شو رأيك؟؟؟؟؟

كم يؤثر فيك كلام الناس؟!

كلام الناس.. هل يقدم ويؤخر بالنسبة لك؟ هذه الظاهرة في المجتمعات التقليدية والمحافظة، وقد لا يكون لهذا المصطلح من اسم أو أي ذكر في المجتمعات الغربية التي تعيش العائلة فيها في عزلة تامة، تصل إلى حد أن الساكن والمقيم في بيته لا يعرف اسم جاره.

بعض الأشخاص لا يعيرون كلام الناس أي اهتمام، ولكن غيرهم قد يولي الأمر أهمية قصوى، ومنهم من هو مستعد لارتكاب حماقة وربما تصل حد القتل بسبب كلمة جارحة أو سمعة مهينة تشاع عن البنت أو الزوجة أو الأخت أو ابنة الخال أو العم.

ولكن لو نظرنا إلى موضوع "كلام الناس" بنظرة ناقدة، فإننا من جهة واحدة لا نستطيع إرضاء كل الناس، ومن جهة أخرى لا نستطيع غلق أفواه الناس، لذلك فإنهم بلا شك سيتكلمون، وكلامهم قد يؤذي وقد يسبب المشكل والمتاعب.

وسؤالنا هو كم تهتم لكلام الناس، وهل يقدم أو يؤخر بالنسبة لك، وإلى أي مدى؟ هل تعتقد أن التأثر بكلام الناس نابع من عدم القناعة أو عدم الثقة بالنفس؟ لماذا يتكلم الناس في الأمور التي لا تعنيهم حسب رأيك؟ شو رأيك..؟

هلق بدي بلش من الآخر يعني ليش الناس بيحكوا بشي ما بخصهم ؟؟؟
برأيي لعدة أسباب ومنها المعلاق الكبير والحشرية وحب التطفل , وكمان الفراغ
يعني ما بس قاعدين لا شغلة ولا عملة وبدن يتسلوا بهالعالم !!! كمان عقلن فاضي
أما بالنسبة للتأثر بكلام الناس فأنا ما بعتبره دليل ضعف أو قلة ثقة بالنفس "بالمطلق "
يعني أحياناً الواحد لازم يسمع النقد ويقبلو لأنو بأوقات كتيرة ممكن يكون لصالحو
وهادا بيعتمد على مين الشخص اللي عم ينتقد وشو علاقتو فيني ...
هلق أنا ماني مع وماني ضد
يعني ما بحب يكون الشخص ثائر ومتمرد عالعادات والتقاليد وكلام الناس لمجرد التمرد
وأنو بدو يمشي عكس السير وخالف تعرف وأنو ما سئلان عن حدا !!!
لأنو بالنهاية أنا ماني عايش لوحدي بغابة .. ولكن
بنفس الوقت ما بخلي العادات والتقاليد وحكي الناس يمنعني أعمل شي
أنا مقتنع فيه وبحبو ومرتاح فيه لمجرد الخوف من ألسنتهم وهون بطنش عالآخر
شكراً لوليتا وحبيت موضوعك كتير

موضوع مهم

أنا برأيي الموضوع بيبدا من الشخص وقناعته وأفكاره يعني انا لما بدي اعمل شي اذا كنت مقتنعه فيه

فمليون تعليق مابردني بس اذا كنت انا بالاساس متردده فطبيعي من اول كلمه اتراجع

بالنسبه الي شخصيا بالبدايه كنت قول مابهم الناس وكلامهم بس بالنهايةمافينا نتجاهل المجتمع اللي عايشين ضمنه وخاضعين لقوانينه

وأحيانا في نقد بناء وممكن يجي من اشخاص بدون يانا بافضل صوره

رح احكي تجربه شخصيه :

متل ماحكيت قدامكم انا الصوره اللي بتتاخدعني فورا اني انسانه مغروره وعصبيه

وتلقيت هالتعليق من كتير ناس وتأثرت وحاولت اتغير بس بعدين قلت ليش اللي بدو يحكم عليي بس من شكلي مابدي ياه وصرت بس حدا يقلي ليش شايفه حالك بقلوا اي كتيييييير

بالنهاية الناس بدها تحكي واذا مالاقت حدا تحكي عليه بيحكوا عحالهم

وانا مع النقد البنااااء وبشدد عالاسلوب الصح واللي بدل عالاهتمام

وشكرا لوليتا عالموضوع

كـــلام الناس أشبه بالدوامه التي يصعب الخروج منها .. وبطبيعه الحال.. بأن الغيبة هي شمعه المجلس.. لذى فلا بد لنا نحن البشر بأن نضوي جلستنا .. بشمعة نحرق بها قلوب ناس ..


أعتقد .. لو حاول كل إنسان .. او ليس الكل بل البعض منهم أن يتوقف عن التحدث عن الناس.. سوف يستطيع المرء ان ينام بهناء.. غير نفسك ليتغير الأخرون ......
شكرا لوليتا على الموضوع

اقتباس :

وسؤالنا هو كم تهتم لكلام الناس، وهل يقدم أو يؤخر بالنسبة لك، وإلى أي مدى؟ هل تعتقد أن التأثر بكلام الناس نابع من عدم القناعة أو عدم الثقة بالنفس؟

حسب الكلام , يعني في كلام ممكن يأثر عالشخص و يفكر فيه منيح متل الامور يلي بتتعلق بتصرف خاطئ او سلوك معين و لكن فيما يخص الاشياء العرضية فما بعتقد الها اي تأثير لأنو متل ما قلتي لا نستطيع كم الافواه , و بالتأكيد لما بيكون الكلام سواء نقد او مديح فهو مهم حسب الموضوع و بإمكانو التأثير عالشخص ايجابيا اما اذا كان تأثيرو سلبي فشخصيا ما بيهمني ابدا .

و بالنسبة للتأثر النابع من عدم الثقة بالنفس فهادا كمان بيرجع للانسان و طبيعة شخصيتو .

اقتباس :

لماذا يتكلم الناس في الأمور التي لا تعنيهم حسب رأيك؟

بجوز بيكونو عايشين فراغ و بدهن يملوه و البعض منهم بطريقة لا شعورية بيملوه بكتر الحكي

او غيرة من موضوع معين او شخص معين مثلا

شكرا لولي موضوع مميز

والله يا لوليتا العالم بدها تحكي بدها تحكي انشالله نكون أحسن العالم بدها تحكي
انا من النوع اللي ما بيأثر فيني كلام الناس لأنو انا بعمل اللي انا مقتنعة فيه واللي بشوفو انو صح واللي بيرشدني عقلي إلو والعالم يصطفلوا لأنو -متل ما قلتي يا لوليتا-إرضاء المجتمع من المستحيلات السبعة :suspect:
شكرا يا لوليتا على موضوعك الحلو الملامس للواقع

هلق اناتقريبا رايي من رأيكون.. العالم بدها تحكي شو ما عملت .. لهيك انا ما كتير بهتم لحكي العالم .. بس طبعا قبلها بدي كون مراعية لمجتمعي اللي عايشة فيه و عاداتو و تقاليدو ..لأنو ما فيني خالف هي التقاليد و اضرب فيها عرض الحائط و بعدين قول العالم بدها تحكي شو ما عملت ..لما بكون ماشية صح و ما عم اغلط .. ساعتها ما بعطي داني لحدا وما بهتم لحكي حدا ..

اما بالنسبة لأنو ليش العالم بتحكي .. هي شغلة معروفة ..
1- المعلاء الكبير
2 - الحشرية وحب التدخل بشؤون الاخرين الشخصية
3- الهاء نفسون عن مشاكلون بالحكي عمشاكل الاخرين ..

شكرا لوليتا عالموضوع المهم ..

اسماعيل
اولا
مشكور على المرور
تانيا
هلق حكيك منطقي جدا وانت قلتا هادا بيعتمد على مين الشخص اللي عم ينتقد وشو علاقتو فيني ...
ماانو يجي حيلا حدن من اول قعدتين تلاتة معي بدو ينتقدني ويقيمني على كيفو
تالتا
شغلة ليش العالم بتحكي اكييييييييييييييييييد حشرية وتطفل وفراغ

اقتباس :

بنفس الوقت ما بخلي العادات والتقاليد وحكي الناس يمنعني أعمل شي
أنا مقتنع فيه وبحبو ومرتاح فيه لمجرد الخوف من ألسنتهم وهون بطنش عالآخر

انا بشوف حتى لو الواحد حابب يعمل شي هو مقتنع فيه ومرتاح فيه بس(هيدا برايي)انو اذا لاقا معارضة من
اغلبية الناس اللي حوليه لازم يعيد النظر بالشي اللي بدو يعملو لاني اوقات هيدا العمل حتى لو هو مقتنع فيه
يمكن يكون غلط كمان انت قلتا الواحد مانو عايش بغابة يعني مافينو يعتبر الناس مانا موجودة وبالتالي ما ياخد برأيا

وردة
اولا
كمان مشكورة على المرور
تانيا
هلق انا ما بعرف بس حاسة انو في تناقض بحكيك!!!!!!
وهلق كنت عم قول انو يكون الواحد مقتنع بالشي اللي بدو يعملو ما بخلي هيدا الشي صح ومقبول من قبل المجتمع
وعلى فكرة انا كمان هيك كنت يعني كان الناس يقولو عني مغروووووووووووووورة كتييييير هلق انا كنت طنش اول
شي لاني بعرف حالي اني ماهيك بس وقت صرت اسمع هالشي من كل العالم وخاصة اللي كنت متعرفة علين من
جديد هون وقفت صرت فكر انو لأ معناتا في شي غلط وشوي شوي صرت حاول غير من حالي غير من
تصرفاتي مع الناس بحكم انو انا ماعايشة لحالي يعني الواحد قد ماكان لازم يعمل اعيبار للناس المتواجد معن

مكتبة منيرفا
اولا
منور
تانيا
أعتقد .. لو حاول كل إنسان .. او ليس الكل بل البعض منهم أن يتوقف عن التحدث عن الناس..
سوف يستطيع المرء ان ينام بهناء.. غير نفسك ليتغير الأخرون ......
كلام راااائع
والواحد لازم يبدأ من حالو ويحاول انو يغير من سلبياتو من شان العالم تبلش تغير من حالا كمان

ابو النضل
كمان اولا
منورررر
تانيا

اقتباس :

حسب الكلام , يعني في كلام ممكن يأثر عالشخص و يفكر فيه منيح متل الامور يلي بتتعلق بتصرف خاطئ
او سلوك معين و لكن فيما يخص الاشياء العرضية فما بعتقد الها اي تأثير لأنو متل ما قلتي لا نستطيع كم
الافواه , و بالتأكيد لما بيكون الكلام سواء نقد او مديح فهو مهم حسب الموضوع و بإمكانو التأثير عالشخص
ايجابيا اما اذا كان تأثيرو سلبي فشخصيا ما بيهمني ابدا .

دررررررررررررررر. كبييييييييييييييييييييييييير

noir lune
اولا
منورررررة
تانيا

اقتباس :

انا من النوع اللي ما بيأثر فيني كلام الناس لأنو انا بعمل اللي انا مقتنعة فيه واللي بشوفو انو صح

ما بكفي انت بس تشوفي صح لاني يمكن الشي اللي انت شايفتيه صح يكون غلط كمان لازم يكون محترم لعادات المجتمع اللي انت عايشة فيه

رورو
اولا
نورتي يا قممممممممممر
تانيا

اقتباس :

بس طبعا قبلها بدي كون مراعية لمجتمعي اللي عايشة فيه و عاداتو و تقاليدو ..لأنو ما فيني خالف
هي التقاليد و اضرب فيها عرض الحائط

حكيك جواهر وهيدا اللي كنت عم قولو من قبل

ممكن وقلتلك انا كمان اتاثرت وحاولت غير بحالي
بس حسيت حالي عم اضطر اتنازل كتير بس لشيل هالصوره عن حالي
فليش لدافع عن شي ماهو فيني لما بدي غير من حالي فمعناها انا موافقه على انو هالشي فيني

وانا اللي بدي اوصلوا انو الشكل مو كافي لاعطاء تقييم في كمان الشخصيه

واللي بدو يحكم عليك من بعيد بلاه

ومشكوره مره تانية عالتوضيح

وكلامك والله ع العين والراس

قصة انو انا اتنازل بس منشان العالم ترضى عني لأ وشو وكمان من اول مرة بيحكو معي
هيدي مانا واردة بس الواحد كمان ماينسى انو ماعايش لحالو يعني الواحد لازم يشكلس امورو

على كلن حكيك صحيح وانا بحترمو بس الا ما يكون في اختلاف بالاراء يعني مش ولابد

نورتيييييييييييييييييييييييييييي

شكرا زميلتي لوليتا على هاد الموضوع المهم بس الموضوع من ناحيتي هو أن أنا بهتم ان اسمع كلام الناس بس ما بتأثر بكلمون ابدا

موضوع حلو لوليتا

بالنسبة لالي بصراحة بتأثر بحكي لي حواليي
بس مو الكل
الاشخاص لي بيهموني ولي بحبون والقريبين مني سواء بالقرابة اوبالصداقة
حتى مرات بيتهموني بعدم الثقة بالنفس ؟؟لاني بتردد ببعض الاشياء
وباخد رأي لي حوالي كتير!!
أما في أشخاص من عادتون الحكي والنميمة والنق
هدول مابسمعلون ولا بهتم لحكيهن ابدا
-اما بالنسبة لأنو ليش العالم بتحكي؟؟
قلة العقل والفراغ في الوقت والمعرفة والنميمة

شكرا لولي عالموضوع المميز والراقي

ايوشة

اقتباس :

بالنسبة لالي بصراحة بتأثر بحكي لي حواليي
بس مو الكل
الاشخاص لي بيهموني ولي بحبون والقريبين مني سواء بالقرابة اوبالصداقة
أما في أشخاص من عادتون الحكي والنميمة والنق
هدول مابسمعلون ولا بهتم لحكيهن ابدا

كلام سلييييييييييم
نورتي يا غالية

نانسي منورة
بس كمان الواحد اوقات لازم ياخد بحكي العالم يمكن يطلع صح
مو
؟

رأيي
كلام الناس بكون فاضح أحيانا
ومسيئ أحيانا
ورائع احيانا
انا بسمع كلام الناس لما بتكون مصلحتي فيه
وبعتقد الناس ما بتحكي لمصلة حدا عن قصد

هاد طبع بالانسان والطبع غلب التطبع
وكل شخص متل ما تربى
كلام الناس مو عادة سيئة لدرجة بعيدة
بس بيحدث مشاكل كتيرة
وبعتقد صادر عن الغيرة
والمعروف عن هيك كلام انو اسمو فاكهة النساء
ما بقصد سيئ لحدا

وينك يا أبو وديع

كلام الناس لا بقدم ولا يأخر
كلام الناس ملامة وغيرة مش أكتر
وليه يا حبيبتي نسمعهم أنا عاشق بسمعهم
عيوني ما حد يمنعهم وانا دي الوقت ......
.....
وبحبك مهما قالو الناس ورافع بهواكي الراس
كلام الناس لا لا لا لا بقدم ولا يأخر

مشكورة لوليتا
موضوعك حلو

حسون مرورك الاحلى
وكلام حلو

هلق هو أكيد لازم نسمع كلام الناس ونحترمه على كل الاحوال بس ان نطبقه هون بقى حسب الموقف وحسب الانسان شكرا الك كتير لولو

كلام معقول
مشكور على المرور