۞۩۞ كرسـي الاعتـراف ۩۞۩ مع ...::: آيــــــــــــــة :::... ۞۩۞

مرحبا ايوشة كيفك حبيبتي أنا حابة اسألك سؤال واحد بس ثقي ياعمري انا راح ابقى اسألك لحتى تقولي بس هو يمكن سؤال مكرر ونسأل لسوسن بس برأيك ان انتي كمرأة ما بتشوفي ان هالشي بيعقيك عن التواصل اكتر مع الناس أو التعامل مع الناس بتلقائية مع التعليل عرفتي بس هاد السؤال بس بحب ائلك ان انا بحبك كتير وأكيد أحلى اخت أكيد انتي وسارة وسوسو باي روحي

لك هي انتي اللي قاعدة عالكرسي هلا ايوشة والله يا عمي معبية مركزك

1- هلق انت بالمدرسة كنت شاطرة ولا ....؟؟
هلا لي فات مات شو دخلك انتِ
أي كنت شاطرة بس مو من الأوائل

2- شو هي غلطة عمرك ؟؟
إني تعرفت عليكي شو هالاسئلة ولو
إني خليت ظروف البيت ولو ظروف حلوة تأثر عليي وخلتني ارسب بهاي السنة

3- شو اكتر شي بتتمني انو يصير معك حاليا ؟؟
إني ارفع معدلي وكمل دراستي بإذن الله

4- ممممم شو كان رايك فيني اول ما شفتنيني عالمنتدى ؟؟
والله حبيتك كتير كتير
وصورتك اول شي جذبتني كتير لانها ناعمة وبتجنن (بس اكيد الصورة احلى منك)
وبعدما تعرفت عليكي حبيتك اكتر

مرحبا ايوشة
يا هلا باحلى دندونة
وينك والله اشتقنالك ومنورة ياحلو

ثقي ياعمري انا راح ابقى اسألك لحتى تقولي بس
ولو بتنوري اروع دندن

انتي كمرأة ما بتشوفي ان هالشي بيعقيك عن التواصل اكتر مع الناس أو التعامل مع الناس بتلقائية مع التعليل؟
شوفي حياتي هو أكيد المرأة مهما ارتقت ومهما تثقفت بيضل الحلو فيها الخجل والحياء
أكيد لازم تتواصل وتتعامل مع لي حواليها بس بحب انها تضل محافظة على انوثتها
فهو مابيعيق بكل معنى الكلمة بس فيها حدودية اكتر

وأنا بموت فيكي حياتي وبجد فرحتيني بكلامك المزوء متلك
نورتي باطلالتك العطرة واحلى سلام لسارة وسوس الغالين

لك هي انتي اللي قاعدة عالكرسي هلا ايوشة والله يا عمي معبية مركزك
هيك علوش ما بتسأل عنا لهلا

والله نورت الصفحة والمنتدى
وماحدا معبي المركز غيرك وغير هالاطلالة الرووووووووووووووووعة

كيفك ايووووووووش
كيف الكرسي معك شو بدنا من الحكي والله باينتو مرتب
اي سؤال واحد(شفتي ما احلاني)
شو اهتماماتك بالحياة إلى جانب الدراسة

كيفك ايووووووووش
مبسوطة بشوفتك روحي

كيف الكرسي معك شو بدنا من الحكي والله باينتو مرتب
لا والله مرتب بشكر نجوى المزوءة
والكرسي حلو بوجودكن حياتي

اي سؤال واحد(شفتي ما احلاني)
بتجنني كيف ماكنتي

شو اهتماماتك بالحياة إلى جانب الدراسة
والله كوني حاليا بالبيت بدرس اخواتي لي بدون اي مساعدة
وبدخل عالمنتدى اغلب الاحيان
بس بحب المطالعة كتير بقرأ كتب وبساعد رفقاتي بحلقات البحث

هلااااااااااااااااااااااااااااا احلى جوجو

هاي هاي هاي
كيفك آيوووووووووووووش
على فكرة اسمك كتير حلو

-هل هذا اسمك الحقيقي ؟اذا نعم فبقول لابقلك واذا لا بقول شو سبب اختيارك لهالاسم؟
- كيف ممكن تثقي بالاخرين و كم الفترة الزمنية يلي بتخليكي تثقي ؟
-- اذا اردت ان تبكي الان , فعلى من تبكي ومن تختاري ليمسح دموعك؟
-وكم اختبار الك ايوشة:
1- الاب الروحي للمنتدى :


2- عضو شعله من النشاط :


3 عضو بكل مكان مبين :


4- مهما اقول عنه ماراح اوفي بحقه:


5- ملح المنتدى:


6- عضو مجتهد:


7- عضو مغرور:


8- عضو صريح :


9- عضو تقوله وينك ماتبين :


10- عضو اسلوبه ذووق "


11- عضو مواضيعه حلوة:


12- عضو ردوده حلوة:



13- عضو كووول:


14- عضو كلش عصبي:



15- عضو عجيب :


16- عضو يقنعنيي بردوده :


17-عضو تحب تتعارك وياه

18- عضو ودك تتعرف عليه اكثر خارج المنتدى:


19- عضو تقدم له اعتذار :


20- عضو تقدمله باقه ورد :


22- عضومكسب للمنتدى :


23- عضو قلبه ابيض:


24- عضو يزعل بسرعه:



25- عضو مثقف:


26- عضو واثق من نفسه:


27 - نور المنتدى:


28- عضو اثبت نفسه بفتره قياسيه :

بتمنالك التوفيق
والله حظك فتحت منتديات لأسئل وعجبتني هالاسئلة

مرحبا اية اول شي بحب اتشكرك عن المبادرة يلي صارت بعيد ميلادي وبجد تفاجأت وغمرتني فرحة قوية بقى شكرا الك ويلي كل يلي تذكرني وبحب اسألك لكونك اليوم على كراسي الاعتراف والسؤال هو ان لكونك بتعرفي وضع الشباب العربي اليوم كيف بتصفي وضعه واش هي مشكلته برأيك واش هي النصيحة يلي بتنصحيها لاي شب عربي وبصراحة يلي بتنصحيني ياها لكونك أكيد أنتي متل أختي مع الشكر

اة اية .. هالمرة بدي اسالك سؤال واحد بس ..

كيف بتكتبي اسمك هيك .. يعني قصدي كيف هيك بتكتبي الياء طويلة ..لانو جربت كذا مرة ما عرفت كيف ؟؟ :?: :?:

آنجل هلا ومرحبا واسمك احلا
-هل هذا اسمك الحقيقي ؟اذا نعم فبقول لابقلك واذا لا بقول شو سبب اختيارك لهالاسم؟
لا وبحب هالاسم من طفولتي وبينادوني خواتي مرات بهالاسم

- كيف ممكن تثقي بالاخرين و كم الفترة الزمنية يلي بتخليكي تثقي ؟
والله من ناحية الثقة مابعطي ثقة ببساطة وعندي صبر كبير على اني اعطي الثقة
اما الفترة مو محددة حسب الاشخاص

- اذا اردت ان تبكي الان , فعلى من تبكي ومن تختاري ليمسح دموعك؟
أنا ببكي كتير (قلبي ضعيف)
بتعرفي انا محتارة قلك على مين لان
الي اخين شباب برات سورية والبابا كمان مسافر لبرا
(الله يحفظون ويحميون ويوفقون يارب)
بختار بابا يمسحلي واتكي على كتفو

1- الاب الروحي للمنتدى :
بقول ماحدا بيستحق هاللقب اكتر من سومرصاحب الفكرة

2- عضو شعله من النشاط :
الكل بس حاليا مخففين لان قربو الامتحانات (الله يوفق الجميع)
بس حاليا روز ووردة وسوسن وسيرجيو ونضال

3 عضو بكل مكان مبين :
ما شاء الله روح النشاط بيتواجد عند الكل

4- مهما اقول عنه ماراح اوفي بحقه:
من ناحية المنتدى الكل بس تجاهي سوسن

5- ملح المنتدى:
ليش في بالمنتدى ملح
نضال

6- عضو مجتهد:
بيعرفو حالون

7- عضو مغرور:
مافي

8- عضو صريح :
اسماعيل وسيرجيو ودبدوب

- عضو تقوله وينك ماتبين :
المدير سومر ومدين وابو الريم وهكتور ودارك ليدي ويارا وديمو وحسون

10- عضو اسلوبه ذووق "
والله الكل

11- عضو مواضيعه حلوة:
بحب طريقة تنقاية ابو الريم وكولد فاير
لانو مواضيعون فيها اكتر الاعضاء بيشاركو وبيتقربو من بعض
وحاليا في نشاط بطريقة طرح المواضيع ولاسيما اعضاء جدد ومزوءين

12- عضو ردوده حلوة:
الكل عالاغلب (والله لتوقعيني بمشاكل)

13- عضو كووول:
حمشو
والحمد لله تقريبا الكل كول

14- عضو كلش عصبي:
بحس ابو الريم ومدين

15- عضو عجيب :
دبدوب وحمشو من خلال ردودو

16- عضو يقنعنيي بردوده :
اسماعيل

17-عضو تحب تتعارك وياه
هههههههههههههههههه
شبك آنجل والله وشي مو وش مشاكل

18- عضو ودك تتعرف عليه اكثر خارج المنتدى:
كل عضو قريب مني بحب التقي فيه

19- عضو تقدم له اعتذار :
كل مين بيحس اني غلطت بحقو أو فهمني غلط

20- عضو تقدمله باقه ورد :
للأخ سومر لي خلاني اتعرف على اروع ورود واخوة واصدقاء
وباقة للكل

22- عضومكسب للمنتدى :
أكيد الكل

23- عضو قلبه ابيض:
اغلبهن

24- عضو يزعل بسرعه:
مابعرف وان شاء الله ما اعرف

25- عضو مثقف:
ما شاء الله البركة الكل مثقفين

26- عضو واثق من نفسه:
كمان الكل واكتر شي سيرجيو ونضال وسوسن ووردة ولوليتا واسماعيل

27 - نور المنتدى:
انت والاعضاء كلووووووووووووووون

28- عضو اثبت نفسه بفتره قياسيه :
سؤال مكرر سيرجيو

تحبي الله لا بقا تفتحي المنتديات
(بجد اسئلتك كتير صعبين وانا بلاقي الخير والسعادة بكل الاعضاء)

ولو طايش انت اخ عزيز وغالي علينا وفرحتك هي فرحتنا
فحينا نفرح فيك
وعقبال الفرحة الكبيرة يارب

كيف بتصفي وضعه واش هي مشكلته برأيك واش هي النصيحة يلي بتنصحيها لاي شب عربي وبصراحة يلي بتنصحيني ياها لكونك أكيد أنتي متل أختي مع الشكر
هو وضع الشباب العربي اليوم احسن بكتير من الاول من ناحية شهادات والتفوق والثقافة
بس مشكلة الشباب الحالية بيتأثرو بالغرب تأثير سلبي في بعض الامور
يعني من ناحية الأخلاق والمعتقدات وطريقة التفكير اسوأ بكتير
وللأسف بلاقي استخدام الشباب للكمبيوتر والانترنيت بالجانب السلبي اكتر منو للايجابي
ونصيحتي كاأخت
أنك تركزعلى توظيب الاخلاق والسير في طريق يرضي الله والوالدين
وتركز على مصلحتك ومستقبلك قبل كل شي لانو مابيدوم للأنسان غير العمل الصالح ونجاحو بالحياة

بتمنالك ولكل الاعضاء كل التوفيق

اة اية .. هالمرة بدي اسالك سؤال واحد بس .
ليش لسا عندك اسئلة


كيف بتكتبي اسمك هيك .. يعني قصدي كيف هيك بتكتبي الياء طويلة ..لانو جربت كذا مرة ما عرفت كيف ؟؟ Question Question

شغل معلمين حياتي

بتضلك كابسة Shift وزر(ت)

اي معلومات تانية رورو

وينك نجوى والله اشتقنالك انت ولوليتا

وام السوس

مرحبن ايوشه

اذا اكتشفتي بيوم من الأيام انو كل شي حواليكي من اصدقاء و حتى اقرباء بيهتمو فيكي لمجرد المصلحة الشخصية , شو بتتصرفي معن ؟؟؟؟؟

حياتي ليكني ومتابعة معك تماااااااااااااااام
بس انا متل سوسن كل ما بفوت بشوفك غرقااااااااااااااااانة بالاسئلة
بقول يلا بلاها

طيب خلص لعيونك سؤالين عالماشي
اذا قالولك احكي عن اية
شو هنن النقاط السلبية
وشو هنن النقاط الايجابية
اللي ممكن تقولين

شفتي والله انا حبابة

اجى وقت الجد هلأ

كتير بنسمع عن موضوع الزواج المبكر وزواج الصغيرات بالسن وهون انا بقصد من سن الــ10 وفوق
شو رأيك بهالموضوع؟ ومتل ما بنعرف كل موضوع الو جانبين ايجابي وسلبي
هل بتشوفي اي جانب ايجابي بهالقصه؟
من السن العاشر ل15جريمة
ومابلاقي هيك زواج بالوقت الحالي كان بالاول في نتيجة الفقر والعدد الكبير من الاولاد
أما الزواج المبكر أنا بوقف ضدو لانو الحياة صايرة كتير صعبة وبدها عقل ومنطق
فالبنت لما بتتزوج وهي كبيرة بتفكر بعقلها اكتر من عاطفتها
أما الصغيرة فأكيد رح تفكر بالقلب والعاطفة قبل العقل ولهيك ممكن تندم لانها رح تلاقي
بالزوج اشيا كتيرة مالاحظت اثناء حبها
حتى انها لما تكبر ممكن تحب غير زوجها وتخون زوجها ومشاكل كتيرة....
وتربية الاولاد بدها صبر وعقل فكيف طفلة رح تربي طفل
والتفاهم مع الزوج لي ممكن يكون عقلو صعب ومع اهل الزوج بدها وحدة ناضجة

مافي سؤال تاني لأن بدي تجاوبي بالتفصيل الممل
واكيد لي عوده
هاي جاوبناكي بالتفصيل الممل
بتشرفي ايمتا ما بدك

مرحبن ايوشه
نضال عندنا يا مرحبا يامرحبا


اذا اكتشفتي بيوم من الأيام انو كل شي حواليكي من اصدقاء و حتى اقرباء بيهتمو فيكي لمجرد المصلحة الشخصية , شو بتتصرفي معن ؟؟؟؟؟
إنما الأعمال بالنيات وإنما لكل امرئ ما نوى
هو لو نجي للواقع الصداقة 3رباعها صايرة مصلحة
أنا من جهتي تعرضت كتير لهيك اشكال وخصوصا بالجامعة
الانسان المصلحجي باين من عيونو واسلوبو بس أنا ما بهتم لنواياهن بقدم لي فيني قدمو
لاني مستحيل لو فيي قدم شي لشخص طلبو مني وما قدملو ياه كيف ما كان
وبقلل تعاملي (هاد اذا تعاملو معي بعد المصلحة) ومابعطيون اي اهتمام
ولا بوجع راسي فيهن وبحقدهن وانانيتهن

نورت ابو النضل

حياتي ليكني ومتابعة معك تماااااااااااااااام
بس انا متل سوسن كل ما بفوت بشوفك غرقااااااااااااااااانة بالاسئلة
بقول يلا بلاها
اي والله يعطيكن العافية
نورتي لولو
طيب خلص لعيونك سؤالين عالماشي


شو هنن النقاط السلبية
العصبية والتسرع وبكره الحساسية ل فيني وغيرتي شديدة وعزة النفس الشديدة

وشو هنن النقاط الايجابية
عزة النفس والصدق وايماني والروح الفكاهي وعشق الاطفال والانسجام مع من حولي

شفتي والله انا حبابة
بتجنني والله

السلام عليكم آيــــة
قلت اكيد مابيصير بنت جارتنا آية عالكرسي وما اسألها
كيفك اول شي ؟؟

-ليش بتعصبي عليّ كتير ؟

-بعرف إنك صاحبة المقالب حكيلنا عن مقلب حلو عملتيه بالمدرسة؟

-هل هزمك حزنك في يوما من الايام؟

-هل من الممكن ان تتحول الصداقه الى حب ؟

-ماالذي يلفت انتباهك بسرعه في الشخص لكي تعجب به؟

-احكيلنا من هي:

سوسن - نضال - اسماعيل - مدير سومر - صاحبة الفكرة نجوى

هدول بيكفو هلا ماشي
بس بدي الصراحة التامة ها

السلام عليكم آيــــة
قلت اكيد مابيصير بنت جارتنا آية عالكرسي وما اسألها
كيفك اول شي ؟
أهلين حمودي
تمام بشوفتك بحارتنا

-ليش بتعصبي عليّ كتير ؟
له له الله يسامحك حمودي
حياتي أكيد لانو في عليك واجبات ولازم تكون قدها وتترك النت وتلتفت لواجباتك
والامتحانات عالابواب ربي ينجحك ويوفقك يااااارب

-بعرف إنك صاحبة المقالب حكيلنا عن مقلب حلو عملتيه بالمدرسة؟ بما انو الامتحانات قربت!!
بتعرف اني كنت حركية كتير بالمدرسة وخاصة وقت الاختبارات ولهيك اتفقوا المدرسين
مع امين السر يشوفولنا حل (انا وبنت عمي ورفيقتي)
واول مادخلت عالقاعة (قبل مايفوتو الطلاب) شفت اسمي باول مقعد
عاطرف الباب وبنت عمي باول مقعد بالنص ورفيقتي وراها (ترتيب المقاعد تصاعدي)
فطلبت من بنت عمي تراقب الصف لا حدا يشوفنا وصرت غير ببطاقات المقاعد
ورتبتها(ترتيب تنازلي)
ولما اجا امين السر يقرا الاسامي استغرب من الترتيب
انا باخر مقعد والبقية نفس الشي فصار يتأكد من الارقام (مافي اي مشكلة الترتيب صح)
وبنت عمي كان وشها اصفر من الخوف وانا عملت حالي عم بكتب ومالي علاقة بشي
(بس صارو يحطولنا الاساتذة على راسنا)

-هل هزمك حزنك في يوما من الايام؟
اي بيأثر عليّ بس ما هزمني الحمد لله

-هل من الممكن ان تتحول الصداقه الى حب ؟
اي اكيد

-ماالذي يلفت انتباهك بسرعه في الشخص لكي تعجب به؟
التواضع وإحترام النفس قبل إحترام الاخرين والركازة

-احكيلنا من هي
سوسن
بنت طيوبة ومحترمة ومزوءة كتير واختي وصديقة رائعة وذكية وحساسة وناعمة وبتجنن..
نضال
روح المنتدى محترم وأكابر بكل معنى الكلمة واكتر واحد بيساعد الاعضاء بشكل عام
وطبعا الفكاهة والصدق واضحين فيه..
اسماعيل
اكابر وبيعبي مركزو وبيعجبني وجهات نظرو كتيروصديق رائع واخي الكبير..
مدير سومر
اول شي بدي قلو وينك والله اشتقنالك وإن شاء الله هالغيبة خير
انسان طيوب بكل معنى الكلمة وحساس وقلبو ابيض وبحسو خجول(حسب كرسي الاعتراف)
نجوى
بتجنن وبحبها كتير بسيطة ومولعة بنجوى محترمة واختي وبحبها كتير لما بتقلي نحن
بنشبه بعض

هدول بيكفو هلا ماشي
بس بدي الصراحة التامة ها
قلتلي ليش بعصب عليك ما؟؟!!

عدنا آية

-شو اصعب سؤال لحد هلا شفتيه؟

-اسم اي عضو ما بيعجبك واسم اي عضو بيعجبك؟

-شو رأيك بفكرة الكرسي الاعتراف(هل انت مع أو ضد)
وشو نظرتك للاعضاء لي بيسألو وليلي ما بيسألو؟

-من هو موطن اسراركي؟

- شخص ترك بصمة بحياتكي و رحل؟

- عضو بتحسي أنو بيشبهك ؟

-صفه تتمنين ان تتخلصي منها؟

-سمعنا انك شقية احكيلنا عن طرفة صارت معك؟

-هل يزعجك اسئلتي بصراحة؟؟

حبيت شارك وما حبيت لأنو شفت ضغط الأسئلة وقلت الله يكون معك

بس رح اسأل سؤال عالماشي :

شو نظرتك لعلاقة الحب بالزواج وشو أهم الأمور اللي ما ممكن تتنازلي عنها بشريك حياتك

عدنا آية
منورة
-شو اصعب سؤال لحد هلا شفتيه؟
انا كتير بخجل من الاسئلة لي بدها تحديد وبصراحة اكترها بلاقيها عندك

-اسم اي عضو ما بيعجبك واسم اي عضو بيعجبك؟
مو قصة مابيعجبني (الناس اذواق)
بس بحب غيرو متل طايش بس عايش والرجل الحزين والناي الحزين
الله ينور ايامن ويهنيهن يااارب
الاسماء لي بيعجبوني في كتير بس بحب اسم دوفان ودوف وديانا
وكولد فاير ودارك هكتور

-شو رأيك بفكرة الكرسي الاعتراف(هل انت مع أو ضد)
وشو نظرتك للاعضاء لي بيسألو وليلي ما بيسألو؟
هي فكرة حلوة ومهضومة بتخلينا نتعرف عالاعضاء اكتر وننبسط معهن شوي
أما نظرتي للاعضاء لي بيسألو:
بحس انو ما بيسألو غير يلي بيحبو العضو وحابين يتعرفو عليه وينبهوه انو نحن مبسوطين بمعرفتك ومو ضروري نوع الاسئلة
(في اعضاء ما شاركو بالاسئلة بس بعتلولي رسائل انو متابعين الكرسي ومبسوطين فيه)
بشكرون من كل قلبي وبجد فرحت فيهن
أما الاعضاء لي ما بيسألو :
هو حاليا وقت امتحانات وفي كتار منشغلين وفي عالم ما بيحبو يتدخلو بالخصوصيات
أو مالون عادة يسألو

-من هو موطن اسراركي؟
بنت عمي ورفيقتي نحن 3 اشخاص في شخص واحد

- شخص ترك بصمة بحياتكي و رحل؟
الشخص لي حبيتو ربي يوفقو ويسعدو

- عضو بتحسي أنو بيشبهك ؟
مرة سألو اسماعيل شو بتعمل لما بتدايق قال بروح عالبحر وبشكي لربي
أنا حبيت هالصفة كتير فيه لاني بالعادة بحكي لربي واحيانا بحب احكي اشيا بس
ماعم بقدر عبر عنها وبجد بحس اسماعيل بيكتب لي بدي ياه

-صفه تتمنين ان تتخلصي منها؟
طيبة القلب والحساسية

-سمعنا انك شقية احكيلنا عن طرفة صارت معك؟
لا ولو مو شقية بس بعمل مقالب كتير ومزوحة
مرة رفيقتي كانت بتمسح وشها برغوة الصابون وعم تحاكيني ووشها بخلقتي
وهي مغمضة عيونها وكل دقيقة بتسكت وتطلع عليّ وتكمل قمت فتحت ايدي وضربتها كف
من يلي بيحبون قلبك والله فتحت عيونها عالاخر وضلت تلحقني يوميتها
لحتى حلفتها بخطيبها وكانت الساعة 2 بالليل
وفقنا ساعة 6 لنروح عالكلية قامت طفت علي ضوء الحمامات وهربت قمت تخبيت ورا
حيط الحمام وما شغلت الضو واذ فجأة انفتح الباب شوي شوي والجو عتمة
ولما اقتربت مني صحتلك هاك الصوت وهجمت عليها (بس شوووووو؟؟؟)
طلعت بنت غريبة دوبها قايمة من فرشتها وصاحتلك بالمقلوب وانا وقعت عالارض من الضحك
اعتذرت منها وقلتلها القصة صارت تضحك وايدها على قلبها
الحمد لله الله بعتلي وحدة منيحة وطيوبة

-هل يزعجك اسئلتي بصراحة؟؟
لا ابدا ولو آنجل بس صعبين شوي ولوووووووو