بعد ما شفنا شو صار بالجزء الأولhttps://lattakia.ahladalil.com/montada-f51/topic-t2643.htmوكمان شفنا الجزء الثانيhttps://lattakia.ahladalil.com/montada-f51/topic-t2831.htmاليوم اجا دور الجزء الثالث والأخير من المسرحية
الفصل الثالث:المشهد الأول:كليوباترا تشعر بحركة غير طبيعية في سفن اوكتافيوس ...يبدو انها تحاول الالتفاف حول سفن انطونيو و بدات تشعر بوجود سفن شرطة روما في النص ........
كليوباترا: تعي لهون يا بنت
شارميون: خير يا معلمتي شو فيه؟؟؟؟
كليوباترا: ما بعرف قلبي مقبوض
شارميون: اذكري الاله امون واكيد رح تهدي
كليوباترا: بلا امون بلا كمون ... بدي اسحب السفن
شارميون: طيب والمعركة يامولاتي
كليوباترا: اعملي متل ما عم قلك روحي قلليلهم مشان يسحبو السفن.........
المشهد الثاني:انطونيو منهمك في لعب ( فيفا 31 ق.م) اثناء ذللك يقتحم الاوضه كالاعصار قائد السفن
قائد السفن: الحق يا معلمي .كليوباترا سحبت السفن ...رح تتخلى عننا هل (حذفت من قبل الرقابة).......... رح تتركنا في قلب المعركة هل (حذفت من قبل الرقابة)............ رح تطعمينا(حذفت من قبل الرقابة)...
انطونيو: Sh!t
يدخل الأوضة أحد الخدم ليخبر أنطونيو بوصول شرطة روما
المشهد الثالث:الملازم هيرولس: لشو هالتجمعات هون ولك حيوان منك الو؟؟؟؟
اوكتافيوس: الله وكيلك يا سيدي ما في شي كنت ماشي بسفينتي بأمان الله واذ أنطونيو بيكسر عليي من اليمين
الملازم هيرولس: هلق انت بدك تحط عقلك بعقلو لهل الحيوان أنطونيو؟! يللاه لشوف بوسوا شوارب بعض....
(بيبوسوا شوارب بعض)
الملازم هيرولس: وينهاالست كليوباترا ؟؟؟؟
انطونيو : تركها بهمها ابنها السنة بكالوريا عقبال عند ولادك وقاعدة جمبو عم تدرسوا
الملازم هيرولس: الله يعينها ...............
المشهد الرابع:كليوباترا رايحه جايه في طرقات القصر و يبدو عليها التوتر
شارميون: شبك يا مولاتي رايحة جاية متل الجاجة اللي بدها تبيض
كليوباترا: اخرسي وليك... انا بس عم مفكر شو بدي قللو لانطونيو لما يجي
شارميون: هدي حالك يا مولاتي
بعد ساعة يدخل أنطونيو القصر غاضبا بس لما شاف كليوباترا لابسة ومتشيكة هدي شوي وقللها:
-هيك يا كليو ... هيك بتتخلي عني بنص الدوكة!!!!
كليوباترا: طيب شو بدي اعمل .. كنت حاطة الطبخة ع النار ...بيرضيك تحترق و قيصرون(ابن كليوباترا) يضل بلا أكل؟
أنطونيو: لا اذا هيك معك حق
كليوباترا: المهم انا طابخة فريكة....بسكبلك؟؟؟؟
أنطونيو: بالهنا و الشفا يا حبيبتي اكلت صندويشتين فلافل وببساية أنا وجاي عالطريق
كليوباترا: طيب وهلق شو مشان أوكتافيوس
أنطونيو: انا بكرا رح ربيه لهل الكلب
كليوباترا: بس هالمرة على البر مو هيك Baby
أنطونيو: تكرم عيونك
(ويسكبان كأسيين من النبيذ)
المشهد الخامس:المعركة البرية على ضفاف الاسكندرية....وتنطلق المعركة....ويلتحم الجيشان و تبدأ الأشلاء بالتطاير....وبنص هالمعمعة بتيجي خادمة بتبلغ أنطونيو انو كليوباترا انتحرت والظاهر أنو سكرة مبارح كانت لسه مأثرة عليه قام بدون ما يفكر ثبت سيفه بالارض وشك فوقه و قتل حاله!!!
و هكذا اعلن انتصار اوكتافيوس
المشهد السادس:كليوباترافي قصرها بعد ماعرفت ان انطونيو قتل حالو
كليوباترا: يا شحارك يا كليوباترا.... طول عمرو غبي ....ماكان فينو ينتظر ليتأكد من الخبر
شارميون: طيب شو رأيك يا مولاتي ترسمي على اوكتافيوس يعني انتي ما شالله عنك صبية وهو ختيار ونفسه خضرا
كليوباترا: بس بيجوز يبهدلني ويذلني
شارميون: ولو يا معلمتي بكلمتين حلوين منك بيصير متل الخاتم باصبعتك بعدين انتي بتسوي عشرة من مرتو أم شنب
كليوباترا: والله كلامك فييو وجهة نظر
اوكتافيوس يدخل القصر وبيلاقي...كليوباترا تبدو في احسن هيئة لها و قد ارتدت فستان من تصميم كريستيان ديور وطالعة احلى من ( حتشبسوت وهبي )
طبعا انبهر اوكتافيوس بهل المنظر ويتخيل منظر مرتو أم شنب وهي طالعه من الحمام بعد ماخلصت حلاقة دقنها و عم تقلو "بكرا تندم يا جميل"
وقام طرد الفكرة من راسو....
كليوباترا: اهلا وسهلا فيك بقصري المتواضع
اوكتافيوس: يا أهلا وسهلا
كليوباترا: (بغنج) عاوز شي
اوكتافيوس: (استرجع اكتافيوس قواه) اي انا جاي اخدك اسيرة
كليوباترا: لاء و واثق من حالك لك انا كليوباترا يا باباانا بعرف انك بدك تخليني اعمل اعلان لمحل التمديدات الصحية تبعك بس والله على جثتي
اوكتافيوس: بدك تجي ومو على كيفك
اثناء ذلك اخرجت كليوباترا الثعبان وجعلته يعضها لتموت كليوباترافي نفس يوم مقتل حبيبها انطونيو... و بينما كانو جواري كليوباترا ينتحرن واحدة تلو الاخرى انطلقت شارميون هاربة وبعد ذلك تبناها احد المنتجين و قرر يعملها فيديو كليب ....
ستارشو شباب كيفكين فيا لهادي؟؟؟؟؟؟؟
انشالله تكون عجبتكين...... 
