كلنا شفنا شو صار بالجزءالأول من المسرحية:https://lattakia.ahladalil.com/montada-f51/topic-t2643.htmاليوم رح نبلش بالجزء التانيالفصل الثاني:المشهد الاول:كليوباترا صباح المعركة واقفة في شباك القصر تتأمل في البحر
شارميون: معلمتي السفن جاهزة
كليوباترا: طيب خلاص انا نازلة, اجا مقصوف الرقبة أنطونيو ؟
شارميون: عم يستناكي من الصبح وهلق هو عم يلعب بلياردو مع الحراس بالتراس الغربي
كليوباترا: ربنا يستر يا شارميون
شارميون: من شو خايفة يا مولاتي مو مبارح انتي صليتي للاله امون و قدمتى القرابين !!!!
كليوباترا: على رأيك ربنا يستر
المشهد الثاني : كليوباترا في مخدعها ومن حولها العبيد وبعض الطواويس و حاطة فول ميك- اب و لابسة ومتهندسة وطالعة متل نفرتيتي عجرم وحاطة اللاب–طوب تبعها وعم تعمل تشات
وشارميون على سطح السفينه واقفه مع حبيبها و اتقفوا على ان اول ما المعركه تخلص يروح يطلب ايدها من الملكة ويعيشوا في تبات ونبات .............
المهم الملكه عيطتلعها لشارميون
كليوباترا: شو يا بنت بيين اوكتافيوس ولا لسه
شارميون: لسه مولاتي
كليوباترا: يا خوفي من انطونيو هادا واحد غشيم ومابيعرف شي عن البحر غير انو مي مالحه لك حتى السمك كان مفكرو بينزرع بالأرض.....وماعندو ايه خبرة عن الخناقات تبع البحر
شارميون: و لا حتى اوكتافيوس و حياتك يا مولاتي بس اللي عرفته انه معو واحد اسمه (اغريبا) مشهور بأنه بيفهم في الخناقات تبع البحر وما الو شي طالع من الحبس بعد ما انمسك في خناقة بقبرص السنة الماضية ... سمعتي بخناقة قبرص ما هيك يا مولاتي
كليوباترا: اي اي سمعت فيها
شارميون: هو لما انمسك حكموه سنتين في سجن روما المركزي بس طلعوه بكفالة وهلق هو تحت المراقبة
كليوباترا: و انتى شو عرفك بكل هالحكي يا فارة الطحين ؟؟؟؟
شارميون: شفتي الشب اللي كنت واقفة أنا وياه على ضهر السفينة كان محبوس معو وهو حكالي كل شي
كليوباترا: العمى بعيونك وليه يعني الشب اللي كنتي واقفة معو خريج حبوس ؟
شارميون: الله وكيلك حبسوه ظلم بعدين ياما بالحبس مظاليم....
كليوباترا: و انا شو فارقة معي اذا ظلم و لا مو ظلم ...بس انتي متأكدة من موضوع انه أغريبا لسه تحت المراقبة
شارميون: ولو يا معلمتي الشب قالي انو لسه باقيلو شهر حتى يخلص المراقبة....
كليوباترا: طيب طيب....معاكي رصيد
شارميون: الله وكيلك هني خمسين سحتوت ما في غيرن
كليوباترا: طيب اتصلي مع الملازم هيرولس و قوليلو على الموضوع تبع اغريبا وانو رجع يعمل مشاكل وهو تحت المراقبة
شارميون: هوا يا مولاتي
تبدا الملكة بالهدوء و تصعد الي سطح السفينه لتراقب البحر وجماله وفجأة صار انطونيو يشاورلها من بعيد ويبعتلها بوسة مع الهوا
تشيح الملكه بوجهها في كسوف ظاهري وتقول في سرها (ما كان ناقصني غير هاد الأهبل ..روح فكر كيف رح تحارب روح ..)
--ما علينا منرجع للمسرحية--المشهد الثالث: على سطح سفينة اوكتافيوس
اوكتافيوس: كلو تمام يا اغريبا
اغريبا: تمام يا باشا محضرلك نقفة دين خطة غير شكل علمني عليها(مجرم- نايوس)لما كنا أنا وياه بنفس القاووش
اوكتافيوس: وشو هي هالخطة
اغريبا: شوف يا معلم منحشرو لهل الدب أنطونيو بين سفينتين النا ومنبلش رش عليه أسهم ولعانة نار ومازوت
اوكتافيوس: طيب وسفن كليوباترا
اغريبا: عندي أنا بتكفل فيها
اوكتافيوس: أوكي
اوكتافيوس: اي صحي انت خلصت المراقبة ولا لسه
اغريبا: خلصتها من شهر بس حزير شو عملت؟؟؟؟
اوكتافيوس: شو
اغريبا: قلت للحارس تبعك هاداللي مصاحب شارميون انو انا لسه عليي شهر مراقبة
اوكتافيوس: و بعدين
اغريبا: اكيد طبعا كليوباترا رح تتصل بالملازم هيرولس و تقدم بلاغ بس يجي الملازم يفتش السفن مارح يشوف شي ونحن من خليه واحد من دواسيسنا يحط حشيش في سيفنه كليوباترا ونخليهم يقبضوا عليها بتهمه ازعاج السلطات وتهريب حشيش
اوكتافيوس: عفارم عليك....من وين جايب هل الذكا كلو يا ابن المفكوكة
اغريبا: تلميذك يا معلم
-------------------------------------------------------------
يا ترى كليوباترا رح توقع في فخ اوكتافيوس واغريبا ...هذا ماسيجيب عنه الجزء الثالث والأخير 
