"ماي سبيس" يستسلم لـ"فيسبوك"

أعلن "موقع ماي سبيس"، الذي كان يوماً المقصد الأول للباحثين عن التواصل الاجتماعي عبر الشبكة العملاقة، وبعد إحداث تغيير جذري في تصميمه، أنه سيتحول من موقع اجتماعي، لموقع ذي محتوى ترفيهي. ونقلت وكالة الأنباء الألمانية عن الموقع المملوك لشبكة "نيوز كورب" الإخبارية إعلانه نبأ التغيرات التي حولته من موقع شبكة تواصل اجتماعي لموقع ذي محتوى ترفيهي بالقول:" في الماضي كان اهتمام ماي سبيس ينصب على الأشخاص،الآن ينحصر اهتمامه على المحتوى".

وقال مايك جونز الرئيس التنفيذي لماي سبيس "إنها استراتيجية جديدة لنا..نحن الآن جهة ترفيه اجتماعي". وبينما ستظل عناصر الصفحة الرئيسية للموقع مفصلة حسب تفضيلات المستخدمين، فإن الصفحة ستعرض أكثر البرامج التلفزيونية والفنانين والأغنيات والممثلين الكوميديين والأغاني المصورة انتشاراً عبر ماي سبيس، كما ستتضمن عرضاً للفنانين الصاعدين الذين يكتشفهم مستخدمو الموقع.

وجاءت الخطوة الأخيرة حسب الوكالة بعد استمرار انخفاض أعداد المشتركين المسجلين في الموقع، حيث يبلغ عددهم حالياً نحو مئة مليون مشترك، مقارنة بـ 500 مليون مشترك في "فيس بوك"، كما تراجعت أعداد زوار الموقع بنسبة 18 بالمئة خلال أيلول الماضي مقارنة بنفس الفترة العام الماضي حسب إحصاءات شركة "كومسكور" المعنية بمتابعة نسب مشاهدة وتصفح المواقع الإلكترونية.

يا لطيف شو عامل هالفيسبوك والله ما بعرف اذا بيستحق كل هالصيت ولا لأ

انا بس سجلت فيه وماعد فتت خالص ههه

مشكور سيرجيو

مدين أنا بأكدلك أنو بيستاهل و زيادة
كنت متلك بالأول يعني عملت أكونت وبعد منها بسنتين حتى فتت وصرت فعال
أنت اعمل بحث على أصدقاء إلك من أيام الثانوي أو الجامعة وشوف ما أحلاه

الفيس بوك عالم تاني والقصة ما بس شات وأكل هوا ؟؟؟
يعني أنا بتواصل من خلالو مع كل أصدقائي حتى اللي هون بنفس المحافظة
لأني أحياناً ما بكون فاضي شوفن كل يوم وهيك بعرف كل أخبارن وبطمن عليهن
وبشاركن كل شي بدور براسي وغير هيك أنو بتبقى على إطلاع بكل الأحداث
والنشاطات اللي عم تصير بالعالم وبتعطي رأيك فيها وبتشارك
يعني لما بقولوا إنو البرنامج الفلاني مثلاً في بصفحتو عالفيس بوك فوق ال18 ألف معجب
بتحس حالك أنو أنت عم تشارك وتأثر بإنجاح شي انت بتحبو
أو تفشيل شي أنت ما بيعجبك ؟؟؟
ولما بكون في صفحة مثلاً اسمها " لا لقتل أخواننا المسيحيين في العراق "
وأنت بتنضم إلها بتحس حالك عم تعمل شي وتعبر عن حالك ويكون إلك تأثير ...
وأكيد ما بنسى جانب التسلية والتعارف وهو جانب إيجابي إذا عرفنا كيف نستخدمو
وأنا كتير استفدت من الفيس بوك باللغة وتطوير حالي لأني بتواصل مع الكل تقريباً بالانكليزي
هلق بدكن تقولوا إنو شبو هادا عمللنا محاضرة عن الفيس بوك ؟؟؟
بس لأني بحس كتير ناس ما بتعرف شو هو الفيس بوك
وكيف ممكن يستخدمو بشي مفيد وحلو
شكراً سيرجيو

أكيد اسماعيل أنا عندي كتير رفقات ما بقدر شوفهم وهيك بتطمن عليهم يوميا أو إذا بدي منهم اي شي بتركو عالول وبكون متطمن انو رح يشوفوه

وهلق تويتر طاحش بقوة وأنا عاجبني كتير هالموقع وخاصة شغلة صفحات المشاهير يعني بتاخد الخبر من تم النجم اللي بتحبو وبلا صحافة صفرا وبلا بطيخ

خلص شباب معناه رح اخد بنصيحتكن وصير فوت عالفيسبوك وخصوصا اني بلشت مل من الامور التقليدية مشكورين ........

شكرا

أوكييييز....جربو وردلنا خبر

» إشتعال الصراع بين "ابل" و "فيسبوك"
» دراسة: “فيسبوك” بيئة مثالية للنرجسيين والمغرورين
» مستخدمو الإنترنت يزورون فيسبوك أكثر من جوجل
» 5 تشرين الثاني .. موعد تدمير فيسبوك !
» "غوغل" تستعد لإنشاء شبكة اجتماعية لمنافسة "فيسبوك"؟؟؟؟