البوطي: "ما ملكت أيمانكم" افترض أخطاءً لدى القبيسيات وكبرها

(دي برس)

أشار الدكتور محمد سعيد رمضان البوطي إلى أن افتراض مسلسل "ما ملكت أيمانكم" للأخطاء والانحرافات الشنيعة في صفوف الناشطات الإسلاميات في سورية وخاصةً المعروفات بالقبيسيات ثم تكبيرها وتسليط الأضواء عليها وإشاعتها في الأوساط ابتغاء انتزاع الثقة بهنَّ من أفئدة الناس، هو أمر "لن يكون لمصلحة هذه الأمة ولن يعود إليها ولا إلى الوحدة الوطنية ولا إلى القيم الإسلامية والدينية عموماً بأي خير" حسب تعبيره.

وأكد البوطي أن سلوك هذا المسلك مع فئات الناس وطبقاتهم على اختلافها يعيد المجتمع أنكاثاً تسوده الاتهامات والخصومات، ويؤدي لتبادل الناس المهاترات بدلاً من التحيَّات.

ووفقاً لموقع "نسيم الشام" فقد قال الدكتور البوطي رداً على سؤال حول قراره حيال المسلسل بعد انتهاء جميع حلقاته: "أعتقد أنني أحلت القرار بشأنه إلى متابعيه من أفراد الشعب السوري ممثلاً في الصفوة ذات الوعي السليم والحياد الفكري والإخلاص للقيم والوطن, وأعتقد أن من اليسير الآن معرفة موقف هذه الصفوة من خلال الاستبيانات الكثيرة التي أجاب عنها الكثيرون ومن خلال المواقع والتعليقات الوفيرة. ولا ريب أنني مؤيد وتابع دائماً لهذه الصفوة".
يذكر أن نسبة من دعوا للإعراض عن مسلسل "ما ملكت أيمانكم" حسبما أفاد الموقع بلغت 30-35%، في حين بلغت نسبة المستائين من متابعته 75-80%، وبلغت نسبة المؤيدين 20-25%.

وتابع البوطي منبهاً حسب قوله إلى "حقيقة يجب أن لا نتيه عنها, وذلك بقطع النظر عن هذه المناسبة وغيرها, وهي أن النشاط النسائي الإسلامي في سورية وخاصة المعروفات باسم (القبيسيات) يمثّل في الحقيقة الإسلام الحضاري والوطني والواعي البعيد عن الغلوّ المترفع عن النفاق"..

اي هيك ها , هلق صار الحكي تمام بعد ما حضر السيد البوطي المسلسل

اقتباس :

ويؤدي لتبادل الناس المهاترات بدلاً من التحيَّات.

و هذا ما حصل نتيجة الرأي السابق لأوانه بالمسلسل

اقتباس :

أن النشاط النسائي الإسلامي في سورية وخاصة المعروفات باسم (القبيسيات) يمثّل في الحقيقة الإسلام الحضاري والوطني والواعي البعيد عن الغلوّ المترفع عن النفاق"..

الرجاء من كل من يقرا و يريد معرفة معنى القبيسيات يدخل على هالرابط او يبحث بالغووغل عن القبيسيات
و هذا الرابط مقال تعريفي بالقبيسيات كتبته فوزية الخليوي عضو الجمعية العلمية السعودية للسنة

http://www.saaid.net/daeyat/fauzea/18.htm

اذا تجاوزنا موضوع العنوان المثير للريبة بنظرى..فان المضمون والاخطاء والتجاوزات والسيئات والشذوذ المعالج بالمسلسل هو عادي او اقل من عادي ..وطبقات المجتمع المختلفة تعج بمثل هذه الممارسات بل فيها اكثر بكثير..بكثير بكثير.سواء كن او كانوا من هذا الدين او ذاك ..وسواء كن او كانوا علمانيين ام غير ذلك ..وسواء كان ذلك في سوريا او اي اي بلد عربي او اسلامي اخر..والتحذير من الاخطاء مطلوب جدا..مع عدم التعميم..لان الاخطاء والشذوذ صار كالوباء لا دين له ولا لون له ولا مكان ثابت له..وهو يمثل الحالة الخاصة والقليلة والاستثنائية جدا ..والحمد لله ..وشكرا

http://www.saaid.net/daeyat/fauzea/18.htm
مع الاسف هذا الرابط المذكور انفا هو رابط سيء جدا لانه يحمل بصمات وهابية تكفيرية ..اي انهم يكفرون غالبية المسلمين ممن لا يتبعون الفكر الوهابي..ايانهم يكفرون 98 بالمائة من المسلمين..
باستثناء من يتبع فكر محمد بن عبد الوهاب..هذا حسب ما شاهدت واطلعت..والله اعلم..لذا وجب التنبيه للتأكد منه وشكرا..

نعم صديقي ابو الطل كلامك صحيح بالنسبة للوهابية و عذرا لوضع هكذا رابط ولكن هذا رابط آخر ليس وهابيا أرجو الاطلاع من الجميع

http://www.dw-world.de/dw/article/9799/0,,5996427,00.html

لا للتشدد و التطرف

http://www.saaid.net/daeyat/fauzea/18.htm
ان ما يعرف بالجمعية العلمية السعودية للسنةة بالرابط المذكور انفا - هي عبارة عن جمعية تحمل فكرا وهابيا تكفيريا ..حيث يكفرون غالبية العالم الاسلامي باستثناء المسلمين بالسعودية..ولايصلحون ابدا ان يكونوا مرجعا للتعريف بالاسلام والمسلمين..وللاهمية وجب التنبيه ..من وجهة نظري .وشكرا

اشكرك استاذ نضال الغالي والرابط الثاني يفي بالغرض تماما. ويعرف بمن يسمون قبيسيات ..للمهتمين..وشكرا ثانية لكم

هدفنا الحقيقة استاذي الكريم طلال و مشكور للمتابعة

:thx:

صراحة ما عم لاقي وقت لعلق على شي بالمنتدى بس هون ما فيني أتجاهل الموضوع:
بغض النظر عن الروابط اللي اختلفتوا عليها وما هي موضوعي مع اني بأيد صديقنا تلال آيسا بخصوص موقفو من الوهابية .....
بس اللي بدي قولوا انو أنا رأيي بالمسلسل كان واضح وما غيرت عنو بس متل ما حكيت عن الايجابيات بأكتر من موضوع متل الجرأة والمواضيع الهامة واللي لازم تنطرح بالاعلام , كمان لازم قول عن السلبيات وبيبقى كلامي من باب محبة للعمل وأنا حضرت لقاء مع الدكتورة هالة دياب مؤلفة المسلسل من لندن وهي انسانة مثقفة بس ما بيمنع يكون في نقد لكتاباتها وهادا حق طبيعي لأي شخص متلي ...
يعني أنا مع طرح موضوع المثلية الجنسية مثلاً عند الذكور لأنو هي ظاهرة واضحة بكل مجتمعات العالم وحتى عنا , بس حسيت انو لسه بكير نطرح فكرة المثلية الجنسية عند البنات لأنو لسه ما كتير منتشرة برأيي أو بمعنى أدق هي ليست ظاهرة منتشرة بشكل واضح في المجتمع .. ومع ذلك أنا ماني ضد طرح الموضوع ولكن :::::::
الدكتورة دياب كانت بتقدر تطرح موضوع السحاقيات بمجتمعنا عن طريق أي بنتين بالمسلسل مع اني مصرّ انو الموضوع لسه ما وقتو , أما انو تترك كل شي الله خلقو عالم وتحط الآنسة هاجر واللي هي مدرسة دين (بغض النظر عن رأيي فيها ) بدور أنها مثلية ؟؟؟؟؟
صراحة مبالغة ومبالغة كبيرة
وماحدا يقلي انو هالنموذج موجود لأنو على فرض انو موجود , فكم هي نسبته بالمجتمع ؟؟؟
يعني اذا السحاقيات كلن نسبتن قليلة وقليلة كتير , فكم رح تكون نسبة المثليات اللي هنن مدرسات دين ؟؟؟؟؟؟؟؟؟؟؟؟؟؟؟؟؟؟؟
ويا جماعة أنا ما عم دافع عن حدا بس عم أحكي منطق ...
يعني فعلاً حسيت هالموضوع استفزازي ومالو طعمة وهو مجرد اختلاق للجدل واختلاق للجرأة اللي بغير محلها .
ملاحظة للي ما حضر المسلسل , اللي حكيتو موجود بالحلقات 20 - 22
شكراً حمشووووووووووووووو عالموضوع الحلو

ولك اسماعيل و انا كمان مع طلال بالنسبة للوهابية , بس لأنو بالاول ما نتبهت للموقع شو هوي

و حطينا رابط تاني ما الو علاقة بالوهابية فيه تقريبا نفس الكلام


قال وهابية قال و الله مباقي غير تعملني شيخ وهابي مربى لحية واصلة لركاكيبي

مشكور اسماعيل وانا معك بكل كلمة وخيي نضال انسا

إي وليش عصبت حضرتك ؟؟؟؟؟
يعني اذا قلت اني مع طلال بكون ضدك ولك نضال ؟؟؟
بس فعلاً نضالو بهيك مواضيع لازم الواحد يكون كتير حذر بالمصادر اللي بياخد منها المعلومة
وأحد الأئمة وبعتقد هو الإمام مالك عندو مقولة حلوة كتير وهامة أكتر وهي:
( إنّ هذا الدين علم , فانظروا عمّن تأخذون دينكم )
بمعنى انو ما مين ما لبس عباية وربى دقنه وفتح فضائية ع حسابو أو ع حساب حدا تاني ما معروفة قرعة أبوه من وين ولا شو غاياتو , بدو يعمل علينا شيخ ويعلمنا الصح من الغلط ؟؟؟
وبكل الأحوال موضوعي ليس الوهابيين أو غيرهم
موضوعي المسلسل وبعتقد في شوية منطق باللي قلتو
وأحلى نضالوووووووووووو والله :’’’:

شباب طولو بالكن

يسماعيل يسماعيل يا حبيبي يا عيوني :

الموقع الاول تبع الوهابيين فيه كلام نفسو الموجود بالموقع التاني المانو وهابي بقا ما فرقت كتير لانو المعلومات وحدة و من عدة مصادر يعني الرأي و الرأي الآخر لأول مرة بيتفقو

لك أنا ما فتحت ولا واحد من الرابطين لأني ما بهمني
بعدين إي ممكن يتفقوا يعني أنا ما قلت انو الوهابيين كفار لا سمح الله ولا أتجرأ ان أكفّر أحد
بس هنن عندن مبالغات وتجاوزات يعني أكيد ما كل شي بقولوه غلط ...
بعدين تركنا منن هلق علقت عهالشغلة
خلص كيفك انت ؟؟؟
الخلاصة المسلسل كويس وحلو بس متل أي شي بهالكون
مانو كامل وفيه أخطاء وهادا طبيعي

اي شباب انحلت

اي اي حمشو انا و اسماعيل و انت معنا بحياتنا ما منعلق و اذا علقنا شي مرة تأكدو رح تنحل فورا لأني رح جيب الشنتيانة معي

احلى شباب و رأيك عالراس اسماعيلو

كبييييييييير

يا خيي بقول اضافة لما ورد عني سابقا..ان المسلسل له ايجابيات كثيرة ..ويجب عدم حصره اواسقاطه على المجتمع في دمشق اوسوريا..وانما على المجتمع العربي والاسلامي ككل.و وتجاوز جماعة فلان او علان..لانه بعصر الفضائيات .اصبح الكل بخرق علىالكل..وهيك يكون للمسلسل معنى اوسع واشمل ..وهذا افضل من وجهةنظري..وشكرا..

مشكور طلال وجهة نظرك وصلت

حـــــــــــــــلوووووووووو

مشكور ع المروور

بصراحة هاد المسلسل الوحيد يلي حضرتو برمضان أنا شفت المسلسل جريئ جدا يعني المسلسل فيه سلبيات بس هيي حتى توعينا وننتبه بس يمكن البعض رح يتخذها مأخذ على الاسلام بس كمان المسلسل فيه ايجابيات يعني لما حدا بدو يتفضل وينتقد العمل لازم يذكر المحاسن والمساوئ :*740*: