۩۞۩ كرسـي الاعتـراف ۩۞۩ مع Nedalo ۩۞۩

نجوى

اقتباس :

- بدي اعرف الاسم الثلاثي ابو النضل

اسمي نضال و من عيلة معروفة ما فيني حط الاسم الثلاثي لاعتبارات امنية

اقتباس :

- مكان الاقامة (مابيمشي معي بالعموم لا بالتفصيل هههههههههه

اللاذقية - استراد الثورة - تاني دخلة عاليمين بعد الجنائية تفضلو زورونا أمانة

اقتباس :

كم مرة حبيت بحياتك بس حب حقيقي طبعا

حب حقيقي مرة وحدة و حب مو حقيقي شي 5 او 6 و الله ابتذكر

اقتباس :

اي انسان او انسانة ندمان لأنك خسرتن

صراحة ما بندم عخسارة صداقة او حب حدا لأنو اللي بخسرو او بيخسرني معناها في شي كبير و ما بقا بيناسب حدا التواصل

اقتباس :

شو سبب خسراتك للانسان او الانسانة يلي خسرتن

مواقف عديدة بينت كل شخص عحقيقتو و كشفت المستور

رورو
متخافي عليي يا جبل ما يهزك ريح

اقتباس :

احكيلنا بالتفصيل عن اكتر موقف محرج بحياتك و لهلق كل ما بتتذكرو بتنحرج

مرة كنت بالمدينة الرياضية عم علم شب السواقة عسيارتو و بالصدفة شفت بنتين حلوين راجعين من مسبح المدينة فبيجي عمك ابو النضل و بيحط ايدوعخدو و بيقول للبنتين تقبرو قلبي مأحلاكن و بيضحكولو و بهي اللحظة و ايدي كانت عخدي فجأة جمدت بمكانها و انسحبت شوي شوي و اذا بوحدة فيهن بتطلع من الأقرباء وكان الي فترة طويلة مو شايفها و بيصير وجهي متل حبة البندورة

امممممممممممممممم وانا قاعده وملانه
قلت لفوت اسئل نضالو كم سؤال
بعرف نفسك تقلي براااا بس مافيك

نضالو
شو الكلمه اللي مستحيل تنساها ومن مين؟
وكمان
شو الهديه اللي كتير بتعنيلك ومن مين كانت؟

اقتباس :

شو الكلمه اللي مستحيل تنساها ومن مين؟

ما في شي معين

اقتباس :

شو الهديه اللي كتير بتعنيلك ومن مين كانت؟

دب ابيض و احمر بعيد ميلادي من الحبايب القديمين

احلى نضالو
سؤالي:
كم هو طول نضالو بالتمام و كم هو وزنه و ما هو هدفه الاساسي في الحياة
و ايمت اخر مرة ضربك احد والديك (الله يخليلك ياهن) و لماذا؟؟؟؟؟؟؟؟

و الله يعينك عهالكرسي

دارك الغالي

اقتباس :

كم هو طول نضالو بالتمام و كم هو وزنه و ما هو هدفه الاساسي في الحياة
و ايمت اخر مرة ضربك احد والديك (الله يخليلك ياهن) و لماذا؟؟؟؟؟؟؟؟

يا سيدي طولي 186 و وزني 83 كغ و هدفي الحالي خلص دراسة و كفي ماجستير و صير دكتور بالجامعة أو مدير شي شركة اضرب و اطرح

آخر مرة اكلت قتلة من الوالد كانت بالصف العاشر لاني كنت عم العب طابة مع الشباب بالحارة و كان عندي فحص و ماني عم ادرس

بصراحة ما قدرت شوفك عالكرسي وما اسلخك شوي نضالو

1- كام مرة حكيت مع بنت و هي اللي أنهت العلاقة يعني بالعربي (( قحطتلك )) ؟؟؟
2- شو بتعنيلك كلمة (( اعتذار )) وين هي بقاموس حياتك ؟ يعني هل بتعتذر اذا غلطت بحق حدا وشو بكون شعورك ؟؟؟
3- في واحد بالمنتدى اسمه (Isma3el) , شو رأيك فيه ؟؟؟ بدون مجاملة واذا بتكذب هو رح يعرف ورح يقول ل نجوى تقعدك ع كرسي الكهربا

اقتباس :

بصراحة ما قدرت شوفك عالكرسي وما اسلخك شوي نضالو

جايي دورك بعدي

اقتباس :

- كام مرة حكيت مع بنت و هي اللي أنهت العلاقة يعني بالعربي (( قحطتلك )) ؟؟؟

مرة وحدة

اقتباس :

شو بتعنيلك كلمة (( اعتذار )) وين هي بقاموس حياتك ؟ يعني هل بتعتذر اذا غلطت بحق حدا وشو بكون شعورك ؟؟؟

هلق بالنسبة الي الاعتذار دائما موجود بحياتي لما بغلط مع حدا و بصراحة بقولها بكل قوة و ثقة و بعترف اني غلطت اذا غلطت و بعد الاعتذار بحس حالي معتدل و مبسوط كتير لانو كلمة الاعتذار بتكون علمتني وين انا غلطت منشان اتلافى الغلط مرة تانية

اقتباس :

في واحد بالمنتدى اسمه (Isma3el) , شو رأيك فيه ؟؟؟ بدون مجاملة واذا بتكذب هو رح يعرف ورح يقول ل نجوى تقعدك ع كرسي الكهربا

هههههههه لاااا الا كرسي الكهربا
اسماعيل انا ما بعرفو شخصيا بس صراحة بحسو لما بيحكي كأني أنا عم احكي و صار كأخ الي وشو بدي قول عنو يعني شب واعي و عندو طموح و فهمان و بحس بالناس و بيكشفهم بسرعة و الأهم من هادا كلو رحابة صدرو و تقبلو للآخرين و خفة دمو يعني باختصار استااااااذ

نضالوووووووووووووو أنا جيت و أجا دوري وياويلك من دوري
أولاً شو هي نقطة ضعفك لا تقول مافي كلنا عنا نقطة ضعف؟
تانياً برأيك الحب الأول ممكن ينسى وشو كان عمرك لماحبيت حب حقيقي؟
تالتاً بتنقل بالأمتحان وإذا اي ولا تقول لأ بكام مادة ؟
رابعاً الرجاء وصف شكلك بالتفصيل؟
هدول بس مقبلات وسأعود بالوجبة الرئيسية :*358*:

انشالله بتتحقق امانيك و بتصير دكتور بالجامعة
بس بشرط ما تكون متل دكاترة هالايام

و سؤالي:
قديش معدل نضالو؟؟

ليك قال اسماعيل ما صدقك وبدو يخلي نجوى تجيب كرسي الكهربا
عم امزح لا تخاف نضالوووووو

سؤالي :
هل تبكي أحياناً ؟؟؟ واذا كان جوابك نعم , بدي تذكرلي شو الحادثة اللي خلتك تبكي ؟؟؟؟؟ وهل برأيك عيب على الرجل أن يبكي , حتى لو كان لوحده ؟؟؟ 

سويتي

اقتباس :

أنا جيت و أجا دوري وياويلك من دوري

أهلا وسهلا باللي جاي و يا مرحبا باللي جاي

اقتباس :

شو هي نقطة ضعفك لا تقول مافي كلنا عنا نقطة ضعف؟

البنت الحلوة يلي عيونها خضر

اقتباس :

برأيك الحب الأول ممكن ينسى وشو كان عمرك لماحبيت حب حقيقي؟

الحب الحقيقي أكيد لا ينسى و كان عمري 19 لما حبيت عنجد

اقتباس :

بتنقل بالأمتحان وإذا اي ولا تقول لأ بكام مادة ؟

أكيد لاء حتى لو صرلي لأني اذا ما كنت قد الفرع يلي داخلو شو فوتني عالجامعة

اقتباس :

الرجاء وصف شكلك بالتفصيل؟

الطول 186
الوزن 83
اللون ابيض بس صاير برونز عالبحر
العيون أخضر من هدول يلي بحبن قلبك
الشعر اشقر بس بيصير شوي اسود عالجيل

هيكتور الحبيب

اقتباس :

قديش معدل نضالو؟؟

السنة الاولى 54 " />
السنة التانية 60 " />
السنة التالتة و الله ما بتنحسب لشيل كل المواد

اسماعيل
بااااااااطل , و الله ليك بالنسبة الي بكي الرجال عوفاة صديق او حدا قريب أكيد لازم يبكي بس بكي من نوع تاني و الله مثلا تركتني حبيبتي و ابعرف شو اي اكيد لاء ما ببكي حتى لو كنت بحبا مووووت
بس بتعرف شو احيانا نتيجة الوحدة يلي عشتا فترة حس حالي بدي ابكي بس فورا ثور على حالي وقول (ولاااااك انت رجال ولاك و الرجال ما بيبكي ) قوم بطل ابكي

و برأيي اللي بدو يبكي يبكي قدام الناس كلا بس انا ما رح ابكي

رجال ولا نضال
برافووووووووووووووووووو نضالو
المهم انك ما بتفوت بالحيط اذا تركتك شي وحدة
وبتبلش تغني لهاني شاكر سبتيني ليه

و الله ابطيقو لهاني شاكر قال شو تخيل كل ما انحبط عاطفيا اقعد اندب حظي و وقف عالأطلال

وبااااااك للمره العشرطعش
نضالو
حبيت رجعك لايام المدرسه
فــــ
طالبي النجيب قم بتعريف ما يأتي تعريفا من منظورك الشخصي:
المرأه:
الإنترنت:
نضالو:
الحلم:
الأمل:

اقتباس :

طالبي النجيب قم بتعريف ما يأتي تعريفا من منظورك الشخصي:

المرأة : كائن لطيف بطبعو يستحق الاهتمام و احد اهم اركان الحياة الضرورية

الانترنت : بحر يمكن للجميع رؤيته و لكن لا يمكن للجميع الغوص و التمتع بروعته (خاصة اذا كان الاتصال dial up)

نضالو :متل كتيرين :موهبة ضائعة

الحلم : ومضة سريعة بامكان البعض الاستفادة منها بمحاولة قلبها لواقع و بالنسبة الي محور حياتي

الأمل : في بعض الأحيان قد يكون هو السبب باستمرار حياتنا و اضفاء رونق لطيف عليها من خلال التلذذ بذكراه العذبة بعد زمن

سوسنة

شو رأيك يا نضالو بكلمة قناعة وهل هي برأيك مهمة بحياة أي شخص مع التحية

طايش

اقتباس :

شو رأيك يا نضالو بكلمة قناعة وهل هي برأيك مهمة بحياة أي شخص مع التحية

القناعة برأيي امر مهم جدا لنتابع حياتنا بشكل طبيعي و بدون منغصات
يعني كتيرين عندهن امور صعبة بحياتهن بس في فرق بين يلي بيكون قنوع و ما بيأثر سوء احوالو على نفسيتو و بين يلي بيعاني من هالشي مقارنة مع الناس و لهيك القناعة كنز لا يفنى و الثقة بالنفس جزء منها

مشكور طايش

سلام ابو النضل
كيف الكرسي معك ليوم ؟!
طيب معلم فيك تجاوبلنا على كم سؤال ؟
-شو الأكلة المفضلة عندك؟ والرقم المفضل عندك ؟والبرنامج المفضل ؟

-اذا جرحك شخص هل تبادر بالانتقام ؟

-دعوة صادقة من أعماق قلبك لمن تهديها ؟

-شخص تحتاج لقربه الآن منك ؟

اقتباس :

سلام ابو النضل
كيف الكرسي معك ليوم ؟

و الله رواق لعادة

اقتباس :

طيب معلم فيك تجاوبلنا على كم سؤال ؟

تفضلي خيتو تفضلي نحنا هون لنجاوب

اقتباس :

شو الأكلة المفضلة عندك؟ والرقم المفضل عندك ؟والبرنامج المفضل ؟

الأكلة المفضلة المقلوبة من تحت ديات الميمة و الله غير شكل
و الرقم المفضل 12
البرنامج المفضل : وادي الذئاب و 24 عالأكشن و بريزن بريك كمان عالاكشن بس هلق ما بقا عم يطلع و برامج متل دكتور فيل عالام بي سي ون و هي شو اسما هي السودة ولو اممممممممم اوبرا اوبرا و من سيربح المليون و من البرامج يلي ما بطيقها لانو كلها جلاقة هادا لووووول

اقتباس :

اذا جرحك شخص هل تبادر بالانتقام ؟

و الله من فترة صار معي هيك موقف مع شخص فيكي تعتبري الانتقام فيه قليل و كنت بدي انتقم بس قلت لا عيب منشاني مو منشانو

اقتباس :

دعوة صادقة من أعماق قلبك لمن تهديها ؟

دعوة لمسؤولي مدينة اللاذقية بالالتفات لأكبر وجع عنا و هو شواطئ لأهل اللادقية الشباب (لأنو ما شاء الله كلو صار عائلات ) لانو وصلنا لمرحلة صار ابن دير الزور و حلب مبين عبشرتو انو من اللادقية اكتر مننا طبعا مع الاحترام للجميع

اقتباس :

شخص تحتاج لقربه الآن منك

لا أحد

آية

نضالو لبين ماتتلبى دعوتك ما إلك إلا تروح مع روح مع العائلة
وبالنسبة للوجبة الرئيسية بعتذر كتيييير لأنو حضرتك الوجبة الرئيسية عنا لليوم
وسؤااالي إلك مين أكتر بنت لفتتلك نظرك بالجامعة وإذا محرج تقووول اسما فينك توصف شكلا
كيفك بهالسؤااال

اي نضالو ..قلتلي قدها ما هيك ؟؟؟ يا حرام اسة ما انهريت ..

سؤالي انا : بصراحة ..ما قلت ما اغلظها نجوى من وين طلعت بهالفكرة العبقرية هلق ؟؟؟ :suspect:

سويتي

اقتباس :

وبالنسبة للوجبة الرئيسية بعتذر كتيييير لأنو حضرتك الوجبة الرئيسية عنا لليوم

و بالله كيفا هالوجبة عجبيتك و لا لااااا

اقتباس :

مين أكتر بنت لفتتلك نظرك بالجامعة وإذا محرج تقووول اسما فينك توصف شكلا

امممممم و الله في اكتر من وحدة الاولى بالانكليزي مدري اي سنة شقرا طويلة و جسيمة و شعرا سبل و كل العالم بتعرفا و التانية طويلة و نحيفة و بيضا و شعرا اسود سبل عيني ربا مأحلاها


رورو

اقتباس :

بصراحة ..ما قلت ما اغلظها نجوى من وين طلعت بهالفكرة العبقرية هلق ؟؟؟

هئ بالعكس كتير فكرة حلوة لأنو مو بس انا رح اقعد عهالكرسي

سلامات ابو النضل كيف الهمة
سؤالي
-شو أغلى ماتملك ؟

-ذكرى لاتنساها ؟

-كيف بتعبر عن غضبك ؟ وكيف بتعبر عن فرحك ؟

اقتباس :

سلامات ابو النضل

اقتباس :

شو أغلى ماتملك ؟

الأهل والطيبة و محبة الناس

اقتباس :

ذكرى لاتنساها ؟

ستي الله يرحمها كيف كانت تعتني فينا لما نروح لعندا و كل ما واحد دخل بدها تطعميه غصبا عنو الله يرحمها و يحسن اليها كانت مثال يحتذى بالكرم و محبة الناس

اقتباس :

كيف بتعبر عن غضبك ؟ وكيف بتعبر عن فرحك ؟

الغضب : بعبر عنو بالعصبية و الصوت العالي و اذا تطور الموضوع بال

اما الفرح : بالضحكة الدائمة يلي ما بتفارقني و اذا في شي حفلة او لمة شباب بشي سهرة محترمة بالرقص و الدبك و الغني صحي و الله انا بغني سمعي هالصوت لقللك ( نااااااطرك سهراااااااان بضو القمر , بتذكر البسماااات و ليااااااالي السهرررررر كيييف ؟؟؟)

اي نضال عندي الك 3 اسئلة ..
اول سؤال : كم مرة تمنيت لو يكون عندك اخ ؟؟؟

السؤال التاني : يا ترى في شي شخص كنت بتتمنى لو انو ما كان موجود بحياتك ؟؟؟

تالت سؤال: شو رأيك فيني ؟؟مع العلم انا روحي رياضية يعني ما بزعل فيك تحكي اللي بدك ياه ..