إلى جميع الأعضاء .. اتفضلوااااااااااااا

تذكير بمساهمة فاتح الموضوع :

مرحبا شباب و صبايا ...

من فترة نزل موضوع بالمنتدى تحت عنوان " لماذا عبرت الدجاجة الطريق؟ " و شفنا آراء الفلاسفة بهاد الموضوع.. :*740*:
بس هالمرة انا رح أسأل " لماذا عبرت القطة الطريق مع انو الاشارة حمرا ؟" :?: :?:

هالمرة رح نشوف آراء الأعضاء بهاد الموضوع ...
و الردود رح تكون على الشكل التالي :

1- سومر : شو مشان القطة قطعت الشارع و ما ردت عالإشارة يا غالي ... أنا برأيي الحق مو الحق عليها .. يعني وين الشرطة ما شايفتها ..
تحياتي

2- نضالو : غريب ما عرفت ليش قطعيتو للشارع مع انو نظرتي ثاقبة.. بس أبصير هيك ..شو أفي قانون .. معقول تقطع الطريق و الإشارة حمرا ...بالله بيجي عبالي ادعسها بالبيجو 206 . ( وبيطلع الموبايل و ببلش يفقع بهالصور لينزلون عالمنتدى تحت عنوان " قطة همجية " ) .

3- اسماعيل : أول شي بدي قول انو هاد موضوع مهم جدا , و أكيد ما رح خوض بالنقاش انو ليش و شو الأسباب بس رح رد بصراحتي المعهودة .. هلق أي كائن " بغض النظر عن كونوا إنسان أو لأ " إلو اسبابو الخاصة , و نحن ما إلنا علاقة بهي الأسباب لأنو أي كائن هو كائن حر .. و مين أنا لأجي حلل وفسر وركب من عندي أنو ليش قطعت الشارع , أكيد هي الها أسبابها الغير معلنة و أنا بحترم هي الأسباب .. وآسف عالإطالة بس حبيت وضح رأيي بصراحة متل ما تعودتوا علي .

4- سوسن : شباب أنا حسيت انو كبرتوا القسة شوي .. ما اعرف شو بسير مع القطة .. بس انا اتمنالها التوفيق .. ودامت القطة كما تحب ..

5- آيـــــة : سبحان الله ... بركي ما عاد تقدر تتحمل القعدة .. لأنو لا يكلف الله نفسا الا وسعها .. و اله يهنيها و ينولها اللي ببالها يا رب .. و اتمنى الها والكون التوفيق يا رب ..

6- حمشو : برج القط الصيني سيء هالفترة ...
" عندما تقطع القطة الطريق تكون خطت بيدها طريق المجد و الحرية " ( طبعا وبكون هالقول مدري لغادة السمان مدري لأحلام مستغانمي ) . :lol!:

7- لوليتا : لك ما حرام عليكون .. خلص تركوها للمخلوقة بحالا .. ليكو ليكو ما أحلاها و ما أنعمها .. ليكو عيونا شو بريئين .. بتجنن .. تركوها والا بنتحر هاااااااا ..

8- رشروشة : شبكون لح تاكلوها بلا ملح .. تئبش قلبي شو ظريفة و مهضومة عنجد ..

9-مدمنة نجوى كرم :خلص شباب و صبايا .. بكرا منحطها على كرسي الاعتراف مو مشان شي هااااااااا ... بس مشان نعرف ليش قطعت الشارع ..ما هيك يا جماعة ...


10- روميو : بحثت عن اسباب فوق الغيم و تحت السحاب و طرت فوق حدود الشمس و عدت من زوايا القمر المظلم و لكني لم اجد سببا واحد يجعلها تقطع الشارع ..
تحياتي

أما بالنسبة لبقية الاعضاء .. فأنا آىسفة ما قدرت شوف شي مميز .. أو أسلوب بتتبعوه دائما بالردود .. " عم تقولوا لحالكون نفدنا ما هيك ؟؟ " هههه

بالنهاية بدي قول انو هاد الموضوع مجرد مزاح خفيف " أو بتمنى يكون هيك " مع اصدقائي الأعضاء .. بتمنى ما حدا يزعل مني ..لأنو أكيد الغاية من الموضوع مو السخرية و انما المزاح البريء فقط ..و انشالله تكون هالمزحة دمها خفيف عليكون مو العكس ...

و تقبلوا تحياتي : صديقتكم Ruru...

هههههههههههه
ظريف الموضوع كتير رورو
والأظرف هو روحك الخفيفة والمرحة يعني فعلا كأنو الأعضاء نفسهون عم يردوا على سؤال القطة
منورة بمشاركتك حبابة

مشان إسماعيل وكوني وحدة من الأعضاء رح جاوب
بالعكس يعني لا أنت فيلسوف ولا شي
بس أحيانا في بعض المواضيع بتجبر الواحد أنو يتوسع شوي بردودو
هي شهادتي وبصراحتي المعتادة

أما بالنسبة لبقية الاعضاء .. فأنا آىسفة ما قدرت شوف شي مميز .. أو أسلوب بتتبعوه دائما بالردود .. " عم تقولوا لحالكون نفدنا ما هيك ؟؟ " هههه

ههههههههههه كنت متأكدة أنو مارح لاقي رد الي لأنو ما عندي منحى معين

بس عنجد انك باااااااااااااااااااااارعة

نور القمر ..

شكرا كتير لمرورك المهضوم ..

جوى ..

شكرا لمرورك الحلو .. بس متل ما قلت لعلاء .. جاية الدور عالكل ...