۞۩۞ كرسـي الاعتـراف ۩۞۩ مع Isma3el ۞۩۞

لك العمى شو هالمعلااااااااااااااااااااااااق ولوووووووووووووووووو
خيو رح جاوبك واخلص
300 ل . س بس وفقط لا غير
هادا طبعاً اذا وسط

بااااك مره تانيه
كيفك شو اخباراتك إسماعيل؟
امممممممممممم
اسألتي لليوم قصدي لهاللحظه
كل شخص فينا هو وصغير كان يحلم يكون شي بالمستقبل إسماعيل بس سألوه شو بدك تسير بالمستقبل شو كان جوابه؟
لو اعطيتك 60 دقيقه وقلتلك مجبور تحكي عن شخص سواء بحياتك او رحل مين اول شخص رح يجي ببالك؟ وليش؟
شو ترتيب إسماعيل بين إخواته؟
هيك بيكفي واكيد لي عوده

كل شخص فينا هو وصغير كان يحلم يكون شي بالمستقبل إسماعيل بس سألوه شو بدك تسير بالمستقبل شو كان جوابه؟
حقيقة سوسن ما بتذكر اني حدا سألني هالسؤال ؟؟؟
وحتى هلق ما بعرف شو كنت رح جاوب عنو !!!
بس أكيد ما كنت رح قول دكتور و مهندس وما بعرف شو ..
مع اني دراستي كلها علمي بس ما بحب هالشغلات وبحسها تقليدية ...
لو اعطيتك 60 دقيقه وقلتلك مجبور تحكي عن شخص سواء بحياتك او رحل مين اول شخص رح يجي ببالك؟ وليش؟
والله أول شخص بيجي ببالي هو أمي وبحكي عنها من هلق لبكرا لأنو الأم هي الشخص الوحيد اللي قد ما غلط الانسان بحياتو مستعدة تسامحو وتغفرلو وقد ما كان الولد جاحد ما بينقص كرمها وحنانها عليه ولا بيقسى قلبها ...
شو ترتيب إسماعيل بين إخواته؟
أنا الأكبر وأنا وحيد وعندي أخت وحدة ...

لهلق أنا عم أتسلى ها ؟؟؟ يعني بدي أسئلة بس شوفها أعرق و يصير وجهي أحمر

اهليييييين اسماعيل ... و الله نورت المنتدى برجوعك
نحن كمان بدنا موضوع يخليك تدخل عالمنتدى كل يوم ...
بدك اسئلة محرجة .. اوكي .. سؤالي لكن ..

لساتك بتحب خطيبتك السابقة ولا لأ؟؟

انا اسفة بس انت قلت بدك سؤال محرج و هيدا اكتر سؤال شرير خطر على بالي ..

don't worry my dear Ruru

هلق الجواب كتير سهل بس أنا حابب اعطي رأيي بالموضوع عموماً
يعني أنا بشوف انو الحب علاقة متبادلة ولازم يكون فيه أخد وعطا بمعنى
انو ما في شي اسمو والله بحبها وخلص ؟؟ لا بالآخر اذا ما حسيت انو البنت عم تقدر هالحب
وعاطية قيمة لمشاعري فما بقدر كمل وحبها بنفس الشعور واللهفة الأولانية
يعني صراحة أنا كنت حس انو خطيبتي كانت تحب فيني كل شي إلا أنا
بس بالنهاية اليوم ما في بقلبي الها غير المحبة اللي بكنها لأي صديقة أو بنت جيران
يعني حب بمعنى الحب ما في

سؤالك عجبني وبلشت أعرق هههههههه

ليه خطبت بوقت يعني يمكن بيكون بكير شوي عليه
بما انو عمرك هلأ 26سنة
(انشاء الله العمر كلو)
يعني مابظن انو بهالعمر الشب ممكن يرتبط فيه
يعني أقل شي لل 29أو30
(بعتذر اذا سؤالي كان محرج)
بس الحق على رور هي اللي فتحت الموضوع و ذكرتني بهالسؤال :*749*:

اة اسماعيل .. عدنا

بدي اسألك :
انت بتعرف حدا من الاعضاء شخصيا ؟؟ واذا اة مين هنن ؟؟

مين اكتر حدا بتحبو بالمنتدى ؟؟ " بدي اسماء محددة "

حاجة بس الي عودة ..

مرحبا إسماعيل
هلأ كل واحد فينا اله اسم رفقاته مطلعينله ياه شو الإسم اللي مسمينك فيه رفقاتك وليش؟
هاد السؤال اللي طلع معي هلأ بعد الإفطار لي عوده

ريمو : ليه خطبت بوقت يعني يمكن بيكون بكير شوي عليه
بما انو عمرك هلأ 26سنة
الصراحة يمكن بكير بالنسبة للمادة فقط بس بالنسبة للعمر فهو أحلى وقت للزواج
يعني وأنا سبق وذكرت انو انا وحيد وكان في امكانية أهلي يساعدوني مادياً وكمان انا بشتغل من زمان ...والأهم اني فكرت حالي لقيت البنت المناسبة ؟؟؟ بس ما ظبطت
ملاحظة: أنا ما بنزعج من أي تجربة مريت فيها بحياتي لأنو كلو عم أتعلم منو لهيك خدو راحتكن

أسئلة نجوى الغالية:
انت من وين بالضبط
أنا من اللادقية وتحديداً من الشيخضاهر شارع 8 آذار
عصبي ولا رايق
هل انت مزاجي

بالعموم رايق بس اذاعصبت مشكلة وأنا مزاجي جداً يعني كل ساعة بعقل شكل
بس طبعاً هادا بالأمور الآنية يعني بالمواقف والمبادئ ثابت والله محيي الثابت
هل ممكن تتعرف ع بنت انت سلفا مقرر انو علاقتكن مجرد علاقة عابرة
ممكن بس بدنا نكون نحنا الاثنين منعرف بهالوضع يعني متصارحين
بس أنا ما بفوت بهيك علاقة يعني الصداقة أفضل بهيك حالة

اسماعبل...شواكتر شي بتندم لانك ما عملتو بحياتك؟

نجوى : مين الفنان يلي تعلقت فيه لمدة طويلة بحياتك واثر بطريقة أو اخرى ع حياتك او جانب منها وياريت تشرحنا هالنقطة نحديدا شرح وافي
صراحة ما عندي فنان بمعنى انو أثر بحياتي لهالدرجة ؟؟؟
بس أنا من وقت ما بلشت شبشب و حتى وقت كنت صغير بحب عمرو دياب و راغب علامة
يعني عم أحكيكي بالتسعينات لسه ما كان فيه لا نانسي ولا هيفا
ولهلق بحب عمرو دياب وبعتبرو نجم أول وطبعاً بحب غيرو كتير
يعني بحب أصالة وعلي الديك
مين اكتر انسان بتعتبرو بيأثر بحياتك وشو بيكون الك
مافي شخص واحد وبعتبر خبرتي بالحياة وآرائي اللي بتعجب ناس كتير وما بتعجب ناس تانيين هي نتاج تجارب وخبرات أخدتها من ناس كثر مروا بحياتي
وإذا بقلك انو أهم قرار بحياتي أخدتوا بعد نصيحة من واحد أذاني بشكل ما بتتخيليه ؟؟؟

رورو الغالية : انت بتعرف حدا من الاعضاء شخصيا ؟؟ واذا اة مين هنن ؟؟
الحقيقة مابعرف حدا فيكن شخصياً بس بتمنى بأقرب فرصة انشالله
مين اكتر حدا بتحبو بالمنتدى ؟؟ " بدي اسماء محددة "
انت كيفني معك ؟؟؟؟
هلق أنا بحب الكل وما عم جامل بس رح قلك أسماء الأشخاص اللي كتير بحبن
بحكم انو في بيناتنا حكي عبر الرسائل عالخاص والمسنجر والفيس بوك ...
أول شي الصبايا : رورو & سوسن
الشباب : نضال & روميو & سومر

و الله و انا بحبك يسماعيل

سؤال : وينك بهالفترة ؟؟؟؟؟ و هل تراجع نشاطك بالمنتدى كرمال حدا يصير مكانك عالكرسي يعني مقصوووودة ؟؟؟؟؟

هههههههههههههههههههه حلوة هي نضالو شو قالولك عني درويش مثلاً ؟؟؟


والله الله بيعلم اني أنا كمان بحبك من قلبي وانت أخ عزيز ولا نضالو
أما مشان الغيبة فأنا صدقاً كان عندي دورة كمبيوتر مكثفة وما خلصت ل 1 رمضان
و هلق عندي التكميلية ما باقيلها شي وعندي مادتين كتير صعبين
بقى ادعيلي وادعولي كلكن
وبعدين في معادلة بدي قلك عليها ولكل الأعضاء:
نضال عالكرسي = اسماعيل عالكرسي

عراسييييييي احلى اسماعيل و نشالله بتتوفق بالتكميلية اي بس ما بقا اسما تكميلية صارت نفسا الاستثنائية

و نشالله بتتخرج يا غالي و بدنا الحلوان بالمطعم

أول شي الله يسلمك وعقبال الكل تخلصوا بخير وسلامة
ويعدين مين هدول اللي بدن يقعدوكي ع كرسي الاعتراف ؟؟؟
يعني شو الشغلة شوربة ؟؟
لسه ما خلصوا الاسبوعين اللي الي !!!
وما تخافي انت قدها وقدود وبعدين بما انو اللعبة من اختراعك
فأكيد بتعرفي أسرارها وبتعرفي تدبري حالك أم الجوج

طبعا هالكم كلو مزح هااااااااااااااااا

اوعك خيي تزعل مني مابيهون عليي هااااا



يلا نسألك كم سؤال

كم مرة حبيت حب حقيقي بحياتك

كم سنة الك ب الجامعة

ممممممممممم هلق هدول يلي خطرو ببالي يلا رح الحقك بغيرن انشالله

تسلم اسماعيل ... ميرسي " />

سؤالي : شو الشي اللي بتحلم فيه من صغرك لحد هلق ؟؟

كمان شو الحلم اللي كنت دائما تحلم فيه بعدين حمدت ربك انو ما تحقق ؟؟

حاليا بس هيك..

نجوى : كم مرة حبيت حب حقيقي بحياتك
ما بعرف بس يمكن حب حقيقي ولا مرة ؟؟؟؟ صدقيني

كم سنة الك ب الجامعة
ما كتيرشي 6 أو 7 سنين بس
طبعاً ما كسل مني بس ظروف الحياة

رورو : شو الشي اللي بتحلم فيه من صغرك لحد هلق ؟؟
كمان شو الحلم اللي كنت دائما تحلم فيه بعدين حمدت ربك انو ما تحقق ؟؟
والله بحلم يكون عندي بيت عالي كتير يعني بحب البيوت العالية كتير

ما في حلم كان بدي ياه يصير وبعدين انبسطت انوما صار

شو حالك