لعبة الصراحة ؟؟؟؟؟؟

بحب اسمي كتير كتير

اديش انت صادق مع حالك ومع غيرك !

انا صادقة مع حالي كتير
بس مع العالم.......لا لانو بصراحة ماحدا خرج ينحكيلو شي بهالزمان


عندما نحب نقسى...وعندما نكره نجامل..صح برأيك او لا؟

عندما نحب بجد نقسى صح 100%

بس عندما نكره ربما نجامل ولكنني اجهل الشخص اكثر

كم مرة لعبت بعواطف الاخرين؟

ولا مرة ... لأني بتعامل بشفافية وصدق مع الآخرين دائما
سؤالي: ما هو مفهوم القناعة لديك(ي)

القناعة بالنسبة الي هي الرضا
هي اني كون صادقة مع حالي اولا وبعدين صادقة مع الناس
القناعة هي اني أتقبل حالي متل ما أنا، متل ما الله خلقني، اتقبل حياتي واقتنع فيها بكل حلوها ومرها، هي اني عيش اللحظة اللي مرّ فيها وأتقبلها واقتنع فيها متل ما هي عم تمرّ
لما بقتنع بهاد الشي بتصير القناعة-من خلال تقبلي لنفسي ولحياتي-كنز لا يفنى

سؤال هو:شو هو أسوأ خبر سمعتو(سمعتي) بحياتك؟؟؟؟

مرة سمعت انو صديقتي الغالية علي كتير كتير حاكيي عليي وانزعجت كتير وقتها

بس الحمد لله طلعت كذبة ونفااااق


شو احلى خبر سمعت (ي) بحياتك

احلى خبر يوم يلي كنت بالجيش وكان با قيلي سنة ونص لخلص
والخبر كان تخفيض الخدمة لمدة ستة اشهر

ان يتصرف الانسان على طبعته هو افضل شكل لتعامل مع الاخرين (صح أو خطأ)

صح واكييييييييييييد
لانو الانسان الممثل مهما كان رح يرجع لطبيعتو
فالاحسن يبلش بطبيعتو

ثقتك بنفسك اديش ب100

60%
شو اكتر شي عملتو بحياتك بتتمنى انك ما عملتو يعني بتندم عليه؟؟؟

لوليتا كتب:

60%
شو اكتر شي عملتو بحياتك بتتمنى انك ما عملتو يعني بتندم عليه؟؟؟

ممممممممممممممممممممممممممممم

مابحب شعور الندم ابدا.. ومن اكتر الاشيا يلي بكرهها هو هالشعور

بعتقد انو اكتر شي بندم عليه هو ... اني عطيت ثقتي المطلقة لوحدة رفيقتي وطلعت ................


يلي بعدي
هل سبق ومنحت ثقتك المطلقة لحدا ... وهل حافظ عليها او خانها؟؟؟

لا
في هذه الأيام لا مجال للوثوق بأحد
ابدا
و للأسف

كيف الحياة معك؟

الحياة ماشية على خير ما يرام متل ما بيقولوا يعني هي بدها تمشي بدها تمشي :*740*:
سؤالي هو: بتتمنى لو أنك درست غير الفرع اللي عم تدرسو(تدرسي) هلا؟؟؟ وإذا اي، شو هو الفرع اللي كنت بتتمنى تدرسو(تدرسي)؟؟؟؟

هاد السؤال حلو كتير
الجواب:نعم ...كنت بتمنى أردس حقوق ..وكان في في عندي كتير مشاريع وأحلام بهل المجال
ولكن للآسف علامة وحدة حرمتني من الفرع يلي بحبه...وكانت الرغبة الثانية بالمفاضلة إنكليزي
وفعلا حصل مالا أريد...بس حاليا شو بدنا بالحكي....اللغة والأدب الإنكليزي على الرغم من
صعوبه فهو مجال رائع....بس لو درست الفرع يلي بدي ...أنا واثق كنت بدعت
يلي بعدي نفس السؤال ؟؟؟؟؟

انا رح جاوب على سؤالي

انا والحمد لله درست الفرع اللي بدي ياه
كان بدي فرنسي ودرست فرنسي

سؤالي هو: شي مرة تعرضت(تعرضتي) للطعن بالظهر من قبل شخص عزيز وغالي على قلبك سواء كان هاد الشخص صديق او حبيب؟ ومين هالشخص؟ هو صديق ولا حبيب ولا حتى قريب من أقاربك؟؟؟؟؟؟؟

ايييييييي
بالمختصر المفيد كان عندي رفيقة كانت قريبة عليي كتييييييييييييييييير وكان عنا رفقات بنات تانيين بس هيدوك كانو يزعجوا فمرة بكت قدامي قد ما انقهرت علييا وقت شفتا عم تبكي صرت احكي على هيدوك البنات بالعاطل فبعد ما تصالحت معهن راحت قالتلن شو حكيت عنهن وخربت علاقتي معهن ومعها اكيد

اللي بعدي
بتحس حالك مبسوط بحياتك ولا لأ؟؟؟؟؟

الحمد لله
اكيد مافي سعادة مطلقة بالحياة ولكن الف الحمد لله
بيكفي عندي اب وام واهل

هل تشعر أن كل من حولك يفهموك كما تريد ؟؟

لالالا
بعض العالم ممكن يفهموني متل ما انا بدي بينما البعض التاني لأ
يعني مو كل العالم تفهم اللي بدي اياه :suspect:

سؤالي هو: بتفضل(بتفضلي) تطلع(تطلعي) رحلة مع أهلك وأقاربك ولا مع أصدقاءك ورفقاتك بالجامعة؟؟ وليش؟

بفضل الرحلتين

بس أكتر شي مع رفقاتي

لأنو بتضل ذكرة حلوة إلى الابد وما بتتكرر دائما
وبنحس بروح الشباب اكتر

شو بيوصفوك بالبيت ؟؟

أنا بيقولولي وجه النحس لان أي شي بحملو بايدي بينتزع و مدري شو بيصرلو
وانا رح جن من هالشغلة المهم سؤالي...

اذا قالولك العالم الك ليوم واحد شو بتساوي؟؟؟

بحاول انهي هالتفرقة بين الاديان والطوائف والطبقات
واي شي بيختلف عليها البشر

نفس السؤال (لانو عجبني)

انا بحاول اعمل نفس اللي بدها تعملو آية
(شو رأيك آية منشارك مع بعض؟)
لأنو هاد الشي هو اللي عم يخلي العالم يموتوا بالملايين كل يوم
بس المشكلة مشاكل هالعالم ما بيكفيها لا يوم ولا حتى 100 سنة لحتى تنحل


مرة انسألت سؤال وحابة اني اسألو لشي حدا جريء وسؤالي هو:
لو عرفت بطريقة ما أنك رح تموت بكرا(الف بعيد الشر طبعا) شو بتساوي؟؟؟ شو بتقول؟؟؟

اولا بصلي قد ما فيني وبقرا قرأن
تانيا بودع اللي بحبن
تالتا باخد رضا امي وابي
رابعا بستسمح العالم اللي ظالمتن (لو كان في)
خامسا بصارح الشب اللي ببالي بحبي الو(لو كان في حدا طبعا)

سؤالي
انت بتشوف الحياة معك او ضدك؟؟؟؟؟؟

احيانا بيكون الحياة بأيدنا وفينا نخليها معنا او ضدنا

واكيد بالتالي في يوم الك ويوم عليك

يعني هيك وهيك<مشكل>

_هل تعذبت في حبك؟

تعذبت في الحب لكن عذاب جميل


شو في صفة موجودة فيك وبتحب تغيرها؟

الحساسية

شوفي صفة بتحب ينوجد بشخصيتك؟