۞۩۞ كرسـي الاعتـراف ۩۞۩ مع ...:::SOMAR:::... ۞۩۞

ليك لهالكرسي بلا ضهر

اهلا و سهلا ابو السوس نتمنى لك طيب الاقامة في ربوعنا

منـــــور الكرسي
ســـومر
انا هلأ بس حابه اتمنالك قعده مريحه
ولي عوده مشان نبلش التحقيق قصدي الأسئله

اي شو بدنا بالحكي
الكرسي لابقلك
ماشاء الله عكيد غييييييييييير شكل
بتمنالك قعدة مريحة
واسئلة اريح
احلى مدير بالدنيا

عدنـــا من جديد
سومر
لكل منا حلم بنسميه حلم حياتنا
شو حلم حياتك؟؟

شو الحلم اللي حققته وانت فخور بتحقيقه؟؟

هل مرت بحياة سومر شخصيه اثرت فيه لدرجة التغيير
مين الشخصية؟
ومن أي ناحية غيرتك؟؟

لهلأ هاد اللي طلع معي
واكيـــد لي عوده

اهلييييين بسومر و الله ... بتمنالك قعدة مريحة ..

بس انا فورا عالتحقيق ما في مجال ..
عندي سؤالين :
1- وين غاطط ؟؟؟
2- كيف عملت باللغة ؟؟

هدول عالماشي لبين ما تدخل عالمنتدى عالاقل ..

أبو السوس الغالي
بوعدك انو أسألتي رح تكون مميزة ومختلفة ورح يكون الها علاقة فيك وبالمنتدى
وسؤالي الأول هو :
شو كان هدفك من انشاء المنتدى , واذا ما كان عندك هدف لما عملتو وصارت القصة بالصدفة (يعني بطاطا متل ما قلت عنها بأحد مواضيعك) , فأكيد اليوم عندك هدف منو وبتمنى أعرف شو هو وبدي جواب مفصل لأني بعتقد جوابك مهم لكل واحد بحب المنتدى ؟

ولك انطرو ليجي الزلمي

نازلين فيه النتف سؤال ورا سؤال

الله يعينو لأبو السوس شو بدو يلحق يجاوب ليجاوب

نضالووو
بما انو الفتره اللي اجى فيها سومر فتره اختبارات فأسبوعين ابدا مو كفايه
لازم نخليه شهر
اسبوعين نحنا نسأل
واسبوعين هو يجاوب

سومر
بما انو انو جديد صار عمرك 22 سنه
والعمر كلو طبعا
شو امنية عيد ميلادك هالسنه؟؟
واحكيلي بالتفصيل الممل عن احلى عيد ميلاد مر بحياتك؟
لهلأ هاد اللي خطر ع بالي
لي عوده اكيد

ولو سومر وينك يا زلمة ؟؟؟

HAPPY BIRTHDAY to our boss wishing you happy EID and happy future ,being always safe with all you love.

لك انا دعيت لربي بلكي بتكوني نسيتي الموضوع بعد هالغيبة بس عبث
بكل الأحوال الحمد الله على سلامة الوالدة وما على قلبها شر
وبالنسبة للأسئلة خلص رح جاوب ولو انو صارو الأسئلة قدام شوي

شو حلم حياتك؟؟
لاقي حكمة الحياة
شو الحلم اللي حققته وانت فخور بتحقيقه؟؟
لسا ما حققت ولا حلم
هل مرت بحياة سومر شخصيه اثرت فيه لدرجة التغيير
مين الشخصية؟
صبية حبيتها وقصة حب قديمة
بس أثرت فيني سلباً طبعا وغيرتي مدى العمر
ومن أي ناحية غيرتك؟؟
غيرتني من ناحية صار قلبي اقسى وما كتير عندي ثقة بالبنات بشكل عام اسف سلفا

1- وين غاطط ؟؟؟
كان عندي ظروف صعبة كتير كتير بالإضافة للاستثنائية
2- كيف عملت باللغة ؟؟
اللغة انا حسيت حالي عملت فيها منيح بس والله ماعاد اتذكر

شو كان هدفك من انشاء المنتدى , واذا ما كان عندك هدف لما عملتو وصارتالقصة بالصدفة (يعني بطاطا متل ما قلت عنها بأحد مواضيعك) , فأكيد اليومعندك هدف منو وبتمنى أعرف شو هو وبدي جواب مفصل لأني بعتقد جوابك مهم لكلواحد بحب المنتدى ؟
صحيح هالحكي اعملتو بالصدفة وما كان في هدف محدد
بس بعد ما صاار في كتير ناس و صار عندي اصدقاء منو اتغير كل شي
ولأن ظروفي صعبة و ما كتير بنزل عالكلية صار المنتدى شي كتير مهم
وهدفي وصلو معكن لأعلى مستوى
وكل الطلاب يعرفو انو عندن جمعة خاصة فيهن ويتخلصو من الغربة اللي بيناتن
ونبرهن للقائمين على الكلية انو الطلاب قادرين يكونو مبدعين ومثقفين


شو امنية عيد ميلادك هالسنه؟؟
هو انا بالعادة ما بكون عندي امنية بس هالسنة بما انو اجا عيد ميلادي قبل الاستثنائية اتمنيت صير رابعة وفعلا اتحققت
واحكيلي بالتفصيل الممل عن احلى عيد ميلاد مر بحياتك؟
أحلى عيد ميلاد عملتلي ياه انسانة صارت ماضي

شكرا جوانا وانتي بألف خير

وهيك بتوقع جاوبت على اول قسم الحمد الله

منـــــــــور الكرسي
سومر
والله يقويك يارب


لو قالولك بإمكانك ترجع الزمن لساعه راحت بعمرك شو رح تكون الساعه اللي رح ترجعلها وليش؟؟

كم مره سومر قال بحبك وهو مو متأكد من مشاعره؟ (ان كان في ) هل عندك القدره ترجع وتصارحها بهالشي؟

لهلأ هدلون اسئلتي بس اكييييد لي عوده

و الله هالكرسي مريحة , لو صارتلي ما كنت نزلت عنها

ابو السوس سؤالي :

قديش بتحكي عالموباين و بتصرف وحدات

لو قالولك بإمكانك ترجع الزمن لساعه راحت بعمرك شو رح تكون الساعه اللي رح ترجعلها وليش؟؟
برجع لساعة العيد ميلاد
ههههه
كم مره سومر قال بحبك وهو مو متأكد من مشاعره؟ (ان كان في ) هل عندك القدره ترجع وتصارحها بهالشي؟
يمكن قلتها لشي 3 أشخاص
بس ولا مرة قلتها بدون ما حسها
طبعا عندي القدرة
قديش بتحكي عالموباين و بتصرف وحدات
ولك شو هالسؤال هادا ههههههه
انا اول يوم بعبي فيه وحدات بيخلصو
وبعدين كل شي يومين تلاتة بعبيلي شوي حسب المناسبة

اي و الله لأنو اما تتذكرنا بتعليمة فقلت اكيد مخلص ويداتو متل العادة

خيو سؤال :

مين بتفضل أكتر من برامج الدردشة : اليع هووووو , ولا , الهات وميل

احلى ابو السوس

مين بتفضل أكتر من برامج الدردشة : اليع هووووو , ولا , الهات وميل

يعني بتعرفي ما بطيقو لل اليع هووو

هلق انا بدي اسألك سؤال ايمت بتخلص أسئلتك .؟

انت بمكان ما بيحقللك تسأل هلق

سؤال :

لشو امتحكي يعني ااااااااه , متتقل حالك يعنيييييييي

مرحبا كيفك سومر

اسئلتي مو كتيرة كتير
يعني شوي بس



1-على كم بنت كذبت؟

2-اختار 3 اعضاء بتعتبرن المميزين بنظرك؟

3-عضوين بتحس ردودن احلى من غيرن؟


4- انت درست الفرع اللي بتحبو ولا اللي علاماتك خولتك تدرسو؟

5-مين الاعضاء اللي بتتمنى تعرفن شخصيا ؟

6-لو خيروك تروح رحلة مين بتاخد معك م اعضاء المنتدى (حدد 3 اشخاص فقط)؟

7-موضوع نزلتو وندمت لانك نزلتو ؟

8- اكتر موضوع حبيتو بالمنتدى؟

9- لو طلبو منك تغير شي بالمنتدى شو بتغير؟

حاليا رح وقف مشان تاخد نفس

بس الي رجعة
بتمنى ما تكون اسئلتي طويلة او مزعجة

اممممممم
احكيلي شي عملته وانت صغير فينا نقول عنه مصيبه "يعني اكلت قتله عليه بالعربي"

ذكرى طفوليه ماممكن تنساها؟

اوصفلي اول يوم دراسي الك كيف كان؟ وكمان اول يوم جامعي كيف كان؟

welcome back Somar
عنجد اشتقنالك يا زلمة .. منيح اللي رجع هالموضوع لنرجع تطل عالمنتدى..

هلق انا بدي توصفلنا شكلك بالتفصيل ..
و سؤال تاني اساتك بتدخن جيتان ؟؟ :*332*:

لشو امتحكي يعني ااااااااه , متتقل حالك يعنيييييييي
لك ما عاش اللي يتقل حالو عليك ولوووو

1-على كم بنت كذبت؟
الحمد الله لسا ما كذبت
أو يمكن كذبة بيضة لأنو عقل البنات ما بيستوعب كل شي عذرا يعني
2-اختار 3 اعضاء بتعتبرن المميزين بنظرك؟
والله كتار كتير
3-عضوين بتحس ردودن احلى من غيرن؟
اسماعيل ونضال

4- انت درست الفرع اللي بتحبو ولا اللي علاماتك خولتك تدرسو؟
علاماتي وكمان الفرع اللي بحبو (انكليزي)
5-مين الاعضاء اللي بتتمنى تعرفن شخصيا ؟
سوسن اسماعيل رورو سيرجيو ونضال الحمد اللهه ااااخ عرفتوووو
6-لو خيروك تروح رحلة مين بتاخد معك م اعضاء المنتدى (حدد 3 اشخاص فقط)؟
اكيد نضال والتنين الباقيين اللي بحبو
7-موضوع نزلتو وندمت لانك نزلتو ؟
قصيدة كتبتها
8- اكتر موضوع حبيتو بالمنتدى؟
مواضيع الحب لسوسن
9- لو طلبو منك تغير شي بالمنتدى شو بتغير؟
الي بيطلبوه انا جاهز غيرو تحت التصويت
بس حاليا المنتدى ممتاز برأيي ما كتير بدو تغيير بس شوية تحديثات
عفكرة حسيت اسئلة امتحان وخاصة لأنو في ارقام للأسئلة
هههه شكرا الك


احكيلي شي عملته وانت صغير فينا نقول عنه مصيبه "يعني اكلت قتله عليه بالعربي"
كنا صغار كتير عنا شلة وسرقنا من ختيار مجنون كل مصاريه وأكلنا بوظا وشيبس شي اسبوع
بعدين كشفونا والباقي بتعرفوه
ذكرى طفوليه ماممكن تنساها؟
والله كتار كتير الصراحة ما في شي محدد طفولتي كانت رائعة لأنها بسيطة جدا وبالضيعة مو بالمدينة
اوصفلي اول يوم دراسي الك كيف كان؟ وكمان اول يوم جامعي كيف كان؟
بتذكر انو كانت الآنسة بتجنن وسحرتني
واول يوم جامعي حسيت حالي انسان غريب وجاي على كوكب تاني بس كان جديد وحلو بشكل نسبي

هلق انا بدي توصفلنا شكلك بالتفصيل ..
شكلي هههه
نضال بيعرف شكلي خليه يوصلفلك
و سؤال تاني اساتك بتدخن جيتان ؟؟
اي وتهريب كمان بس لا تقولي لحدا