۞۩۞ كرسـي الاعتـراف ۩۞۩ مع ...::: آيــــــــــــــة :::... ۞۩۞

اة ايووووش ... انا جييييت ها ...

1- هل انت حشورة " بتحبي التدخل بشؤون الاخرين " ؟؟

الحمد لله لا

شو الصفة اللي بتتمني ما تكون موجودة فيك ؟؟
الحساسية الزايدة وعزة النفس القوية

شو الصفة اللي ما عندك هي بس بتتمني تكون فيك ؟؟
بدي ثقتي بحالي تكون أكبر من هيك

- هل اسمك الحقيقي "اية" ؟؟ بإمكانك تجاوبي فقط بنعم او لا
لا

إحم إحم
أنا جيــــــــــــــــت
نورت الصفحة سوسني

لما كنا صغار كان في سؤال بينسأللنا شو بتحبو تسيرو بس تكبرو؟؟
لما انسألك هالسؤال شو كان جوابك؟
أكيد دكتورة


اوصفيلي آيــه بس تحس انو هي معجبه بشخص بغض النظر عن حجم هالإعجاب؟؟ يعني كيف بتتصرفي بالعربي
والله للأسف بطيرو من معاملتي
كتر التلبك بخليني خبص بالحكي واحكي شغلات مالها علاقة بشخصيتي ابداً
وللأسف أنا غيورة من الدرجة العاااااااااالية
(هاد اذا بكون حبيتو)
بس اعجاب عادي لا بكون على طبيعتي وعادي

لو قلتلك فيكي تغيري شغله وحده بحياتك صارت شو رح تغيري وليش؟
لو فيني غير فرعي من الادبي للعلمي (لأني ماني صحبة بالمواد الادبية)
وكنت حابة ادرس انسة علوم او رياضيات أو انكليزي

قلتيلي بدك تنامي هلا
نومة العوافي حياتي

قلتيلي بدك تنامي هلا
نومة العوافي حياتي

آيه يعني مصره اسألك واثبتلك اني مارح نام هلأ
لأن فايقه من النوم قبل كم سااعه

وهاد بس للإثبات اني مارح نام
احكيلي بتعيشي قصة حب حاليا؟؟

آيه يعني مصره اسألك واثبتلك اني مارح نام هلأ
لأن فايقه من النوم قبل كم سااعه

احكيلي بتعيشي قصة حب حاليا؟؟

بصرااااااااااحة
لااااااااااااااااا

هاي آيووش منورة دائما
شوية أسئلة عالسريع:
1- أكتر موضوع ممكن يسببلك حرج
2-أكتر جو ممكن يزعجك
3-شيء يتكرهي تشوفي بالشباب
4-الصداقة بين الشباب والصبايا
5-المزاج بشكل عام
6-طموحك بالحياة
7- أفضل الشعراء العرب
8-بتحبي جو الجامعة
9-الرياضة في حياتك
يلا جاوبي على هدول لنضيف غيرهم

احم احم وهااااااااااااااااااااااااااااااااقد وصلت انا واسئلتي ياانستي ... يه يه طلعت عالقافية ههههههههههههه مو بايدي شاعرة ههههههههههههه

هلق خلص وقت المزح وبلش وقت الجد

1- كم مرة حبيتي بحياتك حب حقيقي؟؟؟


2- هل صدف وحبيتي مرة من طرف واحد .. احكيلنا عن الموضوع شوي؟؟؟؟

3- كمان بدي اعرف رأيك بموضوع المثلية خصوصا انو صاير حديث الساعة هالايام؟؟؟؟

4- ممكن يجي يوم تحبي وتتخلي عن الزواج كرمال الشخص يلي حبيتيه وماجمعك النصيب فيه ((لاسمح الله طبعا))؟؟

5- كم مرة انجرحتي بحياتك((الله يبعدن عنك .. بس انا حشورة مو بايدي))؟؟

6- لمين بتهدي وردة جورية حمرا ... ولمين وردة بيضا ... ولمين وردة صفرا((بقصد ناس بحياتك اليومية ماعدا الاهل طبعا)) مع العلم انو الورد الاصفر بيعني الغيرة والاحمر طبعا الحب والابيض الصداقة عم اشرح للتوضيح فقط وليكون جوابك دقيق ؟؟؟

7- مين أكتر شخص قريب لقلبك هون بالمنتدى .... بدي اسم ماتقوليلي الكل بعرف انو الكل بتحبين لكن بدي اسم محدد بدون مجاملات ولا لف ودوران شايفتك اناااااااااا ؟؟؟

8- شو هي حكمتك بالحياة .. وهل بتفذيها؟؟؟

وانا من عندي رح اعتبر هالاسئلة مجرد فاتحة والاكيد انو الي عوووووووووووودة

كيفني معك

كيفك ايووووووووووووش
سؤال واحد بس
اكتر صورة حاططها عضو لفتت انتباهك -ليش -
واكتر توقيع كمان لفت انتباهك -ليش -

هاي آيووش منورة دائما
شوية أسئلة عالسريع:
والله ماحدى منور غيرك وغير هالاسئلة

أكتر موضوع ممكن يسببلك حرج
الحشرية الزائدة والفضولية الي تفوق الحد المعقول

2-أكتر جو ممكن يزعجك
هلا أنا بحب المزح كتير وبمزح بس ما بحب الجو لي يزداد فيه المزح لدرجة
السخرية بالاشخاص او الاستفزاز وكمان جو النميمة ما بطيقو

3-شيء يتكرهي تشوفي بالشباب
الشعر الطويل والاكتر العلكة مابحبها عالشب

4-الصداقة بين الشباب والصبايا
ما بأمن فيه

5-المزاج بشكل عام
مافهمت سؤالك
بس اذا على مزاجي عنيدة وبحب المزح كتيييير واللعب مع الاطفااااااااااااال

6-طموحك بالحياة
بحب اني كون أم مثالية بصراحة وناجحة بحياتي الاجتماعية اكتر شي!

7- أفضل الشعراء العرب
كوني بدرس عربي
حبيت النابغة الذبياني كتير وعنترة من الجاهليين
وبحب ابن حزم كتير كتير ونزار قباني اكيد

8-بتحبي جو الجامعة
والله جو الجامعة بيتوقف على نفسيتنا ورفقاتنا لي معنا
أنا بحبو بس جو السكن بعشقو وبحبو اكتر بكتير

9-الرياضة في حياتك
بعشق كرة الطائرة وكنت لاعبة بالثانوي
(بس كنا بنضل نخسر لأن أنسة الرياضة وقتها من جديد كانت انخطبت فماكانت معنا بالمرة)
أما كرة القدم بحبها كتير بس لما بتفرج عليها مابيضل عندي أعصاب بالمرة
وبحب المانيا برشا برشا

السلام عليكي ياابنة العرب

اللي اولو شرط أخروا نور بدي تقعديني عالكرسي شوي بس تخلصي والله عبالي جربوا

وأسئلتي كتير خفاف ونضاف

كيفك شو أخبارك وكيف الدرس؟ شفتي

^

^

^

^

^

^
^
^
بس ماتكوني صدقتي اي نزلي نزلي....... :*666*:

^

^

^

^

الأسئله :
1-دخلتي فرعك عن رغبه؟
2-أول انطباع أخدتيه عني؟وبصراحتك المعهوده كونوا الكل بالاول بيكرهني ومابعرف ليش؟ اي منكمل :*749*:
3-شو موقع منتدانا بالنسبه للمنتديات المشاركة فيها؟
4- مين العضو اللي حابه يجي دوروا على كرسي الاعتراف؟
5-شو هو جوك يعني ايمتى بتكوني بأفضل حالاتك؟وللتوضيح بقصد بالليل بالنهار لحالك مع اهلك .........هيك شي

وبااااااااااااااااياااااااااااااااتو ولاتنسي الشرط والا بجبلك أسئله صعبه الامتحان الجاي

وبالتوفيق وانا بضهرك روحي وانا معك .........

هلق خلص وقت المزح وبلش وقت الجد

1- كم مرة حبيتي بحياتك حب حقيقي؟؟؟
مرة وحدة

2- هل صدف وحبيتي مرة من طرف واحد .. احكيلنا عن الموضوع شوي؟؟؟؟
لا الحمد لله والله يبعدو عنا
3- كمان بدي اعرف رأيك بموضوع المثلية خصوصا انو صاير حديث الساعة هالايام؟؟؟؟
الله يجيرنا من هالمرض وأمثاله
أنا ما بحب احكي عن الموضوع لانو اكيد كل شخص الو رأيو
بس بيرجع السبب الاغلب عالاهل أما يهملون اولادهم يربون تربية الشوارع
ويتقمصون شخصيات غير شخصيتهم أو يكبتوهم وكأنهم في سجن
والاطفال في سن المراهقة تبادره عدة شعور وأفكار ولابد من التفاهم معهم
والاستماع إلى آرائهم ومشاعرهم وتوجيهها إلى الصواب

4- ممكن يجي يوم تحبي وتتخلي عن الزواج كرمال الشخص يلي حبيتيه وماجمعك النصيب فيه ((لاسمح الله طبعا))؟؟
لا طبعا

5- كم مرة انجرحتي بحياتك((الله يبعدن عنك .. بس انا حشورة مو بايدي))؟؟
هو الحب مستحيل الواحد ماينجرح فيه بس روعة الحب بيكمن بهالجرح
أما الجرح العميق مابتذكر وما بظن اني انجرحت


6- لمين بتهدي وردة جورية حمرا ... ولمين وردة بيضا ... ولمين وردة صفرا((بقصد ناس بحياتك اليومية ماعدا الاهل طبعا)) مع العلم انو الورد الاصفر بيعني الغيرة والاحمر طبعا الحب والابيض الصداقة عم اشرح للتوضيح فقط وليكون جوابك دقيق ؟؟؟
وردة حمرا بهديها الكن
وردة بيضا كمان بهديها الكن
والصفرا بخليها الي


7- مين أكتر شخص قريب لقلبك هون بالمنتدى .... بدي اسم ماتقوليلي الكل بعرف انو الكل بتحبين لكن بدي اسم محدد بدون مجاملات ولا لف ودوران شايفتك اناااااااااا ؟؟؟
هو بصراحة الكل ولي بتعامل معون كتير
سوسن ورورو ووردة اكتر شي في بيننا تواصل
واسماعيل كتير بحب رأيو ونظرتو وأكيد نضال مافي منو
بس بصراحة الكل عزيزين على قلبي

8- شو هي حكمتك بالحياة .. وهل بتفذيها؟؟؟
عامل الناس كما تحب أن يعاملوك وان شاء الله بنفذها

اي شو هاااااااااااااااد نجوى

كيفك ايووووووووووووش
مشتاقتلك والله

سؤال واحد بس

اكتر صورة حاططها عضو لفتت انتباهك -ليش -
واكتر توقيع كمان لفت انتباهك -ليش -

حاليا صورة نضال ورورو وعصام
وتوقيع نضال وتوقيع سوسن
لأني بموت بالاولاد
شو هالسؤال الغريب هاد لاني بصراحة ماني متذكرة لا صور ولا تواقيع

السلام عليكي ياابنة العرب
وعليكم السلام ابنة العم

اللي اولو شرط أخروا نور بدي تقعديني عالكرسي شوي بس تخلصي والله عبالي جربوا
موافقة وأنت بتجاوبي عني اي

كيفك شو أخبارك وكيف الدرس؟
مشتاقتلك والدرس بيبوس ايدك

شفتي؟؟!!
أنا لي شفت

-دخلتي فرعك عن رغبه؟
لا


2-أول انطباع أخدتيه عني؟وبصراحتك المعهوده كونوا الكل بالاول بيكرهني ومابعرف ليش؟
لا كره والله ما كرهتك وبالعكس كتير حبيتك لانك كنت تضلي تمدحيني بالمواضيع
بس لا تزعلي مني ها كنت بفكرك غنوجي ودلوعا زيادة
والله شاهد على معزتك بقلبي

3-شو موقع منتدانا بالنسبه للمنتديات المشاركة فيها؟
اكيد هون بحس اني بين عيلتي وحبابي واكتر شي برتاح فيه
منتدانا الاصل والاساس

4- مين العضو اللي حابه يجي دوروا على كرسي الاعتراف؟
هو لازم اول شي كانت نجوى تقعد عليه بس يلا واكيد لازم تكون بعدي
انا رشحت رورو وحمشو
بس بدي سيرجيو يقعد وخصوصا بعدما تعرفنا عليه اكتر من خلال لقائكم

5-شو هو جوك يعني ايمتى بتكوني بأفضل حالاتك؟وللتوضيح بقصد بالليل بالنهار لحالك مع اهلك .........هيك شي
بالجامعة بحب الليل لانو ماكان في نوم بالمرة وكلو عالضحك والمتة والاكلات
بالبيت بحب الجو لي بيجتمع فيها الاحباب باي وقت كان بحبو

تسلميلي ياااااااااااااااارب
والكرسي والصفحة كلها على حسابك

ربي يوفقك ويحفظك

هاي كيفك آية
لا ماشاء الله الصبايا موصين فيكي منيح

** من العضو الذي لفت \لفتت انتباهك من اول موضوع او اول تعليق؟

**اوصفيلنا آية ؟

**اطيب طبخة عندك؟

**ما معنى الصداقة بالنسبة لكي؟

**أذا طلب منك حبيبك أو حبيبتك أن تترك صديقك أو صديقتك ماذا تفعــــــــل؟

هدول بيكفو يلا هالسؤال كمان

**أي فلم ومسلسل حبيتيه كتير ؟

**اكثر كلمه تقولها في يومك ؟

اة اية ...عدنا ..
اسئلتي :
1- سم اسم عضو + عضوة ما بتحبيون ... بدي اسماء بصراحة من دون لف او دوران...
2- احكيلنا عن اكتر موقف محرج صار معك ..
3- شو اكبر كذبة كذبتيها وايمت ؟؟
4- هلق قلتيلي انك ما ترفعت .. برأيك السبب انت ولا الدكاترة ؟؟
5- كيفك بعد هالاسئلة ؟؟؟

يالله حاجتك اليوم ..برجعلك بكرا ..

كيفك.....سؤالي انت بتعتبري حالك انسانة حرة؟

هاي كيفك آية
لا ماشاء الله الصبايا موصين فيكي منيح


** من العضو الذي لفت \لفتت انتباهك من اول موضوع او اول تعليق؟
علوش اول شخص ريحني باحد تعليقاتو * هكتور كتير مزوء وأكابر *عصوووم كمان كتير ارتحتلو وروحو حلوة
سيرجيو اول مادخل كان نجم ماشاء الله بروحو الحلوة*وعبود كمان أكابر وعلاء مميز كتير ومدين لفتلي لانو كان بيضحك على كلامي الفصيح (على اساس اني عربي)
وحسون حضوروا بجد كان رائع وعزيز
حمشو لفتلي ردو عالمواضيع وردة تشرين وفيولت وسارة الحلوة مزوئين كتير..
سوسن حسيتها هي الكل بالكل بالمنتدى ونجوى طيوبة كتير
(هدول من اول وجودون لفتو انتباهي)

**اوصفيلنا آية ؟
كيف بدي اوصفلك ياها
عمري 23 طول 165 بلاها الوزن " /> 66 محجبة
مين مايشوفني بيقول عني متكبرة بس أنا عكس هيك بس خجلي لي بيعكس هالصفة فيني

**اطيب طبخة عندك؟
كل شي مايكون فيه بصل ولا ثووم
بحب المقلوبة والمحاشي (بفرم التوم بالخلاط ) ورز بعدس بلا بصل

**ما معنى الصداقة بالنسبة لكي؟
أروع والذ واحلى شي بالحياة
أنا الصداقة شي مقدس كتير بحياتي (لهيك كتير بتعذب بالحياة)

**أذا طلب منك حبيبك أو حبيبتك أن تترك صديقك أو صديقتك ماذا تفعــــــــل؟
حبيبتك مافهمتها
حبيبك بشوف السبب اول شي واذا كان مقنع وفي دلائل ممكن بس غير هيك مستحيل
وقتا بصير انا بقدملو دلائل ليغير رأيو

يلا هالسؤال كمان
شو هالمعلاق لي عندك آنجل

**أي فلم ومسلسل حبيتيه كتير ؟
والله ما بتذكر
بس في فلم هندي حبيتو كتير (انتقام الجمرة) لشاروخ خان
بقعة الضوء واهل الغرام طريق النحل
مسلسلات السورية كلها تقريبا

**اكثر كلمه تقولها في يومك ؟
كتير بقول ياروحي وكلمة (ولو)
ولما بكون معصبة بكرر(اي خلص سكت\ي )
واخيرااااااااااااااااااااااا

نورتي آنجل طيب انت ليش مابتبيني كتير والله اشتقنالك

اة اية ...عدنا ..
والعود احمد

سم اسم عضو + عضوة ما بتحبيون ... بدي اسماء بصراحة من دون لف او دوران...
رورو وسوسن ونضال
مافي حدا ابدا الي بحسو مابيتفاهم معي مابتعامل معو

2- احكيلنا عن اكتر موقف محرج صار معك ..
مرة وأنا بحلب كنا عم نتمشى أنا ورفقاتي وخيي الصغير
وأنا عم أكل بوظة عينكن ماتشوف وقعت شو وقعة بالشارع
ولهلا خيي الصغير بيضحك عليّ بس الحلو بالموقف كان شب بيجنن واقف بيحكي تلفون
اجا ليساعدني (نسيت الدنيا ومافيها )هههههههه

3- شو اكبر كذبة كذبتيها وايمت ؟؟
بيتنا مقابل المدرسة وكمان كنت بضل بتأخر
فأجانا مدير جديد وقفنا عالباب وبلش يبهدل
وشفت كل بنت بتقلو والله السيارة اخرتنا قام سألني ليش تأخرتي
قلتلو :كلها من السيارة استاذ ودخلت
كنت بكلوريا

4- هلق قلتيلي انك ما ترفعت .. برأيك السبب انت ولا الدكاترة ؟؟
والله انك اخرب من دكارتنا
والله الطرفين ظروفي كانت صعبة شوي
وكمان هني ولو بينزلولك كتب بالحجم العائلي وفي منون بلاضمير بالتصحيح

- كيفك بعد هالاسئلة ؟؟؟
والله ذكرتيني باشياء حلوة كتير مرت بحياتي
نورتي حياتي

كيفك.
مبسوطة بشوفتك

سؤالي انت بتعتبري حالك انسانة حرة؟
الحمد لله اي
بس كل شي بحدودو

نسيت السؤال الاهم...انت مع او ضد علم الفلك ولاي درجة بتعتقدي بصحتو
ضد لانو ((كذب المنجمون ولو صدقو))

بس فيكي تنكرو انو علم؟

بس فيكي تنكرو انو علم؟

لا طبعا

تحية للأخت الرائعة آية
ولكل شباب المتنتدى بعد غياب

الف الحمد لله على سلامتك يا غالي

وبنتمنالك كل الخير والتوفيق

نورت منتداك

اة اية عدنا ..
1- هلق انت بالمدرسة كنت شاطرة ولا ....؟؟ :suspect:
2- شو هي غلطة عمرك ؟؟
3- شو اكتر شي بتتمني انو يصير معك حاليا ؟؟
4- ممممم شو كان رايك فيني اول ما شفتنيني عالمنتدى ؟؟
الي عودة ..