۩۞۩ كرسـي الاعتـراف ۩۞۩ مع Nedalo ۩۞۩

حبيب القلب نضال الظاهر انا اللي رح بلش

حابب تكون البداية خفيفة مشان ما تنصدم

شو أكتر شي بتكرهو بحالك من كل النواحي؟؟؟؟

سلامات ابو نضل

سؤالي:

شو هو الشي اللي على اساسه بتقيّم الناس؟وشو هو الصفة التي يصفك بها الآخرين؟

منــــــور الكرسي
نضالوو
انا بس حبيت اتمنالك قعده مريحه
لبين ما حضر الاسئله

شو انا شايفة نضالو هرب .. ما جاوب و لا على سؤال؟؟

سؤالي انا : شو اكتر شي بتحبوا بالدنيا؟؟
"شي مو حدا"..
بس يا حرام يا نضالو على اللي بدو يصير فيك ..انا نقيتلك سؤال سهل متل ما قال روميو مشان ما تنصدم ..
موفق

ولك منين جايبين هالكرسي و الله بترعب


روميو

اقتباس :

شو أكتر شي بتكرهو بحالك من كل النواحي؟؟؟؟

اعطاء بعض الناس اهمية اكتر ما بيستاهلو و التسرع


آية

اقتباس :

شو هو الشي اللي على اساسه بتقيّم الناس؟وشو هو الصفة التي يصفك بها الآخرين؟

لأول لقاء بهمني المعاملة الحسنة و طيب الخاطر و الاحترام بس اذا كان رح يصير شخص قريب ففي كتير امور منها يكون شهم و صادق و اهم شي يكون شب مو ولد و للبنات نفس الحكي بس بشكل عام تعلمت ما قيم حدا بفترة قصيرة
و منشان الصفة يلي بيوصفني ياها كتيرين (ما في مني ) و كفو و وحش و ابعرف شو

رورو

اقتباس :

سؤالي انا : شو اكتر شي بتحبوا بالدنيا؟؟

السباحة و الطابة و الخلطة مع الناس و الحكي معهم و الكمبيوتر و الشغل

سوسن

اقتباس :

منــــــور الكرسي
نضالوو
انا بس حبيت اتمنالك قعده مريحه
لبين ما حضر الاسئله

يا ويلي اكلناها

اصلا هالأسئلة سهلين

منور نضالوو مره تانيه
واسئلة الأعضاء لزيزه وسهله
وبتمنى تكون اسئلتي سهله كمان بنظرك

السؤال الأول
شو ترتيب نضالو بين اخواته؟
السؤال التاني
ممكن كلنا جربنا الحب تقريبا بس سؤالي هل في يوم من الأيام لعبت بمشاعر بنت
او بمعنى اصح قلت بحبك وانت مو مأكد من شعورك؟
السؤال التالت
اعطيني الصفات اللي بنظرك إزا اجتمعت بشب بيكون رجل بمعنى الكلمه؟

امممممممممم هدلون اللي خطرو ببالي لهلأ
وأكيد معي اسبوعين ولي عوده

نضالووو سهلين اسألتي صح

نضالو بتآمن بالحب من أول نظرة؟

ههههههههههههههههههههههههههه
طيب اسئلة تانية
-شو الصفة لي بتكرها بالشباب؟ولي بتكرها بالبنات؟

-لمن تلجأ عندما تجد نفسك تائهاً ؟

-حكمة لا تؤمن بها في الحياة ؟ وما هي حكمتك بالحياة ؟

بتمنى ماكون تقلت

سوسن

اقتباس :

شو ترتيب نضالو بين اخواته؟

وحيد

اقتباس :

ممكن كلنا جربنا الحب تقريبا بس سؤالي هل في يوم من الأيام لعبت بمشاعر بنت
او بمعنى اصح قلت بحبك وانت مو مأكد من شعورك؟

بلشنا
اي , بس فترة قصيرة كانت و عطيت حالي فرصة بس ما مشي الحال لهيك تركنا

اقتباس :

اعطيني الصفات اللي بنظرك إزا اجتمعت بشب بيكون رجل بمعنى الكلمه؟

اول شي يكون شهم و واثق من نفسو و يعرف يحكي كلامو بالمكان و الزمان المناسب و يكون صاحب موقف ثابت و يكووووون حرك كتييييير و حربوق و منين ما لقيناه بيرن


سوسن شو خليتي

حمشو

اقتباس :

نضالو بتآمن بالحب من أول نظرة؟

بالنسبة الي شخصيا لا و الله
بس لغيري بجوز يكون في هيك شي

آية

اقتباس :

شو الصفة لي بتكرها بالشباب؟ولي بتكرها بالبنات؟

و الله بالنسبة للشباب اكتر شي بكرهو التفنيص الزايد و التنبلة و قلة المروة
و للبنات بكره النوم التقيل و محاولة اظهار انفسهن بصورة غير صورتهن الحقيقية

اقتباس :

لمن تلجأ عندما تجد نفسك تائهاً ؟

لا أحد , بلجأ لنفسي و بعملrepair

اقتباس :

حكمة لا تؤمن بها في الحياة ؟ وما هي حكمتك بالحياة ؟

هلق حكمة ما بآمن فيها ما في لأنو ماني أفهم من يلي حطو الحكم و لكل قاعدة شواذ
و حكمتي اعطي كل شيء حقه و اشتغل عحالك و طور قدراتك و ساعد الجميع بدون انتظار مقابل و رب العالمين ما بينسى

و الله تاريلكم هالكرسي القعدة عليه مو متل القومة عنو

شاطر عين الله عليك
طيب سؤال تاني

وينو اسماعيل مو مبين بهاليومين ان شاء الله خير ؟

:*693*:

و الله ابعرف بس يمكن عندو شوية شغل

الله يعطيه العافية

صحي و الله استفقدنالو لاسماعيل .. وينو ؟؟


سؤالي الك نضالو : " غير كتب الجامعة " ايمت اخر مرة مسكت كتاب و قريتو ؟؟؟ :?: :!:

اقتباس :

غير كتب الجامعة " ايمت اخر مرة مسكت كتاب و قريتو ؟؟؟

هلق شي بخص الفرنسي من كم يوم و الله , بس شي بخص الثقافة العربية بشكل عام و الله من شي 10 سنين

اممممممممممممممممممممممممممممم
بااااااك
نضالو
شو الأمنية اللي تمنيتها وتحققت؟
لو اعطوك 3 امنيات اكيد اكيد رح تتحقق شو رح يكونو ال 3 امنيات؟

اقتباس :

شو الأمنية اللي تمنيتها وتحققت؟

كتير شغلات

اقتباس :

لو اعطوك 3 امنيات اكيد اكيد رح تتحقق شو رح يكونو ال 3 امنيات؟

أول وحدة اني اتخرج و اخلص بقا
تاني وحدة اني صير مذيع ببرامج حوار متل فيصل القاسم او جورج قرداحي مثلا
التالتة صير صاحب شركة كبيرة كتير الها فروع بكل أنحاء العالم و اشرف عليها بنفسي

نضااللللللللللللللللللللللللللو
انا أسئلتي محرجة ها
فيرست: مين اكتر واحد بتحبو بهالمنتدى
سكند:مين اكتر واحد ما بتحبو بهالمنتدى بس لا تقول انا حباب
ملاحظة:لا اقبل الاجوبة الشاملة يعني تقلي بحب الكل وابدا ماحدا ما بحبو بدك تحدد اسماء وعلى مسؤوليتي ماحدا بيزعل

الله يصطفل فيك عهالأسئلة

اقتباس :

فيرست: مين اكتر واحد بتحبو بهالمنتدى

اكتر واحد بحبو nedalo ههههه هلق بحب الكل اكيد بس اكتر شي اكتر شي سوسنة لانو بحسها قريبة كأخت الي و كمان لانو صار في متل نوع من الدردشة ببعض المواضيع و هالشي خلا الثقة و الاحترام يكبر بس والله كل شخص فيكن الو مكانة خاصة عندي

اقتباس :

سكند:مين اكتر واحد ما بتحبو بهالمنتدى

أكيد انت من يلي بحبهم علوش
اللي ما بحبو امممممم هادا اللي حرد (ماجد)

و الله بدكن تجيبو آخرتي انا شايف

مين أكتر شخص بتضل بتتشكروا على طول
ومافيك تزعلو أبدا
يعني بتحس انو الو فضل عليك بكل شي :*749*:

اقتباس :

مين أكتر شخص بتضل بتتشكروا على طول
ومافيك تزعلو أبدا
يعني بتحس انو الو فضل عليك بكل شي

الوالدة الله يخليلي ياها و يخليلكم امهاتكم

الله يحققلك كل احلامك وامنياتك يارب
-لكل منا خطوط حمراء,طيب شو هي الخطوط الحمراء عندك لي مابتسمح لحدى يتجاوزها؟

-شو هي التجربة لي بتتمنى تكررها بحياتك؟

باك مره تانيه
ونضالو
شو الكلمه اللي ع طرف لسانك دايما يعني ع طول بتقولها؟؟

حرام عليكون خفوا عنو للزلمة .. هريتوا هري ..

سؤالي انا نضالو : احكيلنا بالتفصيل عن اكتر موقف محرج بحياتك و لهلق كل ما بتتذكرو بتنحرج ..

آية

اقتباس :

لكل منا خطوط حمراء,طيب شو هي الخطوط الحمراء عندك لي مابتسمح لحدى يتجاوزها؟

التدخل بشؤوني الخاصة و املاء التصرفات

اقتباس :

شو هي التجربة لي بتتمنى تكررها بحياتك؟

معسكر العاشر

سوسن

اقتباس :

شو الكلمه اللي ع طرف لسانك دايما يعني ع طول بتقولها؟؟

معلمي و كلمة تانية بحطوني ببيت خالتي اذا كتبتا

البقية بعد الغدا بجاوب