن كلنا امبارح اتفقنا شو ماكانت النتيجه رح تسير
سواء ابقائه للصندوق او لا
التصويت رح يحدده
وبكرر الصندوق ابدا مو مقياس للتميز
لان بس تمر السنين رح نتزكر كل عضو وشخصيته وطرحه مش عدد مشاركاته

يسلم تمك ام السوس و انا هيك عم قللو لابو حميد انو الاستفتاء هو بيحل كل شي بس ما عم يقبل

حاسس الوضوع هيك أكتر من سوء فهم
يا ريت الكل يقرا الموضوع قبل الرد

darkhector كتب:

كلو صندوق يعني اذا كل عضو شاف شغلة ما عجبتو بالمنتدى بدو يغيرا
فالله يرحم المنتدى

إذا كانت ما عاجبته لأنها شغلة سيئة للكل ليش حتى ما يطلب

اقتباس :

و هالاعضاء العشرة هنن قلب المنتدى و بدونو بوقف
و هادا حقن و اقل شي ممكن يحصلوا عليه

أول شي ما حكيت على هالعشرة بالسوء
أو التسعة لأني واحد منن
كل واحد آخد حقه (أول 3 شرفين عامين)
إزالة الصندوق مو إهانة إلهم

اقتباس :

و متل ما قالوا الزملاء شوية مشاركات مع شوية دردشة ما فيها شي

ما القصة ع الدردشة قد ما هيي ع الردود عديمة المعنى وتفوق اللي بيرد أكتر كعضو أحسن من غيره وغيرها من الشغلات التي انشرحت هون

اقتباس :

كل واحد آخد حقه (أول 3 شرفين عامين)
إزالة الصندوق مو إهانة إلهم

اذا بتريد ابو حميد لا تغلط هااااااا مافي غير مشرف عام واحد و هوي انا

الله وكيلك انا ما عندي مشكلة مع هالصندوق اذا بدكن تزيلوه زيلوه بس لما خيرتوني اذا مع او ضد الازالة قلتلكن انا ضد الازالة

شكل هالمشكلة غير قابلة للحل

يا جماعة هادا منتداكم

اعملوا فيه اللي بدكم ياه و هادا حقكم

بس كان بدي جملة صريحة انو بدكم عدد ردود أكتر ع حساب النوعية

و مع هيك أنا ما كرهت حدا فيكم (عدا واحد! )

أنا ما عاد بدي شارك إلا إذا انشال الصندوق لأنو الشغلة مو شغلة صندوق بس

تحياتي و تمنياتي إلكم بالتوفيق و النجاح و تصبحوا ع خير

اهم شي نوعية المواضيع
مو الكميه


أنا مع انو ينشال الصندوق
بس مو فهمان ليش معصبين هالقد!!

b coooooooooooooool
Take it easy

احمد

و الله انا بحياتي ما بكره حدا و مشكور

عصامو

ارسل تصويتك بالاعلى

اولا مرحبا
انا صوتت حيادي لانو صراحة ماني ملاقي مشكلة بوجودو او عدم وجودو للصندوق
هي شغلة شغلة تانية يعني مين اللي عمشارك بس مشان يزيدو نقاطو يعني بدي اسأل سؤال اذا صارو نقاطي 10000 نقطة رح تعطوني بيت ولا سيارة طبعا لا اما انو بس يبين انو من العشرة الاكتر مشاركة فما بعتقد انو في عضو عبشارك مشان هالشغلة
رح احكي على حالي انا عضو قبل كتييييييييييييييييير اعضاء وفي كتير بعدي سجلو بس صارو من العشرة او صارو مشرفين ومنهن الغوالي آية وسيرجيو وهالشي ما زعجني ابدا انو سجلو بعدي وصارو مشرفين بالعكس مبسوط فيهن كتير وهني عمحركو المنتدى
انا لما عملاقي موضوع حلو عمرد عليه بس اذا الموضوع ما عجبني ما برد مافي مشكلة
لا مستني يصير لون اسمي اخضر ولا احمر ولا هادا متل لون نضالو ما بعرف شو اسمو اللون وعلى فكرة انا احد الاشخاص اللي برفض صير مشرف خليني من عامة الشعب اريح
شكرا للجميع ونحنا اخوة هون ومافي مصالح ابدا ومافي داعي حدا يترك المنتدى ولا يزعل احلى اعضاء

اقتباس :

لا مستني يصير لون اسمي اخضر ولا احمر ولا هادا متل لون نضالو ما بعرف شو اسمو اللون

ولك علوش كل هالقد متزاول من لوني


هادا سومر هوي يلي بينقي الالوان انا ما الي علاقة

أحمد أنا معك
وإذا الشغلة بالتصويت لاتاكل هم رح جبلك عالم بكرا شي بروس وشي بلا روس يصوتو لإلغاء الصندوق

بصراحة وعفواً منكن بس ضيعت وقتي على 5 صفحات من أسخف ما يكون؟؟؟
يعني معقول 5 صفحات على هالموضوع ؟؟؟
حابب قول كام كلمة للكل :
نضال قال : نحنا عم ننزل مواضيع مفيدة دائما و كل الاعضاء بيشهدو على هالشي
أنا بدي قول انو بالصفحة الرئيسية فيشي اسمو (( احصائيات المنتدى ))
طبعاً ما بعرف اذا هيدا كمان مدايق حدا فيكن ؟؟؟
ولما بتدخلوا عليه بتلاقوا (( أفضل 10 فاتحي مواضيع ))
واللي حابب يعرف حالو اذا عم يشتغل بنشاط بالمنتدى يشوف هالجدول ؟؟؟؟
وينسى ويحل عن سماه لصندوق أفضل 10 أعضاء ؟؟؟
واللي حابب يعرف شو أضاف للمنتدى أكتر بيقدريشوف المواضيع اللي فتحها كل عضو من الأعضاء الموجودين ويشوف نوعية المواضيع ومدى فائدتها وأهميتها للمنتدى وللأعضاء
وبعدين تعوا حاسبونا وحكوا كلام طالع نازل ما الو داعي ...

أحمد قال عن سومر : أصلاً هوي اللي حط براسي فكرة عدد المشاركات لأنو قلي إذا بدي صير من الإدارة لازم كون بالتلاته الأوائل بالردود
حابب قول شي أني انا ما بعرفو لسومر ولا بعرف عنو شي أكترمن اللي انتو بتعرفوه
بس كلمة حق بتنقال اني لما بعتلي مشان صير مشرف ويعدين مشان صير بفريق الادارة
سألتو : يا سومر ليش أنا ؟؟؟ قلي ببساطة لأني حسيت انك بتحب المنتدى وقلبك عليه وبتتواجد فيه بشكل دائم و بتتواصل مع الكل ... بس وفقط لا غير
يعني الزلمة ما جاب سيرة المشاركات وصناديق البندورة اللي آخدة عقلكن

كلمة أخيرة وانا ما علقت عالموضوع لحتى فوت بجدل مع حدا بس لأنو الموضوع بيعنيني:
أنا وغيري بالمنتدى منعتبر المنتدى بيتنا يعني لما منشتغل فيه ما ناطرين شكر و لا أوسمة ولا كراسي ولا رتب من حدا ؟؟؟
تانياً والأهم انو نحنا مندخل عالمنتدى ومننزل مواضيع ومنشارك وأحياناً بصير مناقشات وتعليقات بس منكون نحنا عن نتسلى ونستفيد وننبسط ومننسى كل الصناديق
بقى اللي حامل الصندوق على راسو ما رح يرتاح اذا شلناه لأنو رح يطلع بمشكلة جديدة
واللي بدي قولو أنا ما عندي مشكلة بوجود الصندوق ولا حاططه على بالي وبعتبر الوقت والجو اللي عم عيشو هون أكبر وأهم من كل هاللعي الفاضي ...
وعلى فكرة أنا ما رح آخد موقف من حدا لأني مع حقكن بالتعبيرعن رأيكن
بس ما شفت حدا سأل حالو المنتدى شو في مواضيع علمية وثقافية وشو ناقصو ؟ وما شفت حدا دور وبحبش وين في نقص بأقسام المنتديات وحاول ينزل شي مفيد فيها ؟
وما شفت حدا عذب حالو وساعد الأعضاء بالحصول على نتائج موادهم
إلا بعض الأعضاء اللي عم تقولوا عليهم لتاتين وما بعرف شو ؟؟
وبعدين أنا ما مزعوج من الكلمة يعني اذا كان اللت بلا فائدة عالقليلة عم نتسلى وهي بحد ذاتها فائدة في ناس كتير الله حارمن منها وما بيعرفوا قيمتها ولا بدن يخلوا الناس يستمتعوا فيها ؟؟؟؟
يا جماعة كل واحد يقيم حالو بالشي اللي عم يحطو وينزلو بالمنتدى
وانسوا الصناديق وكبروا عقلكن بقا ؟؟؟

اسماعيل

لا فض فوك اخي

مشكور اسماعيل على ردك بس حابب رد ع كم نقطة من كلاك حسيتها مسيئة

Isma3el كتب:

يعني معقول 5 صفحات على هالموضوع ؟؟؟
أنا بدي قول انو بالصفحة الرئيسية فيشي اسمو (( احصائيات المنتدى ))
طبعاً ما بعرف اذا هيدا كمان مدايق حدا فيكن ؟؟؟
ولما بتدخلوا عليه بتلاقوا (( أفضل 10 فاتحي مواضيع ))
واللي حابب يعرف حالو اذا عم يشتغل بنشاط بالمنتدى يشوف هالجدول ؟؟؟؟
وينسى ويحل عن سماه لصندوق أفضل 10 أعضاء ؟؟؟

أول شي إذا بدنا نحط نسبة فتح الواضيع لكل واحد لازم يتاخد بعين الاعتبار اني كنت من الأربعة الأوائل بفتح المواضيع لما صارت المشكلة
ما كنت عم احكي من موقف ضعف
و كمان شغلة النسخ و اللصق مانا صعبة ؟!
نسخ موضوع ما بياخد وقت أكتر بكتير من كتابة رد قصير




أحمد قال عن سومر : أصلاً هوي اللي حط براسي فكرة عدد المشاركات لأنو قلي إذا بدي صير من الإدارة لازم كون بالتلاته الأوائل بالردود

اقتباس :

حابب قول شي أني انا ما بعرفو لسومر ولا بعرف عنو شي أكترمن اللي انتو بتعرفوه
بس كلمة حق بتنقال اني لما بعتلي مشان صير مشرف ويعدين مشان صير بفريق الادارة
سألتو : يا سومر ليش أنا ؟؟؟ قلي ببساطة لأني حسيت انك بتحب المنتدى وقلبك عليه وبتتواجد فيه بشكل دائم و بتتواصل مع الكل ... بس وفقط لا غير
يعني الزلمة ما جاب سيرة المشاركات وصناديق البندورة اللي آخدة عقلكن

إذا انت هيك غيرك ما شرط
لما بتنتهي مباراة... بعد فترة العالم بيتذكروا النتيجة بس ما بيتذكروا كيف كان اللعب و لمصلحة مين
و نفس الشي هون
عدد الردود دليل على الجودة
بغض النظر عن الجودة الحقيقية

اقتباس :

بقى اللي حامل الصندوق على راسو ما رح يرتاح اذا شلناه لأنو رح يطلع بمشكلة جديدة

بعتقد هون طلعت عن الاحترام اللي عم تحكي عنه

اقتباس :

بس ما شفت حدا سأل حالو المنتدى شو في مواضيع علمية وثقافية وشو ناقصو ؟ وما شفت حدا دور وبحبش وين في نقص بأقسام المنتديات وحاول ينزل شي مفيد فيها ؟
وما شفت حدا عذب حالو وساعد الأعضاء بالحصول على نتائج موادهم
إلا بعض الأعضاء اللي عم تقولوا عليهم لتاتين وما بعرف شو ؟؟

إذا قال سيرجي كلمة بالغ فيها شوي و بدكم تعلقوا عليها
ما فيني قلكم انتوا على غلط
بس اللي عملو سيرجيو مبارح و شرحته بموضوعي دليل على العكس
يعني لو قسط هالردود على كم يوم كان من نخبة المنتدى بنظرك ؟
بعدين نحنا حكينا بشكل عام و ما تقصدنا الأعضاء الموجودين بالصندوق
اللي بيقول مو فارقة معو وجوده و بيتصرف حتى ما ينشال اسمه هون بيصير فيه تساؤل!

اقتباس :

وبعدين أنا ما مزعوج من الكلمة يعني اذا كان اللت بلا فائدة عالقليلة عم نتسلى وهي بحد ذاتها فائدة في ناس كتير الله حارمن منها وما بيعرفوا قيمتها ولا بدن يخلوا الناس يستمتعوا فيها ؟؟؟؟
يا جماعة كل واحد يقيم حالو بالشي اللي عم يحطو وينزلو بالمنتدى
وانسوا الصناديق وكبروا عقلكن بقا ؟؟؟

متل ما قلت
المنتدى منتداكم
الصندوق صندوقكم
تهنوا فيه


بس متأكد رح يجي يوم تتخاصموا مع غيري من الموجودين
تل ما تخاصمتوا مع عالم قبلي
لأنو بتقولوا شكل و بتعملوا شكل
بتقولوا عدد المشاركات ما مهم و بتتمسكوا بالصندوق
الشغلة ما شغلة صندوق متل ما قلت
شغلة تصلب و تعنت و تمسك بالرأي

لا اتاكد ما رح نتخاصم والمنتدى للكل ونحنا متهنايين بالصندوق

FUNNY!

ما خلصنااسا ؟؟؟؟؟؟

مبلا خالصين
بس سومر يحذفلي عضويتي متل ما طلبت منو

تكرم أحمد