۞۩۞ كرسـي الاعتـراف ۩۞۩ مع ...:::şάώşαή:::... ۞۩۞

هههه ... عجبوني القصص ..

و الله يرحمها لأختك و يجعل مثواها الجنة يارب ..

هههه ... عجبوني القصص ..
اي وانا كتير حبيتن لأسئلتك

و الله يرحمها لأختك و يجعل مثواها الجنة يارب ..
تسلمي يارب وان شاء الله هي عصفوره من عصافير الجنه لانها توفت وعمرها 8 سنين

الله يرحمها لأختك وانشالله بتكون بالجنة وبالآخرة بتشفعلكن وبتاخدكم لعندها
هلق شكلن الصبايا عم يتسلوا معك يا أم السوس
ونسيانين إنو هيدا اسمو كرسي اعتراف يعني لازم تكون الأسئلة صعبة شوي
بس ولا يهمك أنا رح قوم بالواجب وزيادة
أسئلتي لليوم:
بأحد الحوارات الساخنة بيني وبين أخي العزيز نضال ذكرت أنك ترتدين النقاب وأنا بقول إنو كانت جرأة منك أنك تحكي هالشي, ويمكن ما كتير من الأعضاء انتبه للموضوع بوقتها بس بما إنو هلق عم نتعرف عليكي فحبيت أسألك عن الموضوع ...
شو اللي خلاكي تلبسي النقاب وما بدي تفاصيل طبعاً
يعني هل لأسباب دينية بحتة أو اجتماعية(كونك بالرياض) أو مجرد قناعة شخصية ؟
هل بتعتقدي أنو هاللباس رح يسببلك مشكلة إذا تحقق حلمك وسافرت ع بريطانيا ؟
وكيف رح تتعاملي مع الموضوع بوقتها ؟
وكمان إنو كتير أشخاص بس يعرفوا أنك منقبة رح يستغربوا أنك بتشاركي بالمنتدى وعندك صفحة ع فيس بوك وأنو روحك مرحة كتير ؟؟ شو بتقولي لهالأشخاص ؟

هل زعلت مني ومن أسئلتي اللي بالغميق؟؟

الله يرحمها لأختك وانشالله بتكون بالجنة وبالآخرة بتشفعلكن وبتاخدكم لعندها
اميــــن يارب الله يسمع منك
هلق شكلن الصبايا عم يتسلوا معك يا أم السوس
:suspect:
ونسيانين إنو هيدا اسمو كرسي اعتراف يعني لازم تكون الأسئلة صعبة شوي
كتــــــــــــــر خيرك اسماعيل المره الأولى تحريض ع الشروط المره هاي شو؟؟؟؟؟
بس ولا يهمك أنا رح قوم بالواجب وزيادة
الله يقوييك ياارب
أسئلتي لليوم:
تفضــــل
بأحد الحوارات الساخنة بيني وبين أخي العزيز نضال ذكرت أنك ترتدين النقاب وأنا بقول إنو كانت جرأة منك أنك تحكي هالشي, ويمكن ما كتير من الأعضاء انتبه للموضوع بوقتها بس بما إنو هلق عم نتعرف عليكي فحبيت أسألك عن الموضوع ...
شو اللي خلاكي تلبسي النقاب وما بدي تفاصيل طبعاً
يعني هل لأسباب دينية بحتة أو اجتماعية(كونك بالرياض) أو مجرد قناعة شخصية ؟
الأسباب التلاته مجتمعه واكيد مقتنعه بالموضوع
هل بتعتقدي أنو هاللباس رح يسببلك مشكلة إذا تحقق حلمك وسافرت ع بريطانيا ؟
ماكتير شايله هم هالموضوع لأن عندي امل من هون لخلص العالم ككل يفهمو معنى الحريه بالشكل الصحيح
وطبعا بس اتكرم دوليا رح اتكرم منقبه <<<<<واحد من أحلامي ازا انتبهت
وكيف رح تتعاملي مع الموضوع بوقتها ؟
رح اعمل كل شي كرمال حافظ ع شي مقتنعه فيه وع اد مافيني رح حاول وصل رسالة نحنا كتير طبيعين
واجباري تتقبلونا متل ما نحنا
وكمان إنو كتير أشخاص بس يعرفوا أنك منقبة رح يستغربوا أنك بتشاركي بالمنتدى وعندك صفحة ع فيس بوك وأنو روحك مرحة كتير ؟؟
شو بتقولي لهالأشخاص ؟
المنقبات صبايا كتير طبيعين وعايشين حياتن بطريقه طبيعيه جدا متلن متل اي صبيه تانيه
يمكن الفرق مافيكم تشوفو اشكالن وكل صبيه وسببها الخاص
مانن متخلفين متل ماكتير عالم بتفكر ولانن عدوانيين
وانا وحده منن
كلنا بنعرف ان لكل شخص حريته واجباري نتقبل ونحترم حريات الاشخاص شو ماكان الشي اللي بآمنو فيه
فليش لحتى ما نتقبل ونحترم المنقبات وتكون الن مكانتن بالمجتمع حتى لو ما اقتنعنا في كتير شغلات مو مقتنعين فيها
بس بنوقف وما بنقول لا لهالشي لان احترمنا حرية الطرف الآخر
وكمان بهالموضوع انا بشوف اجباري الكل يوقف ويحترم حريتي وحرية الصبايا اللي متلي
ولا بس بنرفع شعار الحريه بشي وشي؟؟

هل زعلت مني ومن أسئلتي اللي بالغميق؟؟

لا بالعكس انا بتشكرك كتير انبسطت بأسئلتك
وعل وعسى كون مثال قدر يغير نظرة اي حدا للصبيه المنقبه

مرحبا سوسو يسلملي الحلو لكونك فتحت المجال لكل الاعضاء ليسألوا ادش ما بيردوا ولكون ان الاسئلة الكتيرة هي دليل محبة وغيرة على الشخص ولكونك تناقشتي مع الاخ اسماعيل على الجانب الديني والنقاب كمان حابة اطرح عليكي سؤال وماهيك بس ومع خيارات كمان هلق انتي ائلتي ان النقاب عن قناعة ملتزمة فيه بس انا بشوف شغلة ان الاساس في العبادات هو المراقبة " يعني ان تعبد الله كأنك تراه فإن لم تكن تراه فهو يراك " بس السؤال هون هو كيف بتصفي علاقتك مع الله عز وجل هل هي علاقة خوف ووجل اما هي علاقة محبة اما هي علاقة التزام وليش شكرا الك سوسو على صدرك الواسع وياستي الكبير بيضل كبير والحلو بيضل حلو

مرحبا سوسو
اهليين ساره
يسلملي الحلو لكونك فتحت المجال لكل الاعضاء ليسألوا ادش ما بيردوا ولكون ان الاسئلة الكتيرة هي دليل محبة وغيرة على الشخص
تسلميلي يارب وبهالموضوع حقكم تسألو اد ما بدكم وانا علي جاوب
ولكونك تناقشتي مع الاخ اسماعيل على الجانب الديني والنقاب كمان حابة اطرح عليكي سؤال
اكيد تفضلي
وماهيك بس ومع خيارات كمان
حلو كتير هلأ بختار
هلق انتي ائلتي ان النقاب عن قناعة ملتزمة فيه بس انا بشوف شغلة ان الاساس في العبادات
صح
هو المراقبة " يعني ان تعبد الله كأنك تراه فإن لم تكن تراه فهو يراك "
اكيد المراقبه شي اساسي انا ما بختلف معك بهالنقطه
بس السؤال هون هو كيف بتصفي علاقتك مع الله عز وجل هل هي علاقة خوف ووجل اما هي علاقة محبة اما هي علاقة التزام وليش
علاقتي مع الله علاقة محبه
اما ليش فلما تحبي حدا كتير لاشعوريا بتعملي كل شي بحبه وكتير بتحاولي تتجنبي الشغلات اللي بدايقه
ولو غلطي بحقه بتعملي كل شي كرمال يرضى عنك
وهيك بس تحبي الله كتير كمان
شكرا الك سوسو على صدرك الواسع
الشكر الك ساره ع المرور الحلو
وياستي الكبير بيضل كبير والحلو بيضل حلو
ع راااااسي

كيفك سوسن قبل كل شي بدي قلك مبروك
صحيح متأخرة بس اليوم حتى عرفت انك نقبلتي بالجامعة
انشالله موفقة
اجا دور الأسئلة
1-ذكرى لا تمحى من ذاكرتك
2- شخصية عالمية معجبة فيها
3-اكتر قائد عربي بتحترميه
4-كلنا منعرف انو في قوافل مساعدات ودعم متل سفينة الحرية
وشريان الحياة عم تروح عفلسطين سؤالي خطر عبالك تكوني
أحد الموجودين عهالسفن وتمنيتي مرة بجد تشاركي معاهن

أول شي آســـفه جوى ع التأخير
بس كنت مسافره وهلأ اللي وصلت ع البيـــــــــــــت

كيفك سوسن
تمام انت كيفك جوى؟؟
قبل كل شي بدي قلك مبروك
الله يبارك فيكي زعقبال مانفرح بتخرجك يااارب
صحيح متأخرة بس اليوم حتى عرفت انك نقبلتي بالجامعة
شو مشان انو شو ماكان وقتها بيكفيني انها من قلبك
انشالله موفقة
تسلميلي وانت كمان ان شاء الله موفقه
اجا دور الأسئلة

1-ذكرى لا تمحى من ذاكرتك
ممممم في كتير ذكريات صعب تنتسى بس مستحيل انسى اختي الصغيره بس نادت اسمي قبل ماما وبابا
كتير انبسطت بس سمعته
2- شخصية عالمية معجبة فيها
هيلين كلير شخصيه احترامي الها لا محدود
3-اكتر قائد عربي بتحترميه
ممممم بشكل عام كل قائد قدر يقول لا لشي غلط بغض النظر الــ لا اللي قالها شو نتايجها
انا كتير بحترمه شو ماكانت جنسيته ديانته معتقداته
4-كلنا منعرف انو في قوافل مساعدات ودعم متل سفينة الحرية
وشريان الحياة عم تروح عفلسطين سؤالي خطر عبالك تكوني
أحد الموجودين عهالسفن وتمنيتي مرة بجد تشاركي معاهن
كتـــــــــــــــــــير تمنيت هالشي وان شاء الله بيجي يوم وبرووح هونيك

الف الحمد لله عا سلامتك سوسنتي

-يقال ان الحب يمحو جميع العيوب والاخطاء في المحبوب ما تعليقك؟؟

-في عصر العولمة الحالي ما رأيك في حب الانترنت؟؟

-ما اجمل ما في الحياة في نظرك؟؟

اروع سوسن بالدنيا

الف الحمد لله عا سلامتك سوسنتي
الله يسلمك ايوشتـــي
-يقال ان الحب يمحو جميع العيوب والاخطاء في المحبوب ما تعليقك؟؟
هالشي صح مابنعود نشوف 99% من العيوب ازا حبينا بجد
لان بنسير نشوف بقلوبنا مو بعيونا
والام اكبر دليل شو ماكان بولادها بتشوف مافي احسن منن

-في عصر العولمة الحالي ما رأيك في حب الانترنت؟؟
امممم هلأ انا رح احكي رأيي الشخصي بهالموضوع وبعرف رح لاقي كتير بيخالفوني بس انا مقتنعه
الحب مابيعرف زمان ولا مكان وهالشي كلنا متفقين عليه صـــح
انا بالنسبه الي كمان ما بيعرف طريقه
صح بنظر كتير عالم صعب كتير ينولد حب من مجرد حروف انكتبت وقرأناها
بس انا بنظري صح هي حروف ورموز قرأناها ولا شعوريا لامست قلوبنا وتعلقنا فيها
وازا رح نيجي ع موضوع الثقه انا بهالموضوع اي حدا بحياتي اله ثقه معينه بعطيلو ياها بمجرد اني تعرفت عليه
وبتنتهي هالثقه بمجرد صدور اي خطأ صعب سامح عليه
و
و
و
و
وانا بحبكم كتير مع اني بعرفكم عن طريق النت بس

-ما اجمل ما في الحياة في نظرك؟؟
الرضى
لان بس نكون راضيين رح نشوف كل شي حلوو

اروع سوسن بالدنيا
أحلى أخت بالعااالم

مراااااااااااحب ام السوس

-هل انت صريحة ام كتومة ؟هل تجاملين ؟

-احلى صفة لديك ؟

-كلمة تحبين ان تسمعيها كل صباح ؟كلمة تكرهين ان تسمعيها ف اي وقت؟

-كيف تعبرين عن رفضك ؟

-شي تحرص على حمله معك في كل مكان؟

-متى تحظرين الاشخاص عندك في الايميل ؟لاي سبب؟

سلام سوسن

ممكن أسأل انا ناطر الجواب

مراااااااااااحب ام السوس
اهلين حياتوووو
-هل انت صريحة ام كتومة ؟هل تجاملين ؟
هو سوري منك كمان ما فهمت السؤال بس رح جاوب بكل الطرق اللي فهمتهااا
لو قصدك مع العالم انا صريحه بس لصراحتي حدود وهالحد هو اني ما اجرح الشخص اللي قدامي
بجامل احيانا
كتومه ماعرفت من اي ناحيه
بس انا ما بسكت ابدا الا بحالة كون مدايقه غير هيك صعب جدا تلاقيني ساكته
-احلى صفة لديك ؟
مممممم ايوش سؤالك صعب
بس صفه كل اللي عرفوني تقريبا قالولي عنهاا انو طريقة تفكيري اكبر من عمري وهالصفه كتير بحبهاا
-كلمة تحبين ان تسمعيها كل صباح ؟كلمة تكرهين ان تسمعيها ف اي وقت؟
دخيل الله ماحدا يحاكيني الصبح خصوصا بس كون فايقه من النوم غصبن عني ورايحه للجامعه ههههههه
كلمه بكره اسمعها بأي وقت بس حدا يحكيلي موضوع وبالنص يحكيلي انســـــــي بموووت من هالكلمه ما بحبها ابدا
-كيف تعبرين عن رفضك ؟
بقول لا اول شي
بعطي اسباب وهون الشخص اللي قدامي مجبر يعطيني اسباب تقنعني
ما اقتنعت بتنح خلص لا يعني لا
لو بالبيت اتمارس موضوع الأمر بعمل الشي بس بطريقتي <<<<<<وبطريقتي يعني اتأكدي رح تكرهي الدقيقه اللي غصبتيني فيها ع الموضوع

-شي تحرص على حمله معك في كل مكان؟
موبــايلي
-متى تحظرين الاشخاص عندك في الايميل ؟لاي سبب؟
هلأ الحظر بستخدمه بحاله وحده لما يكون عمو delete جاي وراه
غير هيك ما بستخدمه حتى لو كنت متخانقه مع حدى ما بعمله بلوك

سلام سوسن
باي ايووش


ممكن أسأل انا ناطر الجواب
اكيد الناي الجارح فيك تسأل
اي حدا حابب يسأل فيه يسأل

هاي سوسن
أنا اسئلتي اختيارية فينك تجاوبي عالأسئلة اللي بدك ياها وإذا حسيت انو في شي سؤال مزعج الك فينك ما تجاوبي عليه

1 - في شي مرة فتشتي بالأغراض الشخصية لناس من دون معرفتهم

2 - هل سبق وأن غيرتي بعضا من أهداف حياتك أو قناعاتك؟

3 - كم ساعة بتقضي عالنت يوميا ؟

4 - لمين بتهدي هالأغاني :

1. أخبارك إيه
2. أحبك اكرهك
3. الأخرس
4. الله لا يحرمني منك
5. سلمولي عليه
6. كان طيب
7. مفكر حالك مين
8. نسونجي

5‏ ‏- شو بتتوقعي نتيجة الكلاسيكو بين الريال وبرشلونة ؟

هاي سوسن
هايااات سيرجيوو
أنا اسئلتي اختيارية فينك تجاوبي عالأسئلة اللي بدك ياها وإذا حسيت انو في شي سؤال مزعج الك فينك ما تجاوبي عليه
اوك هلأ بشوف الأسئله >>>>>> ع اساس ما شفتن يعني

1 - في شي مرة فتشتي بالأغراض الشخصية لناس من دون معرفتهم
لا ولا مره عملتها
2 - هل سبق وأن غيرتي بعضا من أهداف حياتك أو قناعاتك؟
اهداف لا يمكن بضيف بس
بس قناعات اي كل نهاية سنه في كم قناعه يا بتتغير يا بتتعدل لان لساتني 18 سنه ما وصلت لمرحلة تكون كل قناعاتي صح فيها
3 - كم ساعة بتقضي عالنت يوميا ؟
سؤال محرج المفروض تسألني كم ساعه ما بقضي ع النت
كتيـــــــــــر بس فيني قلك 6 ساعات وفوق
4 - لمين بتهدي هالأغاني :


1. أخبارك إيه
لكل شخص مشتاقيتلو وصار لي فتره ما بعرف عنه شي
2. أحبك اكرهك
مابعرف مو لحدا بس سمعتها ما حسيت بدي اهديها لحدا
3. الأخرس
لكـــــل الصبايا
4. الله لا يحرمني منك
هلأ كتير في اغاني الله لا يحرمني منك فما عرفت اي وحده
ولو حهديها لحدا حهديها لكل الشباب والصباايا بالمنتدى ولرفقاااتي
5. سلمولي عليه
تاع نانسي هاي صح
مممممم لحداا
6. كان طيب
مممم اي حدا تغير علي او ماكنت عارفته
7. مفكر حالك مين
روعه هالغنيه ممم لشخص كتير حبيته وماكان بيستاهل وفهم هالشي متأخر
8. نسونجي
للشباب اللي ما بيحبووو الصبايا
خصوصا مقطع اللي مايحب النسوان الله يبعتلو عــــله
5‏ ‏- شو بتتوقعي نتيجة الكلاسيكو بين الريال وبرشلونة ؟
مو لأني مدريديه بس بجد مستوى الملكي روعه هالسنه والفوز مدريــــــــــــــــــدي ان شاء الله

هاي أم السوس....عدنا من جديد
1-كيف تواجهين لحظات الضعف
2-من هو الشخص الأقرب إليكي ضمن عائلتك
3-شخص من الممكن أن يكون مثل أعلى لكي
4-ما هي المواضيع التي تجذبك أكثر من غيرها
5-ما هو الفن الذي يمكن أن يؤثر بك (المسرح ..السينما..أو مسلسلات TV) ولماذا؟
6-ما هي اللهجة التي تتكلمين بها(الخليجي ..الفلسطيني...السوري...)
7-سؤال آخير هل تستطيعين تعريف (سوسن) بكلمتين؟

هاي أم السوس..
هايات علاء
..عدنا من جديد
أهلين وسهليــن
1-كيف تواجهين لحظات الضعف
مممم هلأ بتختلف ردة فعلي من لحظه للحظه بس بشكل عام لا شعوريا اول شي بعمله ببكي
وبعد ما خلص بكي بحس حالي احسن بكتير وهلأ قادره فكر بطريقه ايجابيه اكتر
وشوي شوي بيمشي الحال
2-من هو الشخص الأقرب إليكي ضمن عائلتك
هلأ انا فهمت شغلتين من كلمة اقرب
لو اقرب لقلبي كلن بحبن بس اختي الصغيره الها معزه خاصه
لو اقرب الي من ناحية اني فضفض واشكي مو من النوع اللي بحكي اللي بدايقني بس لما ماكون قادره اتحمل بحكي لماما
3-شخص من الممكن أن يكون مثل أعلى لكي
ببيتنا بابا
بالحياه كل شخص ناجح ماوقف عند ظرف من الظروف اللي واجهته هو مثال اعلى لألي
4-ما هي المواضيع التي تجذبك أكثر من غيرها
هلأ بشكل عام كل شي غريب بيجذبني شو ماكان المجال
بشكل خاص بحب المواضيع الثقافيه ومواضيع تطوير الذات والمواضيع اللي فيها مابعرف كيف وصلك ياها
بس هيك لما تقرأها بتلامس جزأ منك >>>>>>>مابعرف شو بيسمو هالنوعيه من المواضيع
5-ما هو الفن الذي يمكن أن يؤثر بك (المسرح ..السينما..أو مسلسلات TV) ولماذا؟
هلأ بشكل عام ماكتير بتاابع
وكل فن من الفنون اله تأثيره بس انا بشوف الأثر اللي رح يتركه سواء المسرح او السينما او المسلسلات علي
متوقف ع الفكره والموضوع اللي تناقش والطريقه اللي وصلتني فيها الفكره ومدى واقعية الموضوع واهمية بالنسبه الي
كل هالأشياء بشوفها بتلعب دور بالأثر والإنطباع اللي رح ينترك علي
6-ما هي اللهجة التي تتكلمين بها(الخليجي ..الفلسطيني...السوري...)
هلأ لهجتي كوكتيل فلسطيني سوري الخليجي بفهم بس ما بعرف احكيه
7-سؤال آخير هل تستطيعين تعريف (سوسن) بكلمتين؟
انسانه عاديه

والله التحريض اللي عم مارسو جاب نتيجة وبلشت الأسئلة المحرجة
وبالنسبة إلي أنا جاهز للكرسي وقت اللي بدكن
سؤالي يا أم السوس :
إذا رجعت اليوم وقعدت ع كرسي الاعتراف شو السؤال المحرج
اللي بتسأليني ياه لحتى تطلعي الفرق وتنتقمي مني ؟؟؟

والله التحريض اللي عم مارسو جاب نتيجة وبلشت الأسئلة المحرجة
لا وبتعترف كمان حلو كتير اهم شي مبسوط جابو نتيجه قلتلي
وبالنسبة إلي أنا جاهز للكرسي وقت اللي بدكن
اي انا بكره بخلص اسبوع الأسبوع التاني هديه مني الك
سؤالي يا أم السوس :
إذا رجعت اليوم وقعدت ع كرسي الاعتراف شو السؤال المحرج
اللي بتسأليني ياه لحتى تطلعي الفرق وتنتقمي مني ؟؟؟
هههههههههههه اسماعيل شو مشان كل اسئلتك صعبه
مافكرت شو بدي اسئلك
بس خطر ببالي كم سؤال هلأ
شو السؤال اللي جاوبت عليه انا وصدمك جوابي؟؟
شو الأجوبه اللي ما اقنعتك؟
اما السؤال الأهم حضرتك عم تشن حملات تحريض شو سببها؟؟؟
ههههههههههههه بيكفو هدلون

هههههههههههههههه يلا بدك تطولي بالك أم السوس
شو السؤال اللي جاوبت عليه انا وصدمك جوابي؟؟
بصراحة ما انصدمت من شي وكل أجوبتك صريحة وأنا متوقعها
يعني الشي اللي ممكن يصدم البعض وهو النقاب أنا بعرف فيه من قبل
شو الأجوبه اللي ما اقنعتك؟
معقول ما تقنعيني ؟؟؟ بصراحة أنت جريئة وبتقولي رأيك بصراحة و وضوح
وما شفت جواب غير مقنع , وبعدين في أجوبة إلها علاقة بوجهات نظر مختلفة
يعني ممكن ما تقنع البعض بس المهم أنت مقتنعة فيها ...
وعجبتني أجوبتك ع أسئلة نجوى الأخيرة
اما السؤال الأهم حضرتك عم تشن حملات تحريض شو سببها؟؟؟
والله السبب هو المحبة , يعني أنت من الأعضاء اللي بعتبر حالي بمون عليهم وبحبهم
ويعني آخد وش عليكي يعني لو ما كنت بعزك كنت بسألك بطريقة رسمية أكتر
وبعدين هو اسمو كرسي الاعتراف وما حلو بلا شوية تعذيب

ع راااااااااااااااااااااااســـــــــــــــــــــــــــــي
واكيد بتمــــــون >>>>>بانتظار التحريض التالت
لان اول شي الشروط تاني شي الأسئله اللي مو تسلايه وبانتظار رقم تلاته

صببببباااااااااااااحك عسل ياسوسنتي القمر

اول شي الحمدلله انو مااحرجتك باسئلتي السابقة

تاني شي رح حط كم سؤال لليوم

1- هلق ع اعتبار انو كان في تلات اشخاص من المنتدى انحطو قبلك هالكرسي
واكيد كنتي مطلعة تماما ع الاسئلة يلي انطرحت عليهن
سؤالي هو : شو السؤال يلي سبق وانطرح ع واحد من يلي قعدو قبلك عالكرسي وكنتي خايفة او مش حابة ينطرح عليكي وشو هو ومين يلي طرحو؟؟

2- في سؤال كنتي بالفعل حابة تتنافشي فيه معنا وماحدا طرحو عليكي وشو هو؟

3- لنو انا عم اسمع فيروز هلق .. اجا ببالي اسألك شو رأيك ب البوم فيروز الاخير وبصراااااااااااحة تامة ... وهل شفتيه زاد ع مسيرتها ولا ماالو اثر كبير .. وهل انتي مع يلي قالو ياريتها مانزلتو؟؟؟بس بصراحة وبلا مجاملة

وهل اجا دور الجد

4- هل انغدرتي سابقا من حبيب ؟؟

5- هل ياترى بعمرك حبيتي من طرف واحد .. وماكان في استجابة من الطرف التاني .. احكيلنا شوي عن هالقصة لو سبق وصارت بحياتك فعلا؟؟؟

6- بكامل الصراحة يلي عهدناها باجوبتك السابقة .. وبدون اي مجاملة والأهم بلا مراوغة ... مين برأيك وبقناعتك أصدق واقرب النا ..اصدقاء النت ولا اصدقاءنا بالواقع؟؟
وانتي لو فرضنا انو بدك تعطي اسرارك لحدا من الاصدقاء لمين بتأمني اكتر لاصدقائك المقربين بالنت ولا بالواقع؟؟؟

7- بعتقد بوقتنا الحاضر كلنا منعرف انو الاصدقاء الحقيقيين قلال ... والغدر والجروح من الاصدقاء صايرة كتيرة.. فهلا تعرضتي لموقف غدر وجرح من حدا من اصدقاءك .. لو ايه ياريت تحكيلنا عن القصة ولو باختصار؟؟

لحد هلق هول يلي جايين ببالي .. مابعرف بس انشالله يكونو لذيذين متل يلي سبقوهن

بس الأكيد انو الي عودة

صببببباااااااااااااحك عسل ياسوسنتي القمر
يسعدلي صباحك ومسااكي أحلى نجوى
اول شي الحمدلله انو مااحرجتك باسئلتي السابقة
اي الحمد لله وفهمت من المقدمه الحلوه انو الإحراااج قااادم
تاني شي رح حط كم سؤال لليوم
اي حطي

1- هلق ع اعتبار انو كان في تلات اشخاص من المنتدى انحطو قبلك هالكرسي
واكيد كنتي مطلعة تماما ع الاسئلة يلي انطرحت عليهن
سؤالي هو : شو السؤال يلي سبق وانطرح ع واحد من يلي قعدو قبلك عالكرسي وكنتي خايفة او مش حابة ينطرح عليكي وشو هو ومين يلي طرحو؟؟
يي كتير اسئله بس لو شفت السؤال محطوط لي ما بتعرفي شو رح اعمل فيكي نجوى
في سؤال اجى لنضال سألو كولد فير السؤال هو التالي:
فيرست: مين اكتر واحد بتحبو بهالمنتدى
سكند:مين اكتر واحد ما بتحبو بهالمنتدى بس لا تقول انا حباب
بالنسبه لإسماعيل السؤال التالي وكان من رورو
شواكتر شي بيحرجك ؟؟
اما بالنسبه لسومر فتقريبا كل الأسئله اللي تمنيت ما تجيني اجتني
2- في سؤال كنتي بالفعل حابة تتنافشي فيه معنا وماحدا طرحو عليكي وشو هو؟
يعني نجوى ع اساس رح ساعدكم بالأسئله هيك
هلأ بجد ما كنت حاطه ببالي اسئله محدده وتقريبا الأسئله اللي اجتني ناقشت جميع الجوانب

3- لنو انا عم اسمع فيروز هلق .. اجا ببالي اسألك شو رأيك ب البوم فيروز الاخير وبصراااااااااااحة تامة ... وهل شفتيه زاد ع مسيرتها ولا ماالو اثر كبير .. وهل انتي مع يلي قالو ياريتها مانزلتو؟؟؟بس بصراحة وبلا مجاملة
هلأ انا حبيت الله كبير وقال قايل اكتر شي
بالنسبه ازا زاد ع مسيرتها او لا بعتقد وصلت فيروز لمرحله ما بتحتاج شي يزيد ع مسيرتها
اما بالنسبه لياريتها ما نزلته لو رح قارنه بأغانيها والبوماتها اللي قبل وكيف الفن كان زمان فرح كون معن
اما بالنسبه للالبوم بزمانا نحنا فهو جيد
وهل اجا دور الجد
يا عيني
4- هل انغدرتي سابقا من حبيب ؟؟
اي واللي بيقهرني كتير اني نسيت بهداك الوقت اسئل ليش
5- هل ياترى بعمرك حبيتي من طرف واحد .. وماكان في استجابة من الطرف التاني .. احكيلنا شوي عن هالقصة لو سبق وصارت بحياتك فعلا؟؟؟
هلأ حب من طرف واحد ما مريت فيه
6- بكامل الصراحة يلي عهدناها باجوبتك السابقة .. وبدون اي مجاملة والأهم بلا مراوغة ... مين برأيك وبقناعتك أصدق واقرب النا ..اصدقاء النت ولا اصدقاءنا بالواقع؟؟
والله نجوى صايره شاطره الشروط مدموجه مع السؤااال
سألتيني عن رأيي وقناعتي وانا رح جاوبك بصراحه وبدون مجامله ولا مراوغه
هلأ اصدقاء الواقع واصدقاء النت الفرق الوحيد بينن بنظري انو اللي بالحقيقه فيني شوفن وحس فين اما اللي بالنت بس بحس فين
واحكيلك شغله انا القصه معكوسه عندي
بالحقيقه عندي رفيقه حقيقيه وحده بس وبالنت عندي 2حقيقين
بجد انا ما بشوف في فرق بيناتن لان انا بشوف علاقتي بالعالم اللي بيتحكم فيها احساسي مو مكاني
وانتي لو فرضنا انو بدك تعطي اسرارك لحدا من الاصدقاء لمين بتأمني اكتر لاصدقائك المقربين بالنت ولا بالواقع؟؟؟
مافي فرق بيناااتن نجوى بما اني اعتبرتن رفقاااتي فرح يعرفوه بس رح يختلف وقت معرفتهم وهالشي بيحدده كتير شغلات
متل نوعية الموضوع بيفرح او بيدايق ونفسية الشخص اللي قدامي اكيد بتلعب دور كمان
وبقصد بنفسيته هون فرحان مدايق معصب مو رايق وهيك شغلات بس شي اكيده منو رفقاتي (سواء اللي بالنت او بالحقيقه)رح يعرفو الموضوع بالنهايه
7- بعتقد بوقتنا الحاضر كلنا منعرف انو الاصدقاء الحقيقيين قلال ... والغدر والجروح من الاصدقاء صايرة كتيرة.. فهلا تعرضتي لموقف غدر وجرح من حدا من اصدقاءك .. لو ايه ياريت تحكيلنا عن القصة ولو باختصار؟؟
هلأ غدر ما مريت بس جرح اي بتعرفي الصبايا انت
الجروح عندك كوكتيل بس ماعمرها صبيه جرحتني لدرجة اني ابكي غير وحده يمكن الموقف تعتبروه عادي
بس بالنسبه الي قضيت اسبوع نفسيتي بالمره بسببه
هاد يا ستي في وحده من رفقاتي بالمدرسه مستواها متلي تماما وهالشي طبيعي وما بيدايق حدا بس اللي بجد كان يدايقني نظرة الفرح وانها بتحسسك انها انتصرت بس جابت اعلى منك مو مشان شي بس لان ما بعمري تمنيتلها تكون اقل مني وماعندي مشكله تكون اعلى
ومره من المرات وقبل واحد من الاختبارات اللي كتير كنت شايله همه لأنو صعب
دعيت الله انو يارب جيب منيح وهي كمان تجيب منيح
واجى الاختبار والحمد لله ماحليت شي متأكده منه فبس خلصنا البنات بيسألو كيف وهي سألت قلت ماكتير منيح وقتها ضحكت وقالتلي الحمد لله انا حليت منيح قلتلها الحمد لله
ونزلت تحت وبكيت لشبعت
مو مشان شي بس بجد صعبه تتمنى الخير لحدا وهو ينبسط بس يسير معك شي هو ما بتمناه لحالوو
لحد هلق هول يلي جايين ببالي .. مابعرف بس انشالله يكونو لذيذين متل يلي سبقوهن
لزيزين وكتير هالمره

بس الأكيد انو الي عودة

بستنااااكي