۞۩۞ كرسـي الاعتـراف ۩۞۩ مع Isma3el ۞۩۞

أنا منيح انت شو حالك
ع فكرة صورة القطة حلوة بس ليش ما بتحطي صورة حمامة
خاصة أنو (( Dove )) يعني حمامة
شو رأيك بالفكرة ؟؟؟

( مش) صورة القطة الها معنى خاص وكمان
لأنو ما عندي صورة حمامة
بس بدي جيب وحطا عجبتني الفكرة يسلمو
وفي سؤال كمان
( شو احلى ذكرى بحياتك)

مرحبااا
إسماعيل
كيف بتتمنى تشوف حالك بعد 10 سنين من هلأ؟
شو بتعنيلك الذكرى؟
شو الهديه اللي ما بتنساها ومن مين كانت؟

مرحبا اسماعيل ... عندي كم سؤال لليوم ..

1- شو اكتر شي كنت تكرهو بالمدرسة ؟؟

2- احكيلنا بالتفصيل عن اكتر موقف محرج صار معك ؟؟

3- يا ترى بتتخانق انت و اختك ؟؟ :suspect: و على شو؟؟

ولا تنسى الصراحة ..

حمد الله على سلامتك اسماعيل
ويارب تنجح بالمادتين باعلى العلامات
والله يحققلك كل شي ببالك

بس انا " /> ماقلت بدي قعد حدا محلك قلت بعدك بتقعد نجوى
وبعدين اتفقنا على سومر

بس نجوى حابة تهرب من الكرسي وتخليك توقف معها

-شو افضل رياضة عندك ؟ واحلى اكلة ؟

-شو اكتر صفة بتتمنى تكون بفتاة احلامك؟

-هل تتمنى يصيروا ولادك متلك ؟
موفق يارب

رورو :1- شو اكتر شي كنت تكرهو بالمدرسة ؟؟
الفيقة بكير وحصة الفيزياء والكيمياء ومدربين الفتوة
2- احكيلنا بالتفصيل عن اكتر موقف محرج صار معك ؟؟
هلق بجوز الشباب يقولوا ليك بقى بدو يجلط علينا بس والله القصة هيك صارت
مرة اجتمعت أنا و بنت بمكان ضيق كتير ولوحدنا وكانت طالعة غنية دينا حايك " سحر الغرام " وقلتلي هالبنت (( بوسني )) وهالحكي طبعاً من شي 6 سنين
يعني كنت لسه صغير وغشيم وتفاجئت صراحة بالطلب الجريء
و بستها من خدها بس ويمكن هي كان بدها بوسها بس ما من خدها   :*141*:
يعني كان موقف محرج بس لما بتذكره بضحك
3- يا ترى بتتخانق انت و اختك ؟؟ و على شو؟؟
كنت إتخانق مع أختي وقت كانت عنا بالبيت بس هلق هي متزوجة .
يعني ما بخفيكن كنت متل كل الشباب دقق عاللبس وعالمكياج وع هيك شي
بس والله كنت رايق وديمقراطي وبحب النقاش يعني ما كنت أفرض عليها شي بالقوة.

آية : شو افضل رياضة عندك ؟ واحلى اكلة ؟
أكتر رياضة بحب مارسها هي بناء الأجسام طبعاً لدرجة المعقول وما المبالغة فيها والسباحة .
وأكتر رياضة بحب شوفها هي التنس .
أكتر أكلة بحبها ورق العنب (( ورق دوالي أو يبرق )) والمقلوبة .
شو اكتر صفة بتتمنى تكون بفتاة احلامك؟
ما بدي منها شي غير انو تحبني وتشوفني الرجل الوحيد بالكون وبحياتها عالأقل.
هل تتمنى يصيروا ولادك متلك ؟
بتمنى يصيروا أحسن مني انشالله
وبتمنى ياخدوا مني الشي الحلو والمنيح .

أسئلتكن كتير حلوة بس لسه عم أتسلى وما حاسس حالي ع كرسي اعتراف
يلا ناطر منكم أسئلة صعبة ومحرجة وبدها صراحة ... ما تخافوا ما بنزعج

اهلا اسماعيل الغالي
كيفك بلعب الشدة؟
و كم مرة اكلت قتلة بشي علقة؟ (انت بدك اسئلة محرجة)
و وصفلنا حالك جسديا (الوزن-الطول-اللون و هيك عني)؟

احلى اسماعيل

طيب اسماعيل .. انت طلبت سؤال محرج من قبل و سالتك قمت عرقت من الحرج .. مستعد اني اسألك مرة تانية ؟؟ :suspect:

حاليا و الله ما خاطر على بالي سؤال شرير ..بس الا ما يخطر ها ..

بس عندي كم سؤال ..

1-هل انت مشكلجي ؟؟
2- هل انت شخص مسؤول ؟؟؟
3- شو هو المكان اللي بتحس فيه بالراحة ؟؟ يعني اذا بدك تهرب من هم " الله يبعدك عن الهم " او مثلا مكتئب لوين بتحب تروح ؟؟

لي عودة اسماعيل . و بكون فكرت بشي سؤال محرج ..

اة اسماعيل .. رح اسالك نفس السؤال اللي سالتو لنضالو ..
" غير كتب الدراسة " ايمت اخر مرة قريت كتاب ؟؟ و شو هو الكتاب ؟؟ :?: :?:

هكتور : كيفك بلعب الشدة؟
ما كتير تشد إيدك يعني ما كتير بحبها.
كم مرة اكلت قتلة بشي علقة؟
ما خسا و 600 باطل يا هيكتور هههههه ما في احراج ولا شي
حقيقة ولا مرة لأني أصلاً ماني من الأشخاص اللي بفكروا بعضلاتن أول شي ؟؟؟
يعني العلقات بحياتي بينعدو على الأصابع وكانوا لأسباب قوية وموجبة
وصفلنا حالك جسديا (الوزن-الطول-اللون و هيك عني)؟
والله طولي 183 سم , ووزني مانو ثابت وبيتغير كتير بس هلق فوق ال 100 بس على فكرة أنا عضمي عريض يعني لما بتشوفني ما بتحطلي هيك وزن وهي بعتبرها شغلة منيحة .
أنا ماني أسمر ولا أشقر شعري أسود وعيوني ملونين

باك مره تانيه
إسماعيل
لوقلتلك اهدي خطيبتك السابقه غنيه شو بتهديها؟
شو الغنية اللي بتحسها بتحكي عنك؟
امممم
كم بنت بموبايلو لأسماعيل؟
لوقلتلك اختار 3 اعضاء واحكيلي عنن مين حتختار وشو حتحكي؟
هيك بيكفي لهلأ
واكيد لي عوده

قبل ما جاوب ع أسئلتك سوسن
هلق شفت توقيعك الجديد وصراحة كتير حلو ومعبر و أنا معك 100 %

لوقلتلك اهدي خطيبتك السابقه غنيه شو بتهديها؟
بمحبة أكيد بهديها أغنية أبو وديع الأخيرة " مش عم بزعل "
وحابب أكتب شوي من كلماتها مشان اللي ما بيعرفوها:
مش عم أزعل أنا عليك ... عم بزعل عالماضي
عالأيام اللي عشناها سوى ... وما كنت راضي
وهلق راجع بعد غياب لتصالح قلبي ... والدمع اللي ع خدك يلمع " ارحم قلبي"
قالوا القلب يمكن يزعل ويمكن يرضى ... قالوا الزعل يمكن يبقى ويمكن يمضى
كان بقلبي شوية حب وشوية وفى ... وهلق صار الحب بالماضي وكل شي اختفى
شو الغنية اللي بتحسها بتحكي عنك؟
عموماً في أكتر من أغنية متل :
"حياتي" لأصالة, "ما بخاف" لكارول سماحة .
كم بنت بموبايلو لأسماعيل؟
هلق بموبايلي ما في بنات بس في أرقام بنات
يعني 4 أو 5 أرقام وكلن صداقات .
لوقلتلك اختار 3 اعضاء واحكيلي عنن مين حتختار وشو حتحكي؟
ببساطة ما رح رد عليكي ورح اختار 5 هههههه , طبعاً رح احكي عن الأعضاء اللي بتواصل معن على طول حتى بعيداً عن مواضيع المنتدى:
سوسن: بحسك بنت رقيقة وحساسة وعندك حس فني وهالشي واضح بمواضيعك وانت شخص واعي جداً برغم صغر سنك.
رورو: بنت مزوقة كتير وبحس حالي برتاح بالتعامل والحكي معها وهي مهضومة وظريفة وعقلها كبير
نضالو: شب محترم كتير وفهمان وبيعرف يتعامل مع الناس بطريقة مرتبة متلو , وبحسو بكتير أمور بعلق وبقول اللي أنا بدي قولو .
روميو : كمان شب أكابر وراكز وسلس بالتعامل و بحب منو كلمة (( bro )) اللي بضل بقلي ياها.
سومر: ما لأنو المدير بس الله بيعلم اني بحبو من دون ما أعرفو وبحسو شخص متفهم و غير متسرع وقلبو كبير وبساع كتير وبكفي متحملنا ومتحمل مشاكلنا ...  

السلام عليكم ورحمة الله وبركاته
كيفك اخ اسماعيل ؟؟؟؟

- هل من المهم أن يزيد الشاب من اهتمامه بمظهره وبملابسه ؟ وماذا يعني لك المظهر الخارجي ؟

- ماهو أكثر شيء تخشــاه بالحياة ؟

-ماذا يعني ( المستحيل ) بالنسبة لك ؟

-ماهو الشيء الذي ترغب بفعله .. ولكن العادات تحول دون فعلك له ؟

وهي رجعت من جديد

ممممممممممممممممم شو رح اسألك اليوم!!!

- طيب اسماعيلو لو قلنالك شو هي التلات صفات يلي بشخصيتك وانت بتشوفها سلبية كتير
وكمان شو هني اكتر تلات صفات ايجابية بتشوفها بحالك

في سؤال كتير بيدور ببالي عموما وبسأل عنو كتير

- ياترى انت مع انو بالحب مافي شي اسمو كرامة ... ولا في كرامة وحتى بوجود الحب ؟؟؟

لهلق هدول يلي جايين ببالي

نجوى : طيب اسماعيلو لو قلنالك شو هي التلات صفات يلي بشخصيتك وانت بتشوفها سلبية كتير
وكمان شو هني اكتر تلات صفات ايجابية بتشوفها بحالك
الصفات السلبية:
المزاجية الزايدة أحياناً يعني بكون رايق وفجأة بحس حالي مزعوج وهيك شغلات.
العطاء الزايد يعني لما بحب حدا (حبيبة , صديقة أو صديق ) بعطي للآخر من وقتي وتفكيري وحياتي وكل شي ... وهي شغلة متعبة لأنو قد ما بادلني الطرف الآخر نفس الشعور ما رح يكون متلي وبحس انو مقصر معي ويمكن الطرف التاني ما بكون مقصر بس لأني أنا بحب الاهتمام فيني متل ما أنا بهتم بالآخرين ؟؟؟
العصبية النادرة: يعني لما الواحد يكون نادراً ما يعصب , فوقت بعصب بكون تعصيبو قوي متل المجنون وهون محسوبكن بصير بيحكي وما بيعرف شو عم يحكي ...الصفات الايجابية :
الوفا: وهي أحلى شغلة فيني وما بتخيل اني بغيرها بحياتي كلها. يعني اللي بشوفني بعين بشوفو بعينتين ...
عدم التسرع : يعني بفكر بكلامي 100 مرة قبل ما أحكيه.
اني طنجرة كبيرة يعني بقصد اني بستوعب الآخرين كتير لأني ببساطة بحط حالي محلن وبصير بشوف انو اللي عم يقولوه من موقعهم مظبوط فبصير بعرف ناقشن أكتر .وما بتعصب بشدة لرأيي .
ياترى انت مع انو بالحب مافي شي اسمو كرامة ... ولا في كرامة وحتى بوجود الحب ؟؟؟
الحب أحلى شي بهالدنيا والحب بكبر الانسان وبحسسه بقيمتو وما بصغرو ولا بهينو متل ما كاظم بقول : يضرب الحب شو بذل ؟؟؟
يعني ما في شي اسمو حب بلا كرامة وبحياتو الحب ما بكون هيك يعني في شي اسمو تضحية وهيدي شغلة حلوة وبالحب الواحد بيعملها وبحس حالو مبسوط ومستمتع ومانو مكسور
لأنو عم يضحي لشخص بحبو
بس أكيد التضحية الها حدود ولازم تكون من الطرفين .

مرحبا اسماعيل ...
اول شي بدي اتشكرك عالكلام الحلو اللي قلتو عني ...
تاني شي بدي اسألك
1‏_‏ كم بنت مرت بحياتك بصفة علاقة عابرة؟؟
2‏_‏ شو هو الشي اللي ما ممكن تغفرو حتى لو صدر من اقرب الناس الك؟؟
حاليا بس هيك لاني فاتحة من الموبايل..

اة اسماعيل ..عدنا ..بس هالمرة بدي اهلكك بالأسئلة ..

1- باقة ورد .. لمين بتهديها ؟؟
2- باقة شوك ..كمان لمين بتهديها ؟؟
3- اسوأخبر سمعتو ؟؟
4- احلى خبر سمعتو؟؟
5- من لا ترفض له طلبا ؟؟
6- شو هي التجربة اللي بتتمنى تعيدها ؟؟
7- من هو توأم روحك ؟؟
8- شواكتر شي بيحرجك ؟؟
9- افترض اجت حمامة على شباكك حاملة رسالة من مين بتتمنى تكون؟؟
10- غير الظلم شو اكتر شي بتخاف منو ؟؟
11- لمين حابب تقول انا اسف ؟؟
12-في جريمة حابب تعملها ؟؟
13- كلمة اخيرة الك .. بعد ما هلكتك بالأسئلة ..
بعرف سئلت عليك .. بس شو بدي اعمل كل هالاسئلة خطرت عبالي دفعة وحدة ..