۞۩۞ كرسـي الاعتـراف ۩۞۩ مع Isma3el ۞۩۞

هلا والله حي الله اي والله لعيونك
يا اسماعيل
الكرسي والاسئلة جاهزة

نورت اسماعيل

بسم الله

لازم ندبحو


قصدي نسالو



رح بلش انا لكاااااااااااان

بس بشي خفيف

اسماعيلو شو هو الشي (وليس الشخص) يلي بتكرهو أكتر شي بالدني
وشو هو الشي يلي بتحبو اكتر شي بالدني

ولشو هوي مقعدينو عكنباية فخمة و انا قعدتوني عكرسي خشب انكسر ضهري عليا اااااه

بسيطة انا بفرجيك يسماعيل

سؤالي : محل شو فاتح او شو عم تشتغل و هل استغلليت الشغل بتطبيق شي بنت ؟؟؟؟؟؟؟؟؟

nedalo كتب:

ولشو هوي مقعدينو عكنباية فخمة و انا قعدتوني عكرسي خشب انكسر ضهري عليا اااااه

لك له له له ياابو النضل شو من اولا بدك تتهمنا بالتفريق والعنصرية والانحياز ووووووو




ولله انا حبيت كبرلك الكرسي كرمال مقامك مو كرمال رعبك ولاتعبك ابدا

شو بعدك زعلان؟؟ بغيرلك ياه اذا بدك هاااا بس بشرط رجعك عالكرسي شو قلت ؟؟؟؟؟ :*332*: :*332*: :*332*:

اسماعيلو والله يا عمي انك مدعوم نجوى مكبرتلك الكرسي وشي مريح باينتو
مو متل الكرسي تبع نضال من الزمن العثماني
بحضي القعدة عليه ساعة بتكسر الضهر هههههههههههههههههههههههه
هلا ما رح اسال سوف اراقب الاسئلة عن كثب ثم (ابلش)اسأل
بعدين جهز حالك

والله انا شايفة اسماعيل مو فاضيلنا هاليومين
الله يعطيه العافية
بس برأيي نغير القعدة لبينما يجي اسماعيل
ونقعد كولد فاير لي ما بيسكت
ووين مابيروح بيساوي فتنة
اكيد عم امزح والله كل الاعضاء غوالي وبيجننو

فعلا .. يمكن اسماعيل عندو امتحان تكميلي هالفترة .. فخلوه يعرف يدرس و بلا ما تلهوه باسئلتكون هلق .. وين الرحمة ؟؟ ..

بقترح يتم تغيير العضو ريثما يخلص اسماعيل بالسلامة ..

و الله اذا بدنا نغير العضو ف ما فيه غيرك
خلينا نبلش فيكي

كفو...شباب ..صبايا؟؟

يللا

لا والله عصام ما بيصير الا تتفضل قبلي ما بيصير ..

منـــــور الكرسي إسماعيل
أنا ما حسأل لحتى شوفك بشكل رسمي ع الكرسي
مشان يجيني الإلهام
بتمنالك قعده مريحه

طولوا بالكن شوي وعن الكرسي غير الله ما بقومني
لا عن جد أنا اشتقتلكن كلكن وصح انو عندي تكميلية متل ما قالت رورو
بس أنا حابب يكون في موضوع واحد عالأقل يخليني ادخل كل يوم عالمنتدى
لهيك أنا رح بلش جاوب عالأسئلة وبدي منكم تكون الأسئلة محرجة وصعبة
يلا لشوف ورجوني شطارتكم
وبدي أشكر نجوى أكيد على اختياري وكمان عالكرسي الفخم جداً

منــــــــــــــــور إسماعيل مره تانيه
واتحمل مو طلبت اسئله محرجه الله يكون بعونك
سؤالاتي
هل إسماعيل بعيش قصة حب حاليا؟
أوصفلي حالك بما لا يقل عن 3 سطور ؟
شو الشي اللي كل يوم قبل ما تنام واول ما تصحى بتتمنى يسير؟
مممممممممممممم هيك بكفي حاليا
بس اكيد لي عوده

نجوى : شو هو الشي (وليس الشخص) يلي بتكرهو أكتر شي بالدني
وشو هو الشي يلي بتحبو اكتر شي بالدني
اسماعيل : أكتر شي بكرهو بالدنيا هو الظلم لأنو ما في أصعب منو
وأكتر شي بحبو هو الوفى واللي قليل كتير هالأيام

نضالو : محل شو فاتح او شو عم تشتغل و هل استغلليت الشغل بتطبيق شي بنت
اسماعيل :
نحنا عنا مطعم صغير بس الحمد لله زباينو كتار وانشالله شي يوم بعزمكن عليه
بس أنا صرلي فترة ما نزلت عليه لأني عندي طلاب يعني بعطي دروس خصوصي
وقبل كنت أشتغل بشركة نقل بحري معروفة جداً بس صار خلاف وتركت .
أما بالنسبة لتطبيق البنات فأكيد بستثمر أي موقف كرمال هالشغلة بس أكيد ما مع طالباتي لأنو البيوت الها حرمة والشغل شغل

يتبع ...

الحمد لله على سلامتك اسماعيل
والله منور
والله يوفقك بامتحاناتك يارب ويعطيك الف عافية
شوالمسلسلات والبرامج لي بتحضرو بشهر رمضان
وشو طموحك بالحياة

عندي سؤال اسماعيل

و لك والله رح افقع و لك ايمت ميطلع و ما ملكت ايمانكم ايمت

يزلمي ناطرو نطارة بس اما شوفو ويييييييين ؟؟؟؟؟؟؟؟

بيطلع على قناة المستقبل وعالفضائية السورية بنفس الوقت الساعة 9 مساءً
وبينعاد بالسهرة الساعة2 صباحاً
تكرم نضالو

تمام لنحضرو الساعة تنتين لكن

شكرن احلى اسماعيل

صحي سؤال

نومك خفيف و لا تقيل و ايمت بتفيق يوميا ؟؟؟؟؟؟؟

الطلاب يلي عم تعطيهن دروس : عم تدرسهن من قلب و رب و لا هات ايدك و لحقني ؟؟؟؟؟؟


قديش متاخد عالساعة بزمتك ؟؟؟؟؟؟

نضالو : نومك خفيف و لا تقيل و ايمت بتفيق يوميا ؟؟؟؟؟؟؟
اسماعيل : حسب بس بالعموم نومي خفيف الا اذا كنت نايم عن تعب .
نضالو :الطلاب يلي عم تعطيهن دروس : عم تدرسهن من قلب و رب و لا هات ايدك و لحقني ؟؟؟؟؟؟
أكيد من قلب ورب وهيدي سمعتي اللي عم أشتغل عليها ومن وراها
نضالو : قديش متاخد عالساعة بزمتك ؟؟؟؟؟؟
بزمتي هادا سؤال مالو علاقة بالصراحة وهادا قمة المعلاق الكبير وهي أسرار المهنة بس ما تخاف باخد كتير :suspect:

طيب اذا اجا لعندك طالب حالتو المادية وسط يعني لا غني و لا فقير قديش بتاخد عالساعة ؟؟؟؟؟؟؟