ما رأيك بالوضع الراهن؟؟؟

صديقي علاء
أنا بشوف أنو ما في مجال للمقارنة بين الوضع اللي صار بالعراق وبين اللي عم بيصير اليوم
بتونس وبمصر وب ليبيا عالأقل بالبدايات , أما بخواتيم الأمور ونهاياتها فما عندي فكرة بصراحة
وأنا ما بشوف مصر اليوم في فوضى و بلا نظام ؟؟؟ يعني صحيح أنو مر كام يوم من الفوضى
و هادا طبيعي يصير بهيك مرحلة انتقالية حقيقية
وجزء كبير من الفوضى اللي صارت كانت من تدبير نظام مبارك بدليل أنو لما كف ايد البلطجية والمرتزقة
رأينا الشباب المسلم يحمي الكنيسة والشباب المسيحي يحمي الجوامع
في مشهد أروع من أن يوصف وكذلك الأمر عندما انتهت الاعتصامات رأينا جميعاً كيف تجمع
شباب مصر المثقف المنظم لتنظيف الشوارع وازالة ما خلفته الاعتصامات في الطرقات
والعبرة بخواتيم الأمور وانشالله تكون النهاية سعيدة وما تروح دماء هالشهداء هدراً
في سبيل مصالح شخصية أو حزبية ضيقة ويبلش تقسيم الكعكة ويرجع الوضع متل ما كان ؟؟؟
يعني اللي حابب قولو أنو ما بعتقد أمريكا كانت سمعانة بحدا اسمو "البوعزيزي" بتونس
أو "وائل غنيم" بمصر إلا بعد حدوث ما حدث وبعتقد أنو كان في عنصر مفاجأة لكل العالم
بالشي اللي صار بهالدول وخاصة في بداية الأمر ...
هلق اليوم الوضع مختلف لأنو عنصر المفاجأة زال وأكيد في أشخاص ودول عم تخطط لنقل
هالحالة الى دول أخرى لتحقيق مصالحها وغاياتها .
وجواباً على سؤالك أنا ما بعتقد انو في حدا رح يخدم أميركا واسرائيل أكتر من هالزعماء المخلوعين
بس الفكرة أنو متل ما قلتلك حتى أميركا ما كانت كتير متوقعة اللي صار وبالنهاية وكالعادة
بتبيع كل العالم كرمال مصالحها وبتمشي مع الريح واليوم مصلحتها أنو تظهر كمدافع عن الشعوب والشباب
وهالصورة واضحة للكل وما بعتقد في حدا غايبة عن ذهنه لهيك يجب أخذ الحيطة دائما ...
بالنهاية انشالله تكون الشعوب العربية هي المستفيد الأكبر من اللي عم يصير

وشكرا لموضوعك الجريء

التغيير امر ضروري ولكن الاهم الا ندخل في متاهات من سيستلم الان :?: :?:

التغيير ضروري طبعا ولكن ليس بطريقة فوضوية لأن الفوضى سوف تفسح المجال أمام أمريكا وغيرها من الجهات المستفيدة للتدخل في شؤون العرب الداخلية
ونتمنى أن تكون الأنظمة القادمة في مصر وتونس وليبيا غير خادمة لأمريكا وغيرها والله يعين العرب في ليبيا
مشكور علاء على موضوعك صديقي