۞۩۞ كرسـي الاعتـراف ۩۞۩ مع ...::: آيــــــــــــــة :::... ۞۩۞

لكن هيك بيصير فيهون لي بيسألوكي آية affraid
والله مادعيت والله

-الهوايات ؟
كرة الطائرة والمطالعة وبكتب خواطري

-أجمل سنوات مرت عليك؟
الصف 11 وبالجامعة السنة التانية

-اجمل بلد زرتها ؟
هو بعدني مازرت بلاد
بس ان شاء الله حاطة ببالي امارات والمانيا وهولندا

-ماهو لونك المفضل ؟
الازرق والاخضر

-ماهي حكمتك بالحياة ؟
كل الحكم عبر وبنأمن فيها
(عامل الناس كما تحب ان يعاملوك)

-فنانك ومطربك المفضله؟
هو بالوقت الحالي ما بنحدد المطرب بنحدد الغنية
بس بحب اصالة ونانسي عجرم وشيرين وعبد الحليم ووائل جسار


-آخـــر شخـــص تتـــذكــــره قبـــل أن تنـــــام؟!؟
مافي قاعدة يعني مشكل
لاني قبل مانام بفكر بيومي شو عملت وشو اخترعت


-مـوقـــف صــدمــك ولــن تنســــاه؟!؟
في وحدة رفيقتي شفت منها كتير اشيا بس كنت بلفلفلا ياه
بس سمعت عم تحكي عني كلام بجد انصدمت (لانو كلام كذب وتبلي)


- غرق المنتدى ومعك قارب مايشيل الا ثلاثه من تاخذ معك ؟
بعيد الشر
اكيد الكل بيعرفو السباحة
ويلي مابيعرف يركب انا ما بسأل حدا لاني بجد ما فيني اترك حدا

بيكفو هدول اي
لاني يمكن انشغل وما اقدر ادخل لهيك بحبحتلك ياهن

بتمنالك كل التوفيق يارب

مالنا فيا المهم هلق الحمدلله مرقت ع خير
معك حق وان شاء الله سلامتك


1- شو هي نغمة موبايلك يلي حاططتيها هلق؟؟؟
شو قيمة النظرة لوائل كفوري

- هل بتغيري رنة موبايلك كتير وشو هي أكتر نغمة طولت ع موبايلك كنغمة؟؟؟
أنا بحب النغمات اكتر من الاغاني (غنية وائل بتطول فيها النغمة لهيك حطيتها )
ما بغيرها كتير
اكتر نغمة طولت (سوليدا)

- شو اسم أكتر شخص بسجل المكالمات عندك؟؟؟
بس انتِ ما بتعرفيون
رفقاتي بشكل عام


4- وشو هو اسم أكتر شخص بسجل الرسائل الواردة والصادرة يلي عندك؟؟؟
ماعديتون
بس اكتر شي من ابن خالي وبنت عمتي


5- شو صورة الخلفية يلي حاططتيها ع موبايلك ... وهل حطيتي شي مرة صورة فنان ومين هو؟؟؟
صورة ولاد خيي
لا فنانين ما بحط (بحط صور ورود او منظر مرتب او ولاد صغار)

شوفي لقلك انا عرفت من ردودك انو بتكرهي كتير الحرشية هلق بعرف انو اسئلتي حشرية بس خفاف
بجد اسئلتك مميزين وظراف نجوى
وكتير حبيت هالاسئلة
نورتي ياعمري

الصراحة ما بعرف شو بدي اسأل بعد هالجرائد
وصعب ارجع اقرا كل شي
بس عندي سؤال
انتي اجتماعية هيك بحياتك متل بالمنتدى
لأنو خزاة العين ما في حدا غير اللي وبيحترمك و بقدرك وطبعا انا منن

الصراحة ما بعرف شو بدي اسأل بعد هالجرائد
اهلا وسهلا باحلى مدير وينك والله اشتقنالك
الف الحمد لله على سلامتك
نورت الموضوع والله

وصعب ارجع اقرا كل شي

انتي اجتماعية هيك بحياتك متل بالمنتدى
لأنو خزاة العين ما في حدا غير اللي وبيحترمك و بقدرك وطبعا انا منن
شو اخ سومر حسد ولا ضيقة عين
الحمد لله أنا بحس شي لي بيخلي الاعضاء يتفاهمو معك ويحبوك هو انك تكون على طبيعتك
وما تمثل وتكون صادق بمشاعرك وتعاملك وكلامك

بيشرفني هالشي والشعور متبادل اكيد وكلك زوء
نوووووووووووووووووووووووورت

هاي آية
أول شي بدي قلك الله يفك أسرك عن هالكرسي
اسف عالأسئلة الكتيرة بس طمني بالك ما عندي غيرهم لهيك ما رح ارجع اسألك مرة تانية (كيفك فيا).
إذا حسيتي انو في شي سؤال مزعج الك ما في داعي تجاوبي عليه.

- شو هو آخر كتاب قرأتيه وأيمت؟

- شو هي الحيوانات اللي بتحبيها؟

- لوين كانت احلى رحلة طلعتيها بحياتك؟ومع مين؟

- إذا عرفتي انو حدا من اصدقائك أو معارفك سرق منك شغلة،شو بتكون ردة فعلك؟

- إذا انعزمتي على حفلة تنكرية بشو رح تتنكري؟

- شو هي الشغلات اللي بتكرهيها بجامعة تشرين؟

- شو أكتر مادة كنت تكرهيها بالمدرسة؟وشو أكتر مادة كنت تحبيها؟

- عنا بالأدب الانكليزي في مواد بيكون الامتحان فيها عبارة عن سؤالين كل واحد منهم 50 علامة، هالشي موجود عندكم بالعربي؟وشو رأيك بهالطريقة ؟

- بما انو بلش العد التنازلي لسنة 2010 شو بتحبي تقوليلها وهي رايحة وكمان شو بتقولي لسنة 2011 ؟

- شو هو اليوم اللي بتحبي انو يتكرر ؟ وشو اليوم اللي بتتمني ما يجي متلو؟

- لمين بتقولي تضرب ما أغلظك؟

- لمين بتقولي اطلع من حياتي؟

- شو اعلى علامة أخدتيها بالجامعة؟

- شو أكتر فيلم اجنبي حبيتيه؟

- مين أصعب اسئلة الأعضاء ولا أسئلة الامتحان؟

- لو افترضنا انو شخصيات الكرتون التالية أعضاء بالمنتدى مين من الأعضاء رح يكون:
ساسوكي - غرانديزر - توم & جيري - ماوكلي - طمطوم - المحقق كونان - ساندي بيل - أليس في بلاد العجائب - فلة - داي الشجاع - روبن هود - كابتن ماجد - السيدة ملعقة.

هااااااااااااااااي !!كيفك؟؟
اشتقتلك والله

-كلمة تودين سماعها كل يوم؟!؟

-مين اقرب شخص الك من العائلة؟

-صفة ما بتحبيها بالبنات؟

-شو رأيك فيني <<بصرااااااااااحة>>؟

-شو رأيك بالحب؟

-شو احلى هدية وصلك لهلا؟ومن مين؟

-آية معاملتك واسلوبك وتفاهمك مع الاعضاء شي كتير حلو ولافت؟
هل انت هكذا في حياتك الاجتماعية والجامعية؟

-بتمنالك كل التوفيق والله يزيد محبينك يارب

ايوش بصرااااااااااحة
مين اكتر شخص بتكرهي بحياااااااااااااااتك

هاي آية
أول شي بدي قلك الله يفك أسرك عن هالكرسي
هايات ياغالي
كلك زوء

اسف عالأسئلة الكتيرة بس طمني بالك ما عندي غيرهم لهيك ما رح ارجع اسألك مرة تانية (كيفك فيا).
والله الحلو بالكرسي اني بتبادل شخصيا مع الاعضاء الغالين وبتقرب منكن اكتر

إذا حسيتي انو في شي سؤال مزعج الك ما في داعي تجاوبي عليه.
كلك زوء ومفهومية والله اروع سيرجيو

- شو هو آخر كتاب قرأتيه وأيمت؟
رواية "الشاهد" قبل سنة
بس الكتب الخاصة بالمنهاج ودراستي مجبورة ضل اقراهن

- شو هي الحيوانات اللي بتحبيها؟
الفراشة بموت فيها والسمك والحصان

- لوين كانت احلى رحلة طلعتيها بحياتك؟ومع مين؟
عالعين ديوار (منطقة بعد رميلان)مع رفقاتي بالمدرسة والاساتذة

- إذا عرفتي انو حدا من اصدقائك أو معارفك سرق منك شغلة،شو بتكون ردة فعلك؟
اكيد رح انصدم بس مافيني احكي شي
ولابد يجي يوم وتنكشف لحالها

- إذا انعزمتي على حفلة تنكرية بشو رح تتنكري؟

والله مابعرف

- شو هي الشغلات اللي بتكرهيها بجامعة تشرين؟
الموظفين واسلوبون والنظافة بشكل عااااااااااااااام

- شو أكتر مادة كنت تكرهيها بالمدرسة؟وشو أكتر مادة كنت تحبيها؟
كنت بكره الاجتماعيات كتير وبحب الانكليزي
والرياضيات بالاعدادي

- عنا بالأدب الانكليزي في مواد بيكون الامتحان فيها عبارة عن سؤالين كل واحد منهم 50 علامة، هالشي موجود عندكم بالعربي؟وشو رأيك بهالطريقة ؟
لا تشكيلي ببكيلك
ما هاد لي قاهرنا ولي بيرسبنا كتير
لانو حتى لو جاوبنا على سؤال واحد مارح ننجح اكيد رح يلاقولنا خطأ املائي او بالترقيم

- بما انو بلش العد التنازلي لسنة 2010 شو بتحبي تقوليلها وهي رايحة وكمان شو بتقولي لسنة 2011 ؟
بدي قول2010 مع الف سلامة ومالقيت فيها شي حلو الا اني تعرفت عليكن
2011 ان شاء الله عوض فيها كل شي قصرت فيه ب2010 ولاقي الخير الي والكن يارب

- شو هو اليوم اللي بتحبي انو يتكرر ؟ وشو اليوم اللي بتتمني ما يجي متلو؟
وقت بتجتمع فيها العائلة كلون وايامي بالسكن مع اروع رفقات
يوم لي ودعت فيها رفقاتي بالجامعة وبالسكن (خصوصا اغلبهن تخرجو)

- لمين بتقولي تضرب ما أغلظك؟


- لمين بتقولي اطلع من حياتي؟
مافي حدا

- شو اعلى علامة أخدتيها بالجامعة؟
93

- شو أكتر فيلم اجنبي حبيتيه؟
ملك الخواتم وافلام الرعب بشكل عام(مع اني بموت من الرعبة)

- مين أصعب اسئلة الأعضاء ولا أسئلة الامتحان؟
2 بس ان شاء الله ما تطلع متل نتائج الامتحانات

- لو افترضنا انو شخصيات الكرتون التالية أعضاء بالمنتدى مين من الأعضاء رح يكون:
والله سؤال غريب وصعب وحلو بس لا حد يزعل مني
ساسوكيعصام
غرانديزر دوفان
توم & جيري انت ودبدوب
ماوكليعلاء
طمطوم نضال
المحقق كوناناسماعيل
ساندي بيل سوسن
أليس في بلاد العجائب لوليتا
فلة رورو
داي الشجاعكولد فاير
روبن هوددارك هكتور
كابتن ماجد اكيد الكابتن سيرجيو
السيدة ملعقة

نوووووووووووووورت سيرجيو

هااااااااااااااااي !!كيفك؟؟
اشتقتلك والله
القلوب عند بعضها

-كلمة تودين سماعها كل يوم؟!؟
كلمات الرضا بشكل عام

-مين اقرب شخص الك من العائلة؟
امي وتقريبا الكل

-صفة ما بتحبيها بالبنات؟
المياعة الزايدة والاضافر الطوال والملونين

-شو رأيك فيني <<بصرااااااااااحة>>؟
بصراحة استغربت من كم الاسئلة لي سألتيني وخصوصا انك ما كتير بتترددي عالمنتدى
بس انا حبيتك كتير وحبيت اهتمامك الي وبشكرك من كل قلبي عن جد
ومافي احلى منك بتجنني والله

-شو رأيك بالحب؟
عطر ولون وطعم الحياة

-شو احلى هدية وصلك لهلا؟ومن مين؟
دبدوب كنت بحبو كتير
تفاجئت لما هدتني ياه بنت عمي بعيد الحب

-آية معاملتك واسلوبك وتفاهمك مع الاعضاء شي كتير حلو ولافت؟
هل انت هكذا في حياتك الاجتماعية والجامعية؟
الحمدلله اي بحياتي الاجتماعية وبالسكن
بس بجو الجامعة ما بيعرفني غير يلي بيتعامل معي

-بتمنالك كل التوفيق والله يزيد محبينك يارب
آآآآآمين يارب
وتسلميلي ياعمري وربي يخليلي ياكي ويوفقك

ايوش بصرااااااااااحة
مين اكتر شخص بتكرهي بحياااااااااااااااتك


بصراحة بصراحة

في شخص معنا بالكلية مابطيقو (مايع كتير ولو)

نورتي لولي

شكرا كتير كتير لكلامك الحلو
والله حبيت المنتدى من حبي الك وتشجيعك للاعضاء بشكل عام

آخر سؤال بدي ريحك مني

مين بتشكري اكتر شي من الاعضاء

اسئلة اي عضو كانت مميزة

حبيت سؤال سيرجيو آخر شي كتير وبضيف على هالشخصيات
سبايدر مان _ لولو كاتي _ سندباد_ كابتن رابح _ زهرة البراري _ زورو

هذه المرة باااااااااااااااااااي
بالتوفيق

هاااااااي أيوش القمر
اليوم عندي سؤال واحد وكل فترة سؤال لأنو عنجد لايمل من الدردشة معك ولا في أحلى من التعرف على شخصية متلك
سؤالي
ياترى لو كنت بتحبي شخص كتير وبعد فترة بيقلك لازم نترك وفجأة اكتشفتي انو خطب رفيقتك شو ردت فعلك؟

شكرا كتير كتير لكلامك الحلو
الحلو وجودك ونورك ياعمري

والله حبيت المنتدى من حبي الك وتشجيعك للاعضاء بشكل عام
البركة بكل الاعضاء ياعمري وشكرا للطفك وزوءك

آخر سؤال بدي ريحك مني
ولو ياعمري انت منورة اكيد وانا برتاح بشوفتك

مين بتشكري اكتر شي من الاعضاء
أكيد صاحب الفكرة والشخص لي جمعنا والو الفضل الاكبر
المدير سومر
بشكرو من كل قلبي وبتمنالو التوفيق والهنا يارب وان شاء الله يتوفق بكل شي
متل ما توفق ونجح بالمنتدى والله يحققلو لي ببالو يارب
وبشكر كل الاعضاء لتواصلون وروحن الحلوة
وبشكرك انتِ لانك حسستيني باهتمامك واعجابك الي كل الشكر حياتي

اسئلة اي عضو كانت مميزة
والله كل الاسئلة كانت متنوعة وكلها كانت مميزة وحلوة و

حبيت سؤال سيرجيو آخر شي كتير وبضيف على هالشخصيات
اي والله سؤال مميز وعجبني
سبايدر مان مدين
لولو كاتي فوليت
سندباد حمشو
كابتن رابح قمر الزمان
زهرة البراري وردة تشرين
زورو عبوووود


هذه المرة باااااااااااااااااااي
بالتوفيق
هلا حياتي
ونورتي انت واسئلتك
موفقة يااااااااااااااارب

هاااااااي أيوش القمر

هايات ياعمري

اليوم عندي سؤال واحد وكل فترة سؤال لأنو عنجد لايمل من الدردشة معك ولا في أحلى من التعرف على شخصية متلك
تسلميلي يا اصل الزوء والله خجلتوني بلطفكن وانا بموووت فيكن يا اروع ناس
يلا مابقالي غير يومين

ياترى لو كنت بتحبي شخص كتير وبعد فترة بيقلك لازم نترك وفجأة اكتشفتي انو خطب رفيقتك شو ردت فعلك؟
اول شي هاد الشخص ما بيعرف لا شوالحب !ولا بيعرف يحب!
اكيد بلاقيه انسان تافه وكذاب لانو لي بيحب مابيقول بدنا نترك ..
واذا رفيقتي كانت بتعرف بموضوعي (هو الزواج نصيب)لازم تقدر ظروفي وتحاكيني
وتتفاهم معي احتراما لمشاعري ولصداقتنا وتقديرا الي.

والانسان الخاين او لي مابيسأل عن مشاعروجرح غيرو بحياتو مارح يرتاح او ينبسط
(وكما تدين تدان)

منورة الموضوع حياتيViolet

مساء الخير والانوار باحلى آآآآآآآآآآآآآيوش

شو هاااااااااااااد والله استغربت من كم الاسئلة ماشاء الله

مابعرف شو اسئلك وبعدين ليش ضلولك يومين ما انتي قعدتي باخر الاسبوع

-باليوم كم ساعة بتدرسي؟

-بتحبي مين من الممثلين؟

-اكتر منتدى بتشاركي فيه؟

-شو اكتر طبخة بتنجح معك ؟

-اطيب نوع من الفواكه عندك؟

تصبحي عالخير

آيـــة و الله اسة حابة اسألك كم سؤال بس ما عم يطلع معي شي .. ما شالله الاعضاء ما تركوا سؤال الا و حطولك ياه ..لهيك حابة بس قلك انك نورت الكرسي و الله يفك اسرك ..

ماوكليعلاء
عنجد آيـــــــــة شو عرفك أنا بحب الطبيعة كتير وبقضي تلث أرباع وقتي بالطبيعة(بالجبال)
منشان هيك بدي سألك عن علاقتك بالطبيعة
كيف المزاج بحري...جبلي.............
ــ لو عطيتك ريشة سحرية وطلبت منك ترسمي لوحة للحياة ...كيف بكون رسمك؟

مساء الخير والانوار باحلى آآآآآآآآآآآآآيوش
مساء الفل والخير على احلى حمودي

مابعرف شو اسئلك وبعدين ليش ضلولك يومين ما انتي قعدتي باخر الاسبوع
لا ولو الكرسي صالح ليوم الجمعة فقط وبعدين ما ضل اسئلة تسألوها

-باليوم كم ساعة بتدرسي؟
أنا مافيني ادرس ساعات متواصلة (يعني يوم كامل) بس لما بيبلش الجد بدرس وبنهي الواجب
يعني باليوم الكامل 4 او 5 ساعات او حسب الكم الي بحددو

-بتحبي مين من الممثلين؟
عابد فهد ونضال سيجري وبسام كوسا وعبد المنعم وعباس النوري
امل عرفة ونبيلة النابلسي (الله يرحمها)

-اكتر منتدى بتشاركي فيه؟
حالياً جامعة تشرين ومنتديات جنون الحب (لاخ نجوى قيس)

-شو اكتر طبخة بتنجح معك ؟
لاني بحب المقلوبة والمحاشي فبحب اطبخون

-اطيب نوع من الفواكه عندك؟
التفاح بحسو فاكهة ضرورية ومميزة
الرمان والدراق

تصبحي عالخير
تلاقي الخير ياااااااااارب

مرحبا ايوشة كيفك قلت لازم الحقيك بكم سؤال لكون راح الوقت تقريبا على كرسي الاعتراف وسؤالي هو انتي لكونك من الاعضاء المحبيبن بهاد المنتدى هل هاد الشي لها تأثير على علاقتك مع اسرتك وكيف بتحاولي تحقيق التوازن بين المنتدى والاسرة هو سؤالي حشري شوي بس أنا حابة استفيد وشكرا الك حبيبتي

هههههههههه
عجبني سؤال سيرج كتيييييييييييير (اخر واحد)

اقتباس :

طمطوم نضال lol!

ضحكتني اكتر شي ههههههههههههه

سؤالي شو اللي خلاكي تقولي عني اليس في بلاد العجائب؟؟؟؟؟؟

كيفك ايوووووووووش
ايمت آخر مرة بكيتي وليش
اذا كنتي ماشية بالطريق وطرقتي بحدا مو بقصدك وقام هالحدا عصب وصار يعيط شو بتعملي
تصبحي على خير

سؤالي هو ايمت آخر مرة شربتي فيها أرجيلة وشو كانت النكهة؟
سؤال سخيف من عضو أسخف بعرف...

رورو
آيـــة و الله اسة حابة اسألك كم سؤال بس ما عم يطلع معي شي .. ما شالله الاعضاء ما تركوا سؤال الا و حطولك ياه ..لهيك حابة بس قلك انك نورت الكرسي و الله يفك اسرك ..

تسلميلي يا اصل الزوء والكرسي كان منور بتداخل اروع واعز اخوة واصدقاء

الله لا يحرمني منكن يارب

والله يساعدك وقت تقعدي محلي

عنجد آيـــــــــة شو عرفك أنا بحب الطبيعة كتير وبقضي تلث أرباع وقتي بالطبيعة(بالجبال)

والله احساس

منشان هيك بدي سألك عن علاقتك بالطبيعة
كيف المزاج بحري...جبلي.............

والله بحب طبيعة الغابات والاخضرار اكتر شي

ــ لو عطيتك ريشة سحرية وطلبت منك ترسمي لوحة للحياة ...كيف بكون رسمك؟
بالعادة برسم بحر وشمس بتغرب وبجعات بتطير فوق البحر

نورت اروع علاء (ماوكلي)