شو رأيك باللي بيلبسو متل ايمينيم و فيفتي سينت او متل ميتاليكا !!!

بشكرك ابو السوس الحبيب عالموضوع المهم


هلق بالنسبة للباس الايمينيم و الففتي سينت عادي و هادا الشي بيعبر عن زوق معين للناس و كل واحد حر باللي بيلبسو وبرأيي ما دخلون بعبدة الشياطين بس هيك نمط لبسهم


بس لما بيصير في مبالغة بالموضوع يعني لما بيصيرو يضربو حواجبهم و موديلات شعر غريبة عجيبة و بناطلين خصر واطي زيادة عن اللزوم هيك برأيي غلط مع انو كمان كل واحد حر شو بيعمل بس نحنا طبيعة مجتمعنا مو هيك


يعني تركيبتنا الشرقية و تراثنا افضل من كل النواحي بعدين انا بستغرب بنمط الاغاني الحديثة الراب العربية يعني حلو الواحد ياخد شي حلو من الغرب بس مو لدرجة ينسى تراثو و تقاليدو لانو باعتقادي اغانينا و موديلاتنا احلى من هالشغلات اللي عم تنزل هلق كتقليد للغرب


فكرتي بشكل عام لازم يكون عنا شي من ابتكارنا يميزنا و قائم على تراث حضاراتنا و عمق تفكيرنا بدون مبالغة و تقليد

كل واحد حر يلبس متل ما بدو ... وحر أنا كمان أتقبل أو لأ

بالنسبة انو هاللبس الو علاقة بعبدة الشيطان , رأيي انو ما بالضرورة , يعني هي مجرد موضة

متل باقي الموضات .

بس أنا صراحة ما بتقبل المبالغة بهيك ستايلات لبس وشعر و حواجب و اكسسوارات , يعني

اليوم باللادقية في محلات خاصة بتبيع اكسسوارات للشباب وهادا شي زايد عن حدو , وبحس

انو اللي بيلبسوا هيك ما بكونوا بالضرورة بيعرفوا هاللباس اللي لابسينوا على شو بيدل أو لمين

بيرمز ... انو مجرد موضة و يلا ... يعني مرة شب بالحارة عنا لابس بلوزة مكتوب عليها

بخط كبير ( corrupted ) والتي تعني فاسد وهو ما معو تاسع يعني ما عرفان شو خبر ؟

هلق الشغلة الأهم اللي بدي أطرحها هون هي قصة البنطلون الزاحل أبو خصر واطي زيادة ,

صراحة في كتير أشخاص ما بقولوا الحقيقة اللي بدي قولها وبحاولوا يتخبوا ورا إصبعهن ,

برأيي موضة البنطلون الزاحط هي موضة للشواذ يعني (gays) ... صدقوني وانا بقولها

بصراحة انو البنطلون الزاحط بيخلي الشب ينفتن بالشب ... ممكن تقولوا عم بالغ بس هي

الحقيقة من وجهة نظري .

Isma3el كتب:

هلق الشغلة الأهم اللي بدي أطرحها هون هي قصة البنطلون الزاحل أبو خصر واطي زيادة ,

صراحة في كتير أشخاص ما بقولوا الحقيقة اللي بدي قولها وبحاولوا يتخبوا ورا إصبعهن ,

برأيي موضة البنطلون الزاحط هي موضة للشواذ يعني (gays) ... صدقوني وانا بقولها

بصراحة انو البنطلون الزاحط بيخلي الشب ينفتن بالشب ... ممكن تقولوا عم بالغ بس هي

الحقيقة من وجهة نظري .

و أنا رأيي قريب ع رأيك

شكل الشب بيصير بيضحك لما بيمشي و لابس كنزة عملاقة و بنطلون عملاق و حاطط ميدالية مدري شو

ما ناقص غير يربوا عناكب و يعبوا حالهم وشوم

أو يدهنوا حالهم باللون الأسود

يعني حتى الوشم كمان صاير في رسومات وموديلات صراحة كلها فيها دلالات و ايحاءات جنسية

بشكل أو بآخر ...

يعني بنت بأحد شوارعنا لابسة بلوزة قصيرة فوق الصرة , وبأسفل ظهرها عاملة وشم (اشارة

سهم للأسفل) ؟؟؟؟؟؟ يعني شو بدها تقلنا الأنسة هون ؟؟ وشو بدها يانا نفهم ؟

مشكور أحمد

اسماعيل

اقتباس :

يعني بنت بأحد شوارعنا لابسة بلوزة قصيرة فوق الصرة , وبأسفل ظهرها عاملة وشم (اشارة

سهم للأسفل) ؟؟؟؟؟؟ يعني شو بدها تقلنا الأنسة هون ؟؟ وشو بدها يانا نفهم ؟

غض البصر يسماعيييييييييييل

هلق ما في مشكلة بغض البصر

بس ما هادا المهم المهم هي شو بدها تقول وشو قصدها من هالوشم ؟؟؟؟

بعتقد الجواب معروف

أحلى نضالو

هلق مظبوط هاظواهر كتير زايدة هالايام .. بدي احكي رايي بصراحة ..

هلق الشب يلي بيلبس متل ايمينم او غيرو ..يعني هالواسع ..مع بلوزة بتساع عشرة مع بعضون والكسكيتة بالمقلوب ..يعني كل هالحركات هي انا بشوفها بتضحك ..فعلا ..بتضحك ..يعني ما الها اي معنى..

اما بالنسبة لحكي نضالو عن الشرق و الغرب .. حتى الغرب ما بيتقبلوا هالمظاهر هي ..و هيدا النمط من اللبس خاص بالزنوج ..بس ما بعرف ليش ..

هلق بالنسبة للبنات ..انا ضد هيدي الظواهر تماما ..لأني بشوف انو بتروح انوثة البنت و كمان بتنفهم غلط بمجتمعنا ..طبعا انا مو قصدي عالبنت اللي حكا عنا اسماعيل .. لأنو هي ما بتنفهم غلط ..

المهم انا ما بحب كل هالمظاهر هي ..انا بحب اللبس التقليدي سواء للبنت او للشب..

رورو بدول الغرب كل واحد بيعمل اللي بدو ياه و بيلبس شو مابدو يعني ما في عندهم عادات و تقاليد بهالخصوص


بس فكرتي انو هالظاهرة تقليد اعمى بمجتمعنا فليش لحتى ما نبتكر شي خاص فينا ان كان لباس او موسيقى او اي شي بدون تقليد بس يكون نابع من تقاليدنا و تراثنا بشكل محدث


شكرا الك رورو