شو رأيك؟؟؟؟؟؟؟؟؟

هل هنالك مبرر لتعدد الزوجات؟

ما من شك أن مصطلح "تعدد الزوجات" غير شائع إلا في المجتمعات العربية والشرقية، وأن الأوروبيين والأمريكيين قد تصيبهم الدهشة لدى سماعهم بمصطلح تعدد الزوجات.. بمعنى أن يكون الرجل متزوج من أكثر من امرأة في ذات الوقت، ويصل الأمر فيهم الى الاستهزاء بالدين الذي يبيح للرجل الزواج من أكثر من امرأة، بل ويصفون هذا المجتمع بالجهل والتخلف، ويكون تعدد الزوجات وصمة عار في جبين المجتمع.

وهنالك بعض الجمعيات النسائية والناشطات الحقوقيات اللواتي يرون في تعدد الزواج شكل من أشكال العنف والاضطهاد الموجه ضد المرأة، وقد يبلغ النقاش في هذا الموضوع ذروته عندما يدخل فيه الجانب الديني والعودة إلى المرجعية الأولى للمسلمين وهو القرآن الكريم وما جاء فيه من آيات كريمة "وان خًفتُم ألا تقسطوا في اليتامى، فانكحوا ما طاب لكم من النساء، مثنى وثلاث ورُباع، فإن خًفتم ألا تعدلوا فواحدة، أو ما ملكت أيمانكم، ذلك أدنى ألا تعولوا". وآية أخرى في قوله تعالى "وَلنْ تستطيعوا أنْ تَعْدِلُوا بيْن النساء"، فهل هي دليل على منع تعدد الزوجات كما يدعي البعض؟ وهنالك بعض المجتمعات تبيح الزنا وتمنع تعدد الزوجات.
هل تؤيد تعدد الزوجات في المجتمعات؟ هل هنالك مبرر لتعدد الزوجات؟ هل تعتقد أن تعدد الزوجات يخلق تمايزا بين الذكر والأنثى ويضطهد المرأة؟
شو رأيك..؟

تعدد الزوجات لدى المسلمين مشروع ولكن في غيرها من الاديان ما بظن
ولابد أن هناك مبرر لتعدد الزوجات لانو السنة مافيه شي خطأ
والله تعالى بيعرف بعبادو اكتر
مرة قالتلي رفيقتي مسيحية
أحلى شي عندك والي بيبين العدل هو الطلاق وتعدد الزوجات
لأن بيقل الحرام وبيكتر قدر المرآة ةاحترامها
ونحن مابنعرف قيمتو لانو اخدينها بالوجه السلبي وبس يعني الرجال
بس يكترو مصرياتو او داق خلقو بيهدد او بيطقلو زواجة
وأكيد إذا مافي عدل حرام وبالأكيد مافي عدل
يعني التعدد وقت الحاجة وبس

شكرا لولي على هالموضوع الحلو

عزيزتي لولي شكرا على موضوعك الحساس
انا بصراحة ضد تعدد الزوجات لأنو-متل ما قلتي بالنهاية-عم يخلق تمايز بين الرجل والمرأة بالمجتمع
يعني مثلا: ليش الزلمة مسموح إلو أنو يكون في على زمتو تلات او اربع زوجات بينما المرأة حرام تكون متزوجة اتنين بوقت واحد؟؟؟؟؟
وشي تاني: المرأة الها كرامة، يعني مانها سلعة لحتى الرجل كل ما بدو ويخطر على بالو يجيب وحدة ويتزوجها
ليش الرجل حقو أنو يتزوج أكتر من مرة والعالم ما بتحكي عليه شي بينما المرأة إذا فكرت مجرد التفكير انو تتزوج مرة تانية بتشوفي العالم حكت عليها أشكال وألوان؟؟؟؟
انا هاد رأيي صديقتي لوليتا وأرجو أنك تتقبليه وتتقبلي مروري على موضوعك الحلو والواقعي جدا
وشكرا كتير الك على اهتمامك بالمواضيع الاجتماعية

بالنسبة لموضوع تعدد الزوجات فهو أمر طبيعي بالنسبة للمسلمين وهو غير مقبول لدى إخواننا المسيحيين ولكل دين تعاليم
فالحب قبل الزواج يكون مبني على أحلام ما بدنا انقول خيالية ولكنها بعيدة عن الواقع وبعد الزواج منشوف الشي مختلف والأمر بيكون بالنسبة للطرفين
فالرجل يلجأ إلى الزواج مرة ثانية والمرأة لاتستوعب هالفكرة فبالتالي بتطلب الطلاق

شكرا كتير على مروركن

هلق في رجال بيتزوجو لمجرد انو في معن مال زيادة يعني هنن مقتدرين يعني اسبابن بتكون لمجرد فكرة وحابين يطبقوا ناسيين اني المراة اللي متزوجينا هي انثى رقيقة الها روح شفافة ورح تنجرح هيدول الاصناف انا بكرهن كتير صراحة

بس في رجال بيتطرو انو يتزوجو ممكن منشان الاطفال او ممكن انو زوجتن ما متل ما لازم تكون مراعاية ومهتمة هيدول الاصناف في عندن سبب مقنع بس طبعا لازم يكون في عدل

ومرة تانية شكرا على المرور