إلى جميع الأعضاء .. اتفضلوااااااااااااا

مرحبا شباب و صبايا ...

من فترة نزل موضوع بالمنتدى تحت عنوان " لماذا عبرت الدجاجة الطريق؟ " و شفنا آراء الفلاسفة بهاد الموضوع.. :*740*:
بس هالمرة انا رح أسأل " لماذا عبرت القطة الطريق مع انو الاشارة حمرا ؟" :?: :?:

هالمرة رح نشوف آراء الأعضاء بهاد الموضوع ...
و الردود رح تكون على الشكل التالي :

1- سومر : شو مشان القطة قطعت الشارع و ما ردت عالإشارة يا غالي ... أنا برأيي الحق مو الحق عليها .. يعني وين الشرطة ما شايفتها ..
تحياتي

2- نضالو : غريب ما عرفت ليش قطعيتو للشارع مع انو نظرتي ثاقبة.. بس أبصير هيك ..شو أفي قانون .. معقول تقطع الطريق و الإشارة حمرا ...بالله بيجي عبالي ادعسها بالبيجو 206 . ( وبيطلع الموبايل و ببلش يفقع بهالصور لينزلون عالمنتدى تحت عنوان " قطة همجية " ) .

3- اسماعيل : أول شي بدي قول انو هاد موضوع مهم جدا , و أكيد ما رح خوض بالنقاش انو ليش و شو الأسباب بس رح رد بصراحتي المعهودة .. هلق أي كائن " بغض النظر عن كونوا إنسان أو لأ " إلو اسبابو الخاصة , و نحن ما إلنا علاقة بهي الأسباب لأنو أي كائن هو كائن حر .. و مين أنا لأجي حلل وفسر وركب من عندي أنو ليش قطعت الشارع , أكيد هي الها أسبابها الغير معلنة و أنا بحترم هي الأسباب .. وآسف عالإطالة بس حبيت وضح رأيي بصراحة متل ما تعودتوا علي .

4- سوسن : شباب أنا حسيت انو كبرتوا القسة شوي .. ما اعرف شو بسير مع القطة .. بس انا اتمنالها التوفيق .. ودامت القطة كما تحب ..

5- آيـــــة : سبحان الله ... بركي ما عاد تقدر تتحمل القعدة .. لأنو لا يكلف الله نفسا الا وسعها .. و اله يهنيها و ينولها اللي ببالها يا رب .. و اتمنى الها والكون التوفيق يا رب ..

6- حمشو : برج القط الصيني سيء هالفترة ...
" عندما تقطع القطة الطريق تكون خطت بيدها طريق المجد و الحرية " ( طبعا وبكون هالقول مدري لغادة السمان مدري لأحلام مستغانمي ) . :lol!:

7- لوليتا : لك ما حرام عليكون .. خلص تركوها للمخلوقة بحالا .. ليكو ليكو ما أحلاها و ما أنعمها .. ليكو عيونا شو بريئين .. بتجنن .. تركوها والا بنتحر هاااااااا ..

8- رشروشة : شبكون لح تاكلوها بلا ملح .. تئبش قلبي شو ظريفة و مهضومة عنجد ..

9-مدمنة نجوى كرم :خلص شباب و صبايا .. بكرا منحطها على كرسي الاعتراف مو مشان شي هااااااااا ... بس مشان نعرف ليش قطعت الشارع ..ما هيك يا جماعة ...


10- روميو : بحثت عن اسباب فوق الغيم و تحت السحاب و طرت فوق حدود الشمس و عدت من زوايا القمر المظلم و لكني لم اجد سببا واحد يجعلها تقطع الشارع ..
تحياتي

أما بالنسبة لبقية الاعضاء .. فأنا آىسفة ما قدرت شوف شي مميز .. أو أسلوب بتتبعوه دائما بالردود .. " عم تقولوا لحالكون نفدنا ما هيك ؟؟ " هههه

بالنهاية بدي قول انو هاد الموضوع مجرد مزاح خفيف " أو بتمنى يكون هيك " مع اصدقائي الأعضاء .. بتمنى ما حدا يزعل مني ..لأنو أكيد الغاية من الموضوع مو السخرية و انما المزاح البريء فقط ..و انشالله تكون هالمزحة دمها خفيف عليكون مو العكس ...

و تقبلوا تحياتي : صديقتكم Ruru...

كتير حلو ولطيف

حلوه منك

عجبني الرد عن اسماعيل اكتر شي

عندك موهبه لا تهمليها

شكرا لمرورك وردة .. والله انا راقبت ردودك ..بس عبث .. ما طلع معي شي .. ههه

هههه أنا نفدت حلو كتير رورو....

بتجنن

شكرا احلى رورو والله انك ذكية ونهفة

شكرا كتير احلى ام الروووووووووووور

ههههههههههههههههههههههههه

ولك رورو شو هادا ههههههههه , لعما بزمتي حسيت انو فعلا كل عضو هو اللي عم يحكي عنجد


هههههههه و الله بيفقعو من الضحك

سومر قال يعني جدّي

اسماعيل النظرة الموضوعية
و سوسن الواعية قال دامت القطة كما تحب قال ههههههههههههههههههههههه



و آية التقوى

و حمشو الأبراج

و رشروشة بلهجتها اللي بتجنن

و لوليتا البراءة

و نجوى فرع التحقيق

و روميو صاحب القلم المميز و الكتابات الرائعة

بجد هادا سبب تميز المنتدى بأنو كل شخص اضاف شي جديد مانو موجود عند البقية

و بالتأكيد الاعضاء الآخرين عندهم كتير ليشاركونا فيه لاحقا

شكرا الك رورو بجد ضحكتيني من قلبي قال دامت القطة كما تحب ههههههههههههههههههههههههه

هههههههههههه
والله ضحكت من قلبي شكرا كتتتتتتتتتير مهضومة

هههههههههههههههههههههههههههههههههه
اخ يا ويلي ولك شو هاد رورو شو هاد
لك طقيت من الضحك
هههههههههههههه
والله العظيم انك مبدعة

هههههههههههههه
والله طمنتوني .. كنت خايفة تزعلوا مني .. بس كنت عارفة انو روحكون رياضية ...

تسلمولي يا احلى أعضاء ...

ههههههههههههههههههههههههههه
وانا عم بقرأ حسيت انو نحنا اللي رادين نفس الاسلوب تاع كل واحد فينا
ضحكت من قلب ع كل التعليقات
بس دامت القطة كماتحب ماعاد فيني من كتر الضحك عليهااا
متــــــــــــــل ماقال سومر
مبــــــــــــــــــدعه

و الله انت المبدعة يا سوسن ... شكرا لمرورك المهضوم ...

و بجد خجلتوني يا جماعة ...

ههههههههههههههههههههههههههههههههههههههههههههههههههه
ولي على ئااااامتي ههههههههههههههههه
يؤبش ئلبي الذكي رورو اي هههههههههههههههههه
بس للامانة التاريخية ههههه عنجد ظريفة ومهضومة

تسلميلي رشروشة .. انت الظريفة و المهضومة ..

ههههههههههههههههههههه
قوييييييييييييييييييييييييييييييييييييييييييييييييييية

احلى رورو

أحلى أم اللول ....

رورو رورو رورو شو هالأبداااااع يا رورو

ههههههههههه بتموت من الضحك شي خيلة عنجد

بقترح عالإدارة انو تعملك قسم خاص اسمو "رور لتقمص الشخصيات"

كيفك فيا لهي؟؟؟؟؟؟؟؟

ومن زعل من موضوع ام الرور ليس منّا

هههههه .. تسلم تسلم يا روميو ... خجلتني عنجد هههه

تحية لروحك الرياضية ...

لا ابدا علاء ما زعلت ... هههه بالعكس اساسا انا استغربت انو لهلق ما حدا نقر علي هههههه ..

بس بالمناسبة اللي ما جا عليه الدور هلق .. اكيييد جاية عليه بعدين ...ههههه بس هيك لنراقب الوضع تمام ..ههه

راقبي....ما رح يطلع معك شي....أنا كل مشاركة بأسلوب مختلف
ههههههه

هلق بصراحتي المعهودة موضوع كتيييييييير حلو وكتييييير مهضوم
عن جد أنا ضحكت من قلبي وخاصة ع ردود نضال وسوسن ولوليتا
يعني جايبة شخصياتن بالضبط ومتل ما هي بالحقيقة ....
بس بتعرفي عم قول لحالي انو هلق أنا هيك برد بالعادة ؟؟؟؟
يعني كتير سئيل وبتفلسف زيادة !!!

RURU

بس بتعرفي عم قول لحالي انو هلق أنا هيك برد بالعادة ؟؟؟؟
يعني كتير سئيل وبتفلسف زيادة !!!
.. ما بعرف انا ما دخلني اسأل الأعضاء ... ههه لا لا بس انا زودتها شوي مشان الكوميديا..

شكرا لمرورك و لروحك الرياضية اسماعيل الغالي ..

لالالالالالالالا مومعقول

موتيني ضحك ياربي عنجد ماعاد فيي فقعت من الضحك

بس عنجد صايبتيها صح

انا بالعادة مابجيب سيرة كرسي الاعتراف كتير

واااااااااااو لذيذة كتير ومهضومة بجد

بس انو شو مشان مانك حاطة كيف بتردي انتي
:suspect:

بس بتعرفي لزما ولابد انو نفتحلك قسم خاص بتقليد الشخصيات

واكيد اكيد اكييييييييييييييد ماممكن نزعل من رورو الغالية ولوووووووووو بتموني عالرقبة انتي

المهم ماتجيبي سيرة الملكة نجوى

"انا بفرجيكي بدي حطك ع كرسي الاعتراف"




عم بمزح طبعا

ولله من زمان ماضحكت هيك

احلى رورو واحلى موضوع

ممكن استخدم وسيلة مساعدة
بفضل اني احذف اجابتين

نجوى ..
شكرا لمرورك الحلو ... ولروحك الرياضية ..

هو صحيح انتي ما بتجيبي سيرة كرسي الاعتراف .. بس انت مرتبطة ارتباطا وثيقا بالكرسي هههههه

انبسطت انو عجبكون الموضوع ..

ريمون شكرا لمرورك ...