۞۩۞ كرسـي الاعتـراف ۩۞۩ مع ...:::SOMAR:::... ۞۩۞

مين الشخص اللي ممكن تقول عنه قدوتك ؟

هل في يوم من الأيام تنازلت عن مبدأ من مبادئك وازا اي ليش؟

منور المنتدى احلى اخ سومر
والله اشتقنا لهالجمعة الحلوة

سؤالي:
_ لو قالك المصباح السحري اختار امنيتين شو راح تختار ؟


_ اذا كتشفت ان صداقتك مع انسان مزيف شو بتعمل ؟


_شو المواصفات لي بتتمناها بشريكة حياتك؟

بتمنالك التوفيق

مسا الخير للجميع..كيفك (سومر)
أنا حابي اسألك كم سؤال ::::::::
1-بتحب تسافر لأجل العمل إما بتفضل تشتغل ببلدك؟؟
2-ممكن تشتغل بغير مجال دراستك ؟
3-شو أكتر أكلة بتحبها؟؟
4-شو أكتر شي بدايقك بالحياة ؟
5-وعندي سؤال بيخطرلي من زمان وهو إنو كيف كانت فكرة المنتدى وكيف بدايتو؟؟
6-وشو شعورك لما بتشوف الاعضاء عم يكتروا ويزيدوا يوم بعد يوم؟؟
7- صحي قديش مواليدك؟؟
-مارح كتّر عليك أسئلة.. بس بتمنالك التوفيق بالمنتدى وبحياتك يارب..

سومر هون وانا مابعرف يا باطل
بس لكان ياعمي ماحدا بيذكرني
ما حا لحا وماحا بيحب حا
لا عم امزح
اول شي اشتقنالك سومر طولت الغيبه انشالله يكون خير
تاني شي بعرف اني انا كمان عم طول الغيبه بس ظروف
اما هلأ ف مارح بلش بالاسئله لسا في جلسه اخرى
لان عم اطبخون لاسئلتي منيح

بالتوفيق عالكرسي سومر

أنا ما بس بتمنى , أنا بدي أتعرف على سومر شخصياً
وبعد العيد (لأني عندي سفرة قريباً عالشام) أكيد رح حاول نلتقي
وأتشرف بمعرفتك وجهاً لوجه أبو السوس الغالي

أسئلة خاصة فيك كشخص :
1- كل واحد فينا عندو ايجابيات وعندو سلبيات بشخصيتو
قلنا شو هي النقاط الايجابية والسلبية اللي بتشوفها بحالك ...
2- هل إنت بتشتغل شي بالحياة غير الدراسة هلق أو من قبل ؟
3- الله أعطانا كتير من النعم وما زال ...
قلنا شو أكتر نعمة بتشكرو عليها ( فينك تذكر أكتر من نعمة ) 
أسئلة عن المنتدى :
1- هل يترتب عليك أي مسؤولية (بصفتك مسؤول عن الموقع) إذا حدا من الأعضاء
خبص شي تخبيصة وما تم حذفها بالوقت المناسب ؟ أو هو بيتحمل نتيجة كلامو؟
2- شو بكون شعورك وقت اللي بيحتد النقاش بموضوع حساس ( أياً كان نوعه ) ؟
وكيف بتتعامل مع الموضوع , يعني بتفضل تكون عالحياد (كونك المدير)
أو بتفضل تقول رأيك وتاخد موقف مع أحد الأطراف ؟ أو حسب الموضوع ؟

مين الشخص اللي ممكن تقول عنه قدوتك ؟
ما حدا
هل في يوم من الأيام تنازلت عن مبدأ من مبادئك وازا اي ليش؟
اي والله للأسف بسبب الحب ومتل ما بتعرفي يضرب الحب شو بزل


سؤالي:
_ لو قالك المصباح السحري اختار امنيتين شو راح تختار ؟
وحدة ما بقدر قولها و التانية لاقي شغل بحبووارتاح فيه طول عمري

_ اذا كتشفت ان صداقتك مع انسان مزيف شو بتعمل ؟
بخفف علاقتي معو ما بقطعها بس بيطلع من حياتي بشكل الصداقة

_شو المواصفات لي بتتمناها بشريكة حياتك؟
يكون قلبها طيب بريئة بس مو غبية ..أنوثة .. أخلاق...تحبني على الحلوة و المرة

أنا حابي اسألك كم سؤال ::::::::
1-بتحب تسافر لأجل العمل إما بتفضل تشتغل ببلدك؟؟
بحب سافر و بعدها ارجع اعمل مشروعي الخاص
2-ممكن تشتغل بغير مجال دراستك ؟
طبعا ممكن اذا كانت شغلة بحبها
3-شو أكتر أكلة بتحبها؟؟
كوسا محشي ههههه
4-شو أكتر شي بدايقك بالحياة ؟
الخيانة
5-وعندي سؤال بيخطرلي من زمان وهو إنو كيف كانت فكرة المنتدى وكيف بدايتو؟؟
هي رابط كل القصة وما فيها
https://lattakia.ahladalil.com/montada-f39/topic-t636.htm
6-وشو شعورك لما بتشوف الاعضاء عم يكتروا ويزيدوا يوم بعد يوم؟؟
كتير بنبسط متل لما انتي تشتغلي شغلة وتنجح وخاصة الناس يحبوها
7- صحي قديش مواليدك؟؟
88

شكرا لكل اللي استفقدولي وانا كمان اشتقتلكن
وبالتوفيق الكن كمان

وانا بتشرف اكتر اسماعيل الغالي
انشالله منلتقي قريبا

أسئلة خاصة فيك كشخص :
1- كل واحد فينا عندو ايجابيات وعندو سلبيات بشخصيتو
قلنا شو هي النقاط الايجابية والسلبية اللي بتشوفها بحالك ...
السلبية هي العصبية و الدخان وما كتير بحب احكي بحب اسمع و اني بسامح كتير
الإيجابية انو قلبي طيب هيك بحس ومنيح كشخص
2- هل إنت بتشتغل شي بالحياة غير الدراسة هلق أو من قبل ؟
اي بشتغل اي شي لطلع مصروفي
3- الله أعطانا كتير من النعم وما زال ...
قلنا شو أكتر نعمة بتشكرو عليها ( فينك تذكر أكتر من نعمة )
اني دخلت فرع بالجامعة بحبو
وأهلي بخير وسلامة وعلاقتي فيهن كويسة
والله بعتلي رفقات كويسين
أسئلة عن المنتدى :
1- هل يترتب عليك أي مسؤولية (بصفتك مسؤول عن الموقع) إذا حدا من الأعضاء
خبص شي تخبيصة وما تم حذفها بالوقت المناسب ؟ أو هو بيتحمل نتيجة كلامو؟
اذا كانت الشغلة جدية وبتأثر على ناس خارج المنتدى طبعا بتحمل مسؤولية اذا ما حذفتها بوقتها
واذا كلام مسيء بتحمل مسؤولية اني ما حذفتو بالوقت المناسب بس الشي المنيح اني بقدر حملو مسؤولية للشخص اللي كتبو عالمزبوط
2- شو بكون شعورك وقت اللي بيحتد النقاش بموضوع حساس ( أياً كان نوعه ) ؟
وكيف بتتعامل مع الموضوع , يعني بتفضل تكون عالحياد (كونك المدير)
انت ضربت على الوتر الحساس الصراحة لأنو في كتير مواضيع بحس انو ما لازم اتدخل فيها لأنو رح انحط بموقف اكيد انت بتعرفو
بس في مواضيع ما بقدر اجباري بدي شارك بالنقاش ومع ذلك لازم التزم بموقعي
أو بتفضل تقول رأيك وتاخد موقف مع أحد الأطراف ؟ أو حسب الموضوع ؟
احيانا كتير بيعجبني رأي حدا وبوافقو عليه واذا كان الموضوع حساس كل انسان الو رأيو اكيد

عدنا سومر ..
شو اخبار نتائجك اليوم ؟؟

شايف انا شو اسئلتي ظراف ؟؟

heyy


my questions is :

1- tell us the name of 3 girl who you fall in love with ?


2- if you want to write a letter for these girls what you would tell them ?

3- are you in love these days ? is she one of these 3 girls ?

4-what are you thinking now ??? hehehh

5-if you know that you just have one day in your life what you will do? ..whom you will talk to ? and what you will say to them ?

سومر إن شاء الله ماتلاقي الا الخير وعاقد طيبتك

بس في نبرة حزن واضحة بكلامك او باسلوبك

سؤالي

-اديش بتأثر عليك المواقف السلبية او المحزنة؟ واديش بدك لتنساها؟

-شو نقطة الضعف عندك؟

شو اخبار نتائجك اليوم ؟؟
والله يارورو بعد اللي ترفعنا ما سألت بقا عن النتائج ليش نزل شي جديد ؟
شايف انا شو اسئلتي ظراف ؟؟
لك انتي كلك ظريفة مو بس اسألتك

1- tell us the name of 3 girl who you fall in love with ?

اكيد ما رح قول
2- if you want to write a letter for these girls what you would tell them ?
انا اسف اذا أذيت وحدة فيكن
واللي قطعتلي بنصيبي الله لا يقطلعها بنصيبا
3- are you in love these days ? is she one of these 3 girls ?
لأ
4-what are you thinking now ??? hehehh
بهالأسئلة الرائعة هههه و المحرجة
5-if you know that you just have one day in your life what you will do? ..whom you will talk to ? and what you will say to them
بتزوج اللي ببالي إجباري عنها


سومر إن شاء الله ماتلاقي الا الخير وعاقد طيبتك
الله يسلمك يارب وانتي كمان


بس في نبرة حزن واضحة بكلامك او باسلوبك

سؤالي

-اديش بتأثر عليك المواقف السلبية او المحزنة؟ واديش بدك لتنساها؟
جدا - بدي كتير لأنساها وخاصة اذا كانت غدر أو خيانة
ما بنساها بعمري
-شو نقطة الضعف عندك؟
طيبة قلبي و استغلوها كتير عالم ما بيستاهلوها

وعدنا مره تانيه

سومر
اختار 3 اعضاء واوصفلي كيف بتتخيلن ؟ طبعا مافيك تحكي عن نضال ابدا

ممممممم شو بتعنيلك هالشغلات

الليل:

المنتدى:

الحلم:

الشوق:

الأنثى:

سومر:


هيك بيكفي لهلأ واكيد لي عوده

اختار 3 اعضاء واوصفلي كيف بتتخيلن ؟ طبعا مافيك تحكي عن نضال ابدا
لك ليش ما فيني احكي عن نضاااااااااااااااال ليششششششششش ههههه
اول شي سوسن بتخيلك بنت ناعمة وما كتير طويلة
مدمنة نجوى شكلها كلو سبور و بتحب الحركة
رورو شعرها اسود
لك شو هالسؤال هاد يعني معقول حدا يتخيل شكل التاني شو علم غيب هههه
ممممممم شو بتعنيلك هالشغلات

الليل:
بحبو كتير لأنو فيه هدوء و بخليني فكر على رواق
المنتدى:
من أحلى الأشيا اللي عملتها
الحلم:
ما كتير بيعنيلي
الشوق:
عذاب
الأنثى:
ليست كل فتاة انثى لهيك هاد جزء أساسي بالبنت
سومر:
منحوس



1- الغيرة شعور موجود بحياتنا كلنا , شو هو الشي اللي بخليك تغار من شب أو رجل متلك ؟
ما كتير عندي هالقصة بس بشكل عام اذا بيوم من الايام ارتبطتت وحبيبتي عجبها شي شغلة بشب اكيد رح حاول كون متلو وأحسن
2- هل رأي العالم اللي حولك فيك بهمك وبأثر عليك ولا أبداً وما بتعطيه أي أهمية ؟
طبعا بهمني جدا مشان حسن بشخصيتي
3- هل إنت شخص بحب الفضفضة ولا كتوم نوعاً ما ؟ وليش ؟
نص على نص يعني احيانا بتصير مع الواحد قصص اي بينفجر اذا ما حكاها لرفقاتو
4- الاعتذار شي مانو سهل بس لما بكون غلطان فالاعتذار بخليني كبير بعين الطرف الآخر ؟؟؟ عطيني رأيك بهالحكي ...
ما بهمني كون كبير بعين الطرف الآخر بقدر ما بهمني اعرف وين غلط ووين لازم اعتذر
وهالشي بزيد من احترامي لنفسي قبل كل شي
5- إنت بالنهاية انسان, وإذا بيوم من الأيام حسيت بالملل من المنتدى وقلب عقلك منو ؟؟؟
شو بكون مصير المنتدى وكيف بتتصرف ؟؟؟
خلص ما بقى في شي اسمو شخص واحد قلب عقلو من المنتدى
هالمنتدى مو إلي لحالي يعني حتى لو مليت او قلب عقلي صار المنتدى للكل متلي متل غيري بمل ببعد بحبو برجعلي
غير هيك مالي صلاحية


1) اذا كانت عندك ورقه فاضيه شو اكثر شي تحب ترسمه عليها وليش
وجه الإنسانة اللي بحبها لأنو أحلى شي بينرسم ( وانا شاطر بالرسم)
2) قطار حياتك الى اين يتجه
والله شايفلك انو هالقطار بدو يطلع عن السكة بالأخير
3) شخص في حياتك تحس انه مظلوم
رفيقي ( الحياة ظلمتو وهو ما بيستاهل )
4) حقيبة اسرارك عند من تودعها
كمان رفيقي
5) احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت
ممكن وانا جربتها فترة منيحة شي سنة

6) أين تأخذك ذروة الغضب و كيف تعبر عنه
والله أصعب شي العصبية لأنو بتخلي الواحد يعمل شغلات يندم عليه
بعبر عنو بالتكسير

7) متى يعاندك النسيان
لما بنجبر اتذكر الأشيا الحلوة اللي عملها الشخص اللي ما عم اقدر انساه
8) هل حدث أن انتصرت على نفسك يوما وأحصيت عيوبك
اكيد ما في انسان كامل بس بشكل عام بحس اني صرت بعرف عيوبي منيح بعد هالعمر وعديتن اي

9) متى يقسو قلبك
غدر - خيانة - كذب

10) متى تخجل من نفسك
لما بظن بإنسان شي و هو بيطلع شي تاني تماما

11- ماهو الطلب الملح الذي تطمع به من أسرتك ولم يتحقق حتى الآن
ما كتير بطلب منن اذا بدي شغلة انا بسعالها بذاتي
_ لو خيروك بين حبيبك وبين اعز صديق فمن تختار ؟12
أعز صديق

هل تعتقد ان حظك سيئ ؟13
جدا جدا جدا جدا جدا جدا جدا جدا

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟14
للأسف إي بس لفترة معينة و طلع منها... وبندم كتير
ماالذي يلفت انتباهك بسرعه في الشخص لكي تعجب به ؟15
إذا شب أخلاقو و احترامو
وإذا بنت طيبة قلبها وإذا قلبها عميق أو لأ ( إذا فهمتي قصدي)
عاده تفعلها دائما تتمنى ان تتركها ؟16
الدخان

بهنيك على هالخطوة الناجحة في صنع منتدى
خطوة حلوة وناجحة كتير والاعضاء مميزين وناجحين
مدمنة نجوى فكرة كتير حلوة وذكية بهاي اللعبة الاعضاء بيتعرفو على بعض وبيتقربو اكتر
وبيشرفني وجودي بيناتكن ولو اني مابطل كتيربسبب الظروف
عفوا للإطالة
* سومر مين من الاعضاء المميزين بالمنتدى ولي الهن اكتر مشاركة وتواجد وظل حلو؟

*لفت انتباهي /مدين _ آية _ سوسن _ نضال _ مدمنة نجوى/

حابي تحكيلي رأيك بهالاشخاص؟

*متى يمكن أن ترد ثقتك بالانثى بما انك بتقول انك فاقد الثقة فيهن؟

* سومر مين من الاعضاء المميزين بالمنتدى ولي الهن اكتر مشاركة وتواجد وظل حلو؟

نضال - اسماعيل - سوسن - رورو - مدمنة نجوى - اية - مدين - وانتي اكيد

*لفت انتباهي /مدين _ آية _ سوسن _ نضال _ مدمنة نجوى
حابي تحكيلي رأيك بهالاشخاص؟
مدين ما كتير عرفتو بس مبين عنو شب اكابر جدا
آية كتير انسانة حساسة وبتعامل الكل متل اخواتها
سوسن اكتر انسانة عندها مشاعر و قلبها طيب كتير و بتحب وبتعطي بدون مقابل
نضال شب اكابر كتير و عندو أخلاق و تواضع
مدمنة نجوى
رائعة بكل معنى الكلمة وشخصيتها كتير حلوة وبحب طريقة معاملتها لرفقاتها كتير
*متى يمكن أن ترد ثقتك بالانثى بما انك بتقول انك فاقد الثقة فيهن؟
والله الصراحة ما بتوقع ترد ثقتي فيهن مع انو في بنات بينحطو عالجرح بيطيب بس انا منحوس والله ما وفقني بهاد النوع
لأنو الشي البينكسر ما بيتصلح

كان بودي كتير شارك بس للاسف الاخ سومر هو بالنسبه الي ((؟))

ومابعرف شو بدي اسأله بس بشكرك على جمعتنا

او يمكن من كتر الاسئلة والله مابعرف

طييييييييييييييب سؤال بسيط

شو الشي اللي ممكن يخليك تندم على هالمنتدى وتأسيسه؟

وشكرااااااااااااا وقعده مرييييييييييييحه

سلاااااااااااماااااااااااااااااااااااااتو

ورجعنا للمره اللي مابعرف كم
ســومــر
هل في بحياتك حدا فيك تحكي عنه توأم روحك؟ ازا في احكيلي عنه شوي

شو رسالتك بهالحياه ولمين بتوجهها؟؟

شو اكتر شي بتخاف منه؟؟

مين الشخص اللي صعب تحكيلو لا او ما بتقدر تحكيلو لا ؟ ما تحكيلي ماما وبابا

بس هيك بيكفوو لهلأ وحرجع مره تانيه اكيد

ولا يهمك وردة بالعكس هو كل هالقصة مشان نتعرف على بعض اكتر

شو الشي اللي ممكن يخليك تندم على هالمنتدى وتأسيسه؟

مافي شي بالعالم بخليني اندم وبالنهاية شو ماصار بكون الانسان عمل شي بحبو واتعرف على ناس متلكن


هل في بحياتك حدا فيك تحكي عنه توأم روحك؟ ازا في احكيلي عنه شوي
أي في ... يعني متل شو بدي قلك
اذا مثلا عامل شغلة او بدي قول شغلة مافي داعي احكيها الشخص التاني فورا بيفهم هيك شي
شو رسالتك بهالحياه ولمين بتوجهها؟؟
رسالتي انو الإنسان قادر على كل شي
متل ما قادر يحب قادر يترك ومتل ما قادر ينجح قادر يفشل
المهم بالنهاية الخيارات
لهيك صحي اليأس ما منو مهرب بس لازم بعد اليأس يكون في شي مهم
على قولة هديك الجملة إن الموسيقا تجعلنا تعساء بشكل افضل
شو اكتر شي بتخاف منه؟؟
اني كون فاشل
مين الشخص اللي صعب تحكيلو لا او ما بتقدر تحكيلو لا ؟ ما تحكيلي ماما وبابا
والله هي شخصة مو شخص لو بتطلب عيوني بعطيها بدون ما قول ليش

باك للمره العشرطعش

ســــومر

اممم هل في سؤال حابب تسأله لحدا من الأعضاء وفي شي بيمنعك تسأله؟؟

شو الإسم اللي بتحسه قريب من قلبك ؟ >>>>ما تحكيلي اسم شب

لو قلتلك اهدي كل صبيه مرت بحياتك اغنيه شو رح تهديهم؟

كيفك حبيب ما رح تقل عليك كتير هني سؤالين ما في غيرن

1. بالمستقبل بس يصير عندك اولاد انشالله شو هو الشي اللي ما بتحب يورثوه منك ؟طبعا ما فيك تقول الدخان

2. اذا كنت عم تتابع مباريات الريال السنة شو رأيك بمستواه الحالي؟

تحياتي

ممم هل في سؤال حابب تسأله لحدا من الأعضاء وفي شي بيمنعك تسأله؟؟
لا مافي شي محدد
شو الإسم اللي بتحسه قريب من قلبك ؟ >>>>ما تحكيلي اسم شب
ريمي
لو قلتلك اهدي كل صبيه مرت بحياتك اغنيه شو رح تهديهم؟
وحدة ما بقاش أنا لأصالة
ووحدة ياحب لبارود
وحدة تعب المشوار لوفيق


1. بالمستقبل بس يصير عندك اولاد انشالله شو هو الشي اللي ما بتحب يورثوه منك ؟طبعا ما فيك تقول الدخان
طيبة القلب الزايدة لأنو بهالزمن اللي ما بكون حربوق ما بيمشي حالو
2. اذا كنت عم تتابع مباريات الريال السنة شو رأيك بمستواه الحالي؟
والله شغلة عظيمة و مورينيو عمل العجايب والتكتيك اللي بيعملو أثناء المبارة و التبديلات بتوقع فيها ذكاء رائع وانشالله منفرح فيه يارب


1- لو وقفت ع شباكك حمامة وكان معها رسالة .. من مين بتتمنى تكون هالرسالة وشو بتتمنى يكون مكتوب فيها؟؟
من وحدة .. يكون مكتوب فيها .. ارجاع
2- انت بتغلب الدمعة ولا الدمعة بتغلبك؟؟
بغلبها
3- لو بايدك ترجع الزمن لأي لحظة بترجعو وليش؟؟؟
برجعو للطفولة لأنو مابقى في شيء بريء بتوقع
4- شو أسوء خبر سمعتو بحياتك وشو هو احلى خبر ؟؟؟
أسوأ خبر لما توفى عمي الله يرحمو و أحلى خبر إني صرت رابعة ههه
5- لو معك مليون دولار ع شو ممكن تصرفو؟؟؟
بروح بتزوج فورا وطبعا أهلي وصحابي ألهن النص
6- كيف بتنظر للحياة بشكل عام؟؟
صعبة .. قاسية .. حلوها بمرها ... بدها قلب قوي ... ونفس طويل
7- شو هي نقطة ضعفك؟؟؟
طيبة القلب
8- مين اكتر شخص بتحسو بيخاف عليك ومين هو اكتر شخص بتخاف انت منو؟؟؟
بخاف عليي بتوقع وحدة ... بخاف منو مافي حدا
9- مين هو مثلك الاعلى بالحياة؟؟
لا يوجد
10- شو هو الشي يلي ندمت انك عملتو؟؟
سامحت كتير
11- شو هي الكلمة يلي قلتها بموقف ما واتمنيت لو تقدر تسحبها؟؟
مسبة طلعت مني بلحظة غضب تجاه بنت ... كانت عاملة شي ما بتخيلو تعملو..واعتذرت عليها بس ضليت على موقفي
12- مين هو الشخص يلي دائما بتحلم فيه؟؟
وحدة
13- مين الشخص يلي ماممكن تسامحو؟؟
وحدة
14- مين هو الشخص يلي غير مجرى حياتك؟؟؟
وحدة
15- شو هو الحلم يلي بتحس انو مستحيل تحققو؟؟
إني أوصل للسعادة اللي بحلم فيها ... بس أنا منحوس و مستحيل تكمل معي بعمرها
16- لو فرضنا انو المنتدى باخرة وغرقت ومعك قارب يوسع بس خمس اشخاص معك مين تختارهن ..بدي اسماء ماتقلي الكل؟؟
بنط وبغرق حالي لأنو الغرق أسهل من الاختيار بهيك مواقف ههه
17- شو الاغنية يلي اول ماسمعتها حسيت انها مكتوبة الك ؟؟؟؟
خاينة مدري وين كاينة لمروان خوري ههه
18- انا عندي سرال بسأل عنو كل الناس ونفسي اعرف جواب جازم بس لحد هلق كل شخص بيجاوب بطريقة مختلفة ونفسي اعرف رأيك فيه وهو:
هل ياترى يوجد في الحب شيء يسمى كرامة ولا انت مع مقولة لاكرامة في الحب\؟؟؟
كل شيء مباح في الحب و الحرب

مرحبااااا
كيفك؟؟
سومر

ما الحب إلا للحبيب الأولِ شو رأيك بهالموضوع؟؟

لو طلبنا منك تكتب رساله لشخص بحياتك بغض النظر موجود او ماعاد موجود
شو رح تكتب له ؟