۞۩۞ كرسـي الاعتـراف ۩۞۩ مع ...:::şάώşαή:::... ۞۩۞

و الله واجا دورك يا سوسن ..

انا بس بدي رحب فيك عكرسي الاعتراف حاليا.. وبتمنالك قعدة مريحة ..و بتمنالك الاستمتاع باسئلتنا المهضومة ..

احلى سوسن ..

مين سوسن ع الكرسي ألف اهلا وسهلا
انشاءالله ما بتكوني غير مرتاحة
رح ابدأ مباشرة
توقعتي انت تكوني ع الكرسي كمتهمة رابعة
وشو كان شعورك اول ما شفتي الموضوع

Ruru كتب:

و الله واجا دورك يا سوسن ..

انا بس بدي رحب فيك عكرسي الاعتراف حاليا.. وبتمنالك قعدة مريحة ..و بتمنالك الاستمتاع باسئلتنا المهضومة ..

احلى سوسن ..

رورو
كيف بترضي قعد قبل ما نقعد نجــــوى
لا وبتتمنيلي قعده مريحـــه

مين سوسن ع الكرسي ألف اهلا وسهلا
أهليـــن جوى
انشاءالله ما بتكوني غير مرتاحة
تســــلميلي يارب
رح ابدأ مباشرةتفضـــلي
توقعتي انت تكوني ع الكرسي كمتهمة رابعة
هو بصراحه شكيت بالموضوع لان نجوى ونضال واسماعيل قالولي في مفاجئه
ورح يحكولي يااها بس تسير
وشو كان شعورك اول ما شفتي الموضوع

كيف كان شعوري هيك
وبس لقيت اسمك تحت الموضوع قلت يااعيني مافينا نهرب :suspect:

طيب سوسن برجع برحب فيك
ورح ابدأقبل ما حدا يجي

أنا بعرف انك فلسطينية من وين بالضبط
كيف علاقتك بسورية
شو البلدان الزرتيها واكتر دولة عجبتك وشو البلدان اللي بتتمني تزوريها
شو اهتماماتك بالحياة
اكتر شي بتحبيه
ايمت آخر مرة بكيت شو اكتر شي بيبكيكي
بيكفو هدول هلق

اهـــــــــــــــــا سوسن

والله لتشوفي نجوم الضهر

منورة الكرسي حياتي وان شاء الله قعدة مريحة

موفقة احلى سوسن

اة سوسو .. عدنا ..
بس هلق رح بلش بالاسئلة ..

1- لمين بتهدي باقة ورد؟؟ لشخص واحد بس " و ممكن تكون شخصة طبعا " ..
2- لمين بتهدي باقة شوك ؟؟كمان شخص واحد " وممكن تكون شخصة ..
3- لمين بتقولي " شكرا انا ممنونتك " ؟؟ :?: :?:

هدول حاجة لهلق .. وبرجعلك سوسو ..

طيب سوسن برجع برحب فيك
تسلميلي حبيبتي
ورح ابدأقبل ما حدا يجي

أهليـــن جوى

أنا بعرف انك فلسطينية من وين بالضبط
أنا فلسطينيه من يافا تحديدا
كيف علاقتك بسورية
علاقتي بسوريا رح اختصرها بكلمتين
بلدي التاني
شو البلدان الزرتيها واكتر دولة عجبتك وشو البلدان اللي بتتمني تزوريها
زرت الإمارات وكتير حبيتها لدبي
الدول اللي بتمنى زورها كتير بس في تلات بلدان مستحيل اتنازل عن امنية زيارتهم
سوريــا: كتير حابه زورها مشان اتعرف عليكم اكتر وع كل رفقاتي الللي عرفتن عن طريق النت وعايشين بسوريا
بريــطانيا : كنت متمنيه ادرس الجامعه فيها بس ما مشي الحال بس ان شاء الله رح كمل دراسات عليا هونيك
بلجيكــا : كتير حابه زورهاا مابعرف يمكن لاني بحب الشوكولا بس ان شاء الله يوما ما بزورها
شو اهتماماتك بالحياة
مافي شي محدد بس بشكل عام كل شي فيه تطور وتطوير وجمال وثقافه بهتم فيه
اكتر شي بتحبيه
اممم كل شي حلو وما بيضر بالدنيا بحبـــــه
ايمت آخر مرة بكيت
امممم قبل اختباري الاول بالجامعه بيوم
متى تحديدا ما بتزكر
شو اكتر شي بيبكيكي
هلأ في كتير شغلات بتبكي
بس بشكل شخصي كتير ببكي بس حس حالي عاجزه قدم شي لغيري او لألي
احساس العجز كتـــــير بيدايقني
بيكفو هدول هلق
بانتظاار عودتك حياتووو



اهـــــــــــــــــا سوسن
أهلا أهلا
والله لتشوفي نجوم الضهر
آيه سمعتي بالمثل اللي بيقول : أنا اليوم قعدت ع الكرسي والا ما يجي يوم وتقعدي عليه
طبعا ازا ما سمعتي فيه مارح لومك لأن الأمثله اللي بكتبهااا ما بنشرهااا
بس ازا بدك ياهن قدمي طلب حاكم عندي ضغط طلبات
واكيد بيوصلوكي لعندك مع سيدي غنيه كمان انا كاتبيتها بتقول
جايي دورك يا ايه جايي
منورة الكرسي حياتي وان شاء الله قعدة مريحة
موفقة احلى سوسن
تســـــــــــــــــلميـــــــــــــــــــــــــلي أيوشتي

اة سوسو .. عدنا ..

بس هلق رح بلش بالاسئلة ..
تفضلي حياتوو

1- لمين بتهدي باقة ورد؟؟ لشخص واحد بس " و ممكن تكون شخصة طبعا " ..
إزا مو بالمنتــدى لماما
وإزا بالمنتدى لألك
2- لمين بتهدي باقة شوك ؟؟كمان شخص واحد " وممكن تكون شخصة ..
باقة شوك مابهديها لحدا لأن بس يغلط حدا بحقي كتييير مابعود اله وجود بحياتي
ومابحب اتزكره حتى بباقة شوك
3- لمين بتقولي " شكرا انا ممنونتك " ؟؟ :?: :?:
برا المنتدى بابا لأنه علمني كتير شغلات
في المنتدى لسومر لأنه اعطاني فرصه اتعرف ع عالم كتير راقيه وطيبه وبحبهااا كتير
هدول حاجة لهلق .. وبرجعلك سوسو ..
اي اسئلتك لزيزه واكيد بانتظار عودتك

الله يديم سوسن على هاد الكراسي لاني حبب تكون عليها من زمن قللي سوسو شو هو مواصفات الفتى الذهبي يلي بتحلمي فيه لكونه الموضوع بيهمنا نحن الشباب وشوهي امنية حياتك الخاصة والعامة طبعا إذا ما فيه حشرية وشو اكلتك المفضلة هاهاهاهاهاهاهاهاها وشكرا الك ولهي الفرصة الحلوة

سلااااااااام سوسن :

أنا بحب قلك بداية اني معجبه كتير بشخصيتك وبتمنالك التوفيق بحباتك دايما يارب

أسئلتي:

1- الخطوط الحمراء بحياتك وعلاقاتك والتي لا تسمحي لأحد بتجاوزها مهما كان هذا الشخص

2-من هو الشخص الذي لاتتخيلين زفافك بدونه؟ (بغض النظر عن العريس والأهل) :*740*:

3-ذكرتي انك حابه تزوري سوريا لتتعرفي على أعضاء المنتدى من هو أكثر عضو لديك فضول للتعرف اليه ؟((وأكيد مارح نفهمك غلط اطمني)) :*749*:
4-هل انت مغامره؟

5- حكمه بتعملي فيها 100%؟

6-بتحبي تعرفي شو مخبالك المستقبل؟

7- اذا كان بمقدورك ترسمي حياتك كيف بتكملي رسمتك من الأن؟

8-كيف بتوصفي حياتك؟

مشكوره واسفه عالاطاله ................وموفقه

تحياااااااااااااااااااااتي لك

هي فكرة حلوة ان نركز على شي عضو ونسأله على فكرة انا كتير من معجبنك ست سوسو وسؤالي الك ان الحياة شو بتعنالك وشكرا كتير

أهليـــن طايش بس عايش
الله يديم سوسن على هاد الكراسي
حرااااام عليك هو صح الكرسي مريح والرااحه حلوه بس مو عطول
لاني حبب تكون عليها من زمن
اي وهي صرنا ع الكرسي وحاضرين لأي سؤال
قللي سوسو شو هو مواصفات الفتى الذهبي يلي بتحلمي فيه لكونه الموضوع بيهمنا نحن الشباب
يكون بيخاف الله
ويكون شخص مثقف واعي وعزيز نفس لأبعد حد
امممم يحترمني وإحترامه لألي اهم بكتير من انو يحبني
مابدي ياه كتير رومانسي وتكون عنده القدره يقنعني مو يجبرني
ووو يتقبلني متل ما انا وما يحاول يغيرني
بالنسبه لشكله
يكون اسمر شعراته ناعمين وياريت لو عيونو خضر اما ملامحه مابدي ملك جمال يكون شخص عادي

وشوهي امنية حياتك الخاصة والعامة طبعا إذا ما فيه حشرية
هلأ عندي 3 امنيات خاصه وكتير بتمنى يتحققوو:
فوت الجنه
كمل دراستي ببريطانيا واعمل شي يغير العالم >>>>ماحدا يضحك لان عنجد بحكي
بوس تراب بلادي لو لمره وحده بحياتي

امنيتي العاامه
بس بيوم من الايام نقول نحنا عرب كل العالم تنحني احترام لألنا
وجد نكون شعب يستحق هالإحترام بكل ما تحمله الكلمه من معنى

وبالنسبه للحشريه عادي ولا يهمك فيك تاخد رااحتك

وشو اكلتك المفضلة هاهاهاهاهاهاهاهاها
هلأ عندي 4 اكلااات كتييير بحبن ودرجة الحب الن نفسهااا
المتبل - محشي الكوسا - المقلووبه -ورق العنب

وشكرا الك ولهي الفرصة الحلوة

الشكر لمدمنة نجوى اللي اقترحت هالفكره
واكيد الشكر الك ع الاسئله الحلوه



سلااااااااام سوسن :
أهلين وردة تشرين
أنا بحب قلك بداية اني معجبه كتير بشخصيتك وبتمنالك التوفيق بحباتك دايما يارب
تسلميلي يارب هاد شي بعتز فيه والله
أسئلتي:

1- الخطوط الحمراء بحياتك وعلاقاتك والتي لا تسمحي لأحد بتجاوزها مهما كان هذا الشخص
هلأ يمكن عندي شوية تجاوزااات الا بحريـــتي هون في خط احمر
وبقصد بحريتي
حرية التفكير - الاختيار - الاعتقاد -وحرية اني كون انا
2-من هو الشخص الذي لاتتخيلين زفافك بدونه؟ (بغض النظر عن العريس والأهل)
بالنسبة لزفافي والله لهلأ ما تخيلته لأن الفكره ككل ماعم فكر فيهاا
بس لو اجى يوم وصار هالشي مابتخيل عرسي بدون كل رفقاااتي او مدرساتي والاشخاص اللي كان الهم بصمه بحياتي

3-ذكرتي انك حابه تزوري سوريا لتتعرفي على أعضاء المنتدى من هو أكثر عضو لديك فضول للتعرف اليه ؟((وأكيد مارح نفهمك غلط اطمني))

ههههههههههههههه اي انتو بس بتفهمو صح
الكل بدون استثناء بحب اتعرف علين بالحقيقه
بس يمكن اكتر شي الشخص اللي اعطانا فرصه نجتمع كلنا سوى
سومر

4-هل انت مغامره؟
كتيــــــــــــــر
5- حكمه بتعملي فيها 100%؟
امممم هي مو حكمه اد ماهي ملاحظه "لا يمكن لشخص ان يجرحك الا بموافقتك"إلينور روزفلت
6-بتحبي تعرفي شو مخبالك المستقبل؟
لا لأن هيك رح افقد لذة الجزأ المجهول من حياتنا وهو بكره
7- اذا كان بمقدورك ترسمي حياتك كيف بتكملي رسمتك من الأن؟
اممم بعد 4 سنين ونص اتخرج من الجامعه اشتغل سنتين سافر ع بريطانيا اتكرم دوليا اهلي يفتخرو فيني
ارجع شوف كل شخص بحياتي حقق اللي بدو ياه
طبعا وقتها بيكون عمري 27 سنه بأسس شركتي وبكفي شغل وبضل مع اهلي
وبحضر اعراس خواتي وبشوف ولادن
ع 42 يي سوسن ماتت
<<<<<<<<<يمنع منعا باتا حدا يضحك لان هيك شفت حياتي

8-كيف بتوصفي حياتك؟
حياتي كتير عاديه فيها الشي اللي بيفرح واللشي اللي بيدايق
بس شو ماكانت راضيه فيهاا

مشكوره واسفه عالاطاله ................وموفقه
ولو كتير انبسطت بمرورك وبتمنالك التوفيق انت كماان
واكيد بنتاظار عودتك

تحياااااااااااااااااااااتي لك




اهلين دينا
هي فكرة حلوة ان نركز على شي عضو ونسأله
صح معك حق
على فكرة انا كتير من معجبنك ست سوسو
تسلميلي يارب وشي بعتز فيه والله
وسؤالي الك ان الحياة شو بتعنالك
الحياه بالنسبه الي رحله بتختلف مدتها من شخص لشخص
وهالرحله اكيد الا ما يكون فيها محطات بنوقف عندها
لنتعلم واحتمال كبير ما نتعلم الا بعد ما نتألم
بس بالنهايه بنكفي ولازم نكون اقوى
واكيد لكل رحله نهايه بس النهايه بتختلف من شخص لشخص
ممكن تكون نهايه وخلص ممكن تكون نهايه وذكرى مؤقته وممكن تكون نهايه وذكرى بضل ع طول
هالشي الوحيد اللي مافينا نعرفه بهالرحله
وشكرا كتير

الشكر الك حبيبتي ع مرورك

اهلا اهلا

انشالله يكون المفاجأة عجبتك سوسنة

اي عجبتني وعقباااال مفاااجئتك يااارب

بس وربي اخترتلك كرسي كتير مريح ليكي الصورة
اي الكرسي مريح يســـــلمن

بالنسبة الي هلق مارح اسئلك شي رح خليكي لتاخدي عالجو وتفوتي بالمود

هههههههههههههه اهااا بستناااكي
بتمنالك قعدة كتير مريحة وخصوصا انو ماشاء الله الاعضاء ماخلوكي تلحقي تتنفسي دغري حطولك كل واحد جريدة اسئلة

تسلميلي ياارب وبانتظار اسئلتك وخلين سهلين متل اللي اجوني

اروع أم السوس والله


-من علمتيه/ها الرماية فرماكِ؟؟!

-شو اكتر شي بيعصبك؟؟

-متى تجلسين لوحدك؟

-ومتى بكيتي بحرقة(ماتقوليلنا يوم ما انقبلتي بالجامعة)!!

موفقة سوسنتي

اروع أم السوس والله
تسلميلي احلى آيــه

-من علمتيه/ها الرماية فرماكِ؟؟!
ماوصلت لهالمرحله لسا
بس انرميت بلا ما علم
-شو اكتر شي بيعصبك؟؟
حدا يأمرني ما يطلب مني
وحدا ما يعرف يتكلم الا ويصرخ
واكتر شي اكتر شي بس كون قاعده مع عالم بتنتقص العالم وبتشوفن ولا شي

-متى تجلسين لوحدك؟
أغلب وقتي لحالي

-ومتى بكيتي بحرقة(ماتقوليلنا يوم ما انقبلتي بالجامعة)!!
يوم ما انقبلت بكيت كتير بس مو قد لما كنت محتاجه احكي مع حدا وع غير العااااده
بس كون مدايقه ما بتصل ولا بقول اني مدايقه واتصلت بس ماحدا رد
بهالوقت بكيت كتير انو مدايقه وانو احتجت لهالشخص ومالقيته
وبـــــس

موفقة سوسنتي

تسلميلي حياااااتي

يسعدلي أوقاتك أم السوس
وعلى ما يبدو نجوى متوصاية بالكرسي متل ما وصيتها
هلق أنا أسئلتي يمكن تكون مختلفة ومحرجة شوي بس هو اسمو كرسي الاعتراف
واللعبة كلها مبنية عالصراحة والابتعاد كل البعد عن الدبلوماسية :suspect:
أولاً: سياسة
هل أنت حمساوية أو فتحاوية (مع احترامنا للحركتين و التنويه إنو حركة فتح ليست كلها محمود عباس كما يظن البعض) ؟
ثانياً : رياضة
اليوم البنات صايرين بيحضروا كرة قدم أكتر من الشباب ...
بقى إنت منن وأي فريق بتشجعي الريال أو برشلونة ومين لاعبك المفضل ؟
ثالثاً: عواطف مهترية
اليوم ما عم تفكري بيوم عرسك , بقى منفهم منك أنو قلبك خالي ولا كيف ؟
وحكيلنا شوي عن الحب وشو بيعنيلك ؟ عذاب ؟ شوق ؟ فرح ؟ أو ؟؟؟
إذا حابين نتعرف عليكي عن طريق غنية , فأي أغنية بتختاري تحكيلنا عنك ؟
رابعاً : عن المنتدى
كيف تعرفتي ع حبيبنا ((سومر)) ؟ وكيف دخلت عالمنتدى ؟
شو اللي خلاكي تبقي بالمنتدى وتتعلقي فيه ؟
إذا خيروكي بين المنتدى وبين صفحتك عالفيس بوك , شو بتختاري(وما تقولي الاتنين)؟
وهلق بدنا أسماء والهروب والمراوغة ممنوعين
عطيني أسماء 4 أعضاء وشو اللي بيعجبك فيهم ( بعرف بتحبي الكل, بس أنا عم أطلب ميزة بتحبيها وبتلفتك ببعض الأعضاء )
بعتقد حاجة هلق وما تقولي أسئلتي سهلة بعدين بفوت بالغميق ها

يسعدلي أوقاتك أم السوس
اهلين اسماعيل يسعد مساك
وعلى ما يبدو نجوى متوصاية بالكرسي متل ما وصيتها
اي الكرسي مريح جدا ومقدم
هلق أنا أسئلتي يمكن تكون مختلفة ومحرجة شوي بس هو اسمو كرسي الاعتراف
من اول ما فتحت الايميل ورسالة الرد ع الموضوع وشفت صورتك قلت اجت الاسئله اللي عنجد
واللعبة كلها مبنية عالصراحة والابتعاد كل البعد عن الدبلوماسية :suspect:
اييي الله بيعيييييييين
أولاً: سياسة
هل أنت حمساوية أو فتحاوية (مع احترامنا للحركتين و التنويه إنو حركة فتح ليست كلها محمود عباس كما يظن البعض) ؟
هلأ انا ضد موضوع حماس وفتح وشي بيخجل يكون الخناق بين بعضنا
بس انا حمساويه اكتر
ثانياً : رياضة
اليوم البنات صايرين بيحضروا كرة قدم أكتر من الشباب ...
اي المساواه حلوه برضووو
بقى إنت منن وأي فريق بتشجعي الريال أو برشلونة ومين لاعبك المفضل ؟
اي منن وانا مدريديه لاعبي المفضل كريستيانو

ثالثاً: عواطف مهترية
اليوم ما عم تفكري بيوم عرسك , بقى منفهم منك أنو قلبك خالي ولا كيف ؟
مو قصة قلبي خالي او لا
لان بكل الاحوال الموضوع قسمه ونصيب
بس بشكل عااام يوم عرسي ما كتير بشوفه او بتخيل انو ممكن يكون في هيك شي
يعني اغلب تخيلاتي اني بشتغل رايحه لشغلي راجعه من شغلي
وبحس كتير بدري ع الموضوع يعني لبعد العشرين يمكن فكر بإمكانيته
وحكيلنا شوي عن الحب وشو بيعنيلك ؟ عذاب ؟ شوق ؟ فرح ؟ أو ؟؟؟
الحب بشكل عام شعور بنمارسه كل يوم بحياتنا
بشكل خاص مافي احلى منه ازا كان مبني على الاحترام والثقه وانو انا بحبك يعني عندي استعداد اتفهمك احتويك بكل حالاتك
وبالنسبه لانه عذاب -شوق - فرح
هو مزيج من كتير مشااعر بتشترك كلياتها انو لو ماحسينا فيها بنحس انو في شي ناقص
إذا حابين نتعرف عليكي عن طريق غنية , فأي أغنية بتختاري تحكيلنا عنك ؟
هو انا كنت منزله غنية انا سوسن انا بس الله يسامحها هيفا سرقتها وحرفت كلماتهاااا
انا طبعي كده - نيكول سابا
رابعاً : عن المنتدى
كيف تعرفتي ع حبيبنا ((سومر)) ؟ وكيف دخلت عالمنتدى ؟
تعرفت على سومر عن طريق رفيقه لألي هي sweet nana
اما كيف دخلت ع المنتدى فسومر حكالي عنه وسجلت
شو اللي خلاكي تبقي بالمنتدى وتتعلقي فيه ؟
مابعرف كتير شغلات يعني في كتير منتديات كنت فيها قبل
بس الروح الحلوه اللي هون اجباري بتخليك ما تقدر تكفي يومك بلا ما تشوف المنتدى
إذا خيروكي بين المنتدى وبين صفحتك عالفيس بوك , شو بتختاري(وما تقولي الاتنين)؟
بصـــرااااحه
المنتــــــــــــــــــــــــــــــــــــــــــــــــــــدى
لانه صار جزأ مني مو من حياتي بس
وهلق بدنا أسماء والهروب والمراوغة ممنوعين
كاااااااااان لازم تحط الشرط
عطيني أسماء 4 أعضاء وشو اللي بيعجبك فيهم ( بعرف بتحبي الكل, بس أنا عم أطلب ميزة بتحبيها وبتلفتك ببعض الأعضاء )
هلأ بجد الكل بدون استثناااء بحبكم وفيكم شي مميز لفتني الكم بس اسماعيل الشرير حدد 4
سومر : كتير راقي بتعااامله
نضال: روح المنتدى وكتير مهضوم
إسماعيل: شخصيه مثقفه واعيه مواضيعه بشكل عام هاادفه
آيـــه : اهتمامها وطريقة تعاملهااا بتحسسني باحساس الاخت الكبيره اللي ماعندي ياها
بعتقد حاجة هلق وما تقولي أسئلتي سهلة بعدين بفوت بالغميق ها
مو كتير سهله ومأكده حتفوت بالغميق شو ما قلت

أنا من زمن حابة ائلك ياها انا وبظن حال المنتدى كله نحن منحبك سوسن سؤالي الك حبيبتي هو كالتالي هو ان الحب شو بيمثلك في حياتك وهل للقلب الدور الغالب في حياتك وبتشكرك كتير

سؤال بمحلوا
كيفك سوسو
بدي قلك إذا في شخص ما بيكنلك أي نوع من الحب
وأنت بتحبي قدر العالم كلو وما بتحسني بتنسي شو تعملي

أهلين ساره
أنا من زمن حابة ائلك ياها انا وبظن حال المنتدى كله نحن منحبك سوسن
وانا بموووووووووت فيكم
سؤالي الك حبيبتي هو كالتالي هو ان الحب شو بيمثلك في حياتك وهل للقلب الدور الغالب في حياتك
الحب شي اساسي بحياة كل شخص فينا
ومابعتقد فينا نعيش او نشتغل او نعمل اي شي بلا ما نكون بنحب هالشي
اما بالنسبه لهالقلبي الدور الغالب بحياتي لا
اعطيت قلبي الفرصه قبل بمره يكون اله الدور الغالب بس ما مشي الحال
مشان هيك عم حاول كون عقلانيه ع اد ما فيني
وبتشكرك كتير
الشكر الك حبيبتي ع مرورك الحلوو




سؤال بمحلوا
اهلين كينك
كيفك سوسو
الحمد لله انت كيفك؟؟
بدي قلك إذا في شخص ما بيكنلك أي نوع من الحب
وأنت بتحبي قدر العالم كلو وما بتحسني بتنسي شو تعملي
مممممممم الحب بصمت اطهر انواع الحب
فمشان هيك مجرد ما حس انو في شخص انا بحبه وانا بالنسبه اله ولا شي
رح بعد كتير عنه ويستحيل بيوم من الايام شو ما كان شعوري كبير روح واحكيله او خلي وجوده بحياتي يعزبني اكتر

ما اقتنعت
اسف