شو رأيك..؟

مع نهاية كل عام وإطلالة عام جديد لا بد لكل واحد منا أن يتطلع إلى الوراء ولو بنظرة خاطفة إلى الصفحة التي يطويها، قبل أن يفتح صفحة جديدة، فمهما بلغ وزن الصفحة بكثرة أحداثها أو قلتها لا بد لنا إلا أن نطويها مع بعض التقييم وحساب النفس، أين أخطأنا.. وأين أصبنا؟ هل نستحق التقدير وهل نجرؤ على الاعتذار؟ كل هذه الأسئلة لا بد لها أن تكون ضمن حساباتنا قبل أن نطوي صفحة من كتاب العمر.
"هل نستحق التقدير وهل نجرؤ على الاعتذار"؟

نضع موضوع التقدير جانبا من منطلق أن لا أحد يقدر على تقييم شخص كما الشخص نفسه، فكل يعرف نفسه جيدا، ونبقى مع الجزء الثاني من السؤال وهو موضوع الجرأة على الاعتذار، وفتح صفحة جديدة مع شخص أخطأنا بحقه أو ظلمناه أو اقترفنا ذنب بحقه سواء بقصد أو بغير قصد.

لمن تعتذر وتفتح معه صفحة جديدة؟

شو رأيك..؟

شكرا لوليتا موضوع راقي وحلو


بعتذر من كل شخص انزعج مني او فهمني غلط

والمسامح كريم صح

بتمنالكن التوفيق

كل الشكر لولي الغالية

انا بعتذر من نفسي

بجوز لأنو اسأت تقدير نفسي ببعض الأحيان و كان بامكاني اصنع شي كبيييييييير بحياتي بس الفرص بحياتها ما بتنتهي و بجوز هالسنة تعلمت شي جديد ما كنت وقف عندو هو انو استغل الفرص يلي بتجيك مهما كانت بسيطة

بالمشرمحي اطحش عالفرص و استحوذ عليها و نافس و كن الأفضل لأن المقومات موجودة

و الأيام جاية و الا ما ادخل التاريخ بشي شغلة منيحة

شكرا الك لولي

شكرا لولي .. وانا متل اية .. بعتذر من كل شخص انزعج مني .. او فهمني غلط ..

يعطيكي العافيه
لوليتا
وكالمعتاد بس يجي موضوع الإعتذار ما بلقى حدى مقصره بحقه اد ماما
وبنفس الوقت كل اعذار الدنيا بتوقف عاجزه قدام تحملها وصبرها
كل الشكر حبيبتي ع الموضوع الحلوو

شكرآ على هالموضوع الجميل
صحيح انو الأم هي أكتر وحدة غلطانين بحقها و الأحلى أنو هي أكتر وحدة لح تفهمنا
بس السؤال الأصعب انو ياهل ترى الناس الباقين لح يفهمونا ؟و يعذرونا عن الأشيا اللي عملناها
وغلطنا فيها بحقهم بس كنا مو قادرين نقلهم على السبب اللي خلانا نتصرف هيك و تركناهم بدون
مايكون عنا قوة نقول السبب بأ كيف لح يكون عنا قوة نعتذر؟؟؟؟؟؟؟؟؟؟؟؟

ايوش منورة يا غالية
بصراحة انا ما بتوقعك تزعجي حدا
مو مجاملة بس انا ما شفت اروق واطيب منك

ابو النضل
ربي يوفقك

اقتباس :

بجوز لأنو اسأت تقدير نفسي ببعض الأحيان

اقتباس :

بالمشرمحي اطحش عالفرص و استحوذ عليها و نافس و كن الأفضل لأن المقومات موجودة

ابو الفهم

اقتباس :

و الأيام جاية و الا ما ادخل التاريخ بشي شغلة منيحة

وانا متأكدة انو فينك

ام الرور
موفقة بحياتك والله ينورك طريقك ياااااااارب

سوسن
الله يخليلك الوالدة يارب
معك حق الام اهم شي بالعالم

سونا
اول شي اهلا وسهلا فيكي
هي اول مرة بشوفك هون
منورة
بالنسبة للناس الباقيين (طبعا المقربين) اذا هنن ما تحملونا مين رح يتحملنا؟؟؟؟؟؟؟؟
وهيدول الناس المقربين المفروض يحطولنا اعذار والا ليش اسمن مقربين؟؟؟ ولا بس نحنا منعذر الناس ؟؟؟؟؟؟؟؟
منفكر بالناس ولاحد يفكر فينا

بالنسبة لالي انا بعتذر لامي لاني غلطانة بحقها كتيييييييييييييير

منورين ياغوالي

لمن تعتذر وتفتح معه صفحة جديدة؟
ولا حدا

شكرا لمرورك ابو حميش