۞۩۞ كرسـي الاعتـراف ۩۞۩ مع ...::: آيــــــــــــــة :::... ۞۩۞

مرحبا ايوشة كيفك قلت لازم الحقيك بكم سؤال لكون راح الوقت تقريبا على كرسي الاعتراف

مراحب يا حلو مشتاقتلك والله

هو انتي لكونك من الاعضاء المحبيبن بهاد المنتدى هل هاد الشي لها تأثير على علاقتك مع اسرتك وكيف بتحاولي تحقيق التوازن بين المنتدى والاسرة هو سؤالي حشري شوي بس أنا حابة استفيد وشكرا الك حبيبتي
سؤال حلو كتير وهام

هو انا اول ما دخلت المنتدى حبيتو وحبيت التآلف بين الاعضاء والتوافق وتعلقت فيه كتير
وأكيد أثر عليي كوني راسبة هالفصل وماكان عندي شي فكنت بقضي اغلب اوقاتي عالنت
واجاني كتير نقد على هالشي وبعدت شوي عن اهلي
وأكيد مارح ضل هيك لانو بلش وقت الجد وخصوصا وبإذن الله السنة الجاي بكون تخرج
يعني لازم كون استفدت من جامعتي واغني حالي بمعلومات عامة
ومهما كان الانترنيت بيسلي وممتع بتضل حياة الواقع احلى وامتع وفيها مصداقية وواقعية اكتر
والاستفادة بتكون اكتر

بتمنالك التوفيق والخير يا سارة الغالية

عجبني سؤال سيرج كتيييييييييييير (اخر واحد)

اهلا لوليتا نورتي والله
وانا عجبني

طمطوم نضال
أنا بعتذر اذا الموضوع زعج نضال بس كلكن اخدنوه على طمطوم وشكلو بس انا اخدت فكرة الطمطوم غير هيك
لانو طمطوم كان انسان محبوب للجميع وكان بيساعد الكل
واكيد نضال مافي منو

سؤالي شو اللي خلاكي تقولي عني اليس في بلاد العجائب؟؟؟؟؟؟

ما بعرف هيك احساس

هلا باحلى لولي والله

كيفك ايوووووووووش

مبسوطة بشوفتك ياعمري

ايمت آخر مرة بكيتي وليش
ممممممممممممم

والله بصراحة اخر مرة كان قبل كم يوم بكيت لاني تأثرت بفلم

مع انو مو من عادتي ابكي عالافلام

اذا كنتي ماشية بالطريق وطرقتي بحدا مو بقصدك وقام هالحدا عصب وصار يعيط شو بتعملي
بقلو عفوا واذا زود بالعصبية رح ازورو (بمعنى مابدها هالعصبية)

وبمشي (مع الحذر )

تصبحي على خير
تلاقي الخير والهنا يارب

يا هلا باحلى دبدوب
والله اسعدني تواجدك

سؤالي هو ايمت آخر مرة شربتي فيها أرجيلة وشو كانت النكهة؟

قبل فترة كنا معزومين عند رفيقتنا قامت ختمتلنا القعدة بالاركيلة (مو من عادتي)
بس اركلنا (بنكهة المعسل)
ولهلا لوزاتي بيوجعوني ومكربة

سؤال مميز من عضو اكتر تميز أكيد...

نورت اخي الغالي دبدوب

السلام عليكم ورحمة الله وبركاته

- مالذي تفعليه إذا وجدتي آراء مخالفة لتفكيرك ؟


- ما هي الصراحة بالنسبة لكي ؟


_ماهو هدفك ؟


-سؤال فضولي في اعضاء استغربت انهم ما سألوكي او ما تدخلو بالاسئلة كتير برأيك ليش؟

بتمنالك التوفيق يارب
وبهنيكي على روحك وتواصلك الرائع مع الاعضاء اتي الغالية والرااااااائعة
آيووووووووووووووووووووش

وعليكم السلام ورحمة الله وبركاته

-مالذي تفعليه إذا وجدتي آراء مخالفة لتفكيرك ؟

اول شي بحترم الرأي كيف ما كان
تانيا اذا حسيت الرأي صح او ممكن او بيناسبني بسمعو وباخدو وبستفيد منو
اما اذا لقيتو خطأ او مابيناسبني بسمع وبحاول صحح الرأي وبطرح رأيي كمان وبنتناقش الأراء

- ما هي الصراحة بالنسبة لكي ؟
هي لغة غابت بزماننا الحالي أما معناها فالصراحة تعني قول الحقيقة أو إعطاء وصف دقيق في المواقف الصعبة
والصراحة كالجراحة ، أولها تعب .. لكن آخرها راحة

-_ماهو هدفك ؟
تقوى الله ورضا الوالدين والنجاح في حياتي العملية والعلمية

--سؤال فضولي في اعضاء استغربت انهم ما سألوكي او ما تدخلو بالاسئلة كتير برأيك ليش؟
كل إنسان حر
يعني في اعضاء ما بيحبو يتدخلو (مو من عادتون) وكمان حالياً وقت الجد والدراسة
وفي اعضاء خبروني برسائل خاصة انون متابعين بصمت

على كل بشكر الجميع لتواصلون وروحون الحلوة ورأيون الي شرفني وبعتز فيه كتير
بجد فرحت فيكن كتير وتعرفت عليكن اكتر

بتمنالك التوفيق يارب
وبهنيكي على روحك وتواصلك الرائع مع الاعضاء اتي الغالية والرااااااائعة
آيووووووووووووووووووووش
كل الشكر الك محمد وربي يوفقك ويوفق الجميع ياااااارب

اة آيـــة .. بالنهاية .. في كم سؤال بدي أسألك هنن :
1- في اي شي كنت حابة انو حدا يسألك هو .. وما حدا سألك ؟؟؟ و اعتبريني سألتك هالسؤال .. :*740*:
2- شو الشي اللي بتتمني يصير بالمنتدى و لهلق ما صار ؟؟؟
3- اكتر سؤال زعجك ؟؟
4- اكتر سؤال فاجئك ؟؟
5- اكتر سؤال ضحكك ؟؟
6- من العضو اللي حبيتو اسئلتو اكتر شي ؟؟
و تنبيه هام : ممنوع التهرب من اي سؤال .. و ممنوع الجواب بالعموميات ..

اة آيـــة .. بالنهاية .. في كم سؤال بدي أسألك هنن :

واخيراً بقيتي البحصة
النهاية

1- في اي شي كنت حابة انو حدا يسألك هو .. وما حدا سألك ؟؟؟ و اعتبريني سألتك هالسؤال ..
ليش في شي لسا ما شاء الله ما خليتو شي عني وما عرفتوه إلا إذا بدكن تعرفو الجيران كمان


2- شو الشي اللي بتتمني يصير بالمنتدى و لهلق ما صار ؟؟؟
في اقسام بحس من الضروري تتواجد بس بيقولو بيصير فيها مشاكل



3- اكتر سؤال زعجك ؟؟
ابدا كل الاسئلة كانت ظريفة بس بتمنى الاجوبة ما زعجت حدا

4- اكتر سؤال فاجئك ؟؟
سؤال سوسن حول شخصيات الاعضاء

5- اكتر سؤال ضحكك ؟؟
سؤال سيرجيو (افلام كرتون) سؤال سوسن كمان حول الاعضاء

6- من العضو اللي حبيتو اسئلتو اكتر شي ؟؟
كل الاسئلة حبيتون وكتير اسعدني تواجد الاعضاء واهتمامون بس كان في اسئلة اول مرة بشوفون
يعني كانت مميزة


و تنبيه هام : ممنوع التهرب من اي سؤال .. و ممنوع الجواب بالعموميات
طيب ياعمري احتفظي بهالملاحظة مشان بس تقعدي ما نعيدلك ياها

نورتي احلى واروع صديقة واخت وتواجدك كان اضافة ورونق حلو للكرسي حياتي

لاحظت انك عم تدخلي عالمنتدى كتير ................فكيف عم توفقي بين دراستك وبين هالشي؟؟؟؟........................بس بلا زعل اية

اول شي اهلا وسهلا فيك اخ علي

لاحظت انك عم تدخلي عالمنتدى كتير ................فكيف عم توفقي بين دراستك وبين هالشي؟؟؟؟
أنا ماعندي كتير مواد هالفصل
بس مو دائما انا بكون فاتحة المنتدى لانو اختي بالعادة بتدرس عالنت فبتدخل المنتدى كمان
او احيانا بكون عم اشتغل باشيا تانية كمان بدخل عالمنتدى..
لهيك بتشوفو وجودي كتير بس حركة قليلة

نورت علي

لك 100000 هلا نجوى والله اشتقنالك


حياتو ... سؤال او شي صغير حابة بتقيلنا ياااه

بس ياويلك اذا مابتعترفي او بتلفي وبدوري شنو انا شايفتك هااااااااااااااااا

طيب طيب


بدنا نعرف او تكشفيلنا سر ماحدا بيعرفو.. بس ماتقعدي هلق تقولي ماعندي ومافي ومابعرف شو
والله ما عندي شي

والله السر إني مكربة ومرضانة وما بتمنى هالكريب لعدوي


احكي احكي ماتخافي ماحدا لا سامعنا ولا شايفنا الكل مسكرين عيونن وادانن مو هيك شباب وصبايا
اي وبعدو كمان لحتى ما تمرضو كمان

انتِ الحلو اروع نجوى
وبتشكرك كتير على كل شي حلو
واكيد هاد من زوءك وحلاوتك ياحلو

له له

لساتك قاعدة عالكرسي

يا حراااااااااااااااااااااااااااااام

قومي قومي رح تمرضي تحت هالمطرات

بيكفيكي الرشح

سلامتك آيووووووووووووووووش

أيــــــــــــــوش
أول شي أنا حابه اتشكرك ع تحملنا وتحمل اسئلتنا
بجد انت شخصيه من اروع الشخصيات اللي مرت علي
بتمنى لك السعاده والتوفيق الدائمين
..............................................
طبعا اسئــــــــــــلتي الأخيره

شو شعورك قبل وبعد قعدتك ع كرسي الإعتراف؟؟
يوما ما هل رح تتمني تعيدي هالتجربه؟؟
رساله بتوجهيها لــ مدمنة نجــوى؟؟
................................................

بكررر شكري
وانا سعيــــده جدا بمعرفتك

له له

لساتك قاعدة عالكرسي

يا حراااااااااااااااااااااااااااااام

:*626*:



قومي قومي رح تمرضي تحت هالمطرات

بيكفيكي الرشح

أي والله

سلامتك آيووووووووووووووووش

الله يسلم روحك ياعمري
احلى حمودي

أيــــــــــــــوش
أول شي أنا حابه اتشكرك ع تحملنا وتحمل اسئلتنا
بجد انت شخصيه من اروع الشخصيات اللي مرت علي
بتمنى لك السعاده والتوفيق الدائمين
الشكر الكن اكيد
وبكلامكن ولطافتكن زاد الكرسي متعة وروعة

وانا بتمنالكن كل خير يااااااااااااااااااارب

طبعا اسئــــــــــــلتي الأخيره


شو شعورك قبل وبعد قعدتك ع كرسي الإعتراف؟؟
قبل : استغربت لما شفت اسمي
بعد: فرحت كتير كتير لاني تقربت اكتر من الاعضاء وحسيت بمحبة الاعضاء اكتر
ربي لا يحرمني منكن وتضلو مع بعض دائما
مبسوطين وناجحين ومتفوقين ياااااااااااارب

يوما ما هل رح تتمني تعيدي هالتجربه؟؟

تجربة حلوة كتير وممتعة
ما بتمنى ليش؟لانو الشغلة بتضل حلاوتها بجديدهاوالتكرار بيفقد اللذة

رساله بتوجهيها لــ مدمنة نجــوى؟؟
فكرة حلوة كتير من نجوى الحلوة وبتقرب بين الاعضاء
بتمنالها التوفيق والنجاح الدائم والسعادة يارب


بكررر شكري
وانا سعيــــده جدا بمعرفتك
انا لي بدي اشكركن على تواصلكن وروحكن الملائكي
ربي يوفقكن يارب

اول شي مافيني غير اتشكرك ايوشتي الغالية ع قلبي ع ذوقك ولطفك برأيك فيي وكل كلمة قلتيها بحقي


تاني شي مضطرة وبيعز عليي اني قول انو رح نعدم اه اه سوري سوري رح يتم الافراج عنك ايوشة

بعد مانورتينا بتواجدك ورقتك وطيبتك

واكيييييييد كلنا كنا مبسوطين انو تعرفنا عليكي اكتر وحسيناكي اقرب منا اكتر واكتر

و لاني نويت بطل عادة التعبير باحرف الاسم

رح قلك

انك اطيب وارق والطف واحن بنوتة واحلى ايوشة بالعالم كلو

من جديد رح قلك بيعز عليي اني ودعك وافرج عنك

بس مضطرين نودعك ايوشتنا بعد مانشكرك ع لطفك ورحابة صدرك وصراحتك الحلوة

كل الشكر للطافتك وزوءك نجوى

والله احرجتيني بكلامك الدال على شخصيتك الراقية

وبشكر الكل اكيد وبتمنالكن جميعا التوفيق بالامتحانات والحياة بشكل عااااااااااااااااام

اروع أخوة