۞۩۞ كرسـي الاعتـراف ۩۞۩ مع ...:::şάώşαή:::... ۞۩۞

والله مافي الذ منك يا سوسنتي
اشتقتلك ولي دبة

- عالم الانترنت ككل شيء في الدنيا له ايجابيات وسلبيات ،,
منذ دخولك لهذا العالم ما هي الايجابيات والسلبيات التي وجدتي فيه
بشكل عام ؟

-ما هو تعريف الحلم بالنسبة إليك ؟

-لو كنت شمعة .. فلمن تضحين بإحتراقك ؟((غير حور ربي يحفظها ويخليلنا ياها))

- يقول سقراط : لاتردن على ذي الخطأ خطأه ، فإنه يستفيد
منك علما ً ، ويتخذك عدوا ً.. كيف تتعاملين مع من اساء اليك ؟

-هــل هنـاك أي تجــربــه فــي حيــاتــك تتمنـين أن تقـومي
بهــا مـن جـديـد ؟

-لماذا نحن العرب شعوب غارقون في العواطف ونميل لأجواء الحزن؟

سئلتي ظراف
صح موفقة يارب

سلام سوسن
أنا من المعجبين بشخصيتك ولطافتك
وحبيتك اكتر بعدما تصفحت باجوبتك وارائك

- من اقرب عضو "شب" وعضوة "بنت" بالنسبة لالك بالمنتدى ؟

-بدي تحكيلي عن المدير سومر ورورو ومدين ونضال وصاحبة الرأي المبدع مدمنة نجوى
وآية

-هل ندمت في احدى الايام لانضمامك للمنتدى جامعة تشرين؟

-حاليا الى كم منتدى تنتمين؟

الف شكر الك سوسن

والله مافي الذ منك يا سوسنتي
امبلا في ايووشتي
اشتقتلك ولي دبة
وانا اشتقتلك كتير ما عم تبيني اون عندي بالمره
- عالم الانترنت ككل شيء في الدنيا له ايجابيات وسلبيات ،,
منذ دخولك لهذا العالم ما هي الايجابيات والسلبيات التي وجدتي فيه
بشكل عام ؟
الإيجابيات كتير متل كل شي جديد بتطلعي عليه ما بتتعبي كتير بس تعملي بحث عن شغله
فيكي تتواصلي وتتعرفي ع ثقافات مختلفه من جميع انحاء العالم واكتر شي حلو اختباراتي عليه ونتيجتي بشوفها اول ما خلص
هلأ بالنسبه للسلبيات صار عندي ادمان حاد ومزمن عم حاول اتعالج منه
-ما هو تعريف الحلم بالنسبة إليك ؟
الحلم بداية الطريق لحقيقه بتحمل احتمالين يا تحقيق الحلم يا تحقيق شي تاني مع الوقت رح نكتشف انو افضل من الشي اللي كنا نحلم فيه

-لو كنت شمعة .. فلمن تضحين بإحتراقك ؟((غير حور ربي يحفظها ويخليلنا ياها))
بضحي بإحتراقي لإنسانه ضحت مشاني ومشان حور ماما
- يقول سقراط : لاتردن على ذي الخطأ خطأه ، فإنه يستفيد
منك علما ً ، ويتخذك عدوا ً.. كيف تتعاملين مع من اساء اليك ؟
هلأ بتختلف ردة فعلي من موضوع لموضوع بس اللي متأكده منو
اني ما برد الإساءه ومو معنى هالشي اني ما باخد حقي
باخده وزياااده بس بطريقه تجبر اللي غلط بحقي يعتزر لي
-هــل هنـاك أي تجــربــه فــي حيــاتــك تتمنـين أن تقـومي
بهــا مـن جـديـد ؟
لهلأ مافي تجربه بتمنى ارجع عيدها مره تانيه
-لماذا نحن العرب شعوب غارقون في العواطف ونميل لأجواء الحزن؟
اممم هلأ بالنسبه لأجواء الحزن بيعتمد ع كل شخص وطبيتعه والبيئه اللي عايش فيها كمان الها تأثير بالموضوع
بس انا مو مع انو نحنا شعب غارق بالعواطف لأن لو هالشي صح
كان عاطفة الرحمه اللي عنا ياها ماخلتنا نسمع بعالم بدون بيوت وبدون اكل وبدون شي
وسيبك من هاي
لو بجد نحنا شعب عاطفي كان ما سمعنا بقصص آلاف المسنين اللي بدار العجزه
ولا كان سمعنا بإم جابت ابنها بغض النظر عن الطريقه ورمته عند اي مكان عام
وغيرو كتيييييير
نحنا شعب ما بنعرف غير عاطفه وحده وياريتنا كمان بس قول بنعرفها نكون بجد بنعرفها
بنحكي عن الحب كتير بس ما بنعرف نمارسه مع الكل
لان لو بجد حبينا كل شي حوالينا ماكان هاد وضعنا هلأ
سئلتي ظراف
اي كتير بس رجعت جاوبتن شي 3 مرات من مبارح وانا بحاول معن ما كانو ينبعتو وماكنت اتزكر اعمل كوبي
صح موفقة يارب
تسلميلي يارب وانت كمان


صح ايوووش مبرووك التوقيع الجديد

سلام سوسن
أهلين تيربل انجل
أنا من المعجبين بشخصيتك ولطافتك
وحبيتك اكتر بعدما تصفحت باجوبتك وارائك
تسلميلي يارب شي بعتز فيه

- من اقرب عضو "شب" وعضوة "بنت" بالنسبة لالك بالمنتدى ؟
هلأ بجد الكل قراب وكل شخص بالمنتدى الو شي لا شعوريا بيخليه يكون قريب من قلبك
بس رح حطلك اسماء مانن اقرب من غيرن بس ع طول بشوفن وبحكي معن
الشباب نضال
الصبايا ايــه
-بدي تحكيلي عن المدير سومر ورورو ومدين ونضال وصاحبة الرأي المبدع مدمنة نجوى
وآية
من عيوني هلأ بحكيلك
سومر: شخصيه رائعه بكل معنى الكلمه وعندو عقليه كتير حلوه الكل اجمع انو كتوم بس انا بقلك سهل كتير تعرفي كيف نفسيته بغض النظر عن كتمانه
رورو: صبيه بتجنن عفويتها بتعجبني لأبعد حد كتير ع طبيعتها وروحها حلوه
مدين : شخصيه بحترمها كتير وروحه كمان حلوه وبيساااعد العالم بطيب خاطر
نضالوو: روح المنتدى وشب عنده افكار كتير حلوه ع اد مافي بيساعد العالم بطيب خاطر كمان
مدمنة نجوى : لزيزه لزيزه لزيزه لزيزه كتير روحها حلوه وطريقة معاملتها راااقيه جداا
ايـــه: اختي الكبيره اللي ما عندي ياها حنوووونه وكتير طيوووبه وقلبها ابيض
-هل ندمت في احدى الايام لانضمامك للمنتدى جامعة تشرين؟
ابدا
-حاليا الى كم منتدى تنتمين؟
بإسمي الحقيقي 3 منتديات
بأسماء تانيه 2
بس اللي تواجدي فيه بشكل دائم منتدى كلية الآداب في جامعة تشرين
الف شكر الك سوسن
ولوووو ما عملنا شي
الشكر الك ولأسئلتك الحلوه

كيفك سوسن ؟؟
الي زمان ما سألتك ولا سؤال .. بس رح عوضها انشالله ...
اسئلتي هي :
1- لمين بتقولي " أنا آسفة " ؟
2- شو بتكون ردة فعلك اذا اللي بتحبيه قلك بحبك .. بس لا للزواج ؟؟
3- هل انت راضية عن نفسك ؟؟
4- برأيك ممكن تتحول الصداقة الى حب ؟؟
5- اذا تم تعيينك رئيسة للبلاد العربية .. شو اول قرار بتتخذيه ؟؟
6- حكمة بتآمني فيها كتير ؟؟
حاجة لهلق .. ههه .. الله يعينك سؤال من الشرق وسؤال من الغرب ..
و برجعلك سوسو ..

كيفك سوسن ؟؟
تمام انت كيفك رورو؟؟
الي زمان ما سألتك ولا سؤال .. بس رح عوضها انشالله ...
اي اشتقتلك وعوضيهاا حبيبتي بدأ العد التنازلي
اسئلتي هي :

1- لمين بتقولي " أنا آسفة " ؟
اكيد لأي حدا غلطت بحقه سواء قاصده او لا
وكتير اسفه لماما لان اخر الفتره كتير كنت دايقهااا
2- شو بتكون ردة فعلك اذا اللي بتحبيه قلك بحبك .. بس لا للزواج ؟؟
امممممم هلأ بتختلف لو كنت بعرف هالشي من قبل مايسير بينا علاقة حب
اما لو بعد ما كتير حبيته وبينلي هو اديش بيحبني ماعم اتخيل الموقف بصرااحه
بس اللي مأكده منه مارح كفي ورح حاول ع اد مافيني خلص ينتهي كل شي
ورح اجرحه كتير بالحكي كتير مو شوي مارح استفيد شي بجرحه بس ما بعرف هيك حسيت رح ساوي
لأنه ما حبني لأن اللي بحب بجد موته ولا يشوف المخلوق اللي بحبه مع حدا تاني
رورو شو هالسؤال مجرد تخيله واااو
3- هل انت راضية عن نفسك ؟؟
الحمد لله كتير مو شوي
4- برأيك ممكن تتحول الصداقة الى حب ؟؟
اي احتمال كبير كتير بس العكس نادر جداا
5- اذا تم تعيينك رئيسة للبلاد العربية .. شو اول قرار بتتخذيه ؟؟
قرار واحد بس مابعرف كتييير قرارات وما رح كون انانيه بالموضوع وقول نروح نحرر فلسطين
بس رح امنع منعا باتا الشعارات اللي بتنرفع بدون تنفيذها وكل شعار انرفع من قبل وما انعمل فيه اجباري ينعمل
هيك بعتقد رح تتحرر فلسطين ورح نسير امه واعيه وكتير شغلات
6- حكمة بتآمني فيها كتير ؟؟
في كتير حكم بآمن فيهااا بس في هاي لهيلين كلير مو حكمه بس مقطع من شي هي كاتبته
عندما يُغلق باب السعادة، يُفتح آخر ، ولكن في كثير من الأحيان ننظر طويلا إلى الأبواب المغلقة بحيث لا نرى الأبواب التي فُتحت لنا
حاجة لهلق .. ههه .. الله يعينك سؤال من الشرق وسؤال من الغرب
..
اي ما تخافي رورو لزيزين بس اخدت بريكات ع اد شعر راسك لخلصتن ههههههه
و برجعلك سوسو ..
بتنوري رورو

كيفك سوسن من خلال أسلوبك بالكتابة واضح أنك كتير طيوبة وانا بدي اسألك سؤال واحد بس

ياترى أزا عصبتي كتيييييييييير كتير بتفقدي السيطرة ع حالك وبتجرحي يلي زعجك أو بتتمالكي اعصابك مهما كان الوقف؟؟؟؟؟

ومشكورة سلفا

كيفك سوسن
الحمد لله انت كيفك؟؟
من خلال أسلوبك بالكتابة واضح أنك كتير طيوبة
تسلميلي هاد من زوقك حبيبتي
وانا بدي اسألك سؤال واحد بس
تفضلي وفيكي تسألي اد ما بدك
ياترى أزا عصبتي كتيييييييييير كتير بتفقدي السيطرة ع حالك وبتجرحي يلي زعجك أو بتتمالكي اعصابك مهما كان الوقف؟؟؟؟؟
هلأ بس عصب كتير كتتير بجرح اللي قدامي لا شعوريا مابقدر امسك حالي خصوصا لو اللي قدامي عم يستفزني اكتر
واللي بيضحكك اني بس خلص وروق بسير ابكي انو كيف طلع معي الحكي وبدايق كتير
وعم حاول ع اد مافيني اتعلم امسك اعصابي
ومشكورة سلفا
الشكر الك ع مرورك

عدنا سوسن .. صباح الخير ..
عندي اسة كم سؤال :
1- بتكرهي شي شخص بحياتك كتير ؟؟
2- هل ملابس الشخص اللي قدامك بتأثر فيك لتاخدي انطباع عنو ؟؟
3- شو العادة اللي دائما بتعمليها وبتتمني تتخلصي منها ؟؟
4- شو بتعملي اذا ربحت ملايين؟؟
5- بنظرك : شو احلى اسم للشب واحلى اسم للصبية ؟؟و اخيرا و ليس آخرا
شو هو اقتراحك للمنتدى اللي بتتمني يصير وما صار لهلق ؟؟

و الي عودة انشالله سوسن ..

شايفي ياسوسن القلوب عند بعضها
صباح العسل والقشطة والتسليخ عفوا والورد

_ هل تعتقدين ان حظك سيئ ..؟؟

_ هل هزمك حزنك في يوما من الايام ..؟؟

_هل تعترفين بشيء اسمه الصداقه بين الرجل والمرأة ..؟؟

_ اذا احببت شخصا في الوقت الخطأ وفي المكان الخطأ فماذا تفعلين ..؟؟

_ عاده تفعليها دائما تتمنى ان تتركيها ..؟؟



_ ((مستحيل انســـاك)) لمن تقوليها ..؟؟


_ (( اللي راح راح وماتفيد كلمة ياريت )) إذا أردتي ان توجهي هذه العباره لنفسك, فماذا
تقصدين بها ..؟؟


_ (( انت كل شيء بحياتي )) لمن تقوليها ..؟؟




حاجتك هلا حياتي
بس شو رأيك الاسئلة مو سهلين

عدنا سوسن
اهلا اهلا
.. صباح الخير ..
صباح الورد ومسا النور
عندي اسة كم سؤال :
اي كل اسئلتك كم سؤال حبيبتي
1- بتكرهي شي شخص بحياتك كتير ؟؟
لا كره ما بكره لان خلص بس يطلع حدا من حياتي ما بعود كنله ولا اي نوع من المشاعر
2- هل ملابس الشخص اللي قدامك بتأثر فيك لتاخدي انطباع عنو ؟؟
لا مو مقيااس لان الناس اذواق
3- شو العادة اللي دائما بتعمليها وبتتمني تتخلصي منها ؟؟
عندي ادمان ع النت بتمنى خففه مو اتخلص منه
اما عادات كتييير منهم هاي
بس حدا يتغير علي بعاملته ما بسأله وبمشي الوضع عادي خصوصا لو متأكده ما دايقته مهما كان ناشف ما بقول ليش ههههه
واللي حوليني بيعتبرو هالشي تبلد احساس بس شو اعمل انا هيك

4- شو بتعملي اذا ربحت ملايين؟؟
ما عم اتخيل الموضوع رورو
لأن تقريبا كل الأشياء اللي بتمناها مش محتاجه ملايين بس محتاجه تغيير شوية قناعات
ولو القناعات بتتغير بالملايين ما عندي مشاكل
5- بنظرك : شو احلى اسم للشب واحلى اسم للصبية ؟؟
اسم واحد ما فيني في كتير اسماااء بحبهااااا
للصبيه في 4 اسماء كتير بحبن
تالين -أماليا -ريفال - ريتان
الشباب عندك اسم أسيف ومعناه رقيق القلب
ورَيَان
واسم عضو عنا آزاد كتير حبيته معناه الحريه
و اخيرا و ليس آخرا
يعني افهمي راجعيتلك<<<<<< والله بتنوري
شو هو اقتراحك للمنتدى اللي بتتمني يصير وما صار لهلق ؟؟
هلأ هالشي مو اقتراح اد ماهو فكره وانطرحت وعم يشتغلو عليها الشباب
واللي هي انو ينتقل موقعنا من موقع مجاني لموقع احترافي
طبعا انا هون ما عم بقترح بس بتمنى يسير هالشي باقرب وقت
و الي عودة انشالله سوسن ..
بستناكي رورو



شايفي ياسوسن القلوب عند بعضها
يا سبحان الله ابدا مبارح ما اتفقتو علي انت ورورو
صباح العسل والقشطة والتسليخ عفوا والورد
صباحك ومساكي احلى من الجوري
اما بالنسبه للتسليخ كل شي بوقته حلو ياااحلو ويجيلك يووووم
_ هل تعتقدين ان حظك سيئ ..؟؟
هلأ لو بالحياه مابستخدم مفهوم حظ لأن ع اد ما بتشتغلي بتكون النتيجه
اما لو بالنسبه للألعاب والشغلات اللي بيلعب فيها الحظ دور كبير فسيــــئ جداااااا

_ هل هزمك حزنك في يوما من الايام ..؟؟
اي هزمني لفتره مافيني قلك انها قصيره بس مشي الحال
_هل تعترفين بشيء اسمه الصداقه بين الرجل والمرأة ..؟؟
ع اد ما قالولي لا ومستحيل انا بآمن بوجود هالشي
_ اذا احببت شخصا في الوقت الخطأ وفي المكان الخطأ فماذا تفعلين ..؟؟
امممممم هو ما حكتشف انو غلط الا بعد ما اتعلق فيه
وانجرحلك جرح مرتب
بعدها لا شعوريا انت بتبعدي وهالمره بتبعدي وجواتك شي مكسوور وبتكوني مأكده مستحيل يجي يوم ويطيب
بس الأيام لحالها بتثبتلك العكس وانو طاب وضل اثر خفيف من وراه تعلمتي درس شو ماكان حجمه
_ عاده تفعليها دائما تتمنى ان تتركيها ..؟؟
حكيت لرورو وحده وبقلك التانيه
بمل بسرعه وماني كتير صبوره

_ ((مستحيل انســـاك)) لمن تقوليها ..؟؟
لأي حدا مر بحياتي وترك فيني شي سواء ايجابي او سلبي

_ (( اللي راح راح وماتفيد كلمة ياريت )) إذا أردتي ان توجهي هذه العباره لنفسك, فماذا
تقصدين بها ..؟؟
اامممم لما اخد قرار وحس بغصه بعده وماكان حيسير شي لو ما اخدته
هون بقول اللي راح راح وما تفيد كلمة ياريت

_ (( انت كل شيء بحياتي )) لمن تقوليها ..؟؟
ماما وبابا وخواتي
لان بجد ما بعتقد الحياه الها معنى بلاهم


حاجتك هلا حياتي

بس شو رأيك الاسئلة مو سهلين
سهلييين

مسالخيرات ام السوووووووووووووووووووووووووووس

انا ماعم حب تقل عليكي كتير بالاسئلة ولا بالاحراج صح ؟؟؟؟؟؟

اليوم اسئلتي رح تكون:

1- جاوبي عالاسئلة يلي قلتي انو كنتي خايفة حدا يسالك ياه وهي:
مين اكتر واحد بتحبو بهالمنتدى
مين اكتر واحد ما بتحبو بهالمنتدى بس لا تقول انا حباب
طبعا بشرررررررررررط مهم جدا تحددي اسمااااااااااء ولاتقبل اي اعتذارات او عدم تسمية بدي اسم ((يلا بدي شوف الصراحة تبعك لوين حدودها))؟؟

شواكتر شي بيحرجك ؟؟

2- والاهم هو ليش كلكن مصرين ع انو انا كون عالكرسي ؟؟؟

3- اه بالمناسبة .. انتي في فنان او فنانة بشتى مجالات الفن مأثر فيكي ولأي درجة ؟؟ وهل بيوم كان السبب بتغيير شي بحياتك سلبا او ايجابا؟؟؟

4- مين برأيك.... العضو يلي بيملك الحبكه الفنيه في الردود
مين هو العضو المقصر في الرد
مين هو العضو الفعال في وجهة نظرك وفي أي قسم
مين هو العضو الماسي برأيك
ومين هو العضو يلي بتعجبك مواضيعو بشكل عام
وهل بيوم قريتي رد اعجبك لدرجة كبيرة
وشو هو هالرد ولمين؟؟
وشو بتعنيلك الكلمات التاليه.......... ماذا يتبادر في ذهنك عنها
الجرأه \ الخيانه \ الصداقه \ التحدي

5- شو هي الذكرى يلي مرافقتك من طفولتك وماممكن تنسيها ابدا ..احكيلنا شو هي؟؟

6- احكيلنا عن شي موقف محرج صار معك بطفولتك؟؟؟

7- ايمتى بتوصلي لقمة غضبك ؟؟ وهل في كلمة معينة بس تسمعيها بتحسي حالك رح يطير عقلك من العصبية؟؟؟

8- بيقولو انو النسيان نعمة ... شو هو الموقف او الشي يلي بتتمني من كل قلبك تنسيه ((مع الشرح لوسمحتي ههههههههه))؟؟؟

9- ايمتى خفق قلبك لأول مرة ((يلا قري واعترفي ... ههههههههه))؟؟؟

10- اخيرا وليس آخراً ... بدنا سر تبوحي فيه بس النا ((يعني القصة بيناتنا مافي حدا سامعنا...))؟؟
اوعك تتهربي بدنا سر ..

يلا ياعسل رح اتركك مع اسئلتي يلي بعرف انو مش صعبين ولذيذين صح؟؟؟!!!!!!

يا حرام يا سوسن .. انا كنت محضرتلك كم سؤال .. بعدين قلت لحالي لا يا بنت اتركيها بهمها هلق ..

مسالخيرات ام السوووووووووووووووووووووووووووس
اهلين مسا النووووور والسروووووور

انا ماعم حب تقل عليكي كتير بالاسئلة ولا بالاحراج صح ؟؟؟؟؟؟
اي بدك تحكيــــــــــلي

اليوم اسئلتي رح تكون:
الله يســــتر
1- جاوبي عالاسئلة يلي قلتي انو كنتي خايفة حدا يسالك ياه وهي:
وحياااااااااااااااة الله حسيييييييييييييييييت انو رح يسير هيك شي نجـــــــــــــــــوى
شو اعمل فيـــــــــــــــــــــكي
مين اكتر واحد بتحبو بهالمنتدى
انا بحب الكل بدون استثناء بس اكترى حدى اكتر حدى
سوسن
هيك بحسها بتفهمني وبنفهم ع بعض بحسها حالي

مين اكتر واحد ما بتحبو بهالمنتدى بس لا تقول انا حباب
مافي حدا مابحبو بالمنتدى
طبعا بشرررررررررررط مهم جدا تحددي اسمااااااااااء ولاتقبل اي اعتذارات او عدم تسمية بدي اسم ((يلا بدي شوف الصراحة تبعك لوين حدودها))؟؟
كأنو السؤال اللي حطيتو المقطع هاد ما كان موجود

شواكتر شي بيحرجك ؟؟
ممممم مافي شي محدد



هاد مشان تحطيلي اسئله قلتلك ما تحطيهاااااااا
2- والاهم هو ليش كلكن مصرين ع انو انا كون عالكرسي ؟؟؟
هلأ كتير بنحبك وشخصيتك بتلف نظرنا كلنا بشكل عام
وطبعا صاحبة الموضوع والفكرهوحابين نشوف كيف احساسك بس تنحطي بمكان انحطينا فيه قبلك>>>>بس اوعي تفكري انو بدنا ننتقم خصوصا انااا ما بفكر بهيك شي ابداااااااااا
3- اه بالمناسبة .. انتي في فنان او فنانة بشتى مجالات الفن مأثر فيكي ولأي درجة ؟؟ وهل بيوم كان السبب بتغيير شي بحياتك سلبا او ايجابا؟؟؟
تأثير لدرجة يغير بحياتي لهلأ مافي
بس كل فنان او فنانه شو ما كان مجاله وصل فن بمعنى الكلمه اكيد رح يوصلني وحس بهالتأثير
4- مين برأيك.... العضو يلي بيملك الحبكه الفنيه في الردود
شو يعني حبكه فنيه
لو قصدك ردوده حلوه وواضحه
إسماعيل
مين هو العضو المقصر في الرد
مممممم مافيني قول هاد عضو مقصر بالرد لأن انا كتير احيان ما برد
وبيكون عندي اسبابي واكيد اي عضو مارد عنده اسبابه
مين هو العضو الفعال في وجهة نظرك وفي أي قسم
هلأ احكي اسم عضو واحد حرام رح اظلم الباقيين فبشكل عام
في كتير اعضاء فعالين بهالفتره وبكتير اقسام
ويعطيهم الف عاافيه
مين هو العضو الماسي برأيك
العضو الماسي بنظري
كل عضو عم يقدر العضو اللي قدامه وبيحترمه عضو ماسي
كل عضو عم بيتصرف بعفويه ما بتجرح اللي حوالينه عضو ماسي
كل عضو بيعطي رأيه دون تهميش لرأي الطرف الآخر هو فعلا عضو ماسي
ومين هو العضو يلي بتعجبك مواضيعو بشكل عام
هلأ كتير اعضاء ما عندي عضو معين قول مواضيعه بس اللي بتلفت انتبااهي
صعب حدد اسماء لان بجد هيك رح اظلم كتير
وهل بيوم قريتي رد اعجبك لدرجة كبيرة
اكيد مر علي رد اعجبني لدرجه كبيره
وشو هو هالرد ولمين؟؟
كان الرد من
Boss
بواحد من مواضيعي اول ما سجلت
والرد هوي هاد:
سوسن لم اعرف عنك شيئا سوا من كتاباتك ولكن ربما كانت اكثر من كافية!!!!
ما بنسى هالرد ابدا ابدا ابدا


وشو بتعنيلك الكلمات التاليه.......... ماذا يتبادر في ذهنك عنها
الجرأه \ الخيانه \ الصداقه \ التحدي
الجرأه مو شي بشع متل ما كنا نفكر ونحنا صغار
الخيانه الشي الوحيد اللي مافيكي تسامحي فيه
الصداقه اطهر علاقه ممكن تكون بين تنين
التحدي شي بعطيكي دافع تعطي كل شي بتقدري تعطيه
5- شو هي الذكرى يلي مرافقتك من طفولتك وماممكن تنسيها ابدا ..احكيلنا شو هي؟؟
الذكرى يمكن لازم انساها لأن كبرت وصار فيني استوعب بس ماعم بقدر
هاد يا ستي اليوم اللي كانو بدن يدفنو فيه اختي الله يرحمها ماما وتيته كانو رايحين مشان يشوفوها
ووقتها قالولي اطلعي البسي مشان انا ضليت نق بدي روح شوفها
طلعت لبست نزلت ما لقيت حدا راحوو......صرت ابكي وصرخ لحتى نمت
مو مشان شي بس طول ما انا بلبس كنت متأكده اني بس روح وشوفها رح تكون عامله حالها نايمه وعم تضحك علييهم
كنت متأكده اني رح ارجع انا وياهاا
بعرف انن عملو هيك لان بنظرن ما حتحمل بس هالشي موتني لان ضليت سنه كامله اتخيل الباب ينفتح ونهى تفوت
او تيجي عندي للمدرسه تعملي مفاجئه ..............

6- احكيلنا عن شي موقف محرج صار معك بطفولتك؟؟؟
مره كنا طالعين البر تقريبا عمري كان 5 سنين ونهى الله يرحمها 6 سنين
البر هاد مطرح متل الصحرا بتطلعي بتشوي فيه وهيك شغلات
بس اجينا نروح نهى ما بعرف من شو كانت زعلانه ما بتزكر
بس اللي بتزكره اني ركبت السياره وبابا شغلها انو مشان يمشي فجئه نزلت ورحت حضنتها
ليش مابعرف وليومك هاد مابعرف
بس كان منظرنا فلم هندي هههههههه
الله يرحمهاااااااااا
7- ايمتى بتوصلي لقمة غضبك ؟؟ وهل في كلمة معينة بس تسمعيها بتحسي حالك رح يطير عقلك من العصبية؟؟؟
هلأ قمة غضبي ماالها مقياس محدد
واي بس يجي الحكي ع اي حدا من اهلي وتكون من حدا من قرايبنا تحديدا ما بيعود في عقل
8- بيقولو انو النسيان نعمة ... شو هو الموقف او الشي يلي بتتمني من كل قلبك تنسيه ((مع الشرح لوسمحتي ههههههههه))؟؟؟
امممم والله ما عم بتزكر موقف بتمنى انساااه

9- ايمتى خفق قلبك لأول مرة ((يلا قري واعترفي ... ههههههههه))؟؟؟
بس كنت 5 سنين كنت اعشق شي اسمه الكابتن ماجد
وكمان كنت حب واحد معي بالروضه اسمه عمر هههههههههه وصار موقف كرهتو من قلب
10- اخيرا وليس آخراً
يعني لسا في اسئــله <<<<<الله يعيني
... بدنا سر تبوحي فيه بس النا ((يعني القصة بيناتنا مافي حدا سامعنا...))؟؟
اوعك تتهربي بدنا سر ..
سررررررررررررررررر
خليني اتزكر شي مصيبه ماحدا بيعرف فيهاااا هههههه
هلأ بجد هاد سر عني انا ما حدا بيعرفه
من بعد ما توفت اختي الله يرحمها اشتقت لإحساس عندي اخت كبيره
بس يكون عندي سؤال بماده روح اسئلهااا وهي تحللي ياه
او عندي رسمه تساعدني فيها
او اي مرحله جديده تحكيلي عنها وتقلي ما تخافي عادي
بكتير احيان بكزب وبحكي حلو الواحد يعتمد ع حالو
وانا عم اعتمد ع حالي ومن هالحكي بس بجد بكون بكزب
عشت احساس يكون عندي اخت اكبر مني لفتره
وبدفع عمري كله كرمال ارجع عيشه مره تانيه



يلا ياعسل رح اتركك مع اسئلتي يلي بعرف انو مش صعبين ولذيذين صح؟؟؟!!!!!!

اي مو صعبيــــن نجوى بس طولت كتير كتير كتير كتير
شي جيب الرد نصا
وشي مبارات الريال
وشي محارم
زكرتيني بكتير شغلات حلوه بأسئلتك






يا حرام يا سوسن .. انا كنت محضرتلك كم سؤال .. بعدين قلت لحالي لا يا بنت اتركيها بهمها هلق ..


شو بدي قلك لقلك
مو قصة الاسئله طويله
الاحلى ارجع جاااوب عليها مره تااااااااااااااااااانيه
ناطره اسئلتك حياتوووو

سوسن حياتي الاعمار بيد الله

وكلنا فقدنا ناس غالين عاقلوبنا ولسا الدنيا بتمشي
هاد الواقع بياخد منا العزيز والغالي
بجد انا بحبك سوسن بس ما بق بدي ياكي تزعلي وتزعلينا حياتي
نحن هون كلنا اخواتك
وبجد بفديكي بعيوني لو يريحوكي او يسعدوكي

حابة قلك سوسن انك انسانة رائعة وطيوبة
وبيشرفني تكوني احل اخت الي
وبحبك مووووووووووووووووووت
ونيالو لي رح ياخدك بجد والله

ليكي بس رح ضل اسلخك قصدي أسألك

سوسن حياتي الاعمار بيد الله
بعرف هالشي حبيبتي وما عندي اي اعتراض عليه

وكلنا فقدنا ناس غالين عاقلوبنا ولسا الدنيا بتمشي
هاد الواقع بياخد منا العزيز والغالي
بجد انا بحبك سوسن بس ما بق بدي ياكي تزعلي وتزعلينا حياتي
نحن هون كلنا اخواتك
وانا بحبك ايوووووش وسدقيني بس احكي عن اختي بكون كتير مبسوطه
وان بزعل بزعل لأني بحكي عن ذكرى جمعتنا وانا بس اللي عم احكي عنها
وبجد ما بدي حدا يزعل لأن انا بنبسط بس احكي عن نهى كتير
بشكل عام نادر ماتيجيني فرصه اقدر احكي فيها عنهااا
وبجد بفديكي بعيوني لو يريحوكي او يسعدوكي
تسلملي عيووونك يارب
حابة قلك سوسن انك انسانة رائعة وطيوبة
وبيشرفني تكوني احل اخت الي
تسلميلي هاد من زوقك
وبحبك مووووووووووووووووووت
وانا بموت فيكي
ونيالو لي رح ياخدك بجد والله
هههههه اي امو داعيه عليه قصدي داعيتلووو
ليكي بس رح ضل اسلخك قصدي أسألك

ايوش ايدك وما تعطي ما بقيان لي كتييير والا ما يجي دووورك
بس بجد ما ضل اسئـــله تسئليها صح

ههههههوووووووووووووووهوووووووووو

أنا لي عندي اسئلة ولو لعيونك
-هل انت تفعلين ما تقوليه هنا بالمنتدى ؟

_ من يسكن قلبك؟

_اغمض عينيك دقيقه لو سمحت, ماذا خطر على بالك وانت مغمض العينين؟

_شو اول شي بيلفت انتباهك بالشخص بنت او شب ؟

ههههههوووووووووووووووهوووووووووو
شو هاي بالزبط
أنا لي عندي اسئلة ولو لعيونك
اي اسئلـــي
-هل انت تفعلين ما تقوليه هنا بالمنتدى ؟
اي الحمد لله

_ من يسكن قلبك؟
كأنك بتعرفي اني مدريديه
اللي بيسكنو قلبي كتــــير وانت وحده منن

_اغمض عينيك دقيقه لو سمحت, ماذا خطر على بالك وانت مغمض العينين؟
ما خطر شي ابدا
_شو اول شي بيلفت انتباهك بالشخص بنت او شب ؟
هلأ ما حددتي لو الشب والبنت حاكيتن ولا شفتن من بعيد بعرفن او لا
هلأ رح ابدى بالنت
كتير شغلات بيلفتو انتباهي متل عندك الأسلوب طريقة التعامل واحيانا اول شي بيلفتني الصوره او التوقيع

هلأ لو بعرفن
طريقة التفكير بتلفت انتباهي اكتر شي

اما لو من بعيد شفتن
الشب: اول شي بيلفت نظري الشعرات
الصبيه : اول شي بيلفت نظري ايديها

الكرسي كان منور بقعدتك سوسن
وجد تمنينا إنك تقعدي عليه دوووووووووووم
وماتقومي عنه ابدا
لانو انبسطنا فيكي وبأجوبتك كتير
وروووووووووووووووووحك الطاغي
بتمنالك كل التوفيق يارب
والله يحققلك لي ببالك ياااااارب
موفقة روحي

الكرسي كان منور بقعدتك سوسن
وجد تمنينا إنك تقعدي عليه دوووووووووووم
وماتقومي عنه ابدا
لانو انبسطنا فيكي وبأجوبتك كتير
وروووووووووووووووووحك الطاغي
بتمنالك كل التوفيق يارب
والله يحققلك لي ببالك ياااااارب
موفقة روحي

تسلميلي ايووش
هاد من زوقك حياااتي
وانا كمان بتمنالك انت والأعضاء حياة سعيده تحققو فيها كل اللي بتتمنووه

شكرا الك سوسن يعني عن جد علمتني الصبر وخاصة ان الاسئلة كانت كتير مراسي الك

شكرا الك سوسن يعني عن جد علمتني الصبر وخاصة ان الاسئلة كانت كتير مراسي الك
أهلين
طايش بس عايش
مابعرف ازا الأسئله كتيره بس بجد كل سؤال كان اله متعته الخاصه
وانا هون اللي بتشكرك وبتشكر باقي الأعضاء

اي و الله سوسن أفي منا

يسلمو نجوى