۞۩۞ كرسـي الاعتـراف ۩۞۩ مع ...::: آيــــــــــــــة :::... ۞۩۞

حبيت شارك وما حبيت لأنو شفت ضغط الأسئلة وقلت الله يكون معك
تسلميلي يارب وكلك زوء نورتي حياتي


شو نظرتك لعلاقة الحب بالزواج وشو أهم الأمور اللي ما ممكن تتنازلي عنها بشريك حياتك
والله روز انا مابحب اتزوج عن حب لانو بالحب في كتير تضحية وتنازلات
حتى في شغلات غلط او عادات صعبة مو واضحين او ما بنلاحظون بالشخص لكتر حبنا الو
الامور الي ماممكن اتنازل عنها اكيد الكرامة وعزة النفس واحترام اهلي

نورتي روز

كيفك اليوم ان شاء الله هضمتي اسئلتي ؟؟

- هل انغدرتي سابقا من حبيب ؟؟

-اخر مرة اكلتي قتلة ؟ وايمتى كان؟ وليش ؟

-- ما ردة فعلك عندما تعلمين ان حبيبك تكلم مع فتاة غيرك ؟

- هل النت يؤثر على علاقاتكي بالناس ؟

يلا هدول مقبلات

كيفك اليوم ان شاء الله هضمتي اسئلتي ؟
ولو حمودي اسئلتك بتنهضم لحالها

- هل انغدرتي سابقا من حبيب ؟؟
بعيد الشر (لا الحمد لله)

-اخر مرة اكلتي قتلة ؟ وايمتى كان؟ وليش ؟
اي لا شوهاااااد ولو ضروري الفضايح
كنت بصف الخامس ضربني البابا كف ولهلا صوت الكف بادني وبضل بذكرو لبابا
(بيقول شو ما بتذكّر)
السبب : وقعت اختي الصغيرة عالدرج بسببي مع انو البابا حزرني " />

- ما ردة فعلك عندما تعلمين ان حبيبك تكلم مع فتاة غيرك ؟
هون بقا بشوف نوع الحكي والسبب وبعدين بقرر

- هل النت يؤثر على علاقاتكي بالناس ؟
بصراحة نعم
لاني حاليا كتير بقعد عليه لانسى حالي (رسوبي) وحتى لما بقعد مع لي حواليي بحكيلون
عن المنتدى
فبيقولولي اني متغيرة كتير بس عم خففا بهاي الفترة بفتح المنتدى وبقعد معهن

يلا هدول مقبلات
معليش عيني مقبلات بيكفو شبعت مابدي شي غيرو

هلا والله باحلى حمودي

ايوشتي الغالية ... انا متابعة ياعمري بس بصراحة ماكنت قادرة اكتب لأني سافرت وضربتني سيارة واجت الضربة ع ايديي ورجليي ... وهاااااااااد الشي يلي ريحك مني


بصراحة تفاجأت بكمية الاسئلة يلي هالة عليكي ياااااااااااااااالطيف بس الله يبارك ويزيد


بس رح قلك انو ميرسي ع ذوقك ولطفك بكل مرة بيسألوكي او بتذكريني فيها عنجد كلك ذوق

حالياً الضربة اثرت ع افكاري الشريرة وماخاطر ببالي ولا سؤال


بس رح علق ع سؤالي يلي سبق وجاوبتي عليه

انا سالتك عن المثلية وهالمرض المنتشر هالايام

بس هلق يلي بدي أعرفو .. لو فرضنا انو فجأة اكتشفتي انو وحدة من رفقاتك المقربات نوعا ما مثلية .. فشو موقفك منها وهل بتكملي صداقتك معها وهل رح تتغير نظرتك الها وكيف صارت؟؟؟


وانشالله ألي عودة مع شوية اسئلة ظراف

الحمدلله على سلامتك نجوى .. انشالله ما على قلبك شر ..

شو مشانك آيـــه
شغاله دعاوي ع الصبيه
ســـــلااااااامتك نجوى ماتشوفي شر حيااتوووو
وانت ايه عقاب الك
جاوبي ع الكم سؤال اللي هون

هلأ انا عم بنطر يسير عمري 20 ليش مابعرف سؤالي
شو اهم الأشياء اللي صارت معك بس صار عمرك 20 سنه؟
كيف بتوصفي سن العشرين؟؟

احكيلي شو نظرتكك لآيه؟

وسؤالي اللي سألته لأغلب اللي قعدو ع كرسي الإعتراف
اختاري 3 اعضاء واحكيلي كيف بتتخيلي شكلن؟؟

اممممممممم هدلون اللي خطرو ع بالي واكيد لي عوده

ايوشتي الغالية ... انا متابعة ياعمري بس بصراحة ماكنت قادرة اكتب لأني سافرت وضربتني سيارة واجت الضربة ع ايديي ورجليي ... وهاااااااااد الشي يلي ريحك مني
طلعي عالاشارة منيح لما تقطعي الشارع
ما على قلبك شر حياتي والف الحمد لله على سلامتك يارب
بلعكس انا مبسوطة كتير بشوفتك نجوى الغالية والله نورتينا

حالياً الضربة اثرت ع افكاري الشريرة وماخاطر ببالي ولا سؤال
ولو نجوى خليكِ مرتاحة مابدنا غير سلامتك


بس هلق يلي بدي أعرفو .. لو فرضنا انو فجأة اكتشفتي انو وحدة من رفقاتك المقربات نوعا ما مثلية .. فشو موقفك منها وهل بتكملي صداقتك معها وهل رح تتغير نظرتك الها وكيف صارت؟؟؟
هو بكل الاحوال رح كون حريصة ودير بالي
موقفي رح يتوقف على تصرفاتها وطريقة تعاملها واسلوبها يعني ممكن تكون عم تتشبه
او مجرد نزوة وبدها شوية استشارة اكيد مارح اتركها هيك بدون نصائح
والحمد لله في دلائل دينية ومرضية واخلاقية فيني اقنعها فيها وبحاول اتفاهم معها
اذا حسيتها عم تتجاوب بكمل معها طبعا مع مراقبة تصرفاتها مع لي حواليها كمان
واذا حسيتها شاذة ومافيني عليها ببعد عنها اكيد وبحزر غيري كمان..
وإن شاء الله ما نواجه هيك شخصيات

وانشالله ألي عودة مع شوية اسئلة ظراف
بس ديري بالك على حالك اي

الحمدلله على سلامتك نجوى .. انشالله ما على قلبك شر ..

شو رورو من ايمتى صايرة حنونة والله ماعرفتك

طيب سلمي علينا سلام

هو بكل الاحوال رح تقعدي عالاكرسي الاختناق ان حنيتي ولا لا

هاي آيوووش
كيف حالك
كنت برحلة قصيرة
وحبيت جبلك هدية
1- الرسوب حاليا ممكن يكون عامل للنجاح أو سبب للأحباط؟
2- الملل بالنسبة إلي هو مرض ...كيف ممكن تعالجيه؟
3-أكثر قسم ضمن المنتدى بشدك؟
4-إنتي ذكرتي إن عزة نفسك قوية...هالشي ممكن يقلل من علاقاتك مع الآخرين؟
5-كيف بتقيمي حاك كسيدة منزل؟
6- شي ممكن تحسي حالك بتحتاجيه ...وأنتي عندك نقص منه؟
7-لما بتشوفي موقف غلط ...شو ممكن تتصرفي(تتجاهلي أو تحاولي تصلحيه)؟
8-النت شو بيعنيلك(مادة للتسلية أو ........أنتي حددي)؟
9- قتل الوقت (شو ممكن تعنيلك هالكلمتين)
نشاء الله تعجبك هالهدية

شو مشانك آيـــه
شغاله دعاوي ع الصبيه
أنــــــــــــــــــــــــــــــــا
ليش صار بكمبيوترك شي (لا سمح الله )

وانت ايه عقاب الك
جاوبي ع الكم سؤال اللي هون
لك يا بنت الحلال (المجني عليه) مسامحتنا شوبدك انتِ

هلأ انا عم بنطر يسير عمري 20 ليش مابعرف سؤالي
شو اهم الأشياء اللي صارت معك بس صار عمرك 20 سنه؟
هو كلنا دائما كان بدنا نوصل للعشرين لانو بنحس وقتها كبرنا وصار النا هيبة وكلمة بين العالم
صرت شوف حالي كبيرة كتير والي كلمتي وصرت دلل الاولاد
(قال يعني عم اتعاطف مع الاصغر مني)
والاحلى الاحلى ازداد مصروفي وخرجيتي
بس عن جد الواحد بيحس انو صار مسؤول عن حالو وعن تصرفاتو وبيصيرراكز اكتر
وصار وقت يثبت حالوويحسس اهلو انو نصائحكن وكلامكن بجد صارت حلقة بادننا
وخصوصاً اني دخلت جو الجامعة والسكن وصرت بعيدة عن اهلي

احكيلي شو نظرتكك لآيه؟
انسانة بتجنن
اي شو بدي قول كل شي عني كتبتو وما بعرف شو بدك
كان رح اسألك من الايميل لقيت ايميلك مسكر


وسؤالي اللي سألته لأغلب اللي قعدو ع كرسي الإعتراف
اختاري 3 اعضاء واحكيلي كيف بتتخيلي شكلن؟؟
الاعضاء لي الون صورة عالفيس شفتون لهيك مارح اوصفون
سوسن : سمرة حلوة طول وسط ضعيفة وكتير بتنق لتاخد لي بدا ياه ومتسرعة
ومهضومة

هكتور : بما اني شايفة اخوه فبقول طول وسط ابيضاني او حنطي فاتح جسم وسط ولون الشعر
اسود وهادي كتير بس بالبيت مالو علاقة بالهداوة

رورو :والله اشتهيت شوفك عاقد ما حكولي عنك
بيضة حلوة وطول وسط مابعرف اذا محجبة وجسم تحت الوسط خجولة وهادية مابتدخل بغيرها


اممممممممم هدلون اللي خطرو ع بالي واكيد لي عوده
شو اخبار دراستك قلتيلي ايمتى الفحص

مرحبا ايوشة كيفك حبيبتي اشتائتلك كتير واشتائت للمنتدى وهي الدنيا دوارة وصرتي على كرسي الاعتراف حابة اسألك سؤال أكيد انتي لما دخلتي الجامعة كان حلم بالنسبة الك وأكيد الي ولغيري هلئ كيف بتحكلي عن حياتك الجامعية بعد الفترة يلي بقيتي فيها وكيف بتحكلي عن الحياة ما بعد الجامعة لكونك أكيد راح الكتير وما بقي إلا القليل مراسي الك

هاي آيوووش
كيف حالك
كنت برحلة قصيرة
وحبيت جبلك هدية
لك الف الحمد لله على سلامتك والله اشتقنالك
بجد استفقدنالك
بس ما فهمت حبيت تجبلي هدية؟؟ يعني ما جبتها
الاسئلة مادخلها

1- الرسوب حاليا ممكن يكون عامل للنجاح أو سبب للأحباط؟
اكيد عامل للنجاح ان شاء الله
وبصراحة انا كنت حابة ارسب لاني وصلت لمرحلة ما بقى بقدر استوعب فيها
واعصابي تلفو بس اكيد الرسوب شي بشع كتير وصعب نهضمو

2- الملل بالنسبة إلي هو مرض ...كيف ممكن تعالجيه؟
اكيد الملل شي بشع وبيأثر عالنفسية اذا ما تعالجت
انا بالبيت ما بحس بالملل ابدا لوجود احلى ملاكين اولاد خيي الصغار والي جمهوري هون
بس بالجامعة بمل من دراستي لاني بشتاق لاهلي وللولاد فبروح عالانترنت او بحاكيهن عالموبايل

3-أكثر قسم ضمن المنتدى بشدك؟
هو مو القسم بيشدني الموضوع هو لي بيشدني

-إنتي ذكرتي إن عزة نفسك قوية...هالشي ممكن يقلل من علاقاتك مع الآخرين؟
مو يقلل علاقتي بس بيتحسسو مني

5-كيف بتقيمي حاك كسيدة منزل؟
الحمدلله بحس اني قادرة اتصرف بشؤوني واتفاهم مع لي حواليي
هو لاني تاني بنت بالبيت لهيك اندمجت بالمسؤولية شوي

6- شي ممكن تحسي حالك بتحتاجيه ...وأنتي عندك نقص منه؟
الجرأة (لاني كتير بخجل )

7-لما بتشوفي موقف غلط ...شو ممكن تتصرفي(تتجاهلي أو تحاولي تصلحيه)؟
اذا فيني صلحو اكيد بحاول وما بترك الغلط
اما اذا مافيني صلحو ما بتجاهلو بس بستنى الفرصة لي تخليني اتفاهم مع لي غلط

8-النت شو بيعنيلك(مادة للتسلية أو ........أنتي حددي)؟

هو كوني بدخل للمنتديات كتير فباخد منها الفائدة والتسلية
وكتير بتصفح بعالم الامراض والادوية لحتى فرح ستي وامي فيهن وما يبهدلوني

9- قتل الوقت (شو ممكن تعنيلك هالكلمتين)
شبك علاء والله فضحتنا
انا اي بتلاقوني كتير عالمنتدى بس بكون عم اشتغل عالكمبيوتر بغير شي
(قتل الوقت) الندامة والركض وراء الواجبات لحتى نوصللها
وبنوصل بالوقت اللغير مناسب

نشاء الله تعجبك هالهدية
عقبال ردلك ياها بالافراح اخي علاء

مرحبا ايوشة كيفك حبيبتي اشتائتلك كتير واشتائت للمنتدى
وينك والله اشتقتلك كتير طولتي الغيبة ولووووووووووو
والمنتدى اكيد اشتاقلك ومنور بوجودك

وهي الدنيا دوارة وصرتي على كرسي الاعتراف
ولو حبيبتي ماهي بعدها عم تدور ديري بالك

أكيد انتي لما دخلتي الجامعة كان حلم بالنسبة الك وأكيد الي ولغيري هلئ كيف بتحكلي عن حياتك الجامعية بعد الفترة يلي بقيتي فيها وكيف بتحكلي عن الحياة ما بعد الجامعة لكونك أكيد راح الكتير وما بقي إلا القليل مراسي الك
والله حياة كتير حلوة وبدها مين يعرف يعيشها
بيتغير كتير اشيا معك سواء نظرة الناس واحترامون او افكارك ومعتقداتك
وبتصيري واعية كتير لانك بتدخلي بين عالم واسع وكل واحد بلون وشكل
أنا كتير انبسطت فيها وتعرفت على اشكال والوان من العالم ووعيت اكتر من كل النواحي
ولي زاد حلاوة الجامعة هو السكن والعيشة مع الرفقات والسهرات والطرائف
مارح انساهن بعمري واكيد رح ازعل كتير عليها بس خلص
وخصوصا انسجمت مع عالم كتير من عدة محافظات وكتير صعب عليي فارقون
بس هاي الحياة لازم نعيشها فأنا بحس اني كنت باحلى حلم وبعد شوي رح فيق
وكون اخدة العبر والحكم واحلى الذكريات منو

مراسي الك
الشكر الك حياتي بس فتحتيلي جروحاتي والله

رورو :والله اشتهيت شوفك عاقد ما حكولي عنك
بيضة حلوة وطول وسط مابعرف اذا محجبة وجسم تحت الوسط خجولة وهادية مابتدخل بغيرها

" /> " /> " />
ميرسي ايوش .. بس كيف يعني جسم تحت الوسط ما فهمت

طيب عربون شكر ومحبة ... رح اسألك كم سؤال :
1- بتحسي انك مظلومة احيانا ؟؟
2- أسرارك لمين بتقوليها بالعادة ؟؟
3- شو بتعملي اذا عصبت كتير ؟؟
4- شو اكتر شي بيحرجك ؟؟
5- شو اكتر شي بخوفك ؟؟
6- شو اكتر شي بزعلك ؟؟
7- شو اكتر شي بفرحك ؟؟
يلا حاجتك هلق .. برجعلك ..

الاعضاء لي الون صورة عالفيس شفتون لهيك مارح اوصفون
ما أحلاكي وانت واصفتيلي ياااهم
بالنسبه لكمبيوتري والله سليـــــــــــــــــم ومو صايرله شي
الدعاوي كلها راحت على نجوى تقبر قلبك شو مسكينه
هههههههههههههههههههههههههه
اما بالنسبه لإختباراااتي
اهم اختبار بالنسبه الي 1-1-2011
وادعي ازا بدك لأن في ملائكه بتقلك ولك بمثلها لا تنسييييي
الباقييين تسلاااااااااايه شو ما جيب فيهم جيب مابيفيدوني بشي

هلأ خليني اسلخك كم سؤال حـبيبة قلبي
لا قبل
انا مو سمره ع فكره ومو نحيفه امممممم بعطيكي المواصفات نظري بس جاوبي ع الأسئله

مين اكتر عضو شب بتحسيه بيلفت انتباااهك؟؟وليش؟؟ طبعا بدك تحطي اسم حبيبتي انت
مين الصبيه اللي بتحسيها بتشبهك شكلا ؟؟؟
من بين صور الشباب اللي شفتيهم على الفيس مين لاقيتي احلى واحد
فااصل اعلاني<<<<<<كيف الاسئله لهلأ
عدناااااا
اي ايووش بس تسيري ماما شو حاطه ببالك تسمي ولادك
بدي اسم بنت واسم صبي طبعا غير اسم سوسن لان بنتك الاولى سوسن التانيه بدي
شو الشي اللي بتتمنيه طبعا غير التخرج والتوفيق ورضى الله والوالدين

وهيك بيكفي لان حور عم تبكي
بس اكيييييييييييد رح ارجع مره تانيه

ميرسي ايوش .. بس كيف يعني جسم تحت الوسط ما فهمت
يعني موضعيفة ولا سمينة كتير

طيب عربون شكر ومحبة ... رح اسألك كم سؤال
اي شو هالمحبة لي نازلة من السما عليكي انتي وعلاء

1- بتحسي انك مظلومة احيانا ؟؟
احياناً

2- أسرارك لمين بتقوليها بالعادة ؟؟
هو انا ماعندي اسرار كتير بس اذا صار شي بخبر رفيقتي وبنت عمي

3- شو بتعملي اذا عصبت كتير ؟؟
ببكي وبقعد لحالي وبستغفر ربي لاهدا

4- شو اكتر شي بيحرجك ؟؟
اذا حدا عصب عليي او بهدلني وقتها بسكت وبتمنى تنشق الارض وتبلعني

5- شو اكتر شي بخوفك ؟؟
قطع الشارع كتير بخاف منها وبموت من الضفادع والعناكب

6- شو اكتر شي بزعلك ؟؟
لما بصيح باخواتي الصغار كتير بزعل وبندم

7- شو اكتر شي بفرحك ؟؟
اني كون ناجحة بحياتي

يلا حاجتك هلق .. برجعلك .

الدعاوي كلها راحت على نجوى تقبر قلبك شو مسكينه
بعيد الشر عنك وعنها والله مادعيت عاحدا

وادعي ازا بدك لأن في ملائكه بتقلك ولك بمثلها لا تنسييييي
والله نيالي اذا رجعولي الادعية لي بدعيها لغيري

انا مو سمره ع فكره ومو نحيفه
لكن حنطية ودبة
بس شوف صورتك بنحكي


مين اكتر عضو شب بتحسيه بيلفت انتباااهك؟؟وليش؟؟ طبعا بدك تحطي اسم حبيبتي انت
مين الصبيه اللي بتحسيها بتشبهك شكلا ؟؟؟
هكتور وكولد وعبود وحسون وعلاء وعصام
هدول بجد بفرح بس شوفون اون بحس بروح التوافق والالفة معهن كتير وبرتاح معون
الصبية ما خطرت هالفكرة ببالي ابداً
الصبايا كلون بيجننو وبحبون كتير وكل وحدة بتخيلها بشكل
بس انتي بالذات بحسك بتشبهي ..بتشبهي ..لك تقريبا متل هاي

من بين صور الشباب اللي شفتيهم على الفيس مين لاقيتي احلى واحد
الكل بيجننو عين الله عليهن شذى بتجنن
ومن الشباب روميو وعبود ونضال

فااصل اعلاني<<<<<<كيف الاسئله لهلأ
جوابي وصلك عالايميل
عدناااااا


اي ايووش بس تسيري ماما شو حاطه ببالك تسمي ولادك
بدي اسم بنت واسم صبي طبعا غير اسم سوسن لان بنتك الاولى سوسن التانيه بدي
سوسن حدا بيخرب بيتو بأيدو؟؟!!!!!!!!
امحمد و أحمد ومريم

شو الشي اللي بتتمنيه طبعا غير التخرج والتوفيق ورضى الله والوالدين
إني كون ناجحة بحياتي بشكل عام وكون انسانة متفاهمة


وهيك بيكفي لان حور عم تبكي
بس اكيييييييييييد رح ارجع مره تانيه
اذا رجعتي برسلك تنبيه وهيك بتفيق حور

اوووووووووووووووووووووووووووف

شو هالجمهور ياآية

اكيد ليعرفو عنك اكتر ولهيك رح ضم ايدي لايدون

-شو الشي لي لازم ومن الضروري ينوجد عالاكل ؟

-كم ايميل عندك؟

-بحس الكل منسجمين معك !كيف وصلتي لهاي المكانة؟

انا مشغولة حاليا وبرجعلك اي

نجوى الحمد الله على سلامتك
وما على قلبك شر

اية ما رح اسالك شي منشان ما يغشى على قلبك

هلأ انا شبه هاااي
مااااااااااااااااشي يا دبــــــــــــــــــه
وبعدين يصحلك تجيكي بنت متلي مابتعمل شي ابدا بس بتخليكي تكرهي كل البنااات خصوصا بس تعصب
وبما اني بشبه هاي
اتحملي الأسئله التاااليه

كم عدد معجبين ايــه الشباب؟؟
هل في صلة قرابه بتربطك فيهم؟؟
ممممممممممم شو كمان
اي كم مره وانت صغيره ضربتي حدا من قلب واعملتي ما دخلك بالموضوع؟
وكم مره اتصلتي ع حدا من رفقاتك وسكرتي الخط طبعا وانت صغيره؟؟

اسئلتي ماعم يطلعو شريرين مابعرف ليش

اوووووووووووووووووووووووووووف
شو هالجمهور ياآية
الله لايحرمني منون
طيب قولي ماشاء الله شبك ولو

اكيد ليعرفو عنك اكتر ولهيك رح ضم ايدي لايدون
شو بدك اكتر من هيك (على قولة كلوديا الشمالي)

-شو الشي لي لازم ومن الضروري ينوجد عالاكل ؟
أكيد السلطات
أنا مستحيل اكل من دون سلطة كيف ماكان نوع الاكل

-كم ايميل عندك؟
بس 2
واحد خاص لرفقاتي والتاني للعائلة الكريمة

-بحس الكل منسجمين معك !كيف وصلتي لهاي المكانة؟
نحن هون الكل الو مكانة بس يمكن لانك ما كتير بتدخلي عالمنتدى مالاحظتي هالشي
واكيد هالحب والألفة من زوءون ولطافتون وطيبة قلبون

انا مشغولة حاليا وبرجعلك اي
حبيبتي اشتغلي على مهلك اي
وفي العجلة ندامة

اية ما رح اسالك شي منشان ما يغشى على قلبك

اي والله الحمد لله على سلامة نجوى

ولو لولي بزعل منك ها انتي بتموني حياتي

واهلا وسهلا فيكي

هلأ انا شبه هاااي
شبك ولي مابينمزح معك واذا كنتي حلوة يعني
بدك تشوفي حالك علينا

مااااااااااااااااشي يا دبــــــــــــــــــه

وبعدين يصحلك تجيكي بنت متلي مابتعمل شي ابدا بس بتخليكي تكرهي كل البنااات خصوصا بس تعصب
ما هاد حكينا

وبما اني بشبه هاي
والله يا ام السوس مافي متلك ماشاء الله
وردة


كم عدد معجبين ايــه الشباب؟؟
ياحسرتي
اي شو بيعرفني انتِ واسئلتك

هل في صلة قرابه بتربطك فيهم؟؟
اي مو لاعرفهن بالاول

ممممممممممم شو كمان


اي كم مره وانت صغيره ضربتي حدا من قلب واعملتي ما دخلك بالموضوع؟
لا ولو ماني مشكلجية
بس مرة انا ووحدة تقاتلنا كنت بصف تالت يمكن وانا عم اهرب شدتلي شعراتي
وهربت قام وقع قندرتا(متل سندريلا يعني)اجت اختك ايوش سحبتلك هالفردة وركضت فيها عالبيت (بيتي مقابل المدرسة)وكنا وقتها حاطين بلاط جديد وبتعرفي وسخ البلاط
قمت كبيت الفردة بنص هالطين وسكرت باب البيت
وقعدت مع البابا وصرت اكل معو (كان عم يفطر)قام سألني شبك بنتي مقطوع نفسك :
قلتلو مافي شي تقاتلنا انا وبنت (والباب كان عم يندق)
قالولي روحي افتحي الباب صرت ابكي وقول:
بابا هاي وحدة ضربتني مابدي افتحلا
راحت امي وفتحت ورجعت وهي عم تضحك قالتلي والله بالمساحة لطالعت الفردة
هيك بيعملو العالم ومخلاي البنت عالباب تبكي وانتي هون عم تفطري

وكم مره اتصلتي ع حدا من رفقاتك وسكرتي الخط طبعا وانت صغيره؟؟
لا ماعندي هالعادة وبكرهها كتير

اسئلتي ماعم يطلعو شريرين مابعرف ليش

حمد لله على سلامتك اخت نجوى
لكن هيك بيصير فيهون لي بيسألوكي آية

تفضلي :
-الهوايات ؟

-أجمل سنوات مرت عليك؟

-اجمل بلد زرتها ؟

-ماهو لونك المفضل ؟

-ماهي حكمتك بالحياة ؟

-فنانك ومطربك المفضله؟

-آخـــر شخـــص تتـــذكــــره قبـــل أن تنـــــام؟!؟

-مـوقـــف صــدمــك ولــن تنســــاه؟!؟

- غرق المنتدى ومعك قارب مايشيل الا ثلاثه من تاخذ معك ؟

بيكفو هدول اي
لاني يمكن انشغل وما اقدر ادخل لهيك بحبحتلك ياهن