۞۩۞ كرسـي الاعتـراف ۩۞۩ مع ...:::şάώşαή:::... ۞۩۞

اهلين كينك مره تانيه
ما اقتنعت
اسف
اكيد اختلاف وجهات النظر شي طبيعي
وعدم اقتناعك ناتج عن اختلاف وجهة نظر
وانا هون بحكي عن حالي بس

أنا عم قلك مستحيل تتخيلي العالم بدونو
شو بتعملا بليز جاوبيني شي (منطقي)

أنا عم قلك مستحيل تتخيلي العالم بدونو
شو بتعملا بليز جاوبيني شي (منطقي)

وبعتقد قلتلي ما بيكنلي ولا اي شعور من مشاعر الحب
وانا انسانه ماعندي استعداد حس اي شعور بيدايق
ازا رح جن واحكيلو بحبك
طول ما انا عارفه انو ما بحبني ما بحرج حالي
صح بحبه بس تقديري لحالي ما بفرط فيه ابدا

شغلة كبيرة
ميرسي إلك و اأنا بعتز كتير أكيد هاد رأيك وأنا بحترمو
تصبحي ع ألف خير
بايااااااااااااااااات

مرحبا مره تانيةاطمني انا جاية بس لقلك شكرا على تجاوبك مع اسئلتي

وربي يعينك بهالاسبوع

شغلة كبيرة
ميرسي إلك و اأنا بعتز كتير أكيد هاد رأيك وأنا بحترمو
تصبحي ع ألف خير
بايااااااااااااااااات

أهلين وسهلين كينك



مرحبا مره تانية
مية هلاااا

اطمني انا جاية بس لقلك شكرا على تجاوبك مع اسئلتي
ولوووو انا اللي بتشكرك ع الاسئله الحلوه والزيزه
وفيكي تسألي اللي بدك ياه
وربي يعينك بهالاسبوع
تسلميلي حيااااتي

مرحبا سوسو كل عام وانتي بألف ألف خير بمناسبة عيد الاضحى حبب اسأل إذا ما في مانع لكوني سألت قبل هالمرة شو هو العيد بالنسبة الك وكيف بتنظري لشعائر الحج ويوم عرفة وشكرا الك

مرحبا سوسو
أهلين طايش
كل عام وانتي بألف ألف خير بمناسبة عيد الاضحى
وانت بخير يارب
حبب اسأل إذا ما في مانع لكوني سألت قبل هالمرة
فيك تسأل اد مافيك عادي
شو هو العيد بالنسبة الك
امممم العيد سواء عيد فطر او اضحى
في شي خاص من نحنا وصغار بنحس بهالشي مع اختلاف الاسباب
وكيف بتنظري لشعائر الحج ويوم عرفة
شعور رائع بهالايام بحسه بس افتح التلفزيون وشوف الحجاج تحديدا اليوم
من كل انحاء العالم مع اختلاف الوانن وثقافاتن وحتى اللغه اللي بيحكو فيهاا
برغم كل الاختلافات قلوبهم مجتمعه مشان شي واحد
الله يتقبل منهم ويرجعهم سالمين لأهاليهم وعقبال ما نعيش هالاحساس عن قريب يارب
وشكرا الك
الشكر الك طايش ع مرورك

مرحبا سوسن كل سنة وانتي سالمة حبت اسألك هالسؤال كيف بتشوفي المرأة في مجتمعنا وكيف بتحي المرأة تكون في مجتمعنا هو هاد سؤالي التاني بس تحملني معليش مراسي امورتي

مرحبا سوسن
مية هلاااا ديانا
كل سنة وانتي سالمة
وانت سالمه يارب
وينعاد عليكي بالخير والصحه وهداة البال
حبت اسألك هالسؤال كيف بتشوفي المرأة في مجتمعنا وكيف بتحي المرأة تكون في مجتمعنا
هلأ بمجتمعنا العربي في:
المرأه المثقفه الواعيه اللي بتعرف شو حقوقها وشو حقوق غيرها عليها ومثبته وجودها واثباتها لوجودها لا يعني انها بتنظر للرجل نظرة انتقاص او هدفها الأول والأخير تكون افضل منه او ند اله لان هالشي استحاله وهالنوعيه انا كتير بحترمها وبحب كل امرأه بمجتمعنا تكون متلها
وفي عنا المرأه العكس للمرأه الاولى اثبات للوجود وصراع لا ينتهي مع ما يسمى بالمسااواه لمجرد المساواه لا اكتر ولا اقل
وعنا المرأه اللي الها ريموت كنترول مع شخص من الاشخاص سواء كانو اهل او زوج اعملي بتعمل ما تعملي ما بتعمل حتى السؤال مافيها تسأل لمجرد انها خلص تعودت ع هيك شي
طبعا كتير انواع لسا فيه بس هدلون اكتر 3 انواع بيلفتو انتباهي
بتمنى بجد توصل المرأه لمرحله من الوعي تفهم فيها انو انت شي كبير ومهم بالمجتمع شو ماكان مجالك
اثباتك لوجودك مو شرط رح يكون بالجانب العملي بس
لا كمان بتربيتك لاجيال واعيه مثقفه تفهم ان الرجل والمرأه كائنين خلقو تيكملو بعض هاد اثبات لوجودك كمان

هو هاد سؤالي التاني بس تحملني معليش مراسي امورتي

ولووووو ديانا فيكي تسألي اد مابدك حيااااتي
ومرسي الك ع الاسئله اللزيزه

عدنا سوسن ..
سؤال محرج شوي ..ممنوع التهرب ..
شو اكتر سؤال حسيتيه غليظ لحد هلق ؟؟؟ :suspect:

عدنا سوسن ..
منورره احلى رورو
سؤال محرج شوي ..ممنوع التهرب ..
شو مشااان الشروووط الصارمه اللي بتحطوهاا والله حرام
شو اكتر سؤال حسيتيه غليظ لحد هلق ؟؟؟ :suspect:
هلأ بجد كل الأسئله الللي اجتني لهلأ ما حسيتها غليظه
بس في سؤال لإسماعيل تاع اختيار 4 اعضاء بيلفتو نظري كان كتير صعب خصوصا الشرط كان صارم جدا متل شرطك

كل سنة وانت سالمة وينعاد عليك بالهنا

-مين اول شخص عايدك بالعيد؟

-وهل كنت تنتظرين المعايدة من شخص محدد؟هل عايدك ام لا؟

كل عام وأنت بألف خير يا أحلى أم السوس
باياااااااااااااااااااااااااااااااااااااااات

اهاااا هلق اكيد فتي بالمود منيح وصار لازم اعطيكي هطل من الاسئلة المبدئية طبعا
المبدئيـــــــه اللله يستر ياااارب

بس رح يكونو محرجين نوعا ما هااااااااااااا بس اوعي تلفي وتدوري شايفتك اناااا هههههههه
كلو من اسمااااااااعيل اول من حط الشرووووووووووط وكلو صار يتشرط بعده
1- كم مرة حبيتي حب حقيقي بحياتك؟؟
واااااو
هلأ مرتين المره الأولى انتهت من مدة طويله شوي
المره التانيه بتحسيها معلقه القصه بس اللي مأكده منه رح يجي يوم وتنتهي
2- ممكن يجي يوم تحبي وتتخلي عن الزواج كرمال الشخص يلي حبيتيه وماجمعك النصيب فيه ((لاسمح الله طبعا))؟؟
هلأ بشكل عام الزواج انا ما بفكر فيه وبهالحاله رح فكر فيه مو مشان شي بس للشخص اللي حبيته ينساني
وما يتعزب اكتر برسم احلام وامال نكون سوى
3- كم مرة انجرحتي بحياتك((الله يبعدن عنك .. بس انا حشورة مو بايدي))؟؟
كم مره مافيني عدن
بس مرتين صعب كتير انساااهم
4- لمين بتهدي وردة جورية حمرا ... ولمين وردة بيضا ... ولمين وردة صفرا((بقصد ناس بحياتك اليومية ماعدا الاهل طبعا))؟؟
الورده الجوريه لخالي
الورده البيضه لرفيقتي
الورده الصفرامابعرف مو لحدا ما بحب الورد الاصفر
5- انتي هلق عايشة بقصة حب ولا لأ تذكري بصراااااحة مطلقة((قلتلك محرجة لوووووووول))؟؟
شو هالسؤاااال الكتير كووووووووووووووول
هلأ قصة حب بالمعنى الحرفي لقصة الحب لااا
بس فيني قلك في اشخاص بحياتي بشوف فين الدنيا ومافيها

6- بعد هي الاسئلة الثقيلة كلها قديه وصلت درجة كرهك الي ههههههههههههههههههههههههههههههههه؟؟
هلأ لسا ما كرهتك بعدني بحبك
لحد هلق اكتفيت بس اكيد واكيد واكيييييييد الي عودة
أكيد وأكيد وأكييييييييييد رحنااااااااااااا فيهااااااااااااااااااا
تعي باي وقت مدمنة نجوى وجيبي اسئله سهله ازا بتريدي
لان بتعرفي نحن قوم لا تهزنا الرياح العاتيه ولكن تهزنا ورقة كتب فيها أجب على الأسئلة التاليه <<<<<<<زكرتني اسئلتك باختبار البكالوريا




كل سنة وانت سالمة وينعاد عليك بالهنا
تسلميلي ايوشتي وانت سااالمه يااارب

-مين اول شخص عايدك بالعيد؟
وحده من الصبايا قبل العيد ب3 اياام
-وهل كنت تنتظرين المعايدة من شخص محدد؟هل عايدك ام لا؟
اي انتظرتهاااا وهل عايدني او لا فلاااااا
<<<<<<<<بعرف ما بتفهمو الا صح بس عم بنطرهاا من رفيقه غاليه علي كتير

آيه اعطي مدمنة نجوى دروس بالأسئله السهله


كل عام وأنت بألف خير يا أحلى أم السوس
وانت بخيــــر يارب
وينعاد عليك بالخير والصحه وهداة البال يارب
باياااااااااااااااااااااااااااااااااااااااات

كيفك سوسن
أول شي كل عام وانت بألف خير وانشالله العيد الجاي بتعيدي ببلدك
أول شي كم عندك أخ واخت
واضح انك كتير مثقفة لمين أكترشي بتقري وشو آخر كتاب قريتيه-أيمت
في حدا توقعتي اسالتو ولسا ما سألك
الي رجعة

كيفك سوسن
مشتاااقه انت كيفك جوى؟؟
أول شي كل عام وانت بألف خير وانشالله العيد الجاي بتعيدي ببلدك
وانت بخير يارب وينعاد عليكي بالخير والصحه وهداة الباال
والله يسمع منك ياااارب
أول شي كم عندك أخ واخت
عندي اخ واحد وخمس خوات
واضح انك كتير مثقفة لمين أكترشي بتقري وشو آخر كتاب قريتيه-أيمت
لسا ما وصلت لمرحلة الثقافه في كتير شغلات بعدني بجهلها
اكتر انواع الكتب اللي بحب اقرأها كتب تطوير الذات واي كتاب بيزيدك معرفه بحبه
لمين اكتر شي بقرأ ماعندي حدا معين بس اكتر الكتب اللي عندي ياها للدكتور فيل
اخر كتاب قرأته قوة عقلك الباطن "جوزيف ميرفي"
ايمت من شي شهر تقريباا
في حدا توقعتي اسالتو ولسا ما سألك
اي توقعت اسئلة نضالووو
الي رجعة
بانتظار رجعتك حياتي

هاي ام السوس
ليكي انا اسئلتي خفاف ظراف ما رح عذبك متل بعض العالم ههههههههه

اولا شو هو اكتر موقف سلبي بحياتك اثر عليكي؟

تانيا شو هو الشي اللي بتتمني تصيريه بالحياة وانت واثقة انو مارح يتحقق؟

مرحبا أم السوس
شكرا نجوى لأنك خترتي سوسن لتكون على كرسي الأعتراف ....لأني شفت مشاركات سوسن
وكتير عجبتني...فحبيت تعرف على سوسن عن قرب
في كتير أسئلة عم فكر فيا بس حاليا رح طرح بعض منها:
1-بتحبي الطيور أو الحيوانات وإذا كنتي بحبين شو أكتر شي بتحبي
2-شو عم تدرسي بالجامعة(الأختصاص) ...وين ساكنه حاليا
3-عندما تواجهين مشكلة أو مأزق صعب كيف بتكون ردت فعلك الأولى
4-كيف تنظرين للحياة
5-هل تشعرين بالغربة (ليس القصد الوطن ولكن العائلةأوالمجتمع)
وإذا كان في شيء محرج لا تجوبي عليه..أنا ما عندي شروط

هاي ام السوس
هايات لوليتا
ليكي انا اسئلتي خفاف ظراف ما رح عذبك متل بعض العالم ههههههههه
اي حرام كل الأسئله اللي اجتني خفيفه وظريفه
اولا شو هو اكتر موقف سلبي بحياتك اثر عليكي؟
اممممم وفاة اختي اللي اكبر مني وهالشي عم يأثر علي لهلأ
تانيا شو هو الشي اللي بتتمني تصيريه بالحياة وانت واثقة انو مارح يتحقق؟
هلأ مافي شي واثقه انو ما رح يتحقق لأن مافي شي ع الله بعيد
بس في امنيه واثقه انو استحالة تتحقق وهي انو اتخرج بعد سنتين




مرحبا أم السوس
أهلين علاء
شكرا نجوى لأنك خترتي سوسن لتكون على كرسي الأعتراف ....لأني شفت مشاركات سوسن
وكتير عجبتني...
بجد انا كتير مبسوطه انو مشاركاتي عم تلفت انتباهكم وبتنول اعجابكم
فحبيت تعرف على سوسن عن قرب
اي وهي نحنا ع كرسي الإعتراف فيك تسأل اللي بدك ياه
في كتير أسئلة عم فكر فيا بس حاليا رح طرح بعض منها:
تفضل
1-بتحبي الطيور أو الحيوانات وإذا كنتي بحبين شو أكتر شي بتحبي
هلأ بالنسبه للطيور بحبن بس مافيني احملن او العب معن اكتر من اني حط مي واكل بخاف اعمل
بالنسبه للحيوانات عندي عشق مو طبيعي للأسوود كتير بحبن وشي نهار بدي جيبلي شبل صغير كيف رح اتعامل معه ما بعرف برغم اني بخاف بس بحس مارح خاف من الاسد لان كتير بحبه
2-شو عم تدرسي بالجامعة(الأختصاص)
Information Technology and computing_ITC
...وين ساكنه حاليا
بالسعوديه تحديدا بالرياض
3-عندما تواجهين مشكلة أو مأزق صعب كيف بتكون ردت فعلك الأولى
اممم لاشعوريا بصير كتير عصبيه ما بتحاكى بالعربي وشوي شوي بحاول لاقي حل للقصه
ومشكلتي مافيني دخل ولا اي حدا بمشااكلي
وماما كتير بتعاني من هالقصه اني معصبه بس مامعروف السبب
4-كيف تنظرين للحياة
رحله والا ما يجي يوم وتخلص
5-هل تشعرين بالغربة (ليس القصد الوطن ولكن العائلةأوالمجتمع)
اي احيانا بحس بالغربه
وإذا كان في شيء محرج لا تج وبي عليه..أنا ما عندي شروط
الاسئله لزيزه علاء
تعلمي مدمنة نجوى اسئله سهله ومافي شرووط كماااان

اة سوسن عدنا ..
1- هلق انت بتشوفي حالك حلوة ؟؟
2- اذا خيروك تعملي عملية تجميل .. شو بتختاري تعملي؟
مممممم شو اسة ؟؟ شو اسة ؟؟ اة اة
3- احكيلنا عن شي موقف محرج صار معك ..و كمان موقف بضحك ..

بس اسئلتي ظراف مو هيك سوسن ؟؟

اة سوسن عدنا ..
اهلين رورو
1- هلق انت بتشوفي حالك حلوة ؟؟
ههههههههه شو هالسؤااال
ممممم بشوف حالي حلوه اي بس مابشوف حالي ملكة جمال

2- اذا خيروك تعملي عملية تجميل .. شو بتختاري تعملي؟
مابغير ولا شي ابدا لان هيك الله خلقني وانا راضيه بحالي
ومتأكده اني لو عملت اي عمليه رح افقد شي حلو كان فيني وميزني
مممممم شو اسة ؟؟ شو اسة ؟؟ اة اة
اي احكيلي شووو؟
3- احكيلنا عن شي موقف محرج صار معك ..و كمان موقف بضحك ..
موقف محرج
مره بس كنت بالعاشروما بدي احضر اول حصه لان كان عندي مسرحيه ادرب عليها
مع بنات الصف 12
المهم رحت وادربنا ومشي الحال وباقي شوي تخلص الحصه طلعت لفوق الفصل كراكيب يعني البنات قاعدين بطريقه كتير كركوبه بس الفرق انن هاديين
فقلت بالعاده ما بتسكتوو غريبه طبعا ماحدا رد
قلت شو مشااانكم
فجئه سمعت صوت الانسه ورااي
هههههههههههههه موقف مستحيل انساه ابدا


موقف بيضحك
هالموقف كتير بضحكني وبنفس الوقت لا شعوريا وانا بضحك بتنزل دمعتي
هاد يا ستي
بس كنت اولى ابتدائي واختي الله يرحمها اكبر مني بسنه يعني تاني
ماما راحت معي اول يوم وتاني يوم انو شو انا روح مع اختي
طبعا اولى ابتدائي ما بدخلوهم الفصول اول اسبوع
بيضلو يلعبونا وهيك شغلات
المهم انا ماسكه حالي ما ابكي بدي ماما
وانا عرفت بنروح البيت بس يدق الجرس
ودق الجرس ورحت لاختي يلا نروح وياحرام هي تقنع فيني انو هلأ فسحه وانا احكيلها الباب مفتوح ودق الجرس
والله وحملت شنتايتها وطلعنا ركض ع البيت
بس وصلنا ماما كانت عم تغسل قالت شو جابكم قلتلها وانا مبسووطه دق الجرس
مسكتنا رجعتنا ع المدرسه وكلمت الاداره بخصوص الباب اللي ماكان عنده حداا
اما شو كان احساسي بس رجعتني هيك
ابس اسئلتي ظراف مو هيك سوسن ؟؟
اي كتير ظراف وحبيييتن